1 YOANE2
Klisto wuyiza mu tusadisa
1Baala bani, nina lusonikina misamu bemimi, mwanki lulembolo hola masumu. Kansi tala ti muntu hodidi masumu, tuu na nzonzi kuu Tata, ni Yesu-Klisto, muntu wulunungu.2Yandi bende wukihaana bonso munkayulu, mwanki tutambula mulemvo wu masumu meto, na ka mameto kaka ko, kansi na ma nza yimvimba.3Tala ti tuna keba ntumunu zandi, buna lonka ti tuzebi Klisto.4Yondowo wuna ta ti: «Meno yandi nazeebi», kansi kakwe kebanga ntumunu zandi ko, yandi muntu wu luvunu kadi, kikedika kii mu yandi ko.5Kansi wonso muntu wukwe kebanga Mambu mandi, zola ku Nzambi nkatika kulunga kudi mu yandi: Bwabobo tukwe zabilanga ti mu yandi tudi.6Yondowo wuna ta ti wukangama kadi mu Klisto, fweti dyata bonso budyatila Yesu yandi bende.Musiku wumoona
7Mpangi zani zizola, nina lusonikina ntumunu yimoona ko, kadi yintama yidi, yoyoyo yilutambula tuuka ku mbadukulu. Ntumunu yintama beyoyo ni Mambu ma luyuwa.8Kansi, yii kwandi ntumunu yimoona nina lusonikina. Makedika ma ntumunu beyoyo yimoona mana yenika mu Klisto na mu yeno mpe, mu dyambu ti kitombe kina wanguka na kya ku makedika kuna lezima bwabu.9Muntu wo wukwe tanga ti: mu kya kadi, kansi kwe belanga mpangi andi, yandi wakidi mu kitombe.10Kansi yondowo kwe tyanga mpangi andi, kwe sikilanga mu kya, mpe kunaani kima mu yandi kilendi mubwisa mu masumu.11Kansi yondowo kwe belanga mpangi andi, wuu mu kitombe, kwe dyatanga mu kitombe, na kakwe zabanga ko ku kana kwendisa, mu dyambu ti kitombe kimukitudi mpofo.12Baala bani, nina lusonikina ti, masumu meno malemvokolo madi mu dyambu di nkumbu yi Klisto.13Batata, nina lusonikina mu dyambu ti, luzebi yondowo wudi tuuka ku mbadukulu. Zintwenya nina lusonikina, mu dyambu ti lubedisi Munga Mbi.14Baala bani nina lusonikina bu luzebi Tata. Yeno bakuluntu nina lusonikina mu dyambu ti luzebi yondowo wudi tuuka ku mbadukulu. Yeno matoko, nina lusonikina mu dyambu ti luu na ngolo, mpe Mambu ma Nzambi mana sikila mu yeno, mpe mu dyambu ti lubedisa Munga Mbi.15Ka lutyandi nza na bima bii mu nza ko. Tala ti muntu tiidi nza, luzolo lu Tata luu mu yandi ko.16Mu dyambu ti bima bimvimba bii mu nza, nsatu zimbi zi kimuntu na nsatu ze baka bi tukwe yenanga, mpe mayama mu dyambu di bimvwama. Bikwe fumanga ku Tata ko, kansi mu nza.17Nza yina hyoka na nzinunu zandi mpe, kansi yondowo kwe sadilanga luzolo lu Nzambi, kwe zinganga mimvu ka mimvu.Mutantu wu Klisto
18Baala bani, yi ni ntangu yi nsukunu. Luyudi ti Mutantu wu Klisto waakwiza, kansi mitantu mi Klisto mimingi midi bwabu ha kati dyeto, tuzebi bwabu ti yi ni ntangu yi nsukunu.19Ni bantu bebobo bafuma ha kati dyeto, kansi baba bantu beto ko. Tala ti baba bantu beto, nganunu bakii neto kintwadi. Kansi bantu bebobo bakatuka mwanki tuzaba ti baa bantu beto ko.20Yeno lutambula Mpeve Yilongo yi luhaana Klisto, mpe yeno bamvimba waluzebi.21Tala ti nalusonikini, ka mu dyambu ti luzebi kikedika ko, kansi mu dyambu ti kyaluzebi mpe nakani musamu wuluvunu wulendi fuma mu kikedika ko.22Nani wudi bwabu muntu wuluvunu e? Ni yondowo kwe tanga ti Yesu kaa Klisto ko. Yondowo mutantu wu Klisto kadi: kwe bisanga ha kimosi Tata na Mwana.23Wonso muntu kwe bisanga Mwana, bisidi mpe Tata, wonso muntu tambudi Mwana, tambudi mpe Tata.24Ni hahoho, yeno mpe misamu mi luyuwa tuuka ku mbadukulu, kebeeno myo bumbote. Tala ti luna keba misamu mi luyuwa tuuka ku mbadukulu, mbo luba yeno mpe bakangama mu kintwadi na Tata na Mwana.25Nsilulu yi tuhaana Klisto: ni luzingu lu mimvu ka mimvu.26Nalusonikini mu dyambu di yobobo bakwe sosanga mu luzimbisa.27Mu yeno, Mpeve yi lutambula ku Klisto, yina sikila mu yeno, mpe lusidi dyaka na nsatu balulonga ko. Mu dyambu ti, Mpeve yina lulonga mimvimba: yina ta kikedika mpe yina huna ko. Ni hahoho, sadileeno misamu mi kalulonga: sikileeno mu kintwadi na Klisto!28Baala bani, sikileeno bwabu mu kintwadi na Klisto, mwanki tutoma ba na kivuvu bu kaayenika, mpe tulembolo fwa nsoni ha ntadisi andi kilumbu ki kaakwiza.29Tala ti luzebi ti wulunungu kadi, buna bakuleeno mpe ti wonso muntu kwe sadilanga lunungu wubutuka mu yandi.Wycliffe Bible Translators, Inc.