EBELEO12
Kutatamana mu ntontolo
1Yeto mpe batuzungididi ku mpumbu yiyinene beyoyo yi zimbangi, tuloseeno bizitu bimvimba bina tukakidila mu dyata, sungula masumu mameni tulwata, tutatamaneeno mu nooka ntiinu zii ku mutwala eto.2Tusikikeeno meso meto mu Yesu, mu yandi kiminu kyeto kitonina mpe yandi kwe lungisanga kyo. Wutambula mu fwa ha kulunsi wulembolo yena nsoni, mu dyambu ti mu mayindu mandi wuyena kyese ki bamukubikila. Bwabu wuzakala kadi ha kooko ku lubakala lu kyandu ki kintinu ki Nzambi.3Bambukeeno moyo, bwedi kavibidila mpasi zi muyenisa minsumuki myedi mu belanga, mwanki lulembolo kota mu bunokina na mu lebakani.4Mu dyambu ti bu lukwe nwananga mvita mu bedisa masumu, lwanweni natee ku lufwa ko.5Luzimbakani kweno nsyamusunu yi luhaana Nzambi, bonso bu kakwe haaninanga yo ku baala bandi e?«Mwana ani, kuyinandi nsembolo zi Mfumu ko,Kulebakanandi bu kakwe kuhaananga masembo ko.6Mu dyambu ti Mfumu kwe sembanga yondowo wu katiidi, kwe sungikanga yondowo wu kazebi bonso mwana andi.»7Vibidileeno mpasi zina lusembila Nzambi: yandi kwe lubongilanga bonso baala bandi. Nganunu kuu na mwana wu bakwe lembolo sembanga ku tata andi e?8Tala ti balusembanga ko bonso bu bakwe sembanga baala bamvimba, buna luu nkatika baala ko, kansi baala bamakangu ludi.9Tubambukeeno moyo mu matata meto ma luse lu butoto: bedi tusembanga na twedi bavuminanga. Buna bwabobo mpe tufweti banga mu luyinunu ku Tata eto wuu ku yulu, mwanki tubaka luzingu.10Matata meto medi tusembanga mu mwa ntangu yifyoti, bonso bu bedi we yenanga wumbote. Kansi Nzambi kwe tusembanga mu dyambu di bumbote bweto, mwanki tuba bantu balongo bonso Yandi.11Mu ntangu yi bakwe tusembanga, tukwe yenanga kyese ko, kyadi kaka tukwe yenanga. Kansi kuntwala, masembo mbo mabuta mbutu zi kiyenge na lunungu ku yobobo batambudi mo.Malongi na ndwengosolo
12Kindiseeno bwabu moko meno malebakani, kindiseeno mpe makoto meno mana tekita.13Dyatileeno mu nzila zisungama, mwanki malu maa na byeta malembolo fisuka, kansi manyaka.14Soseeno kiyenge na bantu bamvimba na nkadulu yi bulongo. Kadi muntu walembolo ba na yo, kaayena Mfumu ko.15Kayeeno meso, mwanki nakani muntu, kalembolo hombisa mulemvo wu Nzambi. Kayeeno meso, nakani muntu kakitukandi mwanzi wundudi wuna mena, mpe wulendi ba kiyimbu kyabihisa bantu babingi.16Kayeeno meso, mwanki nakani muntu kasadilandi kindumba hoti kasafulandi bima bilongo ko, bonso Esawu wuyadika buhunda bwandi mu dyambu di bindya.17Mu dyambu waluzebi ti, ku manima, wusosa mu byadila fwa di lusakumunu, kansi kabaka dyo ko. Mpeleko wusosa dyo ku nsye bidilu mpe kabwesa baka dyaka hwahwa dihiika dye hidikila musamu bewowo ko.18Luyenda ba bela-bela na kima ki balendi simba ko, bonso mulandu wu Sinayi na tiya twandi tungolo, na mpimpa na tombe kyandi, na kitembo kyandi kikinene.19Kokoko luyuwa muningu wu kulumenta na ndinga yi zimpova, mpe yobobo bayuwa ndinga beyoyo, balomba ti babwesandi yuwa dyaka kani mpova yimosi.20Mu dyambu ti, bedi lenda ko mu vibidila ntumunu beyoyo yita ti: «Wonso waatula ha mulandu, kati kibulu, mu matadi baamuhondila!»21Dyambu bedyodyo di bayena, diba dinsisi, ni hahoho Mose kateela ti: «Kintekoto kii naani na bunkuta bubwingi nina yena !»22Kansi, yeno lwenzi ba bela-bela na mulandu wu Syoni mpe na mbanza yi Nzambi yimoyo, ni Yelusalemi yi mazulu, kuyonzamani mafunda na mafunda ma mbazi zi Nzambi, mu sa mukembo.23Yeno lwenzi ba bela-bela na bundu di baala bantete ba Nzambi, mpe nkumbu zawu zidi zisonama mu mazulu. Lwenzi ba mpe bela-bela na Nzambi, Mumfundisi wu bamvimba na zimpeve zi bantu balunungu zi balungisa.24Yeno lwenzi ba bela-bela na Yesu wudi muwawisi yi luwawanu lumoona na yi menga mandi matengoka, mpe mana zonza bubwingi kuhyoka dyaka menga ma Abeli. 25Kebeeno kweno! Lubisandi mu yuwila yondowo wuna luzonzila ko. Yobobo babisa mu yuwila yondowo wedi balwengisanga ha luse lu butoto, bavuuka mu nsembolo ko. Yeto mpe twaavuuka ko tala ti tutekidi manima yondowo wuna tuzonzila tuuka ku mazulu.26Mu ntama, ndinga andi yizakimisa butoto. Kansi bwabu wutusididi nsilulu eyi ti: «Nkumbu yimosi dyaka, naazakimisa kaka butoto ko, kansi na yulu mpe. »27Mpova bezozo «nkumbu yimosi dyaka», zina lonka ti bima bi bahidika byaazakama mpe byaazimbala, mwanki byo byaasaala ni bima bikwe lembolo zakamanga.28Tuvutuleeno matondo mu dyambu ti tutambudi kintinu kikwe lembolo ningananga. Tulonkeeno mvutudulu yi matondo bemomo, mu sadila Nzambi mu nsadulu yina muyangidika, mu kivumi na bunkuta.29Mu dyambu ti Nzambi eto, tiya tukwe nyengisanga kadi.Wycliffe Bible Translators, Inc.