1 PETELO2
Tadi dimoyo na mukangu wulongo
1Buna, looseeno misamu myeno mimvimba mimbi na madyela ma luvunu, diisu ku nsye lukaya, nzinunu na matoola.2Bonso baala bansombe, tomeeno banga na nsatu ye nwanga mabene malembolo vwatusu ma Mambu ma Nzambi, mwanki bu lwaanwanga mo, lukula mpe lubaka mpulusu,3tala ti, «lubimbidi ti Mfumu wumbote kadi.»4Finameeno ku Mfumu, yandi ni tadi dimoyo dinyafunu ku bantu, kansi ha meso ma Nzambi dii disoolo na dintalu didi.5Yeno mpe, bonso matadi mamoyo, biika balusadila mu tunga nzo yi kimpeve. Mbo luhidika kabu di zinganga-Nzambi zivwihu ku Nzambi, mbo lumuhaana minkayulu mi Mpeve myaamuyangidika mu nzila yi Yesu-Klisto.6Mu dyambu ti, basonika mu Masonama ti:«Tala, nsoodidi tadi di mfunumpe ntudidi dyo mu mbanza yi Syonibonso tadi divudidi mfunu,Wonso muntu waakwikila dyo, kaayena nsoni ko.»7Tadi bedyodyo nkatika mfunu didi ku yeno lukwe kwikilanga. Kansi ku yobobo bakwe lembolo kwikilanga,«Tadi dinyafuna bitungi bi nzo,dyeka tadi divudidi mfunu.»8Basonika mpe:«Tadi dikwe tesisanga masakubampe dikwe bwisanga.»Bantu bakwe di telanga makuba mu dyambu ti bakwe bisanga mu tumama mu Mambu ma Nzambi, mpe misamu myamyomyo babakubikila.9Kansi yeno, ludi kanda disoolo, zinganga-Nzambi zi ntinu, nsi yilongo, mpe mukangu wuvwihu ku Nzambi. Wulubookila mu katuka mu kitombe mu kwiza ku kya kwandi kungitukulu, mwanki lusamuna mavanga mandi mambote.10Mu ntama yeno luba mukangu wu Nzambi ko, Kansi bwabu lweka mukangu andi. Mu ntama Nzambi kalufwila nkenda ko, kansi bwabu wulufwididi nkenda.Kuzinga bonso kisadi ki Nzambi
11Mpangi zani zizola, nina lubombidila mu ba bonso mimpyoka nzila na bantu banzenza ha luse lu butoto bebubu. Bikeeno nsatu zeno zi kinsuni zikwe nwanisanga mwela.12Beeno na nkadulu yimbote ha kati di bantu balembolo zaba Nzambi, mwanki, kati bana zonza misamu mi mbi mu yeno bonso bantu bakwe hidikanga misamu mimbi, bu baayena mbelo eno yimbote, yawu baakembisa Nzambi kilumbu ki kaakwiza.13Beeno batumama ku zimfumu zimvimba, mu dyambu di Mfumu: Tumameeno ku ntinu mu dyambu ti wuna yaala bantu bamvimba,14na ku minyadi mi bizunga mi tambuku mu semba bimpumbulu mpe mu siika bantu bakwe hidikanga misamu mimbote.15Kadi, luzolo lu Nzambi ludi ti yeno luhidika misamu mimbote, mwanki lukanga minwa mi bantu balembolo ba na madyela na mpisulu.16Dyatileeno bonso bantu baa na kimpwanza, kansi kimpwanza bekyokyo kikitukandi bonso mulele wuna fuka mambi meno. Kansi beeno bonso bisadi bi Nzambi.17Zitiseeno bantu bamvimba, zoleeno zimpangi zeno zi kiminu, vumineeno Nzambi, mpe zitiseeno ntinu.Kifwani ki zimpasi zi Yesu
18Yeno bisadi, bangeeno batumama ku zimfumu zeno na kivumi kimvimba. Lutumamanangandi kaka zimfumu zii na lembami na mutima wumbote ko, kansi na zozozo mpe zii na mutima wumbalu.19Mu dyambu di kutumama mu Nzambi, bumbote budi mu vibidila mpasi zi bana luyenisa zi lulembolo zabila dyambu.20Kadi, nkye ndandu mu vibidila bikoti tala ti musamu wumbi luhidikidi e? Kansi tala ti luna vibidila mpasi mu musamu wumbote wu luhidikidi, zabeeno ti ha meso ma Nzambi musamu wumbote wudi.21Musamu wawowo Nzambi kalutumisina, mu dyambu ti Klisto wuyena mpasi mu dyambu dyeno. Ni hahoho, yandi kalusisila kifwani, mwanki lulanda ntambi zandi.22Yandi kahola masumu ko, mpe nakani musamu wu luvunu wuduuka mu munwa andi ko.23Bu bamutuka, kavutula kani kituku ko. Bu bamuyenisa mpasi, kakana kani muntu ko, kansi wukiyekola ku Nzambi wukwe fundisanga mu lunungu.24Wunata mu nitu andi masumu meto ha kulunsi, mwanki bu twaafwa mu dyambu di masumu, tuzinga mu lunungu bonso budi luzolo lwandi. Kadi mu zimputa zandi lubakila lunyakusu.25Mu dyambu ti luba bonso mameme ma zimbala, kansi bwabu luvutukidi ku yondowo wudi mumvungi na wukwe kebanga myela myeto.Wycliffe Bible Translators, Inc.