1 KOLINTO16
Nyonzokolo yi minkayulu
1Mu myomyo mitadidi nyonzokolo yi minkayulu mu dyambu di bantu bavwihulu ku Nzambi, seeno bonso buna tuma bo ku Mabundu ma ku kizunga yi Ngalatiya.2Mu kilumbu kilumingu, kadi muntu ha kati dyeno, katuulanga ha lweka mu nzo andi, byo bi kaalenda mu baka, bonso buu lubaku lwandi, mwanki lulembolo kingila natee bu naakwiza mu yonzika byo.3Bu naakwiza, mbo natambika ku mbanza Yelusalemi bantu balusoodidi mu nata minkayulu, mpe mbo nabahaana mikanda.4Tala ti bufweni ti meno mpe nenda, buna ha kimosi twaazyeta nawu.Makani ma Pawuli
5Bu naahyokila mu kizunga ki Masedwani, naakwiza kuu yeno, mu dyambu ti koko naahyokila.6Bulenda ba ti naaba mwa bilumbu neeno koko, mpe ndendi hyokisila nsungi yi kyozi kingolo koko, lwaansadisa mu tatamana nzyetolo ani konso-konso ku nina kwenda.7Ntiidi ko naluyena kwandi bu nina hyoka, kansi nsiidi kivuvu ti, naazakala neeno mwa ntangu yifwana, tala ti Mfumu haanini wo luve.8Kansi naazakala ku mbanza yi Efeso natee mu mukembo wu Pentekoti,9mu dyambu ti mwelo wuwunene banzibudidi koko mu sala kisalu kimbote, mpeleko mitantu mimingi mii koko.10Tala ti Timote wizidi, seeno myo mifwanakani mwanki kalembolo ba na bunkuta ha kati dyeno, mu dyambu ti kisalu ki Mfumu kakwe salanga bonso meno.11Nakani muntu ka muvwezandi ko! Musadiseeno mwanki katatamana nzyetolo andi ye kwiza ku meno mu kiyenge, mu dyambu ti meno nina mu kingila ha kimosi na zimpangi mu kiminu.12Mu dyambu di mpangi eto Apolose, natomini musyamisa bubwingi mwanki kiza kalubumina ha kimosi na zimpangi zihiika, kansi bwabu kaa na makani mu sadila bo ko. Bu kaabaka hwakisa, mbo kenda koko.Ntumunu zimanunu
13Kayeeno meso, kangameeno nakekete mu kiminu, beeno na kibakala, syameeno.14Mimvimba mi luna sa hidikeeno myo mu luzolo.15Zimpangi, eyi ni ntumunu yihiika yi nina luhaana: luzebi ti bantu ba nzo yi Sitefanasi, ni mimbutu mintete mu kizunga ki Akayi na batoma kukihaana mu sadisa bantu bavwihulu ku Nzambi.16Tumamangeeno ku bantu ba bobobo na yobobo bamvimba bakwe salanga, mpe bakwe yenanga mpasi ha kimosi nawu.17Nina yangalala mu yena Sitefanasi, na Fotunatuse na Akayikuse, mu dyambu ti yawu bahingani ha kibuka kyeno ku meeno.18Mu dyambu ti balembikidi mutima ani na wuweno. Bantu ba bobo zabeeno mu bazangisa.19Mabundu ma kizunga ki Aziya malutambikidi mbote. Akilase na Pilisile na dibundu dikwe yonzamanga mu nzo awu, balutambikidi mbote zizingi mu Mfumu.20Mpangi zimvimba zilutambikidi mbote. Haanasaneeno yeno na yeno mbote ye bumbasana mu kimpangi.21Meno Pawuli, nina sonika mbote bezizi mu kooko kwani.22Tala ti muntu katiidi Mfumu ko, bika kaba wusingu! Malanata! Mfumu, yiza!23Bika Mfumu Yesu ka lusakumuna!24Yeno bamvimba nalutiidi mu Yesu-Klisto.Wycliffe Bible Translators, Inc.