1 YOANE1
Mpova yikwe haananga luzingu
1Tuna lusamunina misamu mi tadidi Mpova yiba tuka mbadukulu, yikwe haananga luzingu. Ya tuyuwa, ya tuyena mu meso meto, mpe ya tusimba mu moko meto.2Luzingu belolo lukiyenikisa, na yeto tuyena lo. Yeto tudi zimbangi, na tuna lusamunina luzingu lu mimvu ka mimvu, lufuma ku Tata, mpe luyenikini ku yeto.3Mambu ma tuyuwa na ma tuyena, mama mpe tuna lusamunina, mwanki luba bakangama neto mu kintwadi ki tudi na Tata, mpe na Mwana andi Yesu-Klisto.4Na tuna lusonikina mo mwanki kyese kyeto kiba kilunga!Nzambi kya kadi
5Tala Mambu ma tuyuwa ku Yesu-Klisto na ma tuna lusamunina: Nzambi kya kadi, mpe kitombe kii mu yandi ko.6Tala ti tuna ta ti mu kintwadi tudi nandi, na tuna dyata mu kitombe, tuna huna, mpe tuna sadila kikedika ko.7Kansi, tala ti tuna dyata mu kya bonso yandi bende Nzambi kadi mu kya, buna tudi bakangama yeto na yeto mu kintwadi, mpe menga ma Yesu Mwana andi, mana tuvedisa mu masumu meto mamvimba.8Talati tuteedi ti tuu na masumu ko, tuna kihuna yeto bende, na kikedika kii mu kati dyeto ko.9Kansi, tala ti tutambudidi masumu meto, yandi wukwikama na wulunungu kadi mu tulemvokila, mpe mu tuvedisa mu mambi mamvimba.10Tala ti tuna ta ti: Tuu na masumu ko, tuna bika Nzambi muntu wu luvunu, mpe Mambu mandi maa mu yeto ko.Wycliffe Bible Translators, Inc.