NEHEMIAH1
Nehemiah Sawsangnaw
1Hakaliah ccapaw Nehemiah bya. Kum kuinnaw kum, Khislev sawpaw lya Susa khuapi kya ka um lyakhe,2ka unopaw Hanani tuh Judah ram e ccungccaw abang ryte oun thua hae; te kae nynh seetangnaw kyate a lue hae paw a hiin ung hae paw Judah hae kong te Jerusalem kong kha ka khia hae.3Minmin nynh, “Seetangnaw kyate lue hae zah tuin ram kya a hiin ung hae paw tuh myarya ccihpaw vawsawnaw te maethyanaw kha a teing hae; Jerusalem khualungrua tuh ting zah a koikua hae tuh maee nynh marya a ro,” cite a hopya hae.4E bya hae he ka thae te, ka haung zah rawkhuite nin patae ka um zah looh-aesungte vaawlang Pachia kalan saw ka sang.5“Pou Bawipaw , vaawlang Pachia, nang ae sungsah hae paw te na kawbya a zui hae paw tungvaw kya byakinnaw te atynpaw na sungsahnaw kha na tynsahtupaw, lesae zah ri lan umpaw Pachia,6Israel ccungccaw hae nynh na tungvaw kae seinaw kha phykute, na ryalahtu Israel ccungccaw hae hanlan na ryalahtupaw kae nynh khuazi khuadae namaw malang saw ka sangpaw hynh thaepya khylan beih yn ngaepah lah, beih yn dotua. Kae te ka puizia hae tuh kae sei vae.7Na tungvaw myaryamaw kae sei zah, na ryalahtu Moses kya kaw na pyapaw kawbya hae, kawbya hae te phungzae hae kha kae zui khyh.8Na ryalahtu Moses kha kaw na pya zah, ‘Nae lungzi khyh zetuh, minphuin hae laku kya kae phiasakuh cih oh;9thuasalama ka kalan nae ki oh zah ka kawbya hae kha na zui oh zah na rae oh zetuh, a theihrya hae paw nae ccungccaw hae kha vaawlui zakaw asaw huaccenaw lang dee athua hae zemah, tuin kyate ka pum cih hae zah ka min tynsah nawlan ka popaw hmin kalan ka cciakhae cih hae,’ na cipyapaw bya kha liathuitua.10Minmin tuh alesaepaw na huhan te athawsaepaw na kuih te na shawkhaw hae paw na ryalahtu hae te na ccungccaw hae nynh thua.11Pou Bawipaw, na ryalahtupaw sawsangnaw hynh beih thaetua, te na min sawtuanaw kya a lungrythuapaw na ryalahtupaw sawsangnaw hynh beih thaetua. Atunin na ryalahtupaw hynh laansui-uanaw yn pya lah, e ccungccapaw muihnaw kya thawccinaw beih yn pyatua!” cite saw ka sang.Tuh lya tuh kae tuh siapharan banang kyngtu nynh ka thua. Nehemiah kha Judah Ram lang Sawnaw1Siapharan Artazaksis nynh siapharan lang a tangnaw kum kuinnaw, Nisan sawpaw khe, amaw kha misutui dang athua lyakhe misutui kha ka ccyng zah siapharan kha ka pya. Tuh maw lya tuh amaw malang ka ngaethah boi khyh.2Tukeiccuze siapharan nynh kae kha, “Mang na dan pite pawccemou na maesue hoy khyh rei? E hynh na thinlung a ngaethyanaw nynh thua,” cite yn cipya. Tetuh myarya ka rih.3Kae nynh siapharan kha, “Siapharan tuh a hiinkhua zungzae sae vae sah! Ka minpaaw hae shawku a umnaw khua tuh roh zah a koikua hae tuh maee nynh marya a u lyakhe pawccemou ka maesue tuh ro leite a um cih?” ka cipya.4Te siapharan nynh kae kha, “Pawmou nae ngia ry?” yn cipya. Tukeiccuze vaawlang Pachia kalan saw ka sang.5Te kae nynh siapharan kha, “Siapharan nynh na ry zah na ryalahtupaw nynh na tungvaw kya maehoynaw ka mue zetuh, kae minpaaw hae shawku a umnaw khua kha raethui khylan Judah ram lang, tuh-e khua kalan kae hynh beih yn saw,” ka cipya.6Siapharan nynh kae kha (siapharan bawinung mah a pe a haung), “Na ccia ze hohsemou nae ro cih? Hohtuhmou nae ki cih?” yn cipya. Tuhcite siapharan nynh kae kha yn cciasah ry zah, kae nynh ninsaw kha ka hopya.7Tukoute kae nynh siapharan kha, “Siapharan nynh na ry zetuh, Vaw Khuraw lang ram a uktu hae nynh kae hynh Judah ram ka thua cia ccianaw kaw yn ua nawlan hae ccaw beih yn pya;8beikinn rhawlungrua sakoih hae hanlan, khua koihnawpaw khualungrua hanlan te ka umnaw lanpaw inn hanlan thing kha yn pya nawlan, siapharan tuhpi a uktu Asaf kalan pya lanpaw ccaw kha beih yn pya,” ka cipya. Ka Pachia a thawccinaw kuih tuh ka tungvaw a um keiccuze ka ngiapaw kha siapharan nynh yn ua.9Te Vaw Khuraw lang ram uktu hae kya ka thua zah siapharan ccaw kha ka pya hae. Siapharan nynh rhawbawi hae te marang rhawkaw hae kha ka kya a cciasah bua hae.10Israel ccungccaw hae hoynaw kha ccungpya khylan ccungccaw lu kheit yn thua cipaw kha Horon ccungccaw Sanballat te Ammon ccungccaw bawi lu kheit Tobiah nynh he a thae hae tuh myaryamaw mih lunghoy khyh. Nehemiah nynh Khualungrua A Do11Tuhcite Jerusalem ka thua zah nin thum ka um.12Ka kya um hae paw ccungccaw beihtaraw ryte khuazi khe kae thokuh; Jerusalem hanlan cyi lan ka Pachia nynh ka thinlung kya yn sangpaw kha tuh humhung mah ka hopah khyh. Ka ccikupaw sahiin laelan pawpaw sahiin mah ka kya um khyh.13Khuazi khe Accya Koikua kyate ka pou zah Nakaa-hupi Tuisung po khung lang Athupaw Koikua kyacia ka cceih, te atingpaw Jerusalem khualungrua te maee nynh a ropaw a sakoih hae kha ka do hae.14Te Tuidy Koikua te Siapharan Tuili kyacia po ka cceih; thuasalama ka ccikupaw sahiin hanlan po ccia nawlan laanpi um khyh.15Tukeiccuze khuazi khe accya laanpi kyate ka cceihthung zah khualungrua kha ka do. Te nulang ka maeleihkuh zah Accya Koikua kyate ka tee zah ka ki.16Teilangmou ka ccia cipaw te pawmou ka cyi cipaw kha bawi hae nynh nyh khyh hae; Judah hae, ranpibawi hae, cciakhaetu hae, bawi hae te tuhlaepaw ccungccaw hae kha ryalaw lanpaw ka hopah loh khyh hae. Khualungrua Raethui lan Byapaenaw17Te kae nynh minmin kha, “Aening ah teing oh paw vawsawnaw, Jerusalem a ronaw te a koikua hae tuh maee nynh a upaw kha na muih oh. Aening nynh thethyanaw ah ccou vae khyh nawlan oh, rang oh, Jerusalem khualungrua kha raethui oh sih,” ka cipya hae.18Ka Pachia thungnaw nynh ka tungvaw thawccinaw a hoipaw kha thuasah, siapharan nynh yn hopyapaw bya kha mah thuasah ka hopya hae. Tetuh minmin nynh, “Tho oh sih lah, sak oh sih!” a ci hae. Tuhcite rya hoypaw law khylan mih thawzung kha a pyaku hae.19Thuasalama Horon ccungccaw Sanballat, Ammon ccungccaw bawi lu kheit Tobiah te Arab ccungccaw Geshum nynh tuh-e tuh a thae hae tuh, kaening kha nuinsete oun sarya hae zah, “E na cyi oh paw hynh pawmou athua? Siapharan tou na dou oh?” oun cipya hae.20Kae nynh minmin kha, “Vaaw Pachia nynh laansui-uanaw oun pya cih zah, amaw ryalahtu hae kaening nynh kae tho cih zah kae sak cih; thuasalama nanning tuh Jerusalem khua kya ccoupaw nae kya-e thuasah, nae hanpaw thuasah, syntawnawpaw ccaekia thuasah na hoi khyh oh,” cite ka khung hae. Ryalahtu Aphu1Tetuh ranpibawi lupi Eliashib tuh a uno ranpibawi hae ryte thokuh hae zah Tuu Koikua kha a raethui hae; tuh-e tuh thyaasah hae zah a thuakaw hae kha a bing hae; te Azah Innhangpaw te Hananel Innhangpaw kyacia a raethui hae.2Eliashib nynh a raethui koute Jeriko khuaccaaw hae nynh a raethui hae. Minmin koute Imri ccapaw Zakkur nynh a raethui.3Hassenaah ccapaw hae nynh Ngasaw Koikua kha a raethui hae; a thingccaw hae, a thuakaw hae, a thuakaw toh hae te a thuakaw ccong hae kha a bing hae.4Te minmin koute Hakkoz ccapaw athuapaw Uriah a ccapaw Meremoth nynh a raethui. Tuh-e hae koute Meshezabel ccapaw athuapaw Berekhiah ccapaw Meshullam nynh a raethui. Minmin koute Baana ccapaw Zadok nynh a raethui.5Te minmin koute Tekoa ccungccaw hae nynh a raethui hae; thuasalama mih bawi hae nynh mih Bawipaw rya kha lungngingte lah khyh hae.6Paseah ccapaw Joiada te Besodeiah ccapaw Meshullam nynh Koikua Rynpaw kha a raethui hae; a thingccaw hae, a thuakaw hae, a thuakaw toh hae te a thuakaw ccong hae kha a bing.7Minmin koute Gibeon khuapaw Melatiah te Meronoth khuapaw Jadon, Vaw Khuraw lang ram a uktu uknaw lungkhu a um hae paw Gibeon ccungccaw hae te Mizpah ccungccaw hae nynh a raethui hae.8Minmin koute Harhaiah ccapaw suilaeethyapaw Uzziel cikuhpaw nynh a raethui. Aning koute mynkhuhpaw a raethyapaw Hananiah nynh a raethui; minmin nynh Jerusalem kha Khualungrua Akopaw kyacia a raethui hae.9Minmin koute Jerusalem pee angankuh a uktu Refaiah, Hur ccapaw nynh a raethui.10Minmin koute Harumaf ccapaw Jedaiah nynh amaw inn te arawsekunaw kha a raethui; Jedaiah koute Hashabneiah ccapaw Hattush nynh a raethui.11Harim ccapaw Malkhijah te Pahath-moab ccapaw Hasshub nynh ccangpaw hmin te Sanlou Ruanaw Innhangpaw kha a raethui hae.12Aning koute Hallohesh ccapaw Shallum, Jerusalem pee angankuh a uktu te a ccanung hae nynh a raethui hae.13Hanun te Zanoah khuaccaaw hae nynh Accya Koikua kha a raethui hae; minmin nynh tuh-e tuh raethui hae zah a thuakaw hae, a thuakaw toh hae te a thuakaw ccong hae kha a bing hae, te khualungrua dong thong kheit kha Athupaw Koikua kyacia a raethui hae.14Rekhab ccapaw Malkhijah, Beth-hakkherem pee a uktu nynh Athupaw Koikua kha a raethui; aning nynh tuh-e tuh raethui zah a thuakaw hae, a thuakaw toh hae te a thuakaw ccong hae kha a bing.15Kolhozeh ccapaw Shallum, Mizpah pee a uktu nynh Tuidy Sakoih kha a raethui; aning nynh tuh-e tuh raethui zah a dawpah koute a thuakaw hae, a thuakaw toh hae te a thuakaw ccong hae kha a bing hae; aning nynh siapharan khokhu pe umpaw Shelah Tuili khualungrua kha David Khuapi kyate a cceihbungpaw nawkui hae kyacia a rae.16Aning koute Azbuk ccapaw Nehemiah, Beth-zur pee angankuh a uktu nynh David shawku te arawsekunaw kyate tho zah raethuipaw tuili te rhawkaw hae inn kyacia a raethui.17Aning koute Levi phin hae nynh a raethui hae: Bani ccapaw Rehum nynh raethui zah, aning koute Keilah pee angankuh a uktu Hashabiah nynh amaw pee hanlan a raethui.18Aning koute a unopaw nynh a raethui: Aning tuh Henadad ccapaw Bavvai, Keilah pee angankuh uktu nynh thua;19aning koute Jeshua ccapaw Ezer, Mizpah uktu nynh khua Apaki kya umpaw rhawtuk-zunghe nungnaw kalan akaethungpaw te arawsekunaw ccangpaw hmin kha a raethui.20Aning koute Zabbai ccapaw Baruk nynh ccangpaw hmin kha khua Apaki kyate ranpibawi lupi Eliashib inn thuakaw kyacia a raethui.21Aning koute Hakkoz ccapaw Uriah a ccapaw Meremoth nynh ccangpaw hmin kha Eliashib inn thuakaw kyate Eliashib inn athangnaw kyacia a raethui.22Aning koute Jerusalem pepan umpaw ranpibawi hae nynh a raethui hae.23Minmin koute Benjamin te Hasshub nynh mih inn te arawsekunaw kha a raethui hae. Minmin koute Ananiah ccapaw athuapaw Maaseiah a ccapaw Azariah nynh amaw inn pe kha a raethui.24Aning koute Henadad ccapaw Binnui nynh ccangpaw hmin kha Azariah inn kyate khua akouleihnaw Apaki kyacia a raethui.25Uzai ccapaw Palal nynh khua Apaki te arawsekunaw kha thuasah, rhawviatu hae umnaw pe umpaw siapharan inn palung lang e innhangpaw kha thuasah a raethui. Aning koute Parosh ccapaw Pedaiah te26Ofel kya um hae paw beikinn ryalahtu hae nynh nithua lang e Tui Koikua te arawsekunaw hmin kyate innhangpaw kyacia a raethui.27Aning koute Tekoa khuaccaaw hae nynh myarya lepaw innhangpaw te arawsekunaw ccangpaw hmin kha Ofel lungrua kyacia a raethui hae.28Ranpibawi hae nynh Marang Sakoih palung lang, mimaw inn raveihte arawsekunaw kha a raethui hae.29Minmin koute Immer ccapaw Zadok nynh amaw inn te arawsekunaw kha a raethui. Aning koute Shekaniah ccapaw Shemaiah, Nithua Sakoih a ngawtu nynh a raethui.30Aning koute Shelemiah ccapaw Hananiah te Zalaf ccapaw lu taruhnaw Hanun nynh ccangpaw hmin kha a raethui hae. Minmin koute Berekhiah ccapaw Meshullam nynh amaw a umnaw inn te arawsekunaw kha a raethui.31Aning koute suilaeetu Malkhijah nynh beikinn ryalahtu hae inn te kungkutu hae inn kyacia thuasah, Bawi Sakoih te arawsekunaw, lungrua apaki kya umpaw palung khaan kyacia thuasah a raethui.32Lungrua apaki kya umpaw palung khaan te Tuu Koikua laku kha suilaeetu hae te kungku hae nynh a raethui hae. Rawsetu hae nynh Ro lan Paccynkunaw1Kaening nynh khualungrua kae raepaw kha Sanballat nynh he a thae tuh, myaryamaw a thinria zah Judah hae kha a sarya hae.2A uno hae te Samaria rhawkaw hae malang khe aning nynh, “E athawzyapaw Judah hae hynh pawmou a cyi hae? Uccaw hynh a raekuh thui cih hae tou? Silawnaw a rae cih hae tou? Nin kheit te a lyn cih hae tou? Maee nynh a upaw lung hae kha athupaw apumkuhpaw lungkhu kyate a raethui cih hae tou?” a ci.3Ammon ccungccaw Tobiah tuh a pe khe um zah aning nynh mah, “Minmin nynh a rae hae paw lungrua vawlan khe suizaw nynh a kaenaw ze ating cih!” a ci.4Pou kae Pachia, kaening hynh oun theihrya hae keiccuze beih oun thaepya tua; mih saryanaw bya kha mimaw lu vawlan ccawsah tua, te kyng hae zah a cciakhaenaw hae ram kyakhe luadenaw a teingpaw ccungccaw lang tang sah hae.5Mih cyiseinaw kha bongpah nan hae lah, mih seinaw kha na muihnaw kyate thepah nan hae; pawccecize minmin nynh khualungrua a raetu hae malang saryanaw bya a ho hae.6Tuhcite khualungrua kha kae rae zah, ahangpaw angankuh cia po lekuh lan rae athua vae; pawccecize ccungccaw hae tuh ryalaw rynaw thinlung a hoi hae.7Thuasalama Jerusalem khualungrua raethuinaw rya tuh dyadya cceihthya zah a uanaw hmin hae tuh a ping takaw vae hae cipaw kha Sanballat, Tobiah, Arab hae, Ammon hae te Ashdod ccungccaw hae nynh he a thae hae tuh, myarya mih thinria zah,8Jerusalem kha ccianuate tuk lan zah vawsawnaw pya lan cite mih balyn te pynkheihlan khua a khanku hae.9Tukeiccuze kae Pachia kalan saw kae sang zah, minmin kyate oun thungkhawtu lang rhawviatu kha khuazi khuadae kae nung.10Thuasalama Judah hae nynh, “Phupaw phutu hae tuh mih thawzung athang vae, athupaw tuh myaryamaw lung zah khualungrua phe thang lan ryalaw kho lei lan,” a ci hae.11Te kae rhaw hae nynh mah, “Minmin nynh pawpaw mah a ny maw hae te a muih maw hae khe, ccianua lan hae zah chia lan hae, te ryalaw kha ro lan,” a ci hae.12Rhaw hae pe a umpaw Judah hae nynh oun cceih hae zah kae kyakhe, “Rhaw hae nynh mih umnaw miakaw kyate tuk lan oun ccianua cih hae,” cite vae haw oun hopya hae.13Tukeiccuze khualungrua nulang, anenaw hmin, accawnghannaw hmin kyakhe ccungccaw hae kha mih puizia raveihte, mih thaloi, mih ccoi te mih li hae ryte ka nung hae.14E hae balyn kha ka dopah kou hae te, ka thadyn zah cciakhaetu hae, bawi hae te tuhlaepaw ccungccaw hae kyakhe, “Minmin kha rih nan oh. Alesaepaw te ri lan umpaw Bawipaw kha ning nan oh lah, nae vaeccaw hae, nae ccapaw hae, nae ccanung hae, nae zu hae te nae inn nae loo hanlan rhawtuk oh,” ka cipya hae.15Mih paccynkunaw kha Pachia nynh roh zah kaening nynh kae ny vae cipaw kha kae rhaw hae nynh he a nyh hae tuh, kae balyn mawte khualungrua kalan kae ki zah mawmaw rya raveih kha bua kae lah.16Tuin nin te vae tuh, ka ccungccaw hae angankuh tuh ryalah hae zah, angankuh tuh ccoi, khawriaphua, li te sivaw angki kha a ccyngku hae; cciakhaetu hae tuh khualungrua a rae hae paw Judah hae nulang khe a um hae.17Phupaw phutu hae nynh mih kuih voikheit te mih uccaw kha kyng hae zah ccangpaw voikheit te mih zunghe kha a kyng hae.18Ryalahtu hae balyn nynh rya a lah lalia lan hae te mih tae kyakhe mih thaloi kha ccarou a keku hae. Mungkae a tupaw tuh ka pe khe a um.19Kae nynh cciakhaetu hae, bawi hae te tuhlaepaw ccungccaw hae kha, “Rya tuh myarya le zah myarya ko lan apazaekuh, aening mah khualungrua vawlan khe ah phiakuh oh zah lu kheit te lu kheit ah sawkuh oh.20Tukeiccuze mungkae roi na thaenaw oh hmin takyh kyate kae kalan nae pumkuh cih oh. Ah Pachia nynh aening hanlan rhaw oun tukpah cih,” ka cipya hae.21Tuhcite rya kae lah zah ccungccaw angankuh nynh khuadaetakaw te awsi phe alang cia ccoi a ccyngku hae.22Tuh ccyh lyakhe kae nynh mah ccungccaw hae kha, “Ccungccaw miakaw nynh a ryalahtupaw ryte Jerusalem khua kya khuazi a rya cih, tuhteze nynh minmin tuh khuazi kya aening elang rhawviatu athua cih hae zah khuadae kya rya a lah cih hae,” cite ka hopya hae.23Tuhcite kamaw thuasah, ka uno hae thuasah, ka ryalahtu hae thuasah, kae yn zui hae paw rhawviatu hae thuasah boeining kae khahkuh khyh; lu raveih nynh zunghe kha ranglang kuih kya tyty kae ccyngku. Nehemiah te Tuaasahnaw Teingtu hae1Te ccungccaw hae tuh mih zu hae ryte mih uno Judah hae kha rawsete thawte a sia hae.2Ccungccaw abang nynh, “Kae ccanung hae kae ccapaw hae ryte ccungccaw kae lung; looh kae ae zah kae hiin nawlan looh kae mue hahe aho,” a ci hae.3Abang nynh, “Kae loo, kae khokhu te kae inn hae kha ccakancci lungkhu looh mue nawlan kae pon vae,” a ci hae.4Abang nynh, “Kae loo hae te kae misu khokhu hae hanlan siapharan kalan ngunto pya khylan phua kae koii hae.5Atu tuh kae pyn tuh kae uno hae pyn hawte nynh kae thua vae; kae ccaaw hae tuh mih ccaaw hae hawte nynh thua vae hae; kae ccapaw hae te kae ccanung hae kha see lang tang lan kae nangse vae hae, kae ccanung hae abang tuh see lang zua athua vae hae; kaening tuh thawzung kae hoi vae khyh zah kae loo hae te kae misu khokhu hae tuh milae uccaw lang nynh a tang vae,” a ci hae.6Mih siaruanaw te tuh-e mih lungccing leinaw bya hae tuh he ka thae te, myarya ka thinria.7Tuh-e tuh hoyte ka tua koute, cciakhaetu hae te bawi hae kha seisahnaw bya ka hopah hae zah, “Nanning nynh naemaw ccungccaw hae kya-e ato kha na ae oh,” ka cipya hae. Te minmin ryte bya hopiaku khylan ccungccaw zapi patae kha ka ko hae zah,8“Minphuin ccangpaw hae kalan zua athuapaw ah uno Judah hae kha aening nynh ah taening oh thyhte ah kikhae oh; thuasalama nanning nynh nae uno hae kha na zua oh zah, kaening nynh bua kae rethui hae aho cih!” ka cipya hae. Minmin tuh ho lanpaw bya kaw kheit san nykuh vae khyh hae zah daebabi lan a um hae.9Tukeiccuze kae nynh, “Na cyi oh paw hynh hoy khyh. Ah rhaw hae minphuin ccangpaw hae nynh aening hynh oun sarya khyh nawlan hae, ah Pachia rawrite na hiin lan oh ccan khyh tou?10Tuhpiaze kae te ka uno hae te ka ryalahtu hae nynh minmin kha phua te looh kae koiisaku hae. E ato lawkupaw hynh umtaw ccavae oh sih.11Atunin ccaccei maw, mih loo, mih misu khokhu, mih oliv khokhu, mih inn, phua ato na law oh paw, looh, misutui te chitui, minmin kya-e na law oh paw kha mimaw kalan kii oh,” ka cipya hae.12Tetuh minmin nynh, “Abalynte kae kii cih hae zah minmin kyate pawpaw mah kae ngia vae lan khyh hae. Na ho hawte kae cyih cih,” a ci hae. Te ranpibawi hae kha ka ko hae zah, tuh-e hae nynh bya a kinku hae hawte a cyi nawlan hae, thyalawkunaw ka raesah hae.13Kae nynh mah ka tae kya ka voikupaw boeining kha ka thyng zah, “E byakinkunaw a zui leipaw miakaw tuh inn kyate thuasah, sisua kyate thuasah hynhcite Pachia nynh thyng vae sah. Minmin tuh hynhcite thyng thua hae sah lah, accakaepaw lang cciataw thua hae sah,” ka ci. Te ccungccaw zapi balyn nynh, “Amen,” ci hae zah Bawipaw kha thehoysah hae. Te ccungccaw hae nynh bya a kinku hae hawte a cyi hae. Karankunaw Hoi leipaw Nehemiah14Tuhpiaze Judah ram a uktu lang khang ka thua ccyh kyate, Artazaksis Siapharan nynh siapharan lang a tangnaw kum kuinnaw te sung thum kum ningnaw cia, kum haw lae ning lungkhu, kae te ka uno hae tuh uktu bawi looh kha kae ae khyh.15Kae ka maw e uktu rynpaw hae nynh ccungccaw hae kha phupaw ripaw phusah hae zah, minmin kyate ngun shekel sung pali apiaze looh te misutui kha a lawku hae. Mih ryalahtu hae nynh heize ccungccaw hae tungvaw phupaw a risah hae. Thuasalama kae tuh Pachia raw ka ri keiccuze tuhte ka cyih khyh.16E khualungrua rya kyahin kamaw te kamaw ka pyakuh zah ka lawkupaw laephi um khyh; ka ryalahtu balyn tuh khuing kya ryalaw lan a sueluakuh hae.17Tuhpiaze ah pepan e minphuin hae kyate ah kalan oun thua hae paw kha hobia leite, Judah hae te bawi hae za kheit sung pangaw tuh ka ccaboi kya tyty a ae hae.18Nin kheit hanlan tangnuapaw sa kheit te popaw tuu sa taruh kha a paccyn hae; aw hae kha mah ka hanlan yn paccynpya hae; nin haw ze vae kheit misutui kha saving tui-ung te patae yn pya hae; tuhzemah ccungccaw hae tuh mih phupaw ari keiccuze uktu bawi nynh a lawku lanpaw looh kha ka lawkuh khyh.19Pou ka Pachia, e ccungccaw hae hanlan ka cyipaw balyn hynh ka hoynaw elang beih yn ningpah nan. Rhaw hae Thyaruhnaw1Khualungrua kha ka rae kou vae zah a uanaw um vae khyh cipaw kha Sanballat, Tobiah, Arab ccungccaw Geshem te tuhlaepaw kae rhaw hae nynh he a thae hae tuh (tuin ccyh kyacia koikua hae kya thuakaw hae kha ka bing loh khyh zemah),2Sanballat te Geshem nynh ka kalan ccungccaw oun saw hae zah, “Yn cceih lah Ono bialae e khua khuakheit kya tungku tua oh sih,” yn cipya hae. Thuasalama minmin nynh kae kha vawsaw pya lan oun nounuaku hae.3Tukeiccuze minmin kalan locceihtu hae ka saw hae zah, “Kae tuh myarya lepaw rya kha ka lah cciamang zah kae cceihbung lan khyh. Nanning kalan cciabung khylan pawccemou rya kha ka cciataw cih zah ka um cih?” ka cipya hae.4Tuhcite vae pali cia bya yn taw hae zah, kae nynh mah tuhmaminte ka khungru hae.5Tuhmaminte vae pangawnaw kya Sanballat nynh a ryalahtupaw kha yn saw zah tazeih khiakuh leipaw ccaw kha ka kalan yn pyasah.6Ccaw lungkhu khe, “Nang te Judah hae tuh rhawtho lan na paccynkuh oh cite minphuin hae laku kya bya athan, Geshem nynh mah a ho; tukeiccu nynh khualungrua hynh na rae oh; tuh-e bya thyhte nang tuh mih siapharan lang tang na ry.7‘Judah ram kya siapharan a um!’ cite na konglang Jerusalem kya a siakhae lanpaw profeh hae kha mah na nung vae hae. Atu tuh e bya hae thyhte siapharan kha thaesah athua cih. Tukeiccuze yn cceih lah, la hokheih tua oh sih,” a cipya.8Tetuh kae nynh a kalan ccungccaw ka saw zah, “Nang nynh na ho hawte ryalawpaw pawpaw mah um khyh; namaw na tuanaw te tuh-e hae tuh na raekupaw nynh thua,” ka cipya.9Pawccecize minmin nynh kaening kha mih thawsia sah ci ry hae zah, “Ryalaw kha umtaw hae sah lah, rya kha lyn nan hae sah,” cite a tua hae. Thuasalama pou Pachia, ka kuih hynh thawzung pyatua.10Nin kheit tuh Mehetabel ccapaw athuapaw Delaiah a ccapaw Shemaiah, a inn kyate a pou kho leipaw ccungccapaw inn lang he ka cceih tuh, aning nynh, “Pachia inn, beikinn lungkhu kya tungku tua sih lah, beikinn thuakaw hae kha khaw sih, pawccecize nang kha chia khylan oun cceih cih hae, atu khuazi nang kha chia khylan solei oun cceih cih hae,” yn cipya.11Thuasalama kae nynh, “Kae tahawpaw ccungccaw nynh a ccue cih zawtou? Kae tahawpaw ccungccaw nynh a hiinnaw khyn khylan beikinn lungkhu lang a tee cih zawtou? Ka tee lan khyh!” ka ci.12Pachia nynh aning kha yn sawpaw thua leite, Tobiah te Sanballat nynh amee pyate a hoh hae keiccuze kae kha rawsenawpaw bya a ho cipaw ka nyh zah ka muih.13Minmin nynh kae kha theihryapaw lang a tang ccaw cite, kae kha siisakute tuhcite cyi liate seinaw rae sah lah, a minthu sah cite tuh-e paw tuh a hoh hae.14Pou ka Pachia, Tobiah te Sanballat hynh a cyi hae paw e uccaw hae thyhte syntaw hae lah, profehnung Noadiah te kae oun risah ry hae paw tuhlaepaw profeh hae kha mah syntawtua hae. Khualungrua Lynnaw15Khualungrua tuh sung pangaw nin ning aro te, Elul sawpaw nin kuin lae pangaw nin khe lyn athua.16Kae rhaw hae balyn nynh tuh-e tuh he a thae hae te, kae pepan e minphuin hae balyn tuh rih hae zah mimaw te mimaw a zynkunaw hae kha myarya azyabung; pawccecize e rya tuh kae Pachia bawmnaw liate lyn athua vae cipaw kha a ny hae.17Tuhpiaze tuh ccyh lya tuh Judah cciakhaetu hae nynh Tobiah kha ccaw patae ky hae zah Tobiah ccaw mah minmin kya a thua.18Tobiah tuh Arah ccapaw Shekaniah ccanung a vawpaw athua keiccuze Judah hae patae tuh Tobiah kalan byakinkute a pan hae: a ccapaw Jehohanan nynh Berekhiah ccapaw Meshullam ccanung kha zu lang a hoi.19Tobiah nynh hoynaw a raepaw kong kha mah minmin nynh yn honua hae zah, ka bya kha amaw kalan a thaesah hae. Te Tobiah nynh kae kha a thawsia sah cite ccaw yn ky.1Khualungrua kha kae lyn zah thuakaw hae kha kae bing koute sakoih ngawtu hae, hlawsahtu hae te Levi phin hae kha rya kae khang kou hae te,2ka neitaw Hanani te rhawlungrua koihkuhpaw inn uktu rhawbawipaw Hananiah kha Jerusalem khua do-oihpaw rya ka pya hae, pawccecize Hananiah tuh ccungccaw patae laeze a lungzi huapaw te Pachia rawrih huapaw nynh thua.3Kae nynh minmin kha, “Khuanin aso maw tuh Jerusalem koikua hae kha hung lei lan; thuakaw ngawtu hae a um lya hae tuh thuakaw hae kha khaw hae sah lah, tou hae sah. Jerusalem khuaccaaw hae laku e kha rhawviatu hae na khang cih oh, ccungccaw abang tuh mimaw mih ngawnaw hmin kya, ccangpaw hae tuh mimaw inn malang kya a ngaw cih hae,” ka cipya hae.4Khua tuh ko zah ale, thuasalama khua lungkhu e ccungccaw hae tuh zya hae zah inn hae tuh sak loh khyh hae. A Ki hae paw Ccazing (Ezr 2.1-70)5Te cciakhaetu hae, bawi hae te ccungccaw hae kha mih thokeinaw thyhte ccazing law khylan pum lan hae ka Pachia nynh ka thinlung kya yn sang. Te masaty a ki hae paw mih thokeinaw ccauh kha ka muih zah a lungkhu kya akawlan thyhte azeikuhpaw kha ka muih:6Babilon Siapharan Nebukhadnezzar nynh kyng hae zah a cciakhae hae paw, a kyng hae paw ccungccaw hae kyate a pou hae paw ram kya-e ccungccaw hae tuh e hae nynh thua; minmin tuh Jerusalem te Judah ram langkhe mimaw khua raveih lang a ki hae.7Minmin tuh Zerubbabel, Jeshua, Nehemiah, Azariah, Raamiah, Nahamani, Mordekai, Bilshan, Mispereth, Bigvai, Nehum, Baanah ryte a ki hae.
Israel ccungccaw hae milu tuh:8Parosh ciihan hae tuh thong ning za kheit sung sari lu ning,9Shefatiah ciihan hae tuh za thum sung sari lu ning,10Arah ciihan hae tuh za taruh sung pangaw lu ning,11Pahath-moab ciihan hae lungkhu e Jeshua te Joab ciihan hae tuh thong ning za tarya lu haw lae tarya,12Elam ciihan hae tuh thong kheit za ning sung pangaw lu pali,13Zattu ciihan hae tuh za tarya sung pali lu pangaw,14Zakkai ciihan hae tuh za sari sung taruh,15Binnui ciihan hae tuh za taruh sung pali lu tarya,16Bebai ciihan hae tuh za taruh lu kuin lae tarya,17Azgad ciihan hae tuh thong ning za thum lu kuin lae ning,18Adonikam ciihan hae tuh za taruh sung taruh lu sari,19Bigvai ciihan hae tuh thong ning sung taruh lu sari,20Adin ciihan hae tuh za taruh sung pangaw lu pangaw,21Ater ciihan hae lungkhu e Hezekiah ciihan hae tuh sung takua lu tarya,22Hashum ciihan hae tuh za thum lu kuin lae tarya.23Bezai ciihan hae tuh za thum lu kuin lae pali.24Harif ciihan hae tuh za kheit lu haw lae ning,25Gibeon ciihan hae tuh sung takua lu pangaw.26Bethlehem te Netofah khuaccaaw hae tuh za kheit sung tarya lu tarya.27Anathoth khuaccaaw hae tuh za kheit lu kuin lae tarya,28Beth-azmaveth khuaccaaw hae tuh sung pali lu ning,29Kiriath-jearim, Khefirah Beeroth ciihan hae tuh za sari sung pali lu thum.30Ramah te Geba ciihan hae tuh za taruh lu kuin lae kheit.31Mikmash khuaccaaw hae tuh za kheit lu kuin lae ning.32Bethel te Ai khuaccaaw hae tuh za kheit lu kuin lae thum.33Ccangpaw Nebo ciihan hae tuh sung pangaw lu ning.34Ccangpaw Elam ciihan hae tuh thong kheit za ning sung pangaw lu pali.35Harim ciihan hae tuh za thum lu kuin.36Jeriko ciihan hae tuh za thum sung pali lu pangaw.37Lod, Hadid te Ono ciihan hae tuh za sari lu kuin lae kheit.38Senaah ciihan hae tuh thong thum za takua sung thum acih hae.39Ranpibawi hae tuh: Jeshua puizia hae Jedaiah ciihan hae tuh za takua sung sari lu thum.40Immer ciihan hae tuh thong kheit sung pangaw lu ning.41Pashhur ciihan hae tuh thong kheit za ning sung pali lu sari,42Harim ciihan hae tuh thong kheit lu haw lae sari acih hae.43Levi phin hae tuh: Hodaviah ciihan hae Jeshua te Kadmiel mih ciihan hae tuh sung sari lu pali acih hae.44Hlawsahthya hae paw tuh: Asaf ciihan hae za kheit sung pali lu tarya acih hae.45Sakoih ngawtu hae tuh: Shallum ciihan hae, Ater ciihan hae, Talmon ciihan hae, Akkub ciihan hae, Hatita ciihan hae te Shobai ciihan hae mih balynte za kheit sung thum lu tarya acih hae.46Beikinn ryalahtu hae tuh: Ziha ciihan hae, Hasufa ciihan hae, Tabbaoth ciihan hae,47Keros ciihan hae, Sia ciihan hae, Padon ciihan hae,48Lebana ciihan hae, Hagaba ciihan hae, Shalmai ciihan hae,49Hanan ciihan hae, Giddel ciihan hae, Gahar ciihan hae,50Reaiah ciihan hae, Rezin ciihan hae, Nekoda ciihan hae,51Gazzam ciihan hae, Uzza ciihan hae, Paseah ciihan hae,52Besai ciihan hae, Meunim ciihan hae, Nefushesim ciihan hae,53Bakbuk ciihan hae, Hakufa ciihan hae, Harhur ciihan hae,54Bazlith ciihan hae, Mehida ciihan hae, Harsha ciihan hae,55Barkos ciihan hae, Sisera ciihan hae, Temah ciihan hae,56Neziah ciihan hae te Hatifa ciihan hae.57Solomon a ryalahtu hae ciihan hae tuh: Sotai ciihan hae, Sofereth ciihan hae, Perida ciihan hae,58Jaala ciihan hae, Darkon ciihan hae, Giddel ciihan hae,59Shefatiah ciihan hae, Hattil ciihan hae, Pokhereth-hazzebaim ciihan hae te Amon ciihan hae.60Beikinn ryalahtu hae balyn te Solomon a ryalahtu hae ciihan hae tuh za thum sung takua lu ning acih hae.61Akawlan e hae tuh Tel-melah, Tel-harsha, Kherub, Addan te Immer khua hae kyate a cceihthung hae paw nynh thua, thuasalama minmin tuh mih puizia hae thuasah, mih thokeinaw thuasah, Israel hae athua hae thua khyh hae cipaw thuasah ccaekia langsakuh kho khyh hae:62Delaiah ciihan hae, Tobiah ciihan hae te Nekoda ciihan hae, za taruh sung pali lu ning acih hae.63Ranpibawi hae tuh: Habaiah ciihan hae, Hakkoz ciihan hae te Barzillai ciihan hae (Barzillai tuh Gilead ccungccaw Barzillai ccanung lu kheit kha zu lang a la dyku keiccuze Barzillai ciihan cite ko athua hae).64E hae nynh thokeinaw ccauh kya mih min ccazing kha a ccung hae zemah muih khyh hae, tukeiccuze minmin tuh thyaa khyh hae cite ranpibawi thuanaw kyate a vua hae;65Urim te Thummim khate ryalahpaw ranpibawi a um makhia tuh athyaa huaccepaw looh kha na ae lan khyh oh cite uktu bawi nynh minmin kha a hopya hae.66Ccungccaw zapi hae tuh mih balynte sung pali thong ning za thum sung taruh acih hae,67tuhpiaze mih seepaw hae te mih seenung hae tuh thong sari za thum sung thum lu sari a um hae; hlawsahthya hae paw nopi pise za ning sung pali lu pangaw a hoi hae.68Minmin nynh marang za sari sung thum sa taruh, lann dihpaw za ning sung pali sa pangaw,69kalauh za pali sung thum sa pangaw te lann thong taruh za sari sa kuin a hoi hae.70Puizia hae kya-e lu hae abang nynh ryalawnaw hanlan a hlu hae. Ram uktu bawi nynh sui darik thong kheit, pakekhupaw sung pangaw te ranpibawi angkiccua za pangaw sung thum kha sisuakhaan kalan a pya.71Te puizia kya-e lu hae abang nynh sui darik thong kuin te ngun mina thong ning za ning kha inn sak nawlan a pya hae.72Tuhlaepaw ccungccaw hae nynh a pya hae paw tuh sui darik thong kuin, ngun mina thong ning te ranpibawi angkiccua sung taruh zung sari nynh thua.73Tuhcite ranpibawi hae, Levi phin hae, sakoih ngawtu hae, hlawsahthya hae paw, ccungccaw abang, beikinn ryalahtu hae te Israel hae balyn tuh mimaw khua raveih kya a um hae. Ezra nynh Kawbya Zui lan A Hopya hae1Sawpaw sah sarinaw he yn thua zah Israel ccungccaw hae tuh mimaw khua raveih kya he a um hae te, ccungccaw hae balyn tuh Tui Koikua malang accawnghannaw hmin khe a pumkuh hae. Bawipaw nynh Israel a pyapaw Moses kawbya ccauh kha yn ccyng cite kawbya sazae Ezra kha a hopya hae.2Ranpibawi Ezra nynh kawbya tuh thae kho zah a thaethyapaw balyn, nopi pise ccungccaw zapi malang khe sawpaw sah sarinaw nin kheit nin kya a thuakhae.3Ezra nynh tuh-e ccauh tuh awkhua takaw te ninthu cia Tui Koikua malang accawnghannaw hmin kalan hawi zah, a thaethya khopaw nopi pise malang khe a ria; ccungccaw balyn nynh kawbya ccauh tuh pekite a ngae hae.4Byaho nawlan a rae hae paw thing aduakuhpaw vawlan khe Ezra tuh thadyn zah amaw pe a ranglang khe Mattithiah, Shema, Anaiah, Uriah, Hilkiah te Maaseiah tuh a thadyn hae; a voilang khe Pedaiah, Mishael, Malkhijah, Hashum, Hashbaddanah, Zekhariah te Meshullam tuh a thadyn hae.5Te Ezra nynh ccauh tuh ccungccaw balyn muihnaw khe a kia, aning tuh ccungccaw balyn laeze ahangnaw khe a thadyn; ccauh he a kia te, ccungccaw balyn tuh a thadyn hae.6Ezra nynh Bawipaw , alesaepaw Pachia kha a thehoysah, te ccungccaw balyn nynh mih kuih hang hae zah, “Amen, Amen,” a ci hae. Te mih lu bakhung hae zah laekhu kya bakhungte Bawipaw kha a beik hae.7Ccungccaw hae tuh mih umnaw kya a um lya hae khe Levi phin hae Jeshua, Bani, Sherebiah, Jamin, Akkub, Shabbethai, Hodiah, Maaseiah, Kelita, Azariah, Jozabad, Hanan te Pelaiah nynh mah ccungccaw hae nynh kawbya a thaethya nawlan hae a bawm hae.8Tuhcite Pachia kawbya ccauh kha byaleih biate a ria hae. Ccungccaw hae nynh a ria hae paw kha a thaethya nawlan hae asuilan a ccaesahpya hae.9Ram uktu Nehemiah, ranpibawi te kawbya sazae athuapaw Ezra te ccungccaw hae a ccangpahtu Levi phin hae nynh ccungccaw hae kha, “Atunin hynh Bawipaw nae Pachia hanlan nin thyaapaw nynh thua; nae ngaethah nan sah, raw mah rah nan oh,” a cipya hae. Pawccecize ccungccaw balyn tuh kawbya kya-e bya kha he a thae hae tuh a rah hae.10Te aning nynh minmin kha, “La cceih oh, looh athuathuapaw kha la ae oh lah, misutui a-epaw kha la neih oh, te pawpaw mah a hoi lei hae paw kha la neethungbua oh; pawccecize atunin tuh ah Bawipaw hanlan athyaapaw nin nynh thua; Bawipaw kya nae lungtuanaw tuh nae thawzung athua keiccuze nae ngaethah nan sah,” a cipya hae.11Tukeiccuze Levi phin hae nynh ccungccaw balyn kha daesah hae zah, “Atunin tuh athyaapaw nin athua keiccuze daebabi lan umtua oh; nae ngaethah nan sah,” a cipya hae.12Te ccungccaw balyn nynh a hopya hae paw bya kha a thaethya hae keiccuze ae khylan, nia khylan, milae hae kha neethungbua khylan te lungpawnaw pipi rae khylan a cceih hae. Bu Poi A Tua hae13Nin ningnaw nin khe ccungccaw balyn laku e puizia raveih kya-e lupi hae tuh ranpibawi hae te Levi phin hae ryte kawbya kya-e bya hae kha ccangku khylan kawbya sazae Ezra kalan a cceihkheih hae.14Sawpaw sah sarinaw poi tua lungkhu Israel hae tuh bu kya a um cih hae, cite Bawipaw nynh Moses kyate kaw a pya hae paw kawbya lungkhu kya azeikuhpaw kha a muih hae,15mih khua hae balyn kya te Jerusalem khua kyakhe, “Mua hae kalan cceih oh lah, oliv nge hae, maeccaw nge hae, martal thing ange hae, ungcci ku ange hae te ccangpaw anaw saepaw thing hae kha kawbya kya azeiku thyhte bu sak nawlan oun thuakhae oh,” cite a thaesah hae.16Tukeiccuze ccungccaw hae tuh cceih hae zah thingnge hae kha oun thuakhae hae zah, mih innccuvaw kya thuasah, mih inn voidu te Pachia inn voidu lungkhu thuasah, Tui Koikua kya accawnghannaw kya thuasah, Efraim Koikua accawnghannaw kya thuasah bu kha ccarou a sakku hae.17Seetangnaw kyate a ki hae paw a pumkuh hae paw zapi balyn nynh bu sakkuh hae zah tuin kya a um hae; Nun ccapaw Jeshua she kyate tuin nin cia Israel ccungccaw hae nynh tuhte la cyih boi khyh hae. Myaryamaw mih lungpaw.18Masaty nin kyate nyathya nin kyacia nin takyhte Pachia kawbya ccauh kya-e kha a ria. Nin sari lungkhu poi a tua hae; nin taryanaw nin khe phungzae thyhte athyaapaw pumkunaw a hoi hae. Ccungccaw hae Sei Phykunaw1E sawpaw nin kuin lae pali nin khe Israel hae tuh looh-aesungte buriboei lawkuh hae zah mih lu vawlan vuiping phingkute a pumkuh hae.2Israel ccungccaw hae tuh ramccang hae balyn kyate mimaw ccangte thadyn hae zah mih seinaw te mih minpaaw hae hoyleinaw kha a phyku hae.3Mimaw umnaw kya thadyn hae zah Bawipaw mih Pachia kawbya ccauh kya-e kha nin pum pali pum kheit lungkhu a ria hae, ccangpaw pum pali pum kheit lungkhu kya mih seinaw phykuh hae zah Bawipaw mih Pachia kha a beik hae.4Jeshua, Bani, Kadmiel, Shebaniah, Bunni, Sherebiah, Bani te Khenani tuh Levi phin hae nawkui kya thadyn hae zah Bawipaw mih Pachia kalan roi myarya ccae lante a sia hae.5Levi phin hae Jeshua, Kadmiel, Bani, Hashabneiah, Sherebiah, Hodiah, Shebaniah te Pethahiah hae nynh, “Thadyn oh lah, Bawipaw nae Pachia kha zungzae te zungzae cia thehoysah oh. Thehoynaw te phu-enaw balyn laeze hangthung athuapaw aphu-epaw na min tuh thehoyte um sah,” a ci hae.6Te Ezra nynh: “Nang rou nynh Bawipaw na thua; vaaw kha na rae, vaaw te vaaw kya um hae paw vaaw rhawkaw hae balyn thuasah, laephi te laephi vawlan umpaw balyn thuasah, rili te rili lungkhu umpaw balyn thuasah na rae. Mih balyn mawte hiinnaw na pya hae zah vaaw kya um hae paw nynh nang kha ae beik hae.7Nang tuh Abram kha na po zah Khaldi ccungccaw hae khua Ur khua kyate na poukhae zah Abraham cite min na phutu Bawipaw Pachia nynh na thua;8a thinlung tuh na malang a lungzi cipaw na muih zah, Kanaan hae, Hit hae, Amor hae, Periz hae, Jebus hae te Girgash hae ram kha a ciihan hae kalan pya lan amaw kya byakinnaw na rae; te nang tuh na ding keiccuze bya na kinkupaw kha na ccingsah.9“Kae minpaaw hae nynh Izip ram kya riathaenaw a teing hae paw kha na muih zah Rili Se kya mih siaruanaw kha na thaepya hae.10Faro te a ryalahtu balyn te a ramccungccaw balyn nynh kae minpaaw hae kha theihryate a cyi hae cipaw na ny keiccuze minmin kha rawsete muihsahnaw te ngaeangnaw hae kha na rae. Atunin cia a umpaw min kha namaw elang na raeku.11Minmin nynh rili kha laerou vawlan te a zua ccaw hae cite mih malang khe rili kha na phiasaku, thuasalama minmin a deehuitu hae kha athungpaw tui lungkhu lang lung accaw hawte akhupaw tui lungkhu langkhe na phung hae.12Tuhpiaze khuadae kya maeking tung te na cciakhae hae zah, khuazi kya a ccianaw hae laanpi kha awsah khylan maee tung te na cciakhae hae.13Sinai Mua vawlan na rungbung zah vaawlang te minmin kha bya na hopya hae; adingpaw phungzae hae, ahmepaw phungbya hae, ahoypaw phunglang hae te kawbya hae kha na pya hae,14athyaapaw na sabbath kha na nysah hae zah kawbya hae, phunglang hae te phungbya kha na ryalahtu Moses kyate na pya hae.15Mih vuelaw ze vaawlang te sanlou na pya hae zah mih tuihaw ze lungpi kyate na pousahpaw tui kha na pya hae, minmin pya lan bya na kinkupaw ram kha ccou khylan teenua lan na hopya hae.16“Thuasalama minmin te kae minpaaw hae nynh lysakute mih lungkhung zah na kawbya hae kha zui khyh hae;17na kawngae ry leite ei hae zah minmin laku kya na raepaw ngaeangnaw hae kha ccykekuh khyh hae; mih lungkhung zah see lang a tangnaw hae Izip ram lang ki lan bya a paeku hae. Thuasalama nang tuh seinaw ngaethya lan paccynkute um zah thawccih thyapaw, ngaethyaumsah thyapaw, a lungsaepaw te atynpaw sungsahnaw te phe beihpaw Pachia na thua zah minmin kha na vua khyh hae.18Minmin nynh vaetuataw zohtuh kha laeekute raekuh hae zah, ‘E hynh Izip ram kyate ae poukhaepaw na Pachia nynh thua,’ ci hae zah myarya lepaw saryanaw byahote a sei lya hae heize,19na thawccinaw myarya ale keiccuze minmin kha ramkaw kya na vua khyh hae; laanpi a muihsah hae paw maeking tung nynh khuadae kya cciataw khyh hae zah, a ccianaw hae laanpi a awsahpaw maee tung nynh mah khuazi kya cciataw khyh hae.20Minmin ccangpya nawlan na muisaw hoypaw kha na pya hae, a ae lan hae paw na manna kha pya leite na um khyh hae zah mih tuihaw byn nawlan tui na pya hae.21Kum sung pali lungkhu ramkaw kya pawpaw mah ahobou lei lan looh na dang hae; mih boeining tuh pue khyh zah mih ccu tuh phin khyh.22Minmin kha peenaw hae te minphuin hae kha taesahte na pya hae zah voikheit lang te voikheit lang cia na nee hae, tuhcite minmin nynh Heshbon Siapharan Sihon ram te Bashan Siapharan Og ram kha a lawku hae.23Mih ciihan hae kha vaawlang e awsi zeih na pungzaesah hae zah, mih minpaaw hae kya teenua lan te law lan na hopya hae paw ram lungkhu langkhe na teekhae hae.24Tukeiccuze mih ciihan hae nynh tee hae zah ram kha a ccou hae, mih malang khe tuin ram um hae paw Kanaan hae kha na tae hae zah mih siapharan hae te ramccungccaw hae kha mih rythyte a cyi ccaw hae cite mih kuih kya na pya hae.25Minmin nynh akoihkuhpaw khua hae te a hoirumpaw ram kha lah hae zah uccaw phuinccing phe beihpaw inn hae, athaekuhpaw tuisung hae, misu khokhu hae, oliv khokhu hae te athaepaw thingku patae kha a lawku hae; tuhcite ae hae zah mih vueso zah atho hae, myarya lepaw na hoynaw kyakhe mih lungrythua.26“Tuhzemah minmin tuh kawngae khyh hae, nang kha ae dou hae zah na kawbya kha mih nulang a vua hae, namaw kalan ki lan raeringnaw a pyatu hae na profeh hae kha theih hae zah myarya lepaw saryanaw byahote a sei hae.27Tukeiccuze minmin kha teingnaw a pyatu hae mih rhaw hae kuih kalan na pya hae. A teing ccyh lya hae khe na kalan sia hae zah vaawlang te na thaepya hae, myarya lepaw na thawccinaw thyhte mih rhaw hae kuih kyate a khum hae paw khumtu hae kha na pya hae.28Thuasalama haeungnaw he a mue hae te, na malang hoyleinaw bua rae hae zah mih rhaw hae nynh a uk ccaw hae cite mih rhaw hae kuih kalan na vua hae; tuhzemah minmin nynh oun ki hae zah na kalan he a sia hae te, vaawlang te na thaepah hae zah na thawccinaw thyhte avae patae na luesah hae.29Minmin kha na kawbya kalan paleihsaku khylan raeringnaw na pya hae. Tuhzemah lysakuh hae zah na kawbya hae kha zui khyh hae, zuinaw liate ccungccaw hiinnaw laanpi athuapaw na phungzae hae kha rawsete a sei hae. Puasakute mih lungkhungsakuh hae zah kawngae khyh hae.30Kum patae na ngaesangpah hae zah na muisaw te na profeh hae kyate raeringnaw na pya hae; tuhzemah ngae khyh hae. Tukeiccuze ramccang e minphuin hae kuih kalan na pya hae.31Thuasalama nang tuh thawccih thyapaw te ngaethyaumsah thyapaw Pachia na thua keiccuze myarya lepaw na ngaethyaumsahnaw te mih thangnaw kha na thuasah khyh zah na vua khyh hae.32“Tukeiccuze atu tuh kae Pachia, alesaepaw, athungpaw te ri lan umpaw Pachia, byakinnaw te atynpaw sungsahnaw a ccingsahtu, kae tungvaw, kae siapharan hae tungvaw, kae bawi hae, kae ranpibawi hae, kae profeh hae, kae minpaaw hae te na ccungccaw balyn tungvaw kya, Assiria siapharan hae she kyate atunin cia yn thuapaw vawsawnaw balyn hynh pawlangria leite beih um nan.33Kae tungvaw a thuapaw balyn kya nang tuh na ding, pawccecize nang nynh tuh lungzite na cyih zah kaening nynh tuh ahoy lei lante kae cyi;34kae siapharan hae, kae bawi hae, kae ranpibawi hae te kae minpaaw hae nynh na la pya hae paw na kawbya kha zui khyh hae, na pya hae paw na kawbya hae te raeringnaw kha pawlangria khyh hae.35Myarya lepaw na hoynaw te na pya hae paw mih ram, mih malang na nungpya hae paw ram lepaw te a hoirumpaw ram lungkhu khe na rya kha lah khyh hae zah ahoy leipaw mih ryalaw kha maetawkuh khyh hae.36A thingthae te a lasung hoypaw kya lungpawkhaeku lan kae minpaaw hae na la pya hae paw ram lungkhu kya kaening tuh atunin see lang kae tang zah see hae nynh kae thua vae.37Kae seinaw keiccuze kae luki na sangsah hae paw siapharan hae kalan khe ram a hoirumnaw thae tuh a cceih vae; kae pyn te kae sahiin hae tungvaw kya mah mih rythyte huhan thuakuh hae zah kaening tuh myaryamaw kae riathae,” a ci. Byakinnaw kya Minthuhkuh hae paw38E hae balyn keiccuze atynpaw nawccawnaw kha raete ccaw kae zei zah kae bawi hae, kae ccungccaw Levi phin hae te kae ranpibawi hae nynh mih min kha tazeih a khia hae.1Tazeih khiapaw ccaw kya umpaw min hae tuh: Hakaliah ccapaw ram uktu bawi Nehemiah, Zedekiah,2Seraiah, Azariah, Jeremiah,3Pashhur, Amariah, Malkhijah,4Hattush, Shebaniah, Malluk,5Harim, Meremoth, Obadiah,6Daniel, Ginnethon, Baruk,7Meshullam, Abijah, Mijamin,8Maaziah, Bilgai, Shemaiah, e hae tuh ranpibawi hae nynh thua.9Te Levi phin hae tuh: Azaniah ccapaw Jeshua, Henadad ccapaw hae kya-e Binnui, Kadmiel;10te mih uno hae, Shebaniah, Hodiah, Kelita, Pelaiah, Hanan,11Mika, Rehob, Hashabiah,12Zakkur, Sherebiah, Shebaniah,13Hodiah, Bani, Beninu.14Ccungccaw hae cciakhaetu hae tuh: Parosh, Pahath-moab, Elam, Zattu, Bani,15Bunni, Azgad, Bebai,16Adonijah, Bigvai, Adin,17Ater, Hezekiah, Azzur,18Hodiah, Hashum, Bezai,19Harif, Anathoth, Nebai,20Magpiash, Meshullam, Hezir,21Meshezabel, Zadok, Jaddua,22Pelatiah, Hanan, Anaiah,23Hoshea, Hananiah, Hasshub,24Hallohesh, Pilha, Shobek,25Rehum, Hashabnah, Maaseiah,26Ahiah, Hanan, Anan,27Malluk, Harim te Baanah nynh thua hae. Byakinnaw Adynnawte28Tuhlaepaw ccungccaw hae, ranpibawi hae, Levi phin hae, sakoih ngawtu hae, hlawsahthya hae paw, beikinn ryalahtu hae te Pachia kawbya kha zui khylan ram lungkhu e ccungccaw hae kyate mimaw ccangte a um hae paw balyn tuh mih zu hae, mih ccapaw hae, mih ccanung hae ryte nynaw te thaethyanaw a hoi hae paw balyn tuh29mih vaeccaw hae, mih bawi hae ryte pykuh hae zah, Pachia ryalahtu Moses kyate pyapaw Pachia kawbya kha zui khylan te Bawipaw kae Bawipaw kawbya balyn, a phungzae hae te a phungbya hae kha zuite cyi khylan thyalawkute byakinkunaw a rae hae.30E ram kya-e ccungccaw hae kalan kae ccanung hae kha zu lang kae pya lan khyh hae, mih ccanung hae kha kae ccapaw hae zu lang kae hoipah lan khyh hae;31e ram kya-e ccungccaw hae nynh sabbath nin kya uccaw thuasah, looh hankhakheit thuasah zua lan oun cciakhae hae ze kaening nynh sabbath nin te ninthyaa nin kya kae re lan khyh; kum sarinaw kum kya kae laephi kya looh kae ccou lan khyh zah laebah miakaw kha kae suing cih hae.32Kae Pachia inn ryalawnaw hanlan kum takyhte shekel pum thum pum kheit kae pya cih:33umkhaenaw sanlou, tyty raepaw ccathae silawnaw, tyty raepaw maee-ute silawnaw, sabbath hae, sawpaw thawpaw hae, accyh khyapaw poi hae, athyaapaw ahlu hae, Israel hae elang seishawnaw raepya nawlan seithyaanaw silawnaw te Pachia inn e rya miakaw hanlan tuhcite kae pya cih.34Kawbya kya azeiku thyhte, Bawipaw kae Pachia silawhang vawlan maeetua nawlan thing ahlu kha kum takyhte khyapaw accyh kyakhe mawmaw puizia raveihte kae Pachia inn lang thuakhae khylan ranpibawi hae, Levi phin hae te ccungccaw hae kha ccungthy kae dungsah cih hae.35Kae laephi kya-e thaety te kae thingku miakaw kya-e thingthae balyn kya-e thaety kha kum takyhte Bawipaw inn lang thuakhae lan thuasah,36kawbya kya azeiku thyhte, kae ccapaw hae kya-e ccatawccaw te kae sahiin kya-e thanty te kae vaetua phu te kae tuuphu hae kya-e thanty hae kha kae Pachia inn lang, kae Pachia inn kya ryalah hae paw ranpibawi hae kalan thuakhae lan thuasah,37te masaty kae ruepaw ccathae kya-e vaekhui, ahlu hae, thingthae thaety miakaw, misutui te chitui kha ranpibawi hae kalan, kae Pachia inn akhaan lungkhu lang thuakhae lan thuasah, te khua taraw miakaw kya pumhaw pumkheit a ccakhungtu hae tuh Levi phin hae athua hae keiccuze kae laephi kyate apoupaw looh pumhaw pumkheit kha Levi phin hae kalan thuakhae lan cite bya kae kinku.38Levi phin hae nynh pumhaw pumkheit kha a law vae hae ze, Aaron ciihan ranpibawi tuh a umbua cih; te Levi phin hae nynh pumhaw pumkheit hae kya-e pumhaw pumkheit kha kae Pachia inn, sisuakhaan kya akhaan lungkhu lang a nung cih hae.39Israel hae te Levi ccapaw hae nynh looh, misutui te chitui ahlu hae kha beikinnthyaa angphe hae a umnaw uccawkhaan hae kalan te ryalahtu ranpibawi hae, sakoih ngawtu hae te hlawsahtu hae a umnaw hae khaan kalan a thuakhae cih hae. Kae Pachia inn kha kae sawphah lan khyh. Jerusalem Milu Alungthung1Ccungccaw zapi cciakhaetu hae tuh Jerusalem khua kya a um hae; tuhlaepaw ccungccaw hae tuh Jerusalem khua thyaapaw kya lu haw kyaze lu kheit um khylan ccungthy a dung hae, lu haw kyaze lu takua tuh ccangpaw khua hae kya a um hae.2Jerusalem khua kya um lan mimaw lungthote a paccynkuh hae paw balyn kha ccungccaw hae nynh hythua a pya hae.3E hae tuh Jerusalem kya um hae paw pee kya-e cciakhaetu hae nynh thua; thuasalama Judah ram e khua hae kyakhe Israel hae, ranpibawi hae, Levi phin hae, beikinn ryalahtu hae te Solomon a ryalahtu hae ciihan hae tuh mih uccaw a umnaw mimaw khua raveih kya a um hae.4Judah phin hae abang te Benjamin phin hae abang tuh Jerusalem kya a um hae. Judah phin hae tuh: Athaiah, aning tuh Uzziah ccapaw, Uzziah tuh Zekhariah ccapaw, Zekhariah tuh Amariah ccapaw, Amariah tuh Shefatiah ccapaw, Shefatiah tuh Mahalalel ccapaw, Mahalalel tuh Perez ciihan kya-e nynh thua;5te Maaseiah, aning tuh Baruk ccapaw, Baruk tuh Kolhozeh ccapaw, Kolhozeh tuh Hazaiah ccapaw, Hazaiah tuh Adaiah ccapaw, Adaiah tuh Joiarib ccapaw, Joiarib tuh Zekhariah ccapaw, Zekhariah tuh Shelah ciihan nynh thua.6Jerusalem kya um hae paw Perez ciihan hae tuh arawthungpaw rhawkaw hae za pali sung taruh lu tarya acih hae.7Benjamin ciihan hae tuh: Sallu tuh Meshullam ccapaw, Meshullam tuh Joed ccapaw, Joed tuh Pedaiah ccapaw, Pedaiah tuh Kolaiah ccapaw, Kolaiah tuh Maaseiah ccapaw, Maaseiah tuh Ithiel ccapaw, Ithiel tuh Jeshaiah ccapaw nynh thua.8Sallu uno hae tuh Gabbai te Sallai: za takua lu kuin acih hae.9Zikhri ccapaw Joel tuh mih cciakhaetu thua zah, Hassenuah ccapaw Judah tuh khuabawi a zuipaw lu ningnaw bawi nynh thua.10Ranpibawi hae tuh: Joiarib ccapaw Jedaiah te Jakhin;11Seraiah tuh Hilkiah ccapaw, Hilkiah tuh Meshullam ccapaw, Meshullam tuh Zadok ccapaw, Zadok tuh Meraioth ccapaw, Meraioth tuh Ahitub ccapaw, Ahitub tuh Pachia inn do-oihtu bawi thua,12inn rya a lah hae paw uno hae tuh za tarya lu kuin lae ning acih hae; Adaiah tuh Jehoram ccapaw, Jehoram tuh Pelaliah ccapaw, Pelaliah tuh Amzi ccapaw, Amzi tuh Zekhariah ccapaw, Zekhariah tuh Pashhur ccapaw, Pashhur tuh Malkhijah ccapaw,13a uno hae, puizia kya-e lu hae ryte za ning sung pali lu ning acih hae; te Amashai tuh Azarel ccapaw, Azarel tuh Ahazi ccapaw, Ahazi tuh Meshillemoth ccapaw, Meshillemoth tuh Immer ccapaw,14te mih uno hae, arawthungpaw rhawkaw hae tuh za kheit lu kuin lae tarya acih hae; mih cciakhaetu tuh Haggedolim ccapaw Zabdiel nynh thua.15Levi phin hae tuh: Hasshub ccapaw Shemaiah thua zah, Hasshub tuh Azrikam ccapaw, Azrikam tuh Hashabiah ccapaw, Hashabiah tuh Bunni ccapaw nynh thua;16te Levi phin hae kya-e cciakhaetu hae Shabbethai te Jozabad nynh Pachia inn atolang e rya kha a do hae;17te Mikah ccapaw Mattaniah thua zah, Mikah tuh Zabdi ccapaw, Zabdi tuh Asaf ccapaw, Asaf tuh lungtua sawsangnaw kyaze hlaw cciakhaetu nynh thua, te Bakbukiah tuh a uno hae kyaze lu ningnaw nynh thua; te Shammua ccapaw Abda thua zah, Shammua tuh Galal ccapaw, Galal tuh Jeduthun ccapaw nynh thua.18Khua thyaapaw kya um hae paw Levi phin hae tuh mih balynte za ning sung tarya lu pali acih hae.19Sakoih ngawtu hae Akkub, Talmon te sakoih ngawtu mih uno hae tuh za kheit sung sari lu ning acih hae.20Tuhlaepaw Israel hae, ranpibawi hae te Levi phin hae tuh Judah khua hae miakaw kya, mih balyn te mih rho raveih kya a um hae.21Thuasalama beikinn ryalahtu hae tuh Ofel kya a um hae; Ziha te Gishpa nynh beikinn ryalahtu hae kha a uk hae.22Jerusalem kya umpaw Levi phin hae cciakhaetu tuh Bani ccapaw Uzzi nynh thua, Bani tuh Hashabiah ccapaw, Hashabiah tuh Mattaniah ccapaw, Mattaniah tuh Mika ccapaw, Mika tuh Asaf ciihan thua zah, Asaf ciihan hlawsahtu hae tuh Pachia inn rya a do-oihtu hae nynh thua.23Pawccecize minmin te asekuh lante, hlawsahtu hae hanlan nin takyh ahopaw looh kha pya athua cih hae cite siapharan nynh kaw a pya hae.24Judah ccapaw Zerah ciihan Meshezabel ccapaw Pethahiah tuh Persia siapharan kuihkaw e bawi thua zah Israel ccungccaw hae te asekuhpaw rya miakaw a lahtu nynh thua. Jerusalem Atolang e Khua hae25Khua taraw hae te mih loo hae kong tuh hynhte nynh thua, Judah ccungccaw hae abang tuh Kiriath-arba te a khua taraw hae, Dibon te a khua taraw hae, Jekabzeel te a khua taraw hae,26Jeshua khua, Moladah khua, Bethpelet khua,27Hazar-shual khua, Beersheba khua te a khua taraw hae kya,28Ziklag, Mekonah te a khua taraw hae kya,29Enrimmon, Zorah, Jarmuth,30Zanoah, Adullam te a khua taraw hae, Lakhish te a loo hae, Azekah te a khua taraw hae kya a um hae. Tuhcite Beersheba kyate Hinnom accya cia a um hae.31Benjamin ccungccaw hae nynh mah Geba, Mikmash, Aija, Bethel te a khua taraw hae,32Anathoth, Nob, Ananiah,33Hazor, Ramah, Gittaim,34Hadid, Zeboim, Neballat,35Lod, Ono te kuihhae hoy hae paw accya kya a um hae.36Judah ram kya um hae paw Levi phin hae phu abang tuh Benjamin ram kya a pykuh bua hae. Ranpibawi hae te Levi Phin hae1Shealtiel ccapaw Zerubbabel te Jeshua ryte a cceihthung hae paw ranpibawi hae te Levi phin hae tuh: Seraiah, Jeremiah, Ezra,2Amariah, Malluk, Hattush,3Shekaniah, Rehum, Meremoth,4Iddo, Ginnethoi, Abijah,5Mijamin, Maadiah, Bilgah,6Shemaiah, Joiarib, Jedaiah,7Sallu, Amok, Hilkiah, Jedaiah. E hae tuh Jeshua she lyaze ranpibawi hae te mih uno hae kya cciakhaetu hae nynh thua.8Levi phin hae tuh: Jeshua, Binnui, Kadmiel, Sherebiah, Judah te Mattaniah, Mattaniah tuh a uno hae ryte lungtuanaw hlaw a synriatu nynh thua hae.9Te mih uno hae Bakbukiah te Unno tuh hlawsah vae ze minmin te arawsekunaw khe a thadyn hae.10Jeshua tuh Joiakim paaw, Joiakim tuh Eliashib paaw, Eliashib tuh Joiada paaw,11Joiada tuh Jonathan paaw, Jonathan tuh Jaddua paaw nynh thua.12Joiakim she lyaze puizia hae kya lu athua hae paw ranpibawi hae tuh: Seraiah ciihan kyaze Meraiah, Jeremiah ciihan kyaze Hananiah,13Ezra ciihan kyaze Meshullam, Amariah ciihan kyaze Jehohanan,14Mallukhi ciihan kyaze Jonathan, Shebaniah ciihan kyaze Josef,15Harim ciihan kyaze Adna, Meraioth ciihan kyaze Halkai,16Iddo ciihan kyaze Zekhariah, Ginnethon ciihan kyaze Meshullam,17Abijah ciihan kyaze Zikhri, Miniamin ciihan kyaze, Moadiah ciihan kyaze Pittai,18Bilgah ciihan kyaze Shammua, Shemaiah ciihan kyaze Jehonathan,19Joiarib ciihan kyaze Mattenai, Jedaiah ciihan kyaze Mattenai, Jedaiah ciihan kyaze Uzzi,20Sallai ciihan kyaze Kallai, Amok ciihan kyaze Eber,21Hilkiah ciihan kyaze Hashabiah, Jedaiah ciihan kyaze Nethanel.22Eliashib, Joiada, Johanan te Jaddua she kya Levi phin hae puizia hae kya-e lu hae te ranpibawi hae kha Persia siapharan Darias uknaw kyacia mih min ccazing law athua hae.23Levi phin hae, puizia hae kya-e lu hae kha Eliashib ccapaw Johanan she kyacia Sherianaw Ccauh kya mih min ccazing zei athua hae.24Levi phin hae cciakhaetu hae Hashabiah, Sherebiah te Kadmiel ccapaw Jeshua tuh mih uno hae ryte Pachia ccungccapaw David kawpyanaw thyhte thehoysah khylan te lungtuabya ho khylan aphuphute a hawiliakuh hae.25Mattaniah, Bakbukiah, Obadiah, Meshullam, Talmon te Akkub tuh sakoih kya-e sisuainn kya thadyn lante sakoih ngawtu nynh thua hae.26E hae tuh Jozadak ccapaw Jeshua a ccapaw Joiakim she, uktu bawi Nehemiah she lyate kawbya sazaepaw ranpibawi Ezra she kya a um hae. Khua A Koihpaw Khualungrua Apnaw27Jerusalem khualungrua apnaw kyakhe lanchi, tintang te tang-oi hae kha khuakute lungpawnaw te, lungtuabya hote, hlawsahte apnaw poi kha tua khylan Levi phin hae kha Jerusalem lang cciakhae khylan mih umnaw miakaw kya a ccung hae.28Hlawsahtu aphu hae tuh Jerusalem khua pepan kyate, Netofah pepan e khua taraw hae kyate,29Beth-gilgal kyate, Geba te Azmaveth pee hae kyate mah pynkheihlan a pumkuh hae; pawccecize hlawsahtu hae nynh Jerusalem pepan khe khua taraw hae kha a raeku hae.30Ranpibawi hae te Levi phin hae nynh mimaw kha thyaasakuh hae zah, ccungccaw hae, sakoih hae te khualungrua kha mah a thyaasah hae.31Judah cciakhaetu hae kha khualungrua vawlan ka cciakhae hae zah lungtuanaw hlawsahtu aphupi phu ning lang ka nung hae. Phu kheit tuh ranglang khe khualungrua vawlan te Athupaw Koikua kalan a cceih hae;32minmin nulang te Hoshaiah te Judah bawi hae angankuh,33Azariah, Ezra, Meshullam,34Judah, Benjamin, Shemaiah te Jeremiah,35mungkae a ccyng hae paw ranpibawi ccangvae hae abang tuh a cceih hae, tuh-e hae tuh: Zekhariah te a uno hae Shemaiah, Azarel, Milalai, Gilalai, Maai, Nethanel, Judah te Hanani thua hae zah minmin nynh Pachia ccungccapaw David kya-e khuakupaw uccaw hae ccyngkute a zui hae; kawbya sazaepaw Ezra tuh mih malang khe a cceih. Zekhariah tuh Jonathan ccapaw, Jonathan tuh Shemaiah ccapaw, Shemaiah tuh Mattaniah ccapaw, Mattaniah tuh Mikaiah ccapaw, Mikaiah tuh Zakkur ccapaw, Zakkur tuh Asaf ccapaw nynh thua.37Mih malang e Tuidy Sakoih kya thua hae zah khualungrua kaenaw David khua nawkui kyate lawbabin lan kaethung hae zah David inn luki, nithua lang e Tui Koikua kyacia a cceih hae.38Lungtuanaw hlawsahtu hae ccangpaw phu kheit tuh voilang cceih hae zah, kae te ccungccaw hae angankuh nynh khualungrua vawlan te Sanlou Ruanaw Innhangpaw luki, Akopaw Khualungrua kyacia kae zui hae.39Efraim Koikua luki, Koikua Rynpaw, Ngasaw Koikua, Hananel Innhangpaw, Azah Innhangpaw te Tuu Koikua kyacia kae cceih; te minmin tuh Ngawtu Sakoih kya a thadyn hae.40Tuhcite lungtuanaw hlawsahtu phu ning hae tuh parouh mawte Pachia inn kya thadyn hae zah, kae te bawi hae angankuh mah kae thadynbua;41ranpibawi hae Eliakim, Maaseiah, Miniamin, Mikaiah, Elioenai, Zekhariah te Hananiah tuh mungkae ccyngkute a thadyn hae;42Maaseiah, Shemaiah, Eleazar, Uzzi, Jehohanan, Malkhijah, Elam te Ezer mah a thadyn hae. Hlawsahtu hae tuh Jezrahiah nynh lupi lang umpyate hlaw a sah hae.43Tuin nin khe silawnaw pipi kha rae hae zah mih lungpaw, pawccecize Pachia nynh myarya lepaw lungpawnaw kha a pya hae. Jerusalem lungpawnaw roi tuh laansawpi te a thae hae. Beikinn Ryalaw hae44Kawbya thyhte ccou lan ccan zah ranpibawi hae te Levi phin hae hanlan tuh-e khua hae loo kya-e a suelua hae paw ahlu hae, thaety hae te pumhaw pumkheit hae ccakhungnawpaw akhaan hae a do-oihtu ccungccaw hae kha tuin nin kya a khang hae; pawccecize Judah hae tuh ryalahtu ranpibawi hae te Levi phin hae tungvaw mih lungpaw.45David te a ccapaw Solomon nynh kawpya hae thyhte, hlawsahtu hae te sakoih ngawtu hae nynh a cyi hae hawte, mih Pachia rya te thyaasahkunaw rya kha minmin nynh a law hae.46Pawccecize langmawlya David te Asaf she lyakhe Pachia thehoysahnaw te lungtuabya honawpaw hlaw hae la um zah a sahkhaetu lupi mah a um.47Zerubbabel she te Nehemiah she lyakhe Israel hae balyn nynh hlawsahtu hae te sakoih ngawtu hae hanlan nin takyh a ccou lan hae paw kha a pya hae. Levi phin hae nynh a ccou lan hae paw kha taekhiate a nung hae; te Aaron ciihan hae nynh a ccou lan hae paw kha Levi phin hae nynh taekhiate a nungpya hae. Ramccang hae A Phiakuh hae1Tuin nin khe ccungccaw hae a thaenaw hae khe Moses ccauh kha a ria hae; tuh-e ccauh lungkhu khe Ammon hae te Moab hae humhung mah Pachia ccungccaw hae a pumkuh hae paw kalan tee lan khyh hae cite azeikuhpaw kha a muih hae,2pawccecize minmin nynh Israel hae kha sanlou te tui te cciadue leite, minmin kha thyalaw khylan Balaam kha a hohnua hae—tuhzemah ah Pachia nynh thyalawnaw kha hythuanaw lang a paleih.3Ccungccaw hae nynh kawbya kha he a thae hae te, ramccang ciihan hae balyn kha Israel hae kyate a phia hae. Nehemiah nynh A Raethui hae paw4E mawze, ah Pachia inn e akhaan hae do-oihtu lang a nung hae paw, Tobiah ryte anaekuh hae paw ranpibawi Eliashib nynh5ccathae silawnaw, mynkhuhpaw, angphe hae thuasah, kawbya thyhte Levi phin hae, hlawsahtu hae te sakoih ngawtu hae a pya hae paw ccathae, misutui, chitui pumhaw pumkheit thuasah, ranpibawi hae elang a hlu hae paw ahlu hae thuasah langmawlya a la nungnaw hae paw akhaan lepaw kha Tobiah hanlan a paccynpya.6E acyiku lya hynh kae tuh Jerusalem kya ka um khyh, pawccecize Babilon Siapharan Artazaksis nynh siapharan lang a tangnaw sung thum kum ningnaw kum kya siapharan kalan ka cceih. Sosoh koute siapharan kha akhue ka ngiakuh zah7Jerusalem lang ka ki. Te Eliashib nynh Tobiah hanlan Pachia inn voidu lungkhu kya akhaan paccynpah zah hoyleinaw kha a rae cipaw ka ny.8Ka thin myarya ria zah Tobiah innbyn kya-e uccaw balyn kha akhaan lungkhu te ka vua.9Te kaw ka pya hae zah akhaan hae kha ccikan hae zah, Pachia inn angphe hae kha ccathae silawnaw te mynkhuhpaw hae ryte ka kikhae hae.10Levi phin hae kha mih hanpaw pya khyh hae cipaw kha mah ka muih; tukeiccuze beikinn rya a lah hae paw Levi phin hae te hlawsahtu hae tuh mimaw loo raveih lang a cceih vae hae.11Tukeiccuze bawi hae kha ka bo hae zah, “Pawccemou Pachia inn tuh vua athua?” ka cipya hae. Minmin kha ka pum hae zah mih umnaw hmin kya ka nung hae.12Te Judah hae balyn nynh looh, misutui te chitui pumhaw pumkheit kha sisuainn lang a thuakhae hae.13Te sisuainn a uktu suaccytu hae lang ranpibawi Shelemaih, kawbya sazaepaw Zadok te Levi phin athuapaw Pedaiah kha ka khang hae, minmin a bawmtu hae lang Mattaniah ccapaw Zakkur a ccapaw Hanan kha ka khang, pawccecize minmin tuh mih lungzi cite tua athua hae; minmin nynh mih uno hae kalan uccaw neepaw rya kha a law hae.14Pou ka Pachia, e konglang te kae hynh beih yn ning nan, ka Pachia inn hanlan te a ryalaw hanlan ahoypaw rya ka lawpaw hynh beih yn ningpah nan. Sabbath Nin kya Haeungsahnaw15Tuin ccyh lyaze ccungccaw hae nynh Judah ram kya sabbath nin khe misu mia hae zah ccathae patae kha lah hae zah lann tungvaw a phusah hae paw kha ka muih; misutui, misu thae, thaekute phupaw aphuinphuin kha sabbath nin kya Jerusalem lang a phu hae paw kha mah ka muih; looh a zua nin hae khe raeringnaw ka pya hae.16Tuh-e khuapi kya um hae paw Tair ccungccaw hae nynh ngasaw te uccaw aphuinphuin kha oun cciakhae hae zah sabbath nin khe Judah ccungccaw hae kalan te Jerusalem khua kya a zua hae.17Tetuh Judah bawi hae kha ka bo hae zah, “Sabbath nin kha na thusah oh zah, e hoyleinaw na rae oh paw hynh pawtemou athua?18Nae minpaaw hae nynh hynhte a cyi hae keiccuze e ronaw balyn hynh aening tungvaw te e khuapi kya ah Pachia nynh thuasah khyh tou? Tuhzemah nanning nynh sabbath kha thusahte Israel tungvaw kya thinrianaw kha houh na thuakhae oh,” ka cipya hae.19Sabbath nin athua maw Jerusalem koikua hae kya he amoh takaw te, thuakaw hae kha khaw athua cih cite kaw ka pya hae zah sabbath nin athang mawlaezung thuakaw hae kha hung thua lan khyh cite kaw ka tho. Sabbath nin kya pawpaw uccaw mah khua lungkhu lang teekhae athua khyh nawlan, ka ryalahtu hae abang kha koikua hae kya ka nung hae.20Tetuh kungku hae te uccaw aphuinphuin a zuatu hae tuh Jerusalem khua atolang khe vae kheit vae ning a rya hae.21Thuasalama minmin kha raeringnaw ka pya hae zah, “Pawccemou khualungrua pe na rya oh? Hynhte bua na cyi oh ze, kae kyng cih oh,” ka cipya hae. Tuin ccyh te vae tuh sabbath nin kya oun thua vae khyh hae.22Sabbath nin kha thyaasah khylan Levi phin hae nynh mimaw te mimaw thyaasakute oun cceih hae zah koikua hae kha a ngaw nawlan hae kaw ka pya hae. Pou ka Pachia, e kong keiccuze kae hynh yn ning nan, atynpaw na sungsahnaw tuh ale thyhte kae hynh ngaethya beih yn umsah. Minphuin Ccangpaw hae te Zuvaw Tangnaw23Tuin ccyh lyakhe Ashdod nopi hae, Ammon nopi hae te Moab nopi hae ryte zuvaw lang tang hae paw Judah hae kha mah ka muih hae;24mih ccaaw hae angankuh tuh Ashdod bya kha ho hae zah Judah bya kha hothya khyh hae, ccangpaw minphuin hae bya aphuinphuin kha a ho hae.25Te minmin kha ka seisah hae zah thya ka law hae, minmin abang kha ka zia hae zah mih sang te ka sue hae; Pachia min te bya ka kinsakuh hae zah, “Nae ccanung hae kha mih ccapaw hae zu lang na pya lan khyh oh, mih ccanung hae kha nae ccapaw hae hanlan thuasah, naemaw hanlan thuasah zu lang na dy lan khyh oh.26Solomon Siapharan tuh tuhcihawpaw nopi hae keiccuze sei khyh tou? Minphuin patae hae laku kya aning tahawpaw siapharan um khyh, a Pachia nynh sungsah zah Israel hae balyn a uktu siapharan lang a khang; thuasalama ramccang nopi hae nynh aning kha heize seinaw a raesah hae.27Kaening nynh nanning bya kha ngae lan zah ramccang nopi hae kha zu lang dykute myarya lepaw e hoyleinaw balyn hynh raete kae Pachia tungvaw kya lungzi leite kae um cih zawtou?” ka cipya hae.28Ranpibawi lupi Eliashib ccapaw Jehoiada a ccapaw lu kheit tuh Horon ccungccaw Sanballat paeepaw athua keiccuze ka kyate ka dee.29Pou ka Pachia, minmin nynh ranpibawi thuanaw kha thuasah, ranpibawi hae byakinnaw te Levi phin hae byakinnaw kha thuasah a thusah hae keiccuze minmin kha syntaw hae.30Tuhcite Judah hae kha ramccang hae te asekuhpaw atyn-are kyate ka thyaasah hae zah, ranpibawi hae te Levi phin hae kha mimaw rya raveih kya ka nung hae;31accyh khyapaw kya silawnaw lanpaw thing ahlu te thaety hanlan kha ka pya hae. Pou ka Pachia, hoynaw ka ccou nawlan yn ning nan.
Bible Society of Myanmar