YAKOBI1
Zimbote
1Meno Zaki, mundongo wu Nzambi na wu Mfumu Yesu-Klisto, ku makanda kumi na mole maa mamwangana mu nza. Mbote zeno!Ntontolo na mvibudulu
2Mpangi zani, bongileeno ntontolo zi mumpila-mumpila zikwe lutudilanga bonso dyambu di kyese,3mpe luzebi ti, kiminu kikwe tontongo, kikwe haananga mvibudulu.4Kansi yeno yifweti ba yilunga mu mimvimba, mwanki luba bantu balunga mpe bafwana, na balembolo ba na dyambu dimbi.5Tala ti wumosi ha kati dyeno lembolo ba na ndwenga, kalomba zo ku Nzambi, kamuhaana zo. Mu dyambu ti, Nzambi kwe haananga ku bantu bamvimba mu mutima wumbote, mpe ka mu masembo ko.6Kansi kafweti lomba mu kiminu, ka muba na maketiketi ko. Mu dyambu ti yondowo kwe banga na maketiketi, fwanakani na bipo bi mubu, mupepe kakwe nangunanga na kakwe ningisanga ndambu ka ndambu.7Muntu wu bobobo ka banzandi ko ti waatambula kima ku Mfumu,8mu dyambu ti mabanza mandi yeku-yeku madi mpe ka na kivuvu mu mi kana sa ko.Mvwama na mputu
9Bika mpangi yo yii mputu ka yangalala, mu dyambu ti Nzambi wumuzangudi,10mpe mvwama ka yangalala, Nzambi bu kamukuludi. Mu dyambu ti muntu wumvwama waazimbala bonso kifulu kimfuba.11Mwini bu waateka na mbangasi andi yingolo, waayumisa kititi, mboki kifulu kyaasotoka na kitoko kyandi kyaazimbala. Bwabobo mpe mvwama kaazimbidila na bisalu byandi.Kuvibidila ntontolo
12Kyese ku muntu wo kwe vibidilanga ntontolo, mu dyambu ti bu kameni vibidila zo, waatambula luzingu lu mimvu ka mumvu, lu siila Nzambi nsilulu ku yobobo bakwe mutyanga.13Ku nani muntu, bu kadi mutontolo, ka ta ti: «Nzambi wuna ntonta!» Mu dyambu ti mbi yilendi tonta Nzambi ko, mpe yandi bende katontanga muntu ko.14Kadi muntu kwe tontongo, mu dyambu di nzinunu zandi zikwe mu bendanga na zikwe mu natanga.15Mboki bu kameni landa nzinunu, zibutidi masumu, mpe masumu bu mayedidi, makwe natanga ku lufwa.16Mpangi zani zizola, luhunukandi ko:17Minkayulu mimvimba mi vudidi mimbote na mii milunga mikwe fumanga ku yulu, ku Tata, wu hidika bima bii ku yulu bikwe haananga kya. Yandi kakwe kitukanga ko, mpe ka bonso mposi yikwe hinganga bibuka ko.18Bonso bu luzolo lwandi, wutuhaana luzingu mu mambu mandi maa kedika, mwanki tuba bantete mu bima byandi bimvimba bi kahidika.Kuyuwa na kusadila mambu ma Nzambi
19Mpangi zani zi zola, zabeeno wo ti: Kadi muntu fweti ba na manzaki mu yuwa, kansi kalendi zonza munswalu ko, na kalendi baka mankesi munswalu ko,20mu dyambu ti mu mankesi, muntu kalendi hidika musamu wusungama ha meso ma Nzambi ko.21Ni hahoho, bikeno nsumukunu zimvimba, na misamu mimvimba mimbi mikwe fumanga mu mbalu. Mpe tambuleeno mu lembami Mambu ma kuna Nzambi mu mitima myeno, na ma lenda luvuukisa.22Sadilangeeno Mambu ma Nzambi, kansi ka mu me yuwanga kaka ko. Mu dyambu ti lulenda kihuna yeno bende mu mbanzulu zimbi.23Mu dyambu ti muntu kwe yuwanga Mambu ma Nzambi, mpe kwe lembolo me sadilanga, fwanakani bonso muntu wuna tala kini kyandi mu kitala-tala bonso bu kidi.24Bu kameni kitala, wele kwandi, mboki zimbakani bonso bu kadi.25Kansi muntu kwe toma fyongoninanga musiku wulunga, wukwe haananga kimpwanza, mpe tatamani mu sadila wo, ka zimbakana misamu mi kayudi ko, kansi wuna sadila myo, muntu bewowo waaba mu kyese mu kisalu kyandi.26Tala ti muntu wuna banzila ti yandi munsambidi wumbote kadi, kansi kazebi mu yaala ludimi lwandi ko, na wuna kihuna yandi bende, kinzambi kyandi kimpamba kidi.27Nsadulu yimbote yi dibundu yi vedila na yilembolo ba na busafu ha ntadisi yi Tata eto Nzambi, ni mu sadisa bisana na mafoola mu mpasi zawu, na mu lembolo sumuka mu misamu mi nza.Wycliffe Bible Translators, Inc.