1 YOANE3
Baala ba Nzambi
1Taleeno bwedi Tata katoma tutila mwanki batutumisina baala ba Nzambi, mpe bwabobo tudi! Ti nza yituzebi ko, mu dyambu ti yizaba Nzambi ko.2Mpangi zani zizola, tweka bwabu baala ba Nzambi, mpe bu twaaba kilumbu kina kwiza, bwazabakani ko. Tuzebi ti, mu ntangu Klisto yi kaayenika, twaafwanakana nandi, mu dyambu ti, twaamuyena bonso bu kadi.3Wonso muntu wuu na kivuvu kibobobo mu yandi, wuna kivedisa bonso yandi bende bu kadi wuvedila.4Yobobo bamvimba bakwe holanga masumu, bakwe tingunanga Misiku, mu dyambu ti masumu ni kutinguna Misiku.5Luzebi ti Yesu-Klisto wuyenika mu katula masumu, mpe mu yandi, muu kani disumu dimosi ko.6Yobobo bakwe sikilanga mu yandi, bakwe holanga masumu ko, tala ti muntu hodidi masumu, buna kamuyena ko mpe kamuzaba ko.7Baala bani, nakani muntu kaluzimbisandi ko! Yondowo kwe sadilanga lunungu, wulunungu kadi bonso Klisto yandi bende kadi wulunungu.8Yondowo kwe holanga masumu vwihulu ku nkadyampemba, mu dyambu ti nkadyampemba wuhola masumu tuuka ku mbadukulu. Kansi, Mwana Nzambi wuyenika mu mwangisa bisalu bi nkadyampemba.9Wonso muntu wubutu ku Nzambi, ka holanga masumu ko, mu dyambu ti lulendo lu luzingu lu Nzambi luu mu yandi, mpe kalendi tatamana mu holanga masumu ko mu dyambu ti wubutu ku Nzambi.10Bwabobo bakwe zabilanga baala ba Nzambi na baala ba nkadyampemba: wonso kwe lembolo sadilanga lunungu, kadi mu Nzambi ko, bumosi mpe ku yondowo kwe lembolo tyanga mpangi andi.Luzolo lu kimpangi
11Musamu wu balusamunina tuuka ku mbadukulu ewu: tuzolasaneeno yeto na yeto.12Tusandi bonso Kayini wuba muntu wuvwihu ku Munga Mbi. Wuhonda mpangi andi. Mu dyambu di nki kamuhondila e? Mu dyambu ti nsadulu zandi ziba zimbi, kansi zi mpangi andi ziba zimbote.13Zimpangi, luyitukwandi ko tala ti nza yina lubela.14Yeto tuzebi ti tubedi bafwa mpe tweka bamoyo, mu dyambu ti tutidi zimpangi zeto. Yondowo kwe lembolo tyanga, wuna sikila mu lufwa.15Wonso muntu kwe belanga mpangi andi, mumpondi kadi. Mpe luzebi ti nakani mumpondi wumosi kaa na luzingu lu mimvu ka mimvu mu yandi ko.16Taleeno bwedi tuzabila luzolo: Klisto wuhaana luzingu lwandi mu dyambu dyeto. Yeto mpe, tufweti haana luzingu lweto mu dyambu di zimpangi zeto.17Tala ti muntu wuu na mvwilu yi nza beyiyi, wuna yena mpangi andi wuu mu nsatu, mboki kengi mutima andi, bwedi zola ku Nzambi kulendi sikila mu yandi e?18Baala bani, tutyandi kwandi mu mpova na mu nzonzolo zimbote ko, kansi mu mavanga na mu kikedika.Kivuvu ha ntadisi yi Nzambi
19Bwabobo twaazabila ti mu kikedika tudi mpe mutima eto waabeela na kivuvu ha ntadisi yi Nzambi.20Tala ti mutima eto wuna tufunda, tuzebi ti Nzambi vudidi bunene na mutima eto, mpe zebi mimvimba.21Mpangi zani zizola, tala ti mutima eto wuna tufunda ko, buna tuu na kivuvu ha ntadisi andi.22Kima ni kima ki tukwe mu lombanga, kya tukwe tambulanga ku yandi, mu dyambu ti tukwe kebanga Misiku myandi mpe tukwe sadilanga myo mikwe mu yangidikanga.23Taleeno ntumunu yi katuhaana: tufweti kwikila mu nkumbu yi Mwana andi Yesu-Klisto mpe tuzolasaneeno yeto na yeto, bonso bu katutumina.24Muntu kwe kebanga ntumunu andi kwe sikilanga mu Nzambi na Nzambi mu yandi, mpe mu Mpeve yi katuhaana tukwe zabilanga ti wuna sikila mu yeto.Wycliffe Bible Translators, Inc.