1 KOLINTO15
Mfulukulu mu bafwa yi Klisto
1Zimpangi, nina lubambula moyo ti, Musamu Wumbote wu nalusamunina, wu lutambula, na wu ludi bakangama nakekete.2Ni mu Musamu bewowo luna bakila mpulusu tala ti lukebidi wo bonso bu nalusamunina wo, ti kabobo ko, kiminu kyeno ki keti ba kimpamba.3Natekidi luhaana ndongosolo yi natambudi meno bende: Klisto wufwa mu dyambu di masumu meto, bonso bu basonika wo mu Masonama.4Bamuzika, kilumbu kitatu, wufuluka mu bafwa, bonso bu basonika wo mu Masonama.5Wuyenikina Sefase, mboki ku zintumwa kumi na zole.6Mboki, mu kilokola kimosi, wuyenika ku zimpangi ziba lutangu kuhyoka nkama tanu (500): babingi ha kati dyawu bakidi bamoyo, mpe mwa ndambu yifwa.7Mboki, wuyenika ku Zaki, na ku zintumwa zimvimba.8Ku manima me yenikina bantu bamvimba, wunyenikina mpe, meno nidi bonso mwana wubutuka wulembolo lunga zingonda.9Mu dyambu ti, meno mvudidi bufyoti mu zintumwa, mpe nafwanani ko ti bantumisina ntumwa, mu dyambu ti meno nafyetikisa Dibundu di Nzambi.10Kansi mu mulemvo wu Nzambi, nidi bonso bu nidi, mpe mulemvo andi mu meno wuba wumpamba ko. Kansi, mu yawu bamvimba ni meno navula sala, ka meno ko, kansi ni mulemvo wu Nzambi wuu naani.11Ni hahoho, ni diba ti meno hoti yawu, Musamu Wumbote wu tuna samuna, wawowo wu lukwikidi.Mfulukulu yi bafwa
12Tala ti tuna samuna ti Klisto wufuluka mu bafwa, bwedi bahiika mu yeno balendi teela ti kuu mfulukulu yi bafwa ko e?13Tala ti mfulukulu yi bafwa yidi ko, buna Klisto mpe kafuluka mu bafwa ko,14mpe tala ti Klisto kafuluka mu bafwa ko, buna ndongosolo eto yimpamba yidi, mpe kiminu kyeto kimpamba kidi.15Mpe yeto tuna yenika bonso zimbangi ziluvunu ha ntadisi yi Nzambi, mu dyambu ti tuta kimbangi kiluvunu mu Nzambi ti wufulukisa Klisto mu bafwa. Tala ti bafwa bakwe fulukanga ko, buna Nzambi kafulukisa mpe Klisto ko.16Tala ti bafwa bakwe fulukanga ko, buna Klisto mpe kafuluka mu bafwa ko.17Mpe tala ti Klisto kafuluka mu bafwa ko, kiminu kyeno kimpamba kidi, lwakidi mu masumu meno,18mpe bantu bebobo bafwa mu Klisto, bazimbala badi.19Tala ti tutudidi kivuvu kyeto mu Klisto mu luzingu belulu kwandi, buna yeto tuhyokidi bantu bamvimba mu kyadi.20Kansi wukedika ti, Klisto wufuluka mu bafwa, yandi ni wuntete wufuluka mu bantu bafwa.21Bonso lufwa bu luyizila mu muntu wumosi, bwabobo mpe mfulukulu mu bafwa yiyizila mu muntu wumosi.22Mpe bonso bantu bamvimba bakwe fwanga mu Adami, ni bwabobo mpe bantu bamvimba baatambula luzingu mu Klisto,23kansi kadi muntu na ntangu andi: Klisto wuntete, mboki yobobo bavwihulu ku Klisto baafuluka mu bafwa mu ntangu yi kaavutuka.24Mboki ni nsukunu yaakwiza, Klisto bu kaafukisa luyaalu lumvimba, kimfumu kimvimba na lulendo lumvimba, mbo kavutula kimfumu ku yondowo wuu Nzambi na Tata.25Mu dyambu ti, Klisto fweti yaala natee Nzambi bu katuula mitantu myandi mimvimba ku nsye bitambi byandi.26Mutantu wu mansukina wu kaafukisa, ni lufwa.27Mu dyambu ti wusonama: «Nzambi wutuula mimvimba ku nsye bitambi byandi.» Kansi Nzambi kaa mu kati di «Bima bimvimba» ko, yandi wutuula bimvimba ku nsye bitambi byandi.28Bimvimba bu byaaba ku nsye bitambi bi Klisto, buna yandi bende, Mwana, waaba ku nsye luyaalu lu Nzambi wutuula bimvimba ku nsye bitambi byandi, mwanki Nzambi kaba mimvimba mu bamvimba.29Nki bakwe sosanga mu baka, bantu bakwe botokongo mu dyambu di bafwa e? Tala ti bafwa bakwe fulukanga ko, bila nki bakwe botokolongo mu dyambu dyawu e?30Bila nki, yeto bende, tukwe bwaninanga nsisi zi lufwa ntangu zimvimba e?31Zimpangi, bilumbu bimvimba, nakwe vuukanga mu lufwa. Nina luteela wo mu dyambu ti, nakwe kisiikisanga mu yeno bu ludi bakangama nakekete mu Mfumu eto Yesu-Klisto.32Tala ti ni mu misamu mi kimuntu kwandi nanwanina mvita na bibulu binsisi ku mbanza Efeso, nkye ndandu nina baka e? Tala ti bafwa bakwe fulukanga ko, buna, «bika tudyeeno, na tunweeno, mu dyambu ti mbazi twaafwa!»33Ka luhunukandi ko: «bakundi bambi bakwe bihisanga nkadulu zimbote.»34Vutukileeno mabanza meno mambote bonso bufwanakani na luholandi masumu ko. Bahiika ha kati dyeno bazebi Nzambi ko, nina teela bobo mu lufwisa nsoni.Nitu zi bantu bafuluka mu bafwa
35Kansi, ti muntu wuna ta: bwedi bafwa bakwe fulukilanga e? Na mu nkye nitu bakwe vutukilanga e?36Muntu wu kizengi wudi! Bikwe kunanga bifweti teka fwa tekila bimena.37Kima ki wuna kuna, mbutu yinaani kwandi yidi, yilendi ba mbutu yi bele hoti yihiika, kansi ka muti wabende ko waamena.38Mboki Nzambi waamuhaana nitu ku muti bonso bu katidi, mpe ku kadi mbutu waahaana nitu yimufwanakani.39Bima bimvimba bimoyo bii na nitu yimosi ko: nitu zi bantu ziswaswana zidi na zi bibulu, nitu zi zinuni ziswaswana zidi na zi zimbizi.40Kudi mpe na nitu zi mazulu na nitu zi ha butoto, kansi, kulezima ku nitu zi ku mazulu kuswaswana kudi na kulezima ku nitu zi ha butoto.41Ntangu wuu na kulezima kwandi, ngonda mpe wuu na kulezima kwandi, zimbwetete mpe zii na kulezima kwawu. Mpe ha kati di zimbwetete, kulezima ku lubwetete lumosi kuswaswana kudi na lubwetete luhiika.42Bumosi mpe mu musamu wu mfulukulu yi bafwa. Nitu bu yikwe ziikungu, yikwe bolanga yikwe banga, kansi bu yaafuluka, yaaba nitu yikwe lembolo bolanga.43Yikwe ziikungu yi lembolo ba mfunu na yilebakana, bu yaafuluka yaaba nitu yinkembo na yikinda.44Yikwe ziikungu nitu yi kimuntu, kansi bu yaafuluka, yaaba nitu yi kimpeve. Kuu na nitu yi kimuntu, mpe kuu na nitu yi kimpeve.45Ni hahoho, wusonama ti: «Muntu wuntete, Adami, wuyiza ba muntu wumoyo», kansi Adami di mansukina wuba wufuluka mu Mpeve yikwe haananga luzingu.46Ka nitu yi kimpeve ko yikwe tekilanga, kansi ni yi kimuntu, ha manima ni nitu yi kimpeve.47Muntu wuntete wufuma mu butoto, wuhiduku mu fundu-fundu, muntu wunzole, wufuma ku mazulu.48Bonso buu muntu wu kinza, bwabobo mpe bwaaba bantu ba kinza. Mpe bonso buu muntu wu mazulu, bwabobo mpe bwaaba bantu ba mazulu.49Bumosi mpe bu tuhiduku mu kifwani ki muntu wuhidiku mu fundu-fundu, twaalwatila mpe kifwani ki muntu wufuma ku mazulu.50Zimpangi, ebu ntiidi mu ta: nsuni na menga bilendi byadila kimfumu ki Nzambi ko, bima bikwe bolanga bilendi byadila fwa di bima bikwe lembolo bolanga ko.51Taleeno, nina luteela mansweki: yeto bamvimba twaafwa ko, kansi yeto bamvimba baatukitula52mu mwa ntangu, mu mbwetolo yi meso mu muningu wu kulumenta dimanunu. Mu dyambu ti, kulumeta bu dyaatendana, buna bafwa baafuluka mulembolo fwa dyaka, mpe yeto baatukitula.53Mu dyambu ti, nitu beyiyi yikwe bolanga, yifweti lwata nitu yikwe lembolo bolanga, mpe nitu beyiyi yikwe fwanga, yifweti lwata nitu yikwe lembolo fwanga.54Nitu beyoyo yikwe bolanga, bu yaalwata nitu yikwe lembolo bolanga, mpe nitu beyoyo yikwe fwanga, bu yaalwata nitu yikwe lembolo fwanga, buna Mambu bemomo masonama maalunga: «Lufwa lwaababedisi, mpe nungunu yilungidi!55Ngeye lufwa, nungunu aku kwedi yidi e?Ngeye lufwa, kiba kii na lulendo lwe honda, kwedi kidi e?»56Kiba kikwe natanga ku lufwa ni masumu, mpe kima kikwe haananga lulendo ku masumu, ni misiku.57Kansi, tuvutudileeno Nzambi matondo, yandi kwe tuhananga nungunu mu nzila yi Mfumu eto Yesu-Klisto!58Mpangi zani zizola, beeno bakangama nakekete, wulembolo ningusu. Tomeeno sala bumbote mu kisalu ki Mfumu, zabeeno ti, kisalu kyeno mu Mfumu kii kimpamba.Wycliffe Bible Translators, Inc.