1 PETELO3
Bakento na babakala bawu
1Bumosi mpe ku yeno bakento, lufweti tumimina balumi beeno. Mwanki tala ti balumi bahiika bana kwikila mu Mambu ma Nzambi ko, balendi kwikila mu dyambu di nkadulu yi bakento bawu, wulembolo zonza dyambu.2Mu dyambu ti yawu baayena bwedi nkadulu eno yidi yivedila na yikivumi.3Lusosandi mu kiyenikisa mu bima bikwe yenikanga mu meso bonso: kukangusu milengi, misanga miwola, hoti binkutu bintalu.4Kansi soseeno kitoko ki kati di mutima, kitoko kikwe lembolo bebanga, ni mpeve yi lembami na yi kizunu, mpe yii na mfunu yiyingi ha ntadisi yi Nzambi.5Ni bwabobo bubela mu ntama, kitoko ki bakento balongo bedi sanga kivuvu mu Nzambi. Yawu bedi tumiminanga balumi bawu,6bonso Sala wedi tumiminanga Abalahami na wedi mu mutumisinanga «mfumu ani.» Yeno lukitukidi baala bandi ba bakento tala ti luhidikidi misamu mimbote, wulembolo yena bunkuta bu kima.7Bumosi mpe ku yeno balumi, zingangeeno na bakazi beeno bumbote. Zabeeno ti baa na ngolo zizingi bonso yeno ko, mpe Bavuminangeeno, mu dyambu ti bafweti tambula ha kimosi neeno fwa di luzingu bonso munkayulu wu Nzambi. Sadileeno bobo, mwanki nakani kima kilembolo kakidila zinsambulu zeno.Kuyena mpasi na kuhidika misamu mi mbote
8Mu manisa, yeno bamvimba bangangeeno na mayindu mamosi, na yeninangeeno baneeno kyadi. Bangangeeno na zola ku kimpangi, na mitima mimbote mpe bantu bakuluka ha ntadisi yibahiika.9Luvutulangandi mbi mu mbi ko, hoti bituku mu bituku ko. Kansi, sakumunangeeno, mu dyambu ti Nzambi bu kalutumisa wulusila nsilulu mu tambula fwa di lusakumunu.10Mu dyambu wu wusonama ti:«Wonso tiidi luzingu naTiidi mu yena bilumbu bimbote,kafweti zaba mu keba ludimi lwandi mu lembolo ta misamu mambina bikoba byandi mu lembolo dukisa mpova zi luvunu.11Fweti tiina misamu mimbi,mpe kahidika misamu mimbote,katatamana mu sosa kiyenge mpe kakeba kyo .12Mu dyambu ti meso ma Mfumumakwe yenanga bantu balunungu,na makutu mandi makwe toma yuwanga lusambulu lwawu,kansi Mfumu kwe tekanga manima yobobo bakwe hidikanga misamu mimbi.»13Nani lendi lusa bubi tala ti yeno ludi na vema mu hidika misamu mimbote e?14Mpeleko mpasi luna yena mu dyambu ti luna hidika misamu mi lunungu, beeno mu kyese! Lubandi na bunkuta bu bahiika ko mpe mayindu meno mabandi yeku-yeku ko.15Kansi, mu mitima myeno, zitiseeno Klisto bonso Mfumu. Beeno ntangu zimvimba bakubama mu haana mvutu ku yobobo bamvimba balufula mu babangudila mfunu yi kivuvu kii mu yeno.16Kansi lufweti bwe sa mu lembami na mu kivumi. Beeno na mayindu mambote, mwanki yobobo bana zonzila bumbi mu dyambu di nkadulu eno yimbote mu Klisto, bayena nsoni mu matoola mawu.17Mu dyambu ti budi bumbote mu yena mpasi bu wuna hidika misamu mimbote, tala ti bwabobo budi luzolo lu Nzambi, kansi ka mu hidika misamu mimbi ko.18Kadi, Klisto yandi bende wuyena mpasi kimankululu, mu dyambu di masumu ma bantu, yandi wulunungu wuyena mpasi mu dyambu di bantu balembolo ba balunungu, mwanki kalunata ku Nzambi. Mu nsuni andi bamuhonda, kansi mu mpeve Nzambi wumuvutula wumoyo.19Mu lulendo lu Mpeve beyoyo, wuyenda samuna Musamu Wumbote ku mpeve ziba mu boloko,20zazozo zi lembolo tumimina Nzambi, bu kedi vibidilanga mu ntangu Nowa yi kedi tunga nzaza. Mwa bantu bafyuma kwandi, yawu naana bakota mu nzaza na bavuuka mu nyamba.21Nyamba beyoyo yiba kifwani ki mbotokolo kina luhaana bwabu mpulusu. Yiba mvedosolo yi nitu ko, kansi mu lomba ku Nzambi mu ba na mayindu mambote. Bwabobo luvukila, mu nzila yi mfulukulu yi Yesu-Klisto,22wuyenda ku yulu na wuzakala ha lubakala lu Nzambi, kokoko, zimbazi, mfumu zizinene na mfumu zii na mpeve zii na lulendo lu mazulu zii ku nsye lumutumu lwandi.Wycliffe Bible Translators, Inc.