1 PETELO4
Kusisa luzingu luntama
1Klisto bu kayena mpasi mu nitu andi, yeno mpe beeno bakubama mu yena mpasi bonso yandi: yondowo yeni mpasi mu nitu andi kalendi bwesa hola masumu ko.2Tuka ntangu beyiyi, mu bilumbu bisidi neeno ha luse lu butoto, lufweti zinga bonso budi luzolo lu Nzambi, kansi ka bonso nsatu zi nitu zeno ko.3Mu dyambu ti luhyokisi ntangu yiyingi mu hidika luzolo lu yobobo balembolo zaba Nzambi. Luzingidi mu kindumba, nsatu zimbi zi nitu, kukolo malamu, kindyafu, kinduvu na kusambila biteki ni dyambu dihyokidi bubi.4Kadi bwabu, yobobo balembolo zaba Nzambi bana yituku, mu dyambu ti luna bwesa ba kintwadi nawu ko mu nkadulu zimbi zi hyokidi kitezo. Ni hahoho yawu bakwe lutukilanga.5Kansi yawu mbo bavutula mvutu kuu Nzambi mu mavanga mawu, Nzambi wudi wukubama mu fundisa bantu bamoyo na bafwa.6Ni bwabobo Musamu Wumbote wusamunu mpe ku bantu bafwa, mwanki, ku manima mamfundusulu awu bonso bantu bamvimba bakwe zinganga ha luse lu butoto, bazinga bonso Nzambi mu kimpeve.Bisadi bimbote bi minkayulu mi Nzambi
7Nsukunu yi misamu mimvimba yeka lukufi. Ni hahoho, beeno na ndwenga na lukiyaala, mwanki lukiyekola mu lusambulu.8Dyambu dintete, zolasaneeno yeno na yeno, mu dyambu ti zola kukwe fukanga masumu mamingi.9Bwanangeeno zimpangi zeno wulembolo mvungutulu.10Biika kadi muntu kasadila munkayulu wukatambudi mu sadisa banandi. Beeno bisadi bimbote bina sadila minkayulu mi mumpila mu mpila mi Nzambi.11Tala ti muntu wuna zonza, bika kasamuna Mambu ma Nzambi, tala ti muntu wuna sadisa banandi, bika kasadisa mu ngolo zina muhaana Nzambi, mwanki mu mimvimba Nzambi kakemboso mu Yesu-Klisto. Nkembo na lulendo bivwihulu ku yandi mu mimvu ka mimvu. Ameni!Mpasi zi munsambidi
12Mpangi zani zizola, luyitukwandi ko mu ba ha kati di tiya tu mfyetokoso, bonso ti musamu wunzenza wulutudidi.13Kansi yangalaleeno bu ludi kintwadi na mpasi zi yena Klisto, mwanki nkembo andi bu waayenika, lufuluka mu kyese.14Beeno mu kyese, tala ti balutukidi mu dyambu di nkumbu yi Klisto, mu dyambu ti Mpeve yi Nzambi yii na nkembo yidi mu yeno.15Ka muntu ko ha kati dyeno kayena mpasi bonso mumpondi hoti mwivi, hoti muntu wukwe hidikanga misamu mimbi hoti bonso muntu wukwe kwe kotingi mu misamu mingana.16Kansi tala ti muntu wuna yena mpasi mu dyambu ti mu-Klisto kadi, kayenandi nsoni ko, kadi kakembila Nzambi mu musamu bewowo.17Mu dyambu ti ntangu yatona mfundusu yifweni, ku kanda di Nzambi yina tonina. Tala ti ku yeto yina tonina, bwedi bwabu nsukunu yaabela ku yobobo bakwe lembolo kwikilanga mu Musamu Wumbote wu Nzambi e?18Bonso buna ta Masonama:«Tala ti muntu wulunungu mu mpasi kana bakila mpulusu,Buna bwedi bwaabeela muntu wumbalu na munsumuki e ?»19Ni hahoho, yobobo bana yena mpasi bonso buu luzolo lu Nzambi, bika bakiyekola yawu bende mu moko ma Kihidiki kikwikama, mpe batatamana mu hidika misamu mimbote.Wycliffe Bible Translators, Inc.