1 SHERIANAW1

Adam kyate Abraham cia

1Adam, Seth, Enosh,2Kenan, Mahalalel Jared,3Enok, Methuselah, Lamek,4Noah, Shem, Ham te Jafeth.
5Jafeth ciihan hae tuh: Gomer, Magog, Madai, Javan, Tubal, Meshek te Tiras.6Gomer ciihan hae tuh: Ashkenaz, Rifath, te Togarmah.7Javan ciihan hae tuh: Elishah, Tarshish, Kittim te Rodanim.
8Ham ciihan hae tuh: Kush, Izip, Put te Kanaan.9Kush ciihan hae tuh: Seba, Havilah, Sabta, Raama te Sabteka. Raamah ciihan hae tuh: Sheba te Dedan.10Kush tuh Nimrod paaw thua zah, laephi vawlan masaty a thawsae huapaw nynh thua.
11Izip tuh Lud, Anam, Lehab, Naftuh,12Pathrus, Kasluh (Filistin hae thokeinaw) te Kaftor ccungccaw hae mih paaw nynh thua.
13Kanaan tuh a ccatawccaw Sidon, Heth,14Jebus hae, Amor hae, Girgash hae,15Hiv hae, Arki hae, Sin hae,16Arvad hae, Zemari hae te Hamath hae mih paaw nynh thua.
17Shem ciihan hae tuh: Elam, Asshur, Arpakshad, Lud, Aram, Uz, Hul, Gether te Meshek.18Arpakshad tuh Shelah paaw thua zah Shelah tuh Eber paaw nynh thua.19Eber nynh ccapaw lu ning a saah: lu kheit min tuh Peleg nynh thua (pawccecize aning she lyakhe laephi vaw e ccungccaw hae tuh a phiakuh hae), a neitaw min tuh Joktan nynh thua.20Joktan tuh Almodad, Shelef, Hazarmaveth, Jerah,21Hadoram, Uzal, Diklah,22Ebal, Abimael, Sheba,23Ofir, Havilah te Jobab paaw nynh thua; e hae balyn hynh Joktan ciihan hae nynh thua.
24Shem kyate Abraham cia: Shem, Arpakshad, Shelah;25Eber, Peleg, Reu,26Serug, Nahor, Terah te27Abram, tuh-e tuh Abraham nynh thua. Abraham kyate Jakob cia (Gen 25.12-16)
28Abraham ccapaw hae tuh: Isak te Ishmael.29E hae hynh mih ciihan hae nynh thua: Ishmael a ccatawccaw tuh Nebaioth nynh thua; te Kedar, Adbeel, Mibsam,30Mishma, Dumah, Massa, Hadad, Tema,31Jetur, Nafish te Kedemah. E hae nynh Ishmael ccapaw hae nynh thua.32Abraham a lovaenung Keturah ccapaw hae tuh: Zimran, Jokshan, Medan, Midian, Ishbak te Shuah. Jokshan ccapaw hae tuh: Sheba te Dedan.33Midian ccapaw hae tuh: Efah, Efer, Hanok, Abida te Eldaah. E hae balyn tuh Keturah ciihan hae nynh thua.
34Abaraham tuh Isak paaw nynh thua. Isak ccapaw hae tuh: Esau te Israel.35Esau ccapaw hae tuh: Elifaz, Reuel, Jeush, Jalam te Korah.36Elifaz ccapaw hae tuh: Teman, Omar, Zefi, Gatam, Kenaz, Timna te Amalek.37Reuel ccapaw hae tuh: Nahath, Zerah, Shammah te Mizzah.
38Seir ccapaw hae tuh: Lotan, Shobal, Zibeon, Anah, Dishon, Ezer te Dishan.39Lotan ccapaw hae tuh: Hori te Homam; Lotan ccianung tuh Timna nynh thua.40Shobal ccapaw hae tuh: Alian, Manahath, Ebal, Shefi te Onam. Zibeon ccapaw hae tuh: Aiah te Anah.41Anah ccapaw tuh: Dishon. Dishon ccapaw hae tuh: Hamran, Eshban, Ithran te Kheran.42Ezer ccapaw hae tuh: Bilhan, Zaavan te Jaakan. Dishan ccapaw hae tuh: Uz te Aran.
43Israel hae a uktu siapharan a la um mawze Edom ram a uktu siapharan hae tuh: Beor ccapaw Bela thua zah, a khua min tuh Dinhabah acikuh.44Bela a chih te, Bozrah ccapaw Zerah a ccapaw Jobab nynh siapharan lang a tang.45Jobab a chih te, Teman hae ram e Husham nynh siapharan lang a tang.46Husham a chih te, Moab ram e Midian hae a taetu Bedad ccapaw Hadad tuh siapharan lang a tang; a khua min tuh Avith nynh thua.47Hadad a chih te, Masrekah khuapaw Samlah nynh siapharan lang a tang.48Samlah a chih te, Zufrates vaw kin umpaw Rehoboth khuapaw Shaul nynh siapharan lang a tang.49Shaul a chih te, Akhbor ccapaw Baalhanan nynh siapharan lang a tang.50Baalhanan a chih te, Hadad nynh siapharan lang a tang; a khua min tuh Pai acikuh, a zu min tuh Mehetabel cikuh zah Matred ccanung nynh thua, Matred tuh Mezahab ccanung nynh thua.51Hadad tuh a chih.
Edom ram e bawi hae tuh: Timna, Aliah, Jetheth,52Oholibamah, Elah, Pinon,53Kenaz, Teman, Mibzar,54Magdiel te Iram nynh thua hae; e hae hynh Edom bawi hae nynh thua. Israel Ccapaw hae te Judah Ciihan hae
1Israel ccapaw hae tuh: Reuben, Simeon, Levi, Judah, Issakhar, Zebulun,2Dan, Josef, Benjamin, Naftali, Gad te Asher.3Judah ccapaw hae tuh: Er, Onan te Shelah; e lu thum hae hynh Kanaan nopinung Bathshua nynh a saahpya hae paw nynh thua. Judah a ccatawccaw Er tuh Bawipaw muihnaw kya ccungccaw hoyleipaw thua zah Bawipaw nynh phe a chia.4A monung Tamar nynh mah Perez te Zerah kha a saahpya hae. Judah tuh abalynte ccapaw lu pangaw a hoi.
5Perez ccapaw hae tuh: Hezron te Hamul.6Zerah ccapaw hae tuh: Zimri, Ethan, Heman, Kalkol te Dara, mih balynte lu pangaw.7Zerah ciihan Karmi ccapaw hae tuh: Israel kha vawsaw a pyatu, thyaasah athuapaw uccaw tungvaw a seitupaw Akhan kha nynh thua;8Ethan ccapaw tuh Azariah nynh thua.
9Hezron nynh a saahkupaw a ccapaw hae tuh: Jerahmeel, Ram te Khelubai.10Ram tuh Amminadab paaw nynh thua, Amminadab tuh Judah ccapaw hae mih bawipaw Nahshon a paaw nynh thua.11Nahshon tuh Salma paaw, Salma tuh Boaz paaw,12Boaz tuh Obed paaw, Obed tuh Jesse paaw nynh thua.13Jesse tuh a ccatawccaw Eliab, lu ningnaw Abinadab, lu thumnaw Shimea,14lu palinaw Nethanel, lu pangawnaw Raddai,15lu taruhnaw Ozem te lu sarinaw David hae mih paaw nynh thua;16mih ccianung hae tuh Zeruiah te Abigail nynh thua hae. Zeruiah ccapaw hae tuh: Abishai, Joab te Asahel, lu thum acih hae.17Abigail nynh Amasa kha saah zah, Amasa paaw tuh Ishmael ccungccaw Jether nynh thua.
18Hezron ccapaw Kaleb nynh a zu Azubah te Jerioth kya a saahpaw ccapaw hae tuh: Jesher, Shobab te Ardon.19Azubah he a chih te, Kaleb nynh Efrath kha zu lang hoi zah, aning nynh Hur kha a saahpya.20Hur tuh Uri paaw thua zah, Uri tuh Bezalel paaw nynh thua.
21Tukoute Hezron nynh kum sung taruh acih te, Gilead paaw Makhir a ccanung kha zu lang hoi zah, tuh-e nung nynh Segub kha a saahpya;22Segub tuh Jair paaw thua zah, Jair nynh Gilead ram kya khua kuin lae thum a hoi.23Thuasalama Geshur te Aram nynh Havothjair khua, Kenath khua te a khua taraw hae sung taruh kha a lua hae. E hae balyn hynh Gilead paaw Makhir ciihan hae nynh thua.24Hezron tuh Kaleb-efrathah khua kya a chih koute a zu Abijah nynh Ashhur kha a saahpya, Ashhur tuh Tekoa a paaw nynh thua.
25Hezron a ccatawccaw Jerahmeel ccapaw hae tuh: a ccatawccaw Ram, Bunah, Oren, Ozem te Ahijah.26Jerahmeel nynh Atarah cikuhpaw ccangpaw zu kha mah a hoi; aning tuh Onam a nung nynh thua.27Jerahmeel a ccatawccaw Ram ccapaw hae tuh: Maaz, Jamin te Eker.28Onam ccapaw hae tuh: Shammai te Jada. Shammai ccapaw hae tuh: Nadab te Abishur.29Abishur a zu min tuh Abihail thua zah, aning nynh Ahban te Molid kha a saahpya.30Nadab ccapaw hae tuh: Seled te Appaim; Seled tuh ccaawsaah leite a chih.31Appaim ccapaw tuh Ishi. Ishi ccapaw tuh Sheshan. Sheshan ccapaw tuh Ahlai.32Shammai neitaw Jada ccapaw hae tuh: Jether te Jonathan; Jether tuh ccaawsaah leite a chih.33Jonathan ccapaw hae tuh: Peleth te Zaza. E hae tuh Jerahmeel ciihan hae nynh thua.34Sheshan tuh ccapaw saah khyh, ccanung hae rou nynh a saah; Sheshan nynh Izip ccungccaw see lu kheit hoi zah a min tuh Jarha acikuh.35Sheshan nynh a ccanung kha a seepaw Jarha te umsakheih hae zah, aning nynh Attai kha a saahpya.36Attai tuh Nathan a paaw, Nathan tuh Zabad a paaw.37Zabad tuh Eflal a paaw, Eflal tuh Obed a paaw.38Obed tuh Jehu a paaw, Jehu tuh Azariah a paaw.39Azariah tuh Helez a paaw, Helez tuh Eleasah a paaw.40Eleasah tuh Sismai a paaw, Sismai tuh Shallum a paaw.41Shallum tuh Jekamiah a paaw, Jekamiah tuh Elishama a paaw.
42Jerahmeel neitaw Kaleb ccapaw hae tuh: a ccatawccaw Mesha, aning tuh Zif a paaw nynh thua. Zif tuh Mareshah a paaw, Mareshah tuh Hebron a paaw nynh thua.43Hebron ccapaw hae tuh: Korah, Tappuah, Rekem te Shema.44Shema tuh Raham a paaw, Raham tuh Jorkeam a paaw thua zah, Rekem tuh Shammai a paaw nynh thua.45Shammai ccapaw tuh Maon thua zah, Maon tuh Beth-zur a paaw nynh thua.46Kaleb lovaenung Efah nynh mah Haran, Moza te Gazez kha a saah hae; Haran tuh Gazez a paaw nynh thua.47Jahdai ccapaw hae tuh: Regem, Jotham, Geshan, Pelet, Ephah, te Shaaf.48Kaleb lovaenung Maakah nynh Sheber te Tirhanah kha a saah hae.49Madmannah paaw Shaaf te Makbenah te Gibea paaw Sheva kha mah a saah hae; Kaleb ccanung tuh Akhsah nynh thua.50E hae hynh Kaleb ciihan hae nynh thua.
A zu Efratah te a saah hae paw ccatawccaw Hur a ccapaw hae tuh: Kiriath-jearim a paaw Shobal,51Bethlehem a paaw Salma te Beth-gader a paaw Haref.52Kiriath-jearim a paaw Shobal nynh a saahpaw ccangpaw ccapaw hae tuh: Haroeh te Menuhoth ccungccaw hae angankuh.53Kiriath-jearim kya um hae paw innbyn hae tuh: Ithra ccungccaw hae, Puth ccungccaw hae, Shumath ccungccaw hae te Mishrai ccungccaw hae nynh thua; e hae tuh Zorah ccungccaw hae te Eshtaol ccungccaw hae mih thokeinaw nynh thua.54Salma ccapaw hae tuh: Bethlehem, Netofath ccungccaw hae, Atroth-beth-joab ccungccaw hae, Manahath ccungccaw hae angankuh, Zor ccungccaw hae nynh thua hae.55Jabez khua kya um hae paw ccawzeithya hae paw tuh: Tirath ccungccaw hae, Shimeath ccungccaw hae te Sukath ccungccaw hae nynh thua hae. E hae tuh Rekhab ciihan hae mih paaw Hammath kyate a tho hae paw Ken ccungccaw hae nynh thua hae. David te Solomon Ciihan hae
1E hae tuh David nynh Hebron khua kya a saah hae paw a ccapaw hae nynh thua: a ccatawccaw Amnon kha Jezreel khuanung Ahinoam nynh a saahpya; lu ningnaw tuh Daniel thua zah Karmel khuanung Abigail nynh a saahpya;2lu thumnaw tuh Absalom thua zah Geshur siapharan Talmai ccanung Maakah nynh a saahpya; lu palinaw tuh Adonijah thua zah a nung tuh Haggith nynh thua.3lu pangawnaw tuh Shefatiah thua zah Abital nynh a saahpya; lu taruhnaw tuh Ithream thua zah, a zu Eglah nynh a saahpya;4lu taruh tuh Hebron khua kya a saah hae, tuin khua kya kum sari te sah taruh ram a uk. Jerusalem khua kyate sung thum kum thum ram a uk.5Ammiel ccanung Bathshua nynh Jerusalem khua kya a saahpyapaw a ccapaw hae lu pali tuh: Shimea, Shobab, Nathan te Solomon nynh thua hae;6te ccangpaw a ccapaw hae lu takua tuh: Ibhar, Elishama, Elipelet,7Nogah, Nefeg, Jafia,8Elishama, Eliada te Elifelet nynh thua hae.9E hae balyn hynh a lovaenung ccapaw hae hobia leite, David ccapaw hae nynh thua; mih ccianung tuh Tamar nynh thua.
10Solomon ciihan hae tuh: Solomon ccapaw Rehoboam, Rehoboam ccapaw Abijah, Abijah ccapaw Asa, Asa ccapaw Jehoshafat,11Jehoshafat ccapaw Joram, Joram ccapaw Ahaziah, Ahaziah ccapaw Joash,12Joash ccapaw Amaziah, Amaziah ccapaw Azariah, Azariah ccapaw Jotham,13Jotham ccapaw Ahaz, Ahaz ccapaw Hezekiah, Hezekiah ccapaw Manasseh,14Manasseh ccapaw Amon, Amon ccapaw Josiah.15Josiah ccapaw hae tuh: ccatawccaw Johanan, lu ningnaw Jehoiakim, lu thumnaw Zedekiah, lu palinaw Shallum.16Jehoiakim ciihan hae tuh: Jehoiakim ccapaw Jekoniah, Jekoniah ccapaw Zedekiah;17rhaw nynh a kyngpaw Jekoniah ccapaw hae tuh: a ccapaw Shealtiel,18Malkhiram, Pedaiah, Shenazzar, Jekamiah, Hoshama te Nedabiah;19Pedaiah ccapaw hae tuh: Zerubbabel te Shimei; Zerubbabel ccapaw hae tuh: Meshullam te Hananiah; mih ccianung tuh Shelomith;20te ccangpaw a ccapaw hae lu pangaw tuh: Hashubah, Ohel, Berekhiah, Hasadiah te Jusshabhesed.21Hananiah ccapaw hae tuh: Pelatiah te Jeshaiah; Jeshaiah ccapaw Refaiah, Refaiah ccapaw Arnan, Arnan ccapaw Obadiah, Obadiah ccapaw Shekaniah.22Shekaniah ccapaw tuh Shemaiah. Shemaiah ccapaw hae tuh: Hattush, Igal, Bariah, Neariah te Shafat, mih balynte lu taruh.23Neariah ccapaw hae tuh: Elioenai, Hizkiah te Azrikam, mih balynte lu thum.24Elioenai ccapaw hae tuh: Hodaviah, Eliashib, Pelaiah, Akkub, Johanan, Delaiah te Anani, mih balynte lu sari acih hae. Judah Ciihan hae
1Judah ccapaw hae tuh: Perez, Hezron, Karmi, Hur te Shobal.2Shobal ccapaw Reaiah tuh Jahath a paaw thua zah, Jahath tuh Ahumai te Lahad mih paaw nynh thua. E hae tuh Zorah ccungccaw hae innbyn hae nynh thua hae.3E hae tuh Etam ccapaw hae nynh thua: Jezreel, Ishma te Idbash; mih ccianung min tuh Hazzelelponi acikuh,4Penuel tuh Gedor paaw thua zah, Ezer tuh Hushah paaw nynh thua. E hae tuh Bethlehem a paaw Efrathah a ccatawccaw Hur a ccapaw hae nynh thua.5Tekoa a paaw Ashhur tuh zu lu ning hoi zah, Helah te Naarah nynh thua hae;6Naarah nynh Ahuzzam, Hefer, Temeni te Haahastari kha a saahpya. E hae tuh Naarah ccapaw hae nynh thua.7Helah ccapaw hae tuh: Zereth, Izhar te Ethnan.8Koz tuh Anub, Zobebah te Harum ccapaw Aharhel a innbyn hae mih paaw nynh thua.9Jabez tuh a uno hae laeze sawtuanaw a ccouhua; a nung nynh, “Vawsawte ka saah keiccu,” ci zah Jabez cite min a phu.10Jabez nynh Israel Pachia kha ko zah, “Nang nynh hythua yn pya lah, ka ramri kha kosah tua; na kuih nynh yn umkhae sah lah, ccinaw te vawsawnaw kyate yn thungkhawtua!” a ci. Te a ngiapaw kha Pachia nynh a pya.11Shuhah a unopaw Khelub tuh Mehir a paaw thua zah, aning tuh Eshton a paaw nynh thua.12Eshton tuh Bethrapa, Paseah te Tehinnah mih paaw thua zah, Tehinnah tuh Ir-nahash a paaw nynh thua. E hae tuh Rekah ccungccaw hae nynh thua.13Kenaz ccapaw hae tuh: Othniel te Seraiah; Othniel ccapaw hae tuh: Hathath te Meonothai.14Monothai tuh Ofrah paaw nynh thua; Seraiah tuh Geharashim hae mih paaw Joab a paaw nynh thua, minmin tuh kuihhae hoypaw thua hae zah Geharashim cite a ko hae.15Jefunneh ccapaw Kaleb a ccapaw hae tuh: Iru, Elah te Naam; te Elah ccapaw tuh Kenaz.16Jehallelel ccapaw hae tuh: Zif, Zifah, Tiria te Asarel.17Ezrah ccapaw hae tuh: Jether, Mered, Efer te Jalon. E hae tuh Mered nynh zu lang a hoipaw Faro ccanung Bithiah ccapaw hae nynh thua; te ccaawpoi zah Miriam, Shammai te Ishbah kha a saah hae, Ishbah tuh Eshtemoa a paaw nynh thua.18Te a zu Judah nopinung nynh Gedor a paaw Jered, Soko a paaw Heber te Zanoah a paaw Jekuthiel kha a saah hae.19Naham ccianung, Hodiah zu a ccapaw hae tuh Garm ccungccaw Keilah a paaw te Maakath ccungccaw Eshtemoa a paaw nynh thua hae.20Shimon ccapaw hae tuh: Amnon, Rinnah, Benhanan, te Tilon. Ishi ccapaw hae tuh: Zoheth te Benzoheth.21Judah ccapaw Shelah a ccapaw hae tuh: Lekah a paaw Er, Mareshah a paaw Laadah te Beth-ashbea khua kya boeikua kua hae paw phin hae,22Jokim te Kozeba, Joash te Saraf ccungccaw, Moab nopinung kha zu lang hoikuh zah Lehem khua lang a ki hae paw kha nynh athua hae (atu tuh a la zei hae paw ccaw tuh aryn vae).23E hae tuh ang raetu hae te Netaim te Gederah kya a um hae paw nynh thua hae; tuin kyakhe siapharan ryte um hae zah a rya a lawpah hae. Simeon Ciihan hae
24Simeon ccapaw hae tuh: Nemuel, Jamin, Jarib, Zerah te Shaul;25Shaul ccapaw Shallum, Shallum ccapaw Mibsam, Mibsam ccapaw Mishma.26Mishma ccapaw hae tuh: Mishma ccapaw Hammuel, Hammuel ccapaw Zakkur, Zakkur ccapaw Shimei.27Shimei nynh ccapaw lu haw lae taruh te ccanung lu taruh a saah; thuasalama a uno hae tuh ccaaw patae saah khyh hae, mih innbyn balyn tuh Judah hae hawte pungzae khyh hae.28Minmin tuh Beersheba, Moladah, Hazar-shual,29Bilhah, Ezem, Tolad,30Bethuel, Hormah, Ziklag,31Beth-markaboth, Hazar-susim, Beth-biri te Shaaraim khua hae kya a um hae. David tuh siapharan lang a tang cia hynh-e khua hae hynh mih khua hae nynh thua.32Mih khua taraw hae tuh: Etam, Ain, Rimmon, Tokhen te Ashan, khua pangaw te33mih khua hae pepan umpaw khua taraw hae balyn ryte Baal khua kyacia a pee hae. E hae hynh mih khuasahnaw hmin thua zah, mih thokeinaw ccaw kha a ccyku hae.
34Meshobab, Jamlek, Amaziah ccapaw Joshah,35Joel, Jehu tuh Joshibiah ccapaw, Joshibiah tuh Seraiah ccapaw, Seraiah tuh Asiel ccapaw,36Elioenai, Jaakobah, Jeshohaiah, Asaiah, Adiel, Jesimiel, Benaiah,37Shifi ccapaw Ziza, Shifi tuh Allon ccapaw, Allon tuh Jedaiah ccapaw, Jedaiah tuh Shimri ccapaw, Shimri tuh Shemaiah ccapaw—38e mih min te langsahkupaw ccungccaw hae hynh mih puizia hae kya cciakhaetu hae thua zah, mih phin tuh myarya a pungthung.39Minmin nynh Gedor lang teenaw kalan, accya nithua langkhe mih sahiin hae rampaeekunaw hmin ccung khylan a cceih hae,40tuin kyakhe ramnonaw, sahiin rampaeekunaw ahoypaw kha a muih hae, ram tuh myarya kopaw, adaepaw te ngaengan umpaw ram nynh thua; pawccecize langmawlya tuin kya a la um hae paw tuh Ham ciihan hae nynh thua.41Mih min te zeipaw hynh-e hae hynh Judah siapharan Hezekiah she lyakhe cceih hae zah, tuin ram a la um hae paw kya-e mih bu hae kha ropah hae zah Meunim ccungccaw hae kha a tuk hae, minmin kha atunin cia maemih hae zah mih umnaw hmin kya a um hae, pawccecize tuin kyakhe mih sahiin hae elang rampaeekunaw a um.42Minmin laku e beihtaraw, Simeon phin hae za pangaw tuh Seir Mua lang cceih hae zah, cciakhaetu lupi hae tuh Ishi ccapaw hae Pelatiah, Neariah, Refaiah te Uzziel nynh thua hae;43minmin nynh a lue hae paw Amalek hae a laehy hae paw kha roh hae zah, tuin kya atunin cia a um hae. Reuben Ciihan hae
1Israel a ccatawccaw Reuben ccapaw hae (aning tuh ccatawccaw athua zemah a paaw ikhung kha a thusah keiccuze ccatawccaw thuanaw kha Israel ccapaw Josef a ccapaw hae kha pya athua, tukeiccuze sherianaw ccazing kya aning kha ccatawccaw a thuanaw thyhte zei thua khyh.2Judah tuh a uno hae lakuze athungpaw ccungccaw thua zah amaw kyate uktu bawi a langku zemah, ccatawccaw thuanaw kha tuh Josef kya-e nynh thua.)3Israel a ccatawccaw Reuben ccapaw hae tuh: Hanok, Pallu, Hezron te Karmi.4Joel ccapaw hae tuh: Joel ccapaw Shemaiah, Shemaiah ccapaw Gog, Gog ccapaw Shimei,5Shimei ccapaw Mikah, Mikah ccapaw Reaiah, Reaiah ccapaw Baal,6Baal ccapaw tuh Assiria siapharan Tilgath-pilneser nynh kyng zah a cciakhaepaw Beerah nynh thua; aning tuh Reuben phin cciakhaetu lupi nynh thua.7Te a puizia hae tuh mih innbyn raveih thyhte, mih she raveih sherianaw kha hynhte zei athua: lupi hae, Jeiel te Zekhariah,8Azaz ccapaw Bela, Azaz tuh shema ccapaw, Shema tuh Joel ccapaw nynh thua, minmin tuh Aroer khua kyate Nebo te Baal-meon khua kyacia a um hae.9Nithua lang Zufrates vaw hynhlang raw laesia ram athotakawnaw kyacia a um hae, pawccecize Gilead ram kya mih sahiin hae tuh myarya a pungthung.10Saul she lyakhe Hagrit ccungccaw hae kha dou hae zah tuh-e hae tuh mih kuih te a chia hae; te Gilead ram nithua lang e ram hae balyn kyakhe mih bu hae kya khua a sah hae. Gad Ciihan hae
11Gad ccapaw hae tuh Bashan ram lungkhu Salekah khua kyacia, Reuben phin hae pe khe a um hae:12Joel tuh lupi thua zah Shafam tuh lu ningnaw nynh thua, te Bashan ram kya Janai te Shafat tuh lupi nynh thua hae.13Mih phin thyhte mih puizia hae tuh: Mikhael, Meshullam, Sheba, Jorai, Jakan, Zia te Eber, lu sari acih hae.14E hae tuh Abihail ccapaw hae nynh thua; Abihail tuh Huri ccapaw, Huri tuh Jaroah ccapaw, Jaroah tuh Gilead ccapaw, Gilead tuh Mikhael ccapaw, Mikhael tuh Jeshishai ccapaw, Jeshishai tuh Jahdo ccapaw, Jahdo tuh Buz ccapaw;15Guni ccapaw Abdiel a ccapaw Ahi tuh mimaw phin kya lupi nynh thua;16minmin tuh Gilead ram te Bashan ram e khua hae kya te Sharon ram kya sahiin rampaeekunaw hmin hae balyn kyakhe mih ramri thyhte a um hae.17E hae balyn hynh Judah siapharan Jotham te Israel siapharan Jeroboam she lyakhe mih thokeinaw thyhte ccazing kya nung athua hae.
18Reuben phin hae, Gad phin hae te Manasseh phin angankuh hae kyakhe khawriaphua te thaloi ccyngkuh hae zah li kawthyapaw te rhawtuk thyapaw athungpaw rhawkaw hae, rhawtuk lan paccynkute a um hae paw sung pali thong pali za sari sung taruh a um hae.19Minmin nynh Hagrit hae, Jetur hae, Nafish hae te Nodad hae kha rhaw a tuk hae;20minmin nynh bawmnaw he a mue hae te, Hagrit hae te minmin kya um hae paw balyn kha mih kuih kalan pya athua hae, pawccecize rhawtuknaw kyakhe Pachia kha ko hae zah amaw kha a doliaku hae keiccuze a ngia hae paw kha a pya hae.21Minmin nynh mih sahiin hae kha a cciakhaepya hae: mih kalauh thong sung pangaw, tuu cciing ning thong sung pangaw, lann thong ning te ccungccaw cciing kheit kha kyngte a cciakhae hae.22Rhawtuknaw tuh Pachia kya-e athua keiccuze rhaw hae kha patae a chia hae. Te see lang cciakhae athua mawlaezung hae, tuin ram kya a um hae. Manasseh Phin Angankuh
23Manasseh phin angankuh tuh tuin ram kya a um hae; Bashan kyate Baal-hermon, Senir te Hermon Mua kyacia myarya alung hae.24E hae tuh mih phin raveih kya-e lupi hae nynh thua: Efer, Ishi, Eliel, Azriel, Jeremiah, Hodaviah te Jahdiel, athungpaw rhawkaw hae, mih minthaan hae paw te mih phin kya-e lupi hae raveih nynh thua.25Thuasalama mih minpaaw hae Pachia tungvaw sei hae zah, mih muihnaw kya Pachia nynh a ropaw ram kya-e ccungccaw hae pachia hae kyakhe a ohhuaku hae.26Tukeiccuze Israel Pachia nynh Assiria siapharan Pul thinlung te Tilgath-pilneser thinlung kha tuhou hae zah, tuh-e hae nynh Reuben phin hae, Gad phin hae te Manasseh phin angankuh hae kha a cciakhae hae, Halah, Habor, Hara te Gozan vaw kalan cciakhae hae zah atunin cia a um hae. Levi Ciihan hae
1Levi ccapaw hae tuh: Gershom, Kohath te Merari.2Kohath ccapaw hae tuh: Amram, Izhar, Hebron te Uzziel.3Amram ccaaw hae tuh: Aaron, Moses te Miriam. Aaron ccapaw hae tuh: Nadab, Abihu, Eleazar te Ithamar.4Eleazar tuh Finehas a paaw, Finehas tuh Abishua a paaw,5Abishua tuh Bukki a paaw, Bukki tuh Uzzi a paaw,6Uzzi tuh Zerahiah a paaw, Zerahiah tuh Meraioth a paaw,7Meraioth tuh Amariah a paaw, Amariah tuh Ahitub a paaw,8Ahitub tuh Zadok a paaw, Zadok tuh Ahimaaz a paaw,9Ahimaaz tuh Azariah a paaw, Azariah tuh Johanan a paaw,10Johanan tuh Azariah a paaw (aning tuh Solomon nynh Jerusalem kya a sakpaw inn kya ranpibawi rya a lahpaw nynh thua).11Azariah tuh Amariah a paaw, Amariah tuh Ahitub a paaw,12Ahitub tuh Zadok a paaw, Zadok tuh Shallum a paaw,13Shallum tuh Hilkiah a paaw, Hilkiah tuh Azariah a paaw,14Azariah tuh Seraiah a paaw, Seraiah tuh Jehozadak a paaw;15Bawipaw nynh Judah hae te Jerusalem khuaccaaw hae kha Nebukhadnezzar kuih te seetangnaw kalan he a saw hae te, Jehozadak tuh seetangnaw kalan a cceihbua.
16Levi ccapaw hae tuh: Gershom, Kohath te Merari.17E hae tuh Gershom ccapaw hae min nynh thua: Libni te Shemei.18Kohath ccapaw hae tuh: Amram, Izhar, Hebron te Uzziel.19Merari ccapaw hae tuh: Mahli te Mushi. E hae hynh mih minpaaw hae raveih thyhte Levi phin hae nynh thua.20Gershon ccapaw hae tuh: Gershon ccapaw Libni, Libni ccapaw Jahath, Jahath ccapaw Zimmah,21Zimmah ccapaw Joah, Joah ccapaw Iddo, Iddo ccapaw Zerah, Zerah ccapaw Jeatherai.22Kohath ccapaw hae tuh: Hohath ccapaw Amminadab, Amminadab ccapaw Korah, Korah ccapaw Assir,23Assir ccapaw Elkanah, Elkanah ccapaw Ebiasaf, Ebiasaf ccapaw Assir,24Assir ccapaw Tahath, Tahath ccapaw Uriel, Uriel ccapaw Uzziah, Uzziah ccapaw Shaul.25Elkanah ccapaw hae tuh: Amasai te Ahimoth,26Ahimoth ccapaw Elkanah, Elkanah ccapaw Zofai, Zofai ccapaw Nahath,27Nahath ccapaw Eliab, Eliab ccapaw Jeroham, Jeroham ccapaw Elkanah.28Samuel ccapaw hae tuh: a ccatawccaw Joel, lu ningnaw tuh Abijah.29Merari ccapaw hae tuh: Merari ccapaw Mahli, Mahli ccapaw Libni, Libni ccapaw Shimei, Shimei ccapaw Uzzah,30Uzzah ccapaw Shimea, Shimea ccapaw Haggiah, Haggiah ccapaw Asaiah. Tintang Khuathya hae paw
31E hae tuh byakin thingkua kha Bawipaw inn lungkhu nung athua koute, tuin kya hlawsahpaw rya a lahtu lang cite David nynh a nung hae paw nynh thua.32Solomon nynh Bawipaw inn kha Jerusalem khua kya a sak mawlaezung, tungkunaw bu kya-e beikbu malang khe hlawsahpaw rya a lah hae; mih rya kha rulaekute mimaw ccyh thyhte a law hae.33E hae tuh ryalahtu hae te mih ccapaw hae nynh thua: Kohath phin hae kyate: hlawsahtu Heman, aning tuh Joel ccapaw, Joel tuh Samuel ccapaw,34Samuel tuh Elkanah ccapaw, Elkanah tuh Jeroham ccapaw, Jeroham tuh Eliel ccapaw, Eliel tuh Toah ccapaw,35Toah tuh Zuf ccapaw, Zuf tuh Elkanah ccapaw, Elkanah tuh Mahath ccapaw, Mahath tuh Amasai ccapaw,36Amasai tuh Elkanah ccapaw, Elkanah tuh Joel ccapaw, Joel tuh Azariah ccapaw, Azariah tuh Zefaniah ccapaw,37Zefaniah tuh Tahath ccapaw, Tahath tuh Assir ccapaw, Assir tuh Ebiasaf ccapaw, Ebiasaf tuh Korah ccapaw,38Korah tuh Izhar ccapaw, Izhar tuh Kohath ccapaw, Kohath tuh Levi ccapaw, Levi tuh Israel ccapaw;39te a ranglang a thadynpaw a unopaw Asaf, Asaf tuh Berekhiah ccapaw, Berekhiah tuh Shimea ccapaw,40Shimea tuh Mikhael ccapaw, Mikhael tuh Baaseiah ccapaw, Baaseiah tuh Malkhijah ccapaw,41Malkhijah tuh Ethni ccapaw, Ethni tuh Zerah ccapaw, Zerah tuh Adaiah ccapaw,42Adaiah tuh Ethan ccapaw, Ethan tuh Zimmah ccapaw, Zimmah tuh Shimei ccapaw,43Shimei tuh Jahath ccapaw, Jahath tuh Gershom ccapaw, Gershom tuh Levi ccapaw.44Voilang khe mih puizia Merari ccapaw hae a um hae: Ethan, aning tuh Kishi ccapaw, Kishi tuh Abdi ccapaw, Abdi tuh Malluk ccapaw,45Malluk tuh Hashabiah ccapaw, Hashabiah tuh Amaziah ccapaw, Amaziah tuh Hilkiah ccapaw nynh thua.46Hilkiah tuh Amzi ccapaw, Amzi tuh Bani ccapaw, Bani tuh Shemer ccapaw,47Shemer tuh Mahli ccapaw, Mahli tuh Mushi ccapaw, Mushi tuh Merari ccapaw, Merari tuh Levi ccapaw nynh thua;48mih uno Levi phin hae tuh Pachia inn kya-e beikbu rya miakaw kha a lawsah hae.
49Aaron te a ciihan hae nynh maee-ute silawnawpaw silawhang vawlan te mynkhuhpaw unawpaw silawhang vawlan khe silawnaw kha rae hae zah, hmin thyaa huaccepaw ryalaw balyn kha lawte, Pachia ryalahtu Moses nynh kaw a la pya hae paw balyn thyhte, Israel hae elang seingaethyanaw kha a raepya hae.
50E hae tuh Aaron ccapaw hae nynh thua: Aaron ccapaw Eleazar, Eleazar ccapaw Finehas, Finehas ccapaw Abishua,51Abishua ccapaw Bukki, Bukki ccapaw Uzzi, Uzzi ccapaw Zerahiah,52Zerahiah ccapaw Meraioth, Meraioth ccapaw Amariah, Amariah ccapaw Ahitub,53Ahitub ccapaw Zadok, Zadok ccapaw Ahimaaz nynh thua. Levi hae Umnaw
54E hae tuh mih ramri lungkhu kya mih umnaw raveih thyhte khua a sahnaw hae hmin hae nynh thua: Aaron ciihan Kohath puizia hae nynh ccungthydungte a ccou hae keiccuze,55Judah ram kya umpaw Hebron khua te a pepan e sahiin rampaeenaw hmin hae kha a pya hae,56thuasalama khuapi pepan e loo hae te khua taraw hae kha tuh Jefunneh ccapaw Kaleb kha a pya hae.57Aaron ciihan hae kha khynnaw khua hae a pya hae: Hebron khua, Libnah khua te a sahiin hae rampaeenaw hae, Jattir khua, Eshtemoa khua te a sahiin hae rampaeenaw hae,58Hilen khua te a sahiin rampaeekunaw hae, Debir khua te a sahiin hae rampaeenaw hae,59Ashan khua te a sahiin hae rampaeenaw hae, Beth-shemesh khua te a sahiin hae rampaeenaw hae.60Benjamin phin hae ram lungkhu e, Geba khua te a sahiin hae rampaeenaw hae, Alemeth khua te a sahiin hae rampaeenaw hae, Anathoth khua te a sahiin hae rampaeenaw hae. Mih puizia hae thyhte mih khua hae balyn tuh khua haw lae thum acih.
61A laehypaw Kohath ciihan hae nynh ccungthydungte Manasseh phin angankuh lungkhu e, khua khuahaw kha pya athua hae.62Gershom ciihan hae nynh mih puizia hae thyhte, Issakhar phin, Asher phin, Naftali phin te Bashan ram e Manasseh phin lungkhu e, khua khuahaw lae thum kha neethung athua hae.63Merari ciihan hae kha mih puizia hae thyhte, Reuben phin, Gad phin te Zebulun phin lungkhu e khua khuahaw lae ning kha neethung athua hae.64Tuhcite Israel hae nynh Levi phin hae kha khua hae te mih sahiin rampaeenaw hae kha a pya hae.65Judah phin, Simeon phin te Benjamin phin lungkhu e kha mah mih min te langsahkupaw hynh-e khua hae hynh ccungthydungte Levi phin hae kha a pya hae.
66Kohath ciihan kya-e puizia hae abang nynh Efraim phin hae ram lungkhu e khua hae te sahiin rampaeenaw hae kha a ccou hae.67Khynnaw khua hae kha minmin kalan a pya hae: Efraim muaram kya umpaw Shekhem khua te a sahiin hae rampaeenaw hae, Gezer khua te a sahiin hae rampaeenaw hae,68Jokmeam khua te a sahiin hae rampaeenaw hae, Beth-horon khua te a sahiin hae rampaeenaw hae,69Aijalon khua te a sahiin hae rampaeenaw hae, Gath-rimmon khua te a sahiin hae rampaeenaw hae;70Manasseh phin angankuh hae ram lungkhu e kha Aner khua te a sahiin hae rampaeenaw hae, Bileam khua te a sahiin hae rampaeenaw hae kha a laehypaw Kohath ciihan hae hanlan a pya hae.
71Gershom ciihan hae hanlan a pya hae paw tuh: Manasseh phin angankuh hae ram lungkhu e, Bashan ram e Golan khua te a sahiin hae rampaeenaw hae te Ashtaroth khua te a sahiin hae rampaeenaw hae;72Issakhar phin hae ram lungkhu e, Kedesh khua te a sahiin hae rampaeenaw hae, Daberath khua te a sahiin hae rampaeenaw hae,73Ramoth khua te a sahiin hae rampaeenaw hae, Anem khua te a sahiin hae rampaeenaw hae;74Asher phin hae ram lungkhu e, Mashal khua te a sahiin hae rampaeenaw hae, Abdon khua te a sahiin hae rampaeenaw hae,75Hukok khua te a sahiin hae rampaeenaw hae, Rehob khua te a sahiin hae rampaeenaw hae;76Naftali phin hae ram lungkhu e, Galilee ram kya umpaw Kedesh khua te a sahiin hae rampaeenaw hae, Hammon khua te a sahiin hae rampaeenaw hae, Kiriathaim khua te a sahiin hae rampaeenaw hae kha a pya hae.77A laehypaw Merari ciihan hae hanlan kha, Zebulun phin hae ram lungkhu e, Rimmono khua te a sahiin hae rampaeenaw hae, Tabor khua te a sahiin hae rampaeenaw hae,78Jeriko khua kyate Jordan vaw khuraw lang, Jordan vaw nithua lang raw kya, Reuben phin hae ram lungkhu e, ramkaw umpaw Bezer khua te a sahiin hae rampaeenaw hae, Jahzah khua te a sahiin hae rampaeenaw hae,79Kedemoth khua te a sahiin hae rampaeenaw hae, Mefaath khua te a sahiin hae rampaeenaw hae;80Gad phin hae ram lungkhu e, Gilead ram kya umpaw Ramoth khua te a sahiin hae rampaeenaw hae, Mahanaim khua te a sahiin hae rampaeenaw hae,81Heshbon khua te a sahiin hae rampaeenaw hae te Jazer khua te a sahiin hae rampaeenaw hae kha a pya hae. Issakhar Ciihan hae
1Issakhar ccapaw hae tuh: Tola, Puah, Jashub te Shimron, lu pali acih hae.2Tola ccapaw hae tuh: Uzzi, Refaiah, Jeriel, Jahmai, Ibsam te Shemuel nynh thua hae, e hae tuh mih minpaaw Tola ciihan hae lungkhu e lupi hae nynh thua, minmin she lyaze athungpaw rhawkaw hae thua hae zah, David she lyakhe thong kuin lae ning za taruh acih hae.3Uzzi ccapaw tuh: Izrahiah. Izrahiah ccapaw hae tuh: Mikhael, Obadiah, Joel te Isshiah, lu pangaw um hae zah mih balynte lupi hae nynh thua;4mih she raveihte, mih minpaaw hae ciihan hae thyhte, rhawtuk khopaw rhawkaw hae sung thum thong taruh a um hae, pawccecize zu hae te ccapaw hae patae a hoi hae.5Mih puizia Issakhar phin hae balyn kya a um hae paw tuh athungpaw rhawkaw hae thua hae zah, mih thokeinaw ccazing thyhte sung tarya thong sari a um hae. Benjamin Ciihan hae
6Benjamin ccapaw hae tuh: Bela, Bekher te Jediael, lu thum acih hae.7Bela ccapaw hae tuh: Ezbon, Uzzi, Uzziel, Jerimoth te Iri, lu pangaw acih hae, e hae tuh mih puizia hae raveih kya-e lu hae, athungpaw rhawkaw hae thua hae zah, mih thokeinaw ccazing lawnaw thyhte thong kuin lae ning sung thum lu pali acih hae.8Bekher ccapaw hae tuh; Zemirah, Joash, Eliezer, Elioenai, Omri, Jeremoth, Abijah, Anathoth te Alemeth. E hae balyn tuh Bekher ccapaw hae nynh thua;9mih she thyhte mih thokeinaw ccazing lawnaw kya mih puizia hae raveih kya-e lu hae, athungpaw rhawkaw hae tuh thong kuin za ning acih hae.10Jediael ccapaw tuh: Bilhan. Bilhan ccapaw hae tuh: Jeush, Benjamin, Ehud, Khenaanah, Zethan, Tarshish te Ahishahar.11E hae balyn tuh Jediael ccapaw hae, mih puizia hae raveih kya-e lu hae, athungpaw rhawkaw hae thua hae zah, rhawtuk lan paccynkute um hae paw thong haw lae sari za ning acih hae.12Te Shuppim te Huppim tuh Ir ccapaw hae thua zah, Aher ccapaw tuh Hushim nynh thua. Naftali Ciihan hae
13Naftali ccapaw hae tuh: Jahziel, Guni, Jezer te Shallum; Bilhah ciihan hae nynh thua. Manasseh Ciihan hae
14Manasseh nynh a lovaenung Aramean nopinung kya ccapaw hae Asriel te Makhir kha a saah hae, Makhir tuh Gilead a paaw nynh thua.15Makhir nynh Huppim te Shuppim kha zu a dypya hae. A ccianung min tuh Maakah nynh thua. Lu ningnaw min tuh Zelofehad thua zah, Zelofehad nynh ccanung hae kyalya kha a saah.16Makhir zu Maakah nynh ccapaw saah zah Peresh cite min a phu; te a neitawpaw min tuh Sheresh nynh thua; a ccapaw hae tuh Ulam te Rekem nynh thua hae.17Ulam ccapaw tuh Bedan nynh thua. E hae tuh Manasseh ccapaw Makhir a ccapaw Gilead ciihan hae nynh thua.18A ccianung Hammolekheth nynh Ishhod, Abiezer te Mahlah kha a saah hae.19Shemida ccapaw hae tuh: Ahian, Shekhem, Likhi te Aniam nynh thua hae. Efraim Ciihan hae
20Efraim ccapaw hae tuh: Efraim ccapaw Shuthelah, Shuthelah ccapaw Bered, Bered ccapaw Tahath, Tahath ccapaw Eleadah, Eleadah ccapaw Tahath,21Tahath ccapaw Zabad, Zabad ccapaw Shuthelah. Tuhlaepaw Efraim ccapaw hae tuh Ezer te Elead thua hae zah, minmin nynh ram lungkhu a pui hae paw Gath ccungccaw hae kya-e sahiin hae kha luade khylan a ccianua hae keiccuze tuh-e hae nynh a chia hae.22Mih paaw Efraim tuh nin patae rawkhuite um zah a uno hae tuh lungtangnaw bya hopya khylan oun cceih hae.23Efraim nynh a zu kha ikhae zah, a zu tuh ccaawpoi zah ccapaw a saah; a innbyn kya hoyleinaw a thua keiccuze a ccapaw kha Beriah cite min a phu.24A ccanung tuh Sheerah cikuh zah, aning nynh Alia te Palung Beth-horon khua te Uzzen-sheerah khua kha a rae.25A ccapaw tuh Refah, Refah ccapaw Reshef, Reshef ccapaw Telah, Telah ccapaw Tahan,26Tahan ccapaw Ladan, Ladan ccapaw Ammihud, Ammihud ccapaw Elishama,27Elishama ccapaw Nun, Nun ccapaw Joshua.28Minmin nynh a ccou hae paw te mih umnaw tuh Bethel te a pepan e khua hae, nithua lang Naaran te niccaw lang Gezer te a khua taraw hae, Shekhem te a khua taraw hae, Ayyah te a khua taraw hae;29te Manasseh phin hae ramri te akyngkuhpaw Beth-shean te a khua taraw hae, Taanak te a khua taraw hae, Megiddo te a khua taraw hae, Dor te a khua hae nynh thua. E khua hae kyakhe Israel ccapaw Josef a ciihan hae a um hae. Asher Ciihan hae
30Asher ccapaw hae tuh: Imnah, Ishvah, Ishvi, Beriah te mih ccianung Serah.31Beriah ccapaw hae tuh: Heber te Malkhiel, Malkhiel tuh Birzaith a paaw nynh thua.32Heber tuh Jaflet, Shomer, Hotham te mih ccianung Shua mih paaw nynh thua.33Jaflet ccapaw hae tuh: Pasak, Bimhal te Ashvath. E hae hynh Jaflet ccapaw hae nynh thua.34Shemer ccapaw hae tuh: Rohgah, Jehubbah te Aram.35A neitawpaw Helem ccapaw hae tuh: Zofah, Imna, Shelesh te Amal.36Zofah ccapaw hae tuh: Suah, Harnefer, Shual, Beri, Imrah,37Bezer, Hod, Shamma, Shilshah, Ithran te Beera.38Jether ccapaw hae tuh: Jefunneh, Pispa te Ara.39Ulla ccapaw hae tuh: Arah, Hanniel te Rizia.40E hae balyn tuh Asher ccungccaw, mih puizia hae raveih kya-e lu hae, po athuapaw athungpaw rhawkaw hae, bawi hae kya-e lupi hae nynh thua. Mih thokeinaw thyhte ccazing law athuapaw, rhaw a tuk khopaw thong kuin lae taruh acih hae. Benjamin Ciihan hae
1Benjamin tuh a ccatawccaw Bela, lu ningnaw Ashbel, lu thumnaw Aharah,2lu palinaw Nohah te lu pangawnaw Rafa nynh thua.3Bela ccapaw hae tuh: Addar, Gera, Abihud,4Abishua, Naaman, Ahoah,5Gera, Shefufan te Huram nynh thua hae.6E hae tuh Ehud ccapaw hae nynh thua (minmin tuh Geba khua um hae paw puizia hae raveih kya-e lu hae thua hae zah, Manahath kya um khylan kyngte cciakhae athua hae):7Naaman, Ahijah te Gera, Gera tuh Heglam kha nynh thua, aning tuh Uzza te Ahihud mih paaw nynh thua.8Shaharaim nynh a zu hae Hushim te Baara kha ccaring a dee kou hae te Moab ram kya ccapaw hae kha a saah.9A zu Hodesh kya a saahpaw ccapaw hae tuh: Jobab, Zibia, Mesha, Malkam,10Jeuz, Sakhia te Mirmah. E hae tuh a ccapaw hae thua zah mih puizia hae raveih kya-e lu hae nynh thua.11A zu Hushim kya a saahpaw ccapaw hae tuh: Abitub te Elpaal.12Elpaal ccapaw hae tuh: Eber, Misham te Shemed thua hae zah, Shemed tuh Ono khua, Lod khua te a pepan e khua hae a raetu nynh thua,13Beriah te Shema (minmin tuh Gath khuaccaaw hae kha a deetu hae Aijalon khuaccaaw hae kya puizia hae kya-e lu hae nynh thua);14te Ahio, Shashak te Jeremoth nynh thua hae.15Zebadiah, Arad, Eder,16Mikhael, Ishpah te Joha tuh Beriah ccapaw hae nynh thua.17Zebadiah, Meshullam, Hizki, Heber,18Ishmerai, Izliah, te Jobab tuh Elpaal ccapaw hae nynh thua.19Jakim, Zikhri, Zabdi,20Elienai, Zillethai, Eliel,21Adaiah, Beraiah te Shimrath tuh Shimei ccapaw hae nynh thua.22Ishpan, Eber, Eliel,23Abdon, Zikhri, Hanan,24Hananiah, Elam, Anthothijah,25Ifdeiah te Penuel tuh Shashak ccapaw hae nynh thua.26Shamsherai, Shehariah, Athaliah,27Jaareshiah, Elijah te Zikhri tuh Jeroham ccapaw hae nynh thua.28E hae tuh mih puizia hae raveih kya-e lu hae, mih she raveih thyhte lupi hae nynh thua. Minmin tuh Jerusalem khua nynh a um hae.
29Gibeon a paaw Jeiel tuh Gibeon khua kya um zah a zu tuh Maakah nynh thua.30A ccatawccaw tuh Abdon, tukoute Zur, Kish, Baal, Nadab,31Gedor, Ahio, Zekher32te Mikloth, aning tuh Shimeah a paaw nynh thua. E hae hynh mah Jerusalem kya um hae paw mih puizia hae te arawsekunaw khe mih puizia hae ryte a um hae.33Ner tuh Kish a paaw, Kish tuh Saul a paaw, Saul tuh Jonathan, Malkhishua, Abinadab te Eshbaal mih paaw nynh thua;34Jonathan ccapaw tuh Meribbaal nynh thua; Meribbaal tuh Mikah paaw nynh thua.35Mikah ccapaw hae tuh: Pithon, Melek, Tarea te Ahaz.36Ahaz tuh Jehoaddah a paaw nynh thua; Jehoaddah tuh Alemeth, Azmaveth te Zimri mih paaw nynh thua; Zimri tuh Moza a paaw nynh thua.37Moza tuh Binea a paaw nynh thua; Binea ccapaw Rafah, Rafah ccapaw Eleasah, Eleasah ccapaw Azel.38Azel nynh ccapaw lu taruh saah zah mih min tuh: Azrikam, Bokheru, Ishmael, Sheariah, Obadiah te Hanan; e hae balyn tuh Azel ccapaw hae nynh thua.39Azel neitawpaw Eshek ccapaw hae tuh: ccatawccaw Ulam, lu ningnaw Jeush te lu thumnaw Elifelet.40Ulam ccapaw hae tuh athungpaw rhawkaw hae, thekawthya hae paw nynh thua, ccaaw te mintaw patae hoi hae zah za kheit sung pangaw acih hae. E hae balyn tuh Benjamin phin hae nynh thua.
1Tuhcite Israel hae balyn tuh mih thokeinaw raveih thyhte ccazing law athua hae; e hae hynh Israel Siapharan hae Ccauh kya zei athua. Te Judah tuh mih lungzi khyh keiccuze kyngte Babilon lang cciakhae athua hae.2A ccou hae paw khua hae kya masaty a umthui hae paw tuh Israel hae, ranpibawi hae, Levi phin hae te beikinn kya ryalahtu hae nynh thua hae. Seetangnaw koute Jerusalem Khuaccaaw hae
3Judah phin, Benjamin phin, Efraim phin te Manasseh phin hae abang tuh Jerusalem kya a um hae:4Ammihud ccapaw Uthai, Ammihud tuh Omri ccapaw, Omri tuh Imri ccapaw, Imri tuh Bani ccapaw, Bani tuh Judah ccapaw Perez a ccapaw hae kyate a thopaw nynh thua.5Shilon ciihan hae tuh ccatawccaw Asaiah te a ccapaw hae nynh thua.6Zerah ccapaw hae lungkhu e tuh Jeuel te mih puizia hae thua zah, za taruh sung takua a um hae.7Benjamin phin hae lungkhu e tuh Meshullam ccapaw Sallu, Meshullam tuh Hodaviah ccapaw, Hodaviah tuh Hassenuah ccapaw,8Jeroham ccapaw Ibneiah, Uzzi ccapaw Elah, Uzzi tuh Mikhri ccapaw te Shefatiah ccapaw Meshullam, Shefatiah tuh Reuel ccapaw, Reuel tuh Ibnijah ccapaw;9mih she thyhte mih puizia hae tuh za takua sung pangaw lu taruh acih hae. E hae balyn tuh mih puizia hae thyhte mih puizia hae raveih kya-e lu hae nynh thua. Ranpibawi hae
10Ranpibawi hae lungkhu e tuh: Jedaiah, Jehoiarib, Jakhin,11te Azariah tuh Hilkiah ccapaw, Hilkiah tuh Meshullam ccapaw, Meshullam tuh Zadok ccapaw, Zadok tuh Meraioth ccapaw, Meraioth tuh Ahitub ccapaw, Ahitub tuh Pachia inn kya ale huapaw lupi nynh thua;12te Adaiah tuh Jeroham ccapaw, Jeroham tuh Pashhur ccapaw, Pashhur tuh Malkhijah ccapaw, te Maasai tuh Adiel ccapaw, Adiel tuh Jahzerah ccapaw, Jahzerah tuh Meshullam ccapaw, Meshullam tuh Meshillemith ccapaw, Meshillemith tuh Immer ccapaw;13a pui hae paw, mih puizia hae kya-e lu hae holeite, thong kheit za sari sung taruh acih hae, minmin tuh Pachia inn ryalawnaw kya ryalah kho hae paw nynh thua. Levi Phin hae
14Levi phin hae lungkhu e tuh: Shemaiah tuh Hasshub ccapaw, Hassub tuh Azrikam ccapaw, Azrikam tuh Merari ccapaw hae laku e Hashabiah ccapaw nynh thua;15te Bakbakkar, Heresh, Galal te Mattaniah, Mattaniah tuh Mikah ccapaw; Mikah tuh Zikhri ccapaw, Zikhri tuh Asaf ccapaw;16te Obadiah tuh Shemaiah ccapaw, Shemaiah tuh Galal ccapaw, Galal tuh Jeduthun ccapaw; te Berekhiah tuh Netofah ccungccaw hae kya-e khua hae kya umpaw Elkanah ccapaw Asa a ccapaw nynh thua.
17Sakoih ngawtu hae tuh: Shallum, Akkub, Talmon, Ahiman; mih puiziapaw Shallum tuh minmin kya lupi nynh thua,18minmin tuh nithua lang e siapharan sakoih kyakhe nung athua hae. E hae tuh Levi phin ryahmin hae sakoih a ngawtu hae nynh thua.19Shallum tuh Kore ccapaw, Kore tuh Ebiasaf ccapaw, Ebiasaf tuh Korah ccapaw, te a thokeinaw paaw hae kya-e a puizia hae, Korah phin hae tuh beiknaw ryalaw do-oihnaw kyaze bu thuakaw ngawtu hae nynh thua, mih minpaaw hae tuh Bawipaw ryahmin do-oihnaw kyaze bu teenaw ngawtu hae nynh thua.20Langmaw lyaze Eleazar ccapaw Finehas tuh minmin a uktu lupi nynh thua; Bawipaw tuh amaw kya a um.21Meshelemiah ccapaw Zekhariah tuh tungkunaw bu teenaw kya thuakaw ngawtu nynh thua.22E hae balyn tuh teenaw kya thuakaw ngawtu hae thua zah za ning lu haw lae ning acih hae. Mih khua raveih kyakhe mih thokeinaw thyhte ccazing law athua hae; David te muihtu Samuel nynh minmin kha doliakupaw mih ryalaw kyakhe a nung hae.23Tukeiccuze minmin te mih ciihan hae nynh Bawipaw inn sakoih hae kha a do-oih hae, tuh-e tuh bu inn thua zah minmin tuh a ngawtu hae nynh thua.24sakoih ngawtu hae tuh nithua, niccaw, thahlang, deilang, san pali kya a ngaw hae;25te mih khua raveih kya um hae paw mih puizia hae tuh nin sari takyhte mimaw ccyh thyhte minmin ryte um lan leih a cceih hae;26pawccecize sakoih ngawtu lupi hae lu pali, Levi phin hae nynh Pachia inn lungkhu e akhaan hae te sisuakhaan hae kha a do-oih hae.27Minmin tuh Pachia inn pe khe khuazi leih a rya hae; pawccecize ngawpaw rya te awkhua takyh thuakaw hungpaw rya tuh mih rya nynh thua.
28Minmin laku e abang tuh ryalawnawpaw angphe kha a do-oih hae, pawccecize angphe a teekhae hae te a poukhae hae ze minmin nynh ria lanpaw nynh thua.29Minmin laku e abang tuh ccaboi te tungkhung do-oihtu, athyaapaw angphe miakaw do-oihtu, ahoypaw vaekhui do-oihtu, misutui, chitui, mynkhuhpaw te mynkhuhpaw aphuinphuin do-oihtu lang a nung hae.30Ccangpaw abang, ranpibawi hae ccapaw hae nynh mynkhuhpaw aphuinphuin pydepaw rya kha a law hae,31Levi phin kya-e lu kheit, Korah ciihanpaw Shallum a ccatawccaw Mattithiah tuh sanlou phe raenaw kya uktu nynh thua.32Kohath ciihan hae kya-e mih puizia hae abang nynh mah sabbath nin takyh hanlan nungpyapaw sanlou kha a paccyn hae.
33E hae tuh hlawsahtu hae thua hae zah, Levi phin kya-e mih puizia hae raveih kya-e lu hae nynh thua, minmin tuh beikinn lungkhu akhaan hae kyakhe um hae zah khuazi khuadae ryalaw kya umsah athua hae keiccuze ccangpaw ryalahbua khyh hae.34E hae tuh mih she raveih thyhte Levi phin kya-e mih puizia raveih kya-e lu hae thua hae zah Jerusalem khua kya a um hae. Saul Siapharan Ciihan hae (1Sh 8.29-38)
35Gibeon a paaw Jeiel tuh Gibeon khua kya um zah a zu min tuh Maakah acikuh.36A ccatawccaw tuh Abdon, tukoute Zur, Kish, Baal, Ner, Nadab,37Gedor, Ahio, Zekhariah te Mikloth;38Mikloth tuh Shimeam a paaw nynh thua; e hae hynh mah Jerusalem um hae paw mih puizia hae te ahawiliakunaw khe mih puizia hae ryte a um hae.39Ner tuh Kish a paaw, Kish tuh Saul a paaw, Saul tuh Jonathan, Malkhishua, Abinadab te Eshbaal hae mih paaw:40te Jonathan ccapaw tuh Meribbaal thua zah, Meribbaal tuh Mikah a paaw nynh thua.41Mikah ccapaw hae tuh: Pithon, Melek, Tahrea te Ahaz;42te Ahaz tuh Jarah a paaw, Jarah tuh Alemeth, Azmaveth te Zimri hae mih paaw nynh thua; Zimri tuh Moza a paaw,43Moza tuh Binea a paaw; te Binea ccapaw Refaiah, Refaliah ccapaw Eleasah, Eleasah ccapaw Azel.44Azel nynh ccapaw lu taruh a saah, tuh-e hae min tuh: Azrikam, Bokheru, Ishmael, Sheariah, Obadiah te Hanan; e hae tuh Azel ccapaw hae nynh thua. Saul te A Ccapaw hae Chinaw (1Sa 31.1-13)
1Filistin hae nynh Israel hae kha a tuk hae; Israel hae tuh Filistin hae malang khe ccue hae zah Gilboa Mua vawlan khe patae a chih hae.2Filistin hae nynh Saul te a ccapaw hae kha phah hae zah, Filistin hae nynh Saul ccapaw hae Jonathan, Abinadab te Malkhishua kha a chia hae.3Rhawtuknaw kya Saul tuh myarya a teing; thekawthya hae paw nynh maw a muesah hae.4Tetuh Saul nynh a rhawtuk-zunghe ccyngtu kha, “Na thaloi kha thuaakuh lah, kae hynh yn thuing, tuhteze nynh e vingdungawkuh lei hae paw nynh kae hynh ccianuate yn thuing lan khyh hae zah ccyasah nawlan yn mang lan khyh hae,” a cipya. Thuasalama a rhawtuk-zunghe ccyngtu nynh myarya rih zah thuing ry khyh. Tukeiccuze Saul nynh a thaloi kha lawkuh zah thaloi dung kha bakhung thin zah a chih.5Saul a chih vae cipaw kha a rhawtuk-zunghe ccyngtu nynh he a muih tuh, aning nynh mah a thaloi kha bakhung thin zah, Saul kya a chihbua.6Tuhcite Saul te a ccapaw hae lu thum te a innbyn hae balyn tuh pynkheihlan a chih hae.7Israel rhawkaw hae tuh ccue hae zah Saul te a ccapaw hae tuh a chih vae hae cipaw kha accya kya um hae paw Israel hae balyn nynh he a thae hae tuh, mih khua hae kha poutaw hae zah a ccue hae; te Filistin hae nynh ccianua hae zah khua hae kha a law hae.
8Awkhualan khe, Filistin hae nynh michi hae uccaw kha khahku lan he oun thua hae tuh, Gilboa Mua vawlan a chih hae paw Saul te a ccapaw hae kha a muih hae.9Saul lu kha pae hae zah a rhawtuk-uccaw kha a khah hae, te mih zohtuh hae kalan te ccungccaw hae kalan thongpang hoypaw ho khylan, locceihtu hae kha Filistin ram phe lekuh lan a saw hae.10Saul a rhawtuk-uccaw kha mih pachia hae beikinn kya a nung hae; a lu kha Dagon beikinn kya a sae hae.11Filistin hae nynh Saul tungvaw a cyisahnaw hae atyn-are kha Jabesh-gilead khuaccaaw hae balyn nynh he a thae hae tuh,12mih rawthung hae paw balyn nynh thonuakuh hae zah Saul rhua te a ccapaw hae rhua kha lah hae zah Jabesh khua lang a cciakhae hae. Te mih ru kha Jabesh khua e phaesi ku kaw khe a uu hae, te nin sari looh-ae a sung hae.
13Tuhcite Saul tuh a lungzi khyh keiccuze a chih; Bawipaw tungvaw a lungzi khyh zah Bawipaw kawbya kha zui khyh; tuhpiaze chihiinleihthyanung kha tuanaw ngiakute a bya kha zui ry zah,14Bawipaw kha tuanaw ngiakuh khyh. Tukeiccuze Bawipaw nynh theih zah peenaw kha Jesse ccapaw David kalan a pya. David kha Siapharan lang Chitui Thuhnaw (2Sa 5.1-10)
1Israel phin hae balyn nynh Hebron khua umpaw David kalan pynkheihlan oun thua hae zah, “Dotua, kaening tuh na ru te na saw nynh kae thua.2Alia vae paw ccyh kya, Saul nynh siapharan lang oun tangpya lya heize, Israel rhawkaw hae kaw a pyatu tuh namaw nynh na thua. Bawipaw nynh nang kha ae hopah zah: Nang tuh ka ccungccaw Israel hae tuurin na thua cih zah, ka ccungccaw Israel hae uktu na thua cih, ae cipya,” cite a hopya hae.3Tuhcite Israel piccan hae balyn tuh Hebron khua umpaw siapharan kalan a thua hae; David nynh Hebron khua Bawipaw malang khe minmin ryte byakinnaw a rae. Samuel kyate Bawipaw bya yn thua thyhte, David kha Israel siapharan lang chitui a thuh hae. Jerusalem Lawnaw
4David te Israel hae balyn tuh Jerusalem khua lang a cceih hae, tuh-e khua tuh Jebus khua thua zah tuin ram kya um hae paw Jebus hae nynh tuin khua kya a um hae.5Jebus khuaccaaw hae nynh David kha, “Hynhlang nae tee lan khyh,” a cipya hae. Thuasalama atu David khua a ci hae paw Zion rhawlungrua kha David nynh a law.6David nynh, “Jebus ccungccaw hae kha masaty a tukpaw tuh rhawbawi lehuapaw athua cih,” a ci. Zeruiah ccapaw Joab nynh masaty a ccia keiccuze aning tuh rhawbawi lehuapaw lang a tang.7David tuh rhawlungrua lungkhu a um keiccuze tuh-e tuh David khua a ci hae.8David nynh khua kha po voilu lan, Millo kyate tho zah marya akoihkuh lante a rae; khua kya-e tuhlaepaw kha tuh Joab nynh a raethui.9Vaaw Bawipaw tuh David kya a um keiccuze aning tuh houhouh a lesae. David Ccungccaw A Thung hae paw (2Sa 23.8-39)
10E hae tuh David rhawkaw athung hae paw kya-e lupi hae nynh thua, Israel te asekuh lante Bawipaw bya thyhte, amaw kha siapharan lang khang khylan minmin nynh a peenaw kyakhe Israel hae balyn ryte pynkheihlan thawte a bawm hae.11E hynh David rhawkaw athung hae paw konglang nynh thua: Hakhmon ccapaw Jashobeam tuh Lu Thum hae kyaze lupi nynh thua; aning nynh a ccoi ccyngkute ccungccaw za thum kha vae kheit te a chia hae.
12Te lu thum hae laku kya tuh-e paw koute he a zuipaw tuh Ahohi ccungccaw Dodo a ccapaw Eleazar nynh thua.13Filistin hae tuh rhawtuk khylan Pas-dammim kya a sueluaku lya hae ze, aning tuh David ryte a umkheih hae. Barli phe abeihpaw loo ccyngkheit a um. Ccungccaw hae tuh Filistin hae kyate a ccue hae,14thuasalama David te aning tuh loo ngaelung kya thadynnaw hmin lawkuh hae zah tuh-e hmin kyate Filistin hae kha a chia hae; Bawipaw nynh taenaw lepaw te a khum hae.
15Cciakhaetu hae sung thum kya-e lu thum tuh Adullam lungkarung kya umpaw David kalan a cceih hae, tuh lyatuin Filistin rhawkaw hae tuh Refaim accya kya a rya hae.16David tuh rhawlungrua lungkhu um zah, Filistin hae rhawviatu rhawkaw hae tuh Bethlehem kya a um hae.17David nynh , “Lukhakheit nynh koikua pe umpaw Bethlehem tuisung kya-e tui kha nia lan yn pya ravo nyn!” cite lungdeite a ho.18Tetuh athungpaw lu thum hae nynh Filistin hae ryahmin kha roh hae zah koikua pe umpaw Bethlehem tuisung kya-e tui kha the hae zah David kalan a cciakhae hae. Thuasalama David nynh nia leite Bawipaw malang khe moh lae zah,19“E tui hynh ka nia khyh nawlan ka Pachia nynh yn khee vae sah. E ccungccaw hae chiise hynh ka neih kho cih zawtou? Pawccecize ka chi ze ka chih cite cceih hae zah, e tui hynh oun thuakhae hae,” a ci. Tukeiccuze aning nynh neih khyh. Tuh-e rhawkaw hae lu thum nynh tuhcite rya a law hae.
20Joab neitaw Zeruiah a ccapaw Abishai tuh Ccungccaw Sung Thum hae kyaze lupi nynh thua. A ccoi te ccungccaw za thum kha tuk hae zah a chia hae keiccuze Lu Thum hae kya a minthaanbua.21Aning tuh Ccungccaw Sung Thum hae kyaze a minthaan huaccepaw thua zah mih rhawbawipaw lang a tang; thuasalama Lu Thum hae hawte tuh a minthaan khyh.
22Kabzeel khuapaw Jehoiada ccapaw Benaiah tuh arawthungpaw ccungccaw thua zah, ryalaw lepaw a lahpaw nynh thua; Moab ccungccaw Ariel ccapaw hae lu ning kha a chia hae. Vuiraw accaw nin khe cceih zah laekarung lungkhu umpaw chindeih kha a chia.23Izip ccungccaw dong pangaw ahangpaw, a pynrua hoypaw kha a chia. Izip paw tuh a kuih kya phaeccya cia acihpaw ccoi a hoi; thuasalama Benaiah nynh hoitang ccyngkute ccianua zah, Izip paw kuih kya-e ccoi kha a lua koute amaw ccoi toulou maw te a chia.24Jehoiada ccapaw Benaiah nynh tuhcite cyih zah athungpaw lu thum hae kya a minthaanbua.25Aning tuh ccungccaw Sung Thum hae kya a minthaanbua, thuasalama Lu Thum hae hawte tuh a minthaan khyh. David nynh amaw a rhawviatu hae lupi lang a nung.
26Rhawkaw hae kyaze mih rawthung hae paw tuh, Joab neitaw Asahel, Bethlehem khuapaw Dodo ccapaw Elhanan,27Harod khuapaw Shammah, Pelon ccungccaw Helez,28Tekoa khuapaw Ikkesh a ccapaw Ira, Anathoth khuapaw Abeizer,29Hushath ccungccaw Sibbekai, Ahoh ccungccaw Ilai,30Netofah khuapaw Maharai, Netofah khuapaw Baanah ccapaw Heled,31Benjamin phin hae kya-e Gibeah khuapaw Ribai ccapaw Ithai, Pirathon ccungccaw Benaiah,32Gaash accya hae ccungccaw Hurai, Arbath ccungccaw Abiel,33Baharum ccungccaw Azmaveth, Shaalbon ccungccaw Eliahba,34Gizon ccungccaw Hashem, Harar ccungccaw Shagee ccapaw Jonathan,35Harar ccungccaw Sakhar ccapaw Ahiam, Ur ccapaw Elifal,36Mekherath ccungccaw Hefer, Pelon ccungccaw Ahijah,37Karmel ccungccaw Hezro, Ezbai ccapaw Naarai,38Nathan neitawpaw Joel, Hagri ccapaw Mibhar,39Ammon ccungccaw Zelek, Beeroth khuapaw Naharai, aning tuh Zeruiah ccapaw Joab kya-e rhawtuk-zunghe ccyngtu nynh thua,40Ithra ccungccaw Ira, Ithra ccungccaw Gareb,41Hit ccungccaw Uriah, Ahlai ccapaw Zabad,42Reuben phinpaw Shiza ccapaw Adina, aning tuh Reuben phin hae te amaw kya um hae paw sung thum hae cciakhaetu nynh thua,43Maakah ccapaw Hanan te Mithni ccungccaw Joshafat,44Ashterath ccungccaw Uzzia, Aroer ccungccaw Hotham ccapaw hae Shama te Jeiel,45Tiz ccungccaw Shimri ccapaw Jediael te a neitawpaw Joha,46Mahav ccungccaw Eliel, Elnaam ccapaw hae Jeribai te Joshaviah, Moab ccungccaw Ithmah,47Mezoba ccungccaw Eliel, Obed te Jaasiel nynh thua hae. Ramkaw kya David Zuitu hae
1Kish ccapaw Saul keiccuze David tuh rythyte a ccia bungthung kho khyh lyakhe, akawlan e ccungccaw hae tuh Ziklag khua umpaw David kalan oun thua hae paw nynh thua; minmin tuh rhawtuknaw kya David a bawmtu hae athungpaw rhawkaw hae kya a umbua hae.2Minmin tuh thekawthya hae paw, mih voi mih rang te the kaw te lung deih athya hae paw, Benjamin phin hae, Saul a puizia hae nynh thua.3Ale huapaw lupi tuh Ahiezer, tukoute Joash thua zah, parouh mawte Gibeah khuapaw Shemaah ccapaw hae nynh thua; Azmaveth ccapaw hae Jeziel te Pelet; Berakah, Anathoth ccungccaw Jehu,4Gibeon khuapaw Ishmaiah, aning tuh Sung Thum hae kyaze athungpaw thua zah Sung Thum hae a uktu cciakhaetu nynh thua; Gederah khuaccaaw hae tuh Jeremiah, Jahaziel, Johanan, Jozabad,5Haruf khuaccaaw hae tuh Eluzai, Jerimoth, Bealiah, Shemariah, Shefatiah,6Korath ciihan hae tuh Elkanah, Isshiah, Azrel, Joezer te Jashobeam;7te Gedor khuaccaaw hae tuh Jeroham ccapaw hae Joelah te Zebadiah.
8Ramkaw rhawlungrua akoihkunaw a umpaw David kalan a cceih hae paw, thung zah rhawtuk boi vae hae paw, khawriaphua te ccoi a mangthya hae paw, mih maesue tuh chindeih maesue lo zah mua vaw e sazuh hawte mih liazawpaw Gad phin hae tuh:9Lupi tuh Ezer, lu ningnaw Obadiah, lu thumnaw Eliab,10lu palinaw Mishmannah, lu pangawnaw Jeremiah,11lu taruhnaw Attai, lu sarinaw Eliel,12lu taryanaw Johanan, lu takuanaw Elzabad,13lu hawnaw Jeremiah, lu haw lae kheitnaw Makbannai.14E Gad phin hae tuh rhawkaw hae kyaze bawi hae thua zah, adih huapaw tuh milu za kheit, ale huapaw tuh milu thong kheit a uktu hae nynh thua.15E hae tuh masaty sawpaw kya Jordan vaw varae balyn tui pong aleiku lyaze vaw kha zua hae zah nithua lang te niccaw lang accya kya um hae paw kha a deetu hae nynh thua.
16Benjamin phin hae te Judah phin hae abang tuh David kalan rhawlungrua akoihkunaw lang oun thua hae.17David nynh tungku khylan pounua hae zah, “Ccawkunaw te kae hynh bawm khylan nae cceih oh paw athua ze, ka nawccah; thuasalama ka tungvaw cyiseinaw a um lei pite, ka rhaw hae kuih kalan pya khylan nae cceih oh paw athua zetuh, ah minpaaw hae Pachia nynh muih sah lah, byapia vae sah,” a cipya hae.18Tetuh sung thum hae lakuze lupi athuapaw Amasai tungvaw kya muisaw yn thua zah aning nynh a hopaw tuh:
“Pou David, kaening tuhna ccungccaw hae nynh kae thua;Pou Jesse ccapaw, namaw kalana pan hae paw nynh kae thua!Daenaw, daenaw tuh na kya um vae sah,daenaw tuh nangae bawmtu hae kya um vae sah!Pawccecize na Pachia tuhnang ae bawmtu nynh thua,” a cipya.Tetuh David nynh minmin kha lehkhan hae zah, a rhawkaw hae a uktu bawi lang a nung hae.
19David tuh Filistin hae ryte Saul dou khylan a ccia lya hae khe, Manasseh phin hae abang tuh David kalan a ccue hae. (David nynh Filistin hae kha bawm khyh hae, pawccecize Filistin uktu hae nynh tuanaw suelua hae zah, “Aening hynh oun phee cih zah a bawipaw Saul kalan oun zuakuh sei cih,” cite tua hae zah Ziklag lang a kisah hae.)20David nynh Ziklag lang a ccia lyaze amaw kalan a ccue hae paw Manasseh phin hae tuh: Adnah, Jozabad, Jediael, Mikhael, Jozabad, Elihu te Zillethai; e hae tuh Manasseh phin kya-e milu athong a uktu lupi hae nynh thua.21Ccungccaw thiingtu hae aphu kha dounaw kya minmin nynh David kha a bawm hae, pawccecize minmin tuh mih balynte athungpaw thua hae zah rhawkaw hae kya-e rhawbawi hae nynh thua.22Pachia rhawkaw phu hawte myarya lepaw rhawkaw phu lang a tang mawlaezung ccungccaw hae tuh nin takyh mawte David bawm khylan oun thua hae. Hebron kya David Rhawkaw hae
23Bawipaw bya thyhte, Saul peenaw kha David kalan pya khylan David a umnaw Hebron khua lang oun thua hae paw, zunghe a hoipaw rhawkaw hae phu kya-e milu rianaw tuh hynhte nynh thua.24Judah ccungccaw hae khawriaphua te ccoi ccyngkute zunghe a hoipaw rhawkaw hae tuh thong taruh za tarya acih hae.25Simeon phin hae kya-e athungpaw rhawkaw hae tuh thong sari za kheit.26Levi phin hae kya-e thong pali za taruh.27Aaron ciihan hae cciakhaetu Jehoiada te amaw kya um hae paw tuh thong thum za sari.28Athungpaw ccangvaepaw Zadok te a puizia hae kya-e rhawbawi hae lu kuin lae ning.29Benjamin phin, Saul a puizia hae thong thum, e phin kya-e alunghua tuh Saul ciihan hae kya lungzite a um hae.30Efraim phin hae, mih puizia hae kya aphu-e hae paw, athungpaw rhawkaw hae thong kuin za tarya.31David kha siapharan lang khang khylan ccia lan min ccazing law athua hae paw Manasseh phin angankuh hae tuh thong haw lae tarya acih hae.32Issakhar phin kya-e ccyh nyhthya zah Israel nynh a cyi lanpaw a nyhthya hae paw lupi za ning te mih kuihkaw e mih puizia hae balyn.33Zebulun phin kya-e mih lungzipaw, eenaw ccangkheit te David kha bawm khylan, rhawtuk lan rhawtuk-zunghe phe ccing lan a ccyngkuh hae paw rhawkaw thong sung pangaw,34Naftali phin kya-e rhawbawi thong kheit te minmin ryte um hae paw khawriaphua te ccoi a ccyngkuh hae paw rhawkaw sung thum thong sari.35Dan phin kya-e rhawtuknaw ccangpya athua vae hae paw thong kuin lae tarya za taruh.36Asher phin kya-e alungzipaw rhawkaw hae, rhawtuk lan paccynkute um hae paw thong sung pali.37Jordan vaw khuraw lang um hae paw Reuben phin hae, Gad phin hae te Manasseh phin hae angankuh kya-e rhawtuknawpaw zunghe phe ccing lan a ccyngkuh hae paw cciing kheit thong kuin acih hae.
38E hae balyn, rhawtuknaw kalan ccia lan paccynkute um hae paw tuh David kha siapharan lang khang lan cite eenaw ccaccing te Hebron khua lang a cceih hae; tuhmaminte tuhlaepaw Israel hae balyn tuh David kha siapharan lang khang khylan mih lungnging.39Minmin tuh David ryte nin thum umkheih hae zah a ae a neih hae, pawccecize mih puizia hae nynh a paccynpya hae.40Te anaenaw um hae paw nynh mah, Issakhar ram, Zebulun ram te Naftali ram kyacia um hae paw nynh looh kha lann, kalauh, lann adihpaw phin te tangnuapaw hae khate oun phu hae—aepaw aphuinphuin, saw, thaeku sanlou aphepaw hae, misu thae ange hae, misutui, chitui, tangnuapaw hae te tuu hae kha oun phu hae, pawccecize Israel ram kya lungpawnaw a um. Kiriath-jearim umpaw Thingkua Lawnaw (2Sa 6.1-11)
1David nynh ccungccaw athong uktu te aza uktu rhawbawi hae te cciakhaetu miakaw ryte tuanaw a suelua hae.2David nynh Israel ccungccaw zapi hae balyn kha, “Nanning nynh ahoy cite na tua oh zah Bawipaw ah Pachia rynaw athua zetuh, Israel ram pynpi kya um hae paw tuhlaepaw ah uno hae, sahiin rampaeenaw hae a hoipaw khua hae kya um hae paw ranpibawi hae te Levi hae kha aening kalan pyku bua lan ccungccaw sawte hyy oh sih.3Te ah Pachia thingkua kha ahmaw kalan bua lah oh sih; pawccecize Saul she lyaze aening nynh ah la sawphah oh,” a cipya hae.4Ccungccaw zapi balyn nynh tuhcite cyi lan mih nawccah, pawccecize tuh-e tuh ccungccaw balyn nynh a ry hae.
5Tukeiccuze David nynh Pachia thingkua kha Kiriath-jearim kyate cciakhae khylan Izip ram e Shihor vaw kyate Lebo-hamath khua kyacia um hae paw Israel hae balyn kha a pum hae.6Cherubim vawlan a haungpaw Bawipaw min te kopaw Pachia thingkua kha law khylan Israel hae balyn tuh Baalah khua lang a cceih hae, tuh-e khua tuh Judah kya-e Kiriath-jearim khua nynh thua.7Pachia thingkua kha le thawpaw vawlan khangte Abinadab inn kyate a cciakhae hae, Uzza te Ahio nynh le kha a mawng hae.8David te Israel hae balyn tuh hlaw te tintang te tyng te daw te lanchi te mungkae hae khate Pachia malang khe mih thawzung balyn te a law hae.
9Khidon huimin kya he a thua hae te, tangnuapaw hae nynh thingkua kha a thyngbia hae keiccuze Uzzah nynh thingkua kha kyng khylan a kuih a dyngnua.10Bawipaw thinrianaw tuh Uzzah tungvaw maee lang arua; thingkua kha a kyng keiccuze detah zah tuin kya Pachia malang khe a chih.11Bawipaw nynh Uzzah tungvaw a thinria keiccuze David tuh a thinria; tukeiccuze tuh-e hmin tuh atunin cia Perez-uzzah cite a ko hae.12Tuin nin khe David nynh Bawipaw kha rih zah, “Bawipaw thingkua hynh pawtemou ka kalan ka thuakhae ngan cih?” a ci.13Tukeiccuze David nynh thingkua kha David khua lungkhu lang teekhae khyh; Git khuapaw Obed-edom inn langkhe a cciakhae.14Pachia thingkua tuh Obed-edom inn kyakhe a innbyn hae ryte sawpaw sah thum a um; Bawipaw nynh Obed-edom innbyn te a hoipaw balyn kha hythua a pya. Jerusalem kya David A Um (2Sa 5.11-16)
1Tair siapharan Hiram nynh David hanlan inn sakpya khylan locceihtu hae kha sidar thing hae, pazan thya hae paw te lehccama hae ryte a saw hae.2Bawipaw nynh David kha Israel siapharan lang a khangpaw te a ccungccaw Israel hae hanlan a peenaw a hangthungpaw kha David nynh a ny.
3David nynh Jerusalem khua kya zu hae hoichih zah David tuh ccapaw hae te ccanung hae patae paaw lang a tang.4David nynh Jerusalem khua kya a saah hae paw a ccaaw hae min tuh: Shammua, Shobab te Nathan; Solomon,5Ibhar, Elishua te Elpelet;6Nogah, Nefeg te Jafia;7Elishama, Beeliada te Elifelet. Filistin hae kha Taenaw (2Sa 5.17-25)
8David tuh Israel siapharan lang chitui a thuh vae hae cipaw kha Filistin hae nynh he a thae hae te, Filistin hae balyn nynh David kha ccung khylan a cceih hae; tuh-e konglang tuh David nynh thae zah minmin kha tuk khylan a ccianua hae.9Filistin hae nynh oun cceih hae zah Refaim accya um hae paw kha a thiing hae.10David nynh Pachia kha khia zah, “Filistin hae kha tuk lan ka ccianua cih hae tou? Minmin kha ka kuih kalan nae pya cih hae tou?” a cipya. Bawipaw nynh David kha, “Ccianua hae; pawccecize Filistin hae kha na kuih kalan kae pya ccaccing cih,” a cipya.11Tukeiccuze David tuh Baal-perazim lang cceih zah, tuin kyakhe minmin kha a tae hae. David nynh, “Pachia nynh ka rhaw hae kha avuakuhpaw tuileih hawte ka kuih te a vuasaku vae hae,” a ci. Tukeiccuze tuh-e hmin tuh Baal-perazim cite a ko hae.12Mih zohtuh hae kha tuin kya a vuasya hae, te David nynh kawpya hae zah maee te a soi hae.
13Filistin hae tuh bua oun cceih hae zah, accya kya um hae paw kha a thiing hae.14David nynh Pachia kha bua he a khia tuh Pachia nynh, “Na deehui lan khyh hae; koihlu hae lah, balsam thing hae te arawsekunaw kyakhate na naangbia cih hae.15Balsam thing dung hae kyakhe mih siho kha he na thae te, rhawtuk khylan na pou cih; pawccecize Filistin rhawkaw hae kha chia khylan Pachia tuh na malang a cceih lalo vae,” a cipya.16Pachia nynh kaw a pya thyhte David nynh cyih zah, Filistin rhawkaw hae kha Geba kyate Gezer kyacia po a chia hae.17David a minthaannaw tuh ram miakaw kya zeihkuh zah, Bawipaw nynh minphuin hae balyn kha David raw a risah hae. Jerusalem lang Thingkua Cciakhaenaw
1David nynh amaw elang David khua khe inn hae kha a sakku, te Pachia thingkua elang hmin ccangkheit paccyn zah bu bukheit a thadynsah.2David nynh, “Levi phin hae laelan humhung nynh mah Pachia thingkua kha puih lan khyh, pawccecize Bawipaw nynh minmin kha Bawipaw thingkua puih lan te amaw rya zungzae lawpya lan a po vae hae,” a ci.3Bawipaw thingkua elang a paccynpyapaw hmin langkhe cciakhae khylan David nynh Israel hae balyn kha Jerusalem kya a pum hae.4David nynh Aaron ciihan hae te Levi phin hae kha a pum hae:5Kohath ciihan hae kya-e lupi Uriel te a puizia hae za kheit lu kuin;6Merari ciihan hae kya-e lupi Asaiah te a puizia hae za ning lu kuin;7Gershom ciihan hae kya-e lupi Joel te a puizia hae za kheit sung thum;8Elizafan ciihan hae kya-e lupi Shemaiah te a puizia hae za ning;9Hebron ciihan hae kya-e lupi Eliel te a puizia hae sung tarya;10Uzziel ciihan hae kya-e lupi Amminadab te a puizia hae za kheit lu haw lae ning.
11David nynh ranpibawi Zadok, Abiathar te Levi phin hae Uriel, Asaiah, Joel, Shemaiah, Eliel te Amminadab kha a ko hae.12Aning nynh minmin kha, “Nanning tuh Levi phin lungkhu e puizia hae kya-e lu hae nynh na thua oh; nanning nynh Bawipaw , Israel Pachia thingkua kha ka paccynnaw hmin lang na cciakhae ccaw oh, naemaw te nae puizia hae kha thyaasakuh oh.13Masaty lyaze nanning nynh na puih khyh oh keiccuze Bawipaw ah Pachia tuh aening tungvaw a thinria; pawccecize aening nynh thingkua kha do-oih lan accan thyhte ah do-oih khyh oh,” a cipya hae.14Tukeiccuze Bawipaw , Israel Pachia thingkua kha cciakhae khylan ranpibawi hae te Levi phin hae nynh a thyaasaku hae.15Bawipaw bya thyhte Moses nynh kaw a pya hae hawte, Levi phin hae nynh Pachia thingkua kha puihnawpaw ccong khate mih raw te a puih hae.
16David nynh Levi phin kya-e lupi hae kha, nanning nynh lungpawnaw roi thawte saw khylan khuakupaw uccaw hae tintang, tintang dihpaw te lanchi hae a khua cih hae paw nae uno hae kha hlawsahtu lang na khang cih oh, cite kaw a pya hae.17Tukeiccuze Levi phin hae nynh Joel ccapaw Heman, a unopaw Berekhiah ccapaw Asaf te mih uno Merari ciihan hae kya-e Kushaiah ccapaw Ethan;18tuh-e hae ryte mih unopaw ccangningnaw bawi athua hae paw Zekhariah, Jaaziel, Shemiramoth, Jehiel, Unni, Eliab, Maaseiah, Mattithiah, Elifelehu te Mikneiah, te thuakaw ngawtu hae Obed-edom te Jeiel.19Hlawsahtu hae Herman, Asaf te Ethan tuh sohin lanchi kha a khua cih hae;20Zekhariah, Aziel, Shemiramoth, Jehiel, Unni, Eliab, Maaseiah te Benaiah tuh Alamoth roi thyhte tintang a khua cih hae;21thuasalama Mattithiah, Elifelehu, Mikneiah, Obed-edom, Jeiel te Azaziah tuh Sheminith roi thyhte tintang dihpaw te hlawsakhaetu athua cih hae.22Levi phin hae kya-e hlaw cciakhaetu Khenaniah tuh hlaw a thya keiccuze hlaw cciakhaetu athua cih.23Berekhiah te Elkanah tuh thingkua elang thuakaw ngawtu hae athua cih.24Ranpibawi hae Shebaniah, Joshafat, Nethanel, Amasai, Zekhariah, Benaiah te Eliezer nynh Pachia thingkua malang khe mungkae a tu cih hae. Obed-edom te Jehiah mah thingkua elang thuakaw ngawtu hae athua cih.
25Tukeiccuze David te Israel piccan hae, ccungccaw athong uktu hae tuh Bawipaw byakin thingkua kha Obed-edom inn kyate lungpawte law khylan a cceih hae.26Bawipaw thingkua a puihtu hae Levi phin hae kha Pachia nynh a bawm hae keiccuze minmin nynh tangnuapaw sa sari te tuutepaw sa sari khate silawnaw a rae hae.27David tuh nebaleihpaw laaw te kuakupaw angkiccua kha a kiku, thingkua a puihtu Levi phin hae balyn, hlawsahtu hae te hlawsahtu hae kya-e hlaw cciakhaetu Khenaniah mah tuhcite a kikuh bua hae; te David tuh laaw te kuakuhpaw ranpibawi angki kha a kikuh.28Tuhcite Israel hae balyn nynh sia biate, saki, mungkae, lanchi, tintang te tintang dihpaw kha khuakute myarya ccae lan hlawsah biate Bawipaw byakin thingkua kha a cciakhae hae.
29Bawipaw byakin thingkua tuh David khua he a tee lyakhe Saul ccanung Mikhal nynh thanlan-aw kyate do zah, David Siapharan nynh thohkute a lawpaw kha muih zah a thinlung kyate a theihrya. Bu kya Thingkua A Nung hae
1Pachia thingkua kha cciakhae hae zah David nynh a sakpyapaw bu lungkhu khe a nung hae; te Pachia malang khe maee-ute silawnaw te ccawkunaw silawnaw kha a rae hae.2David nynh maee-ute silawnaw te ccawkunaw silawnaw kha he a rae koute Bawipaw min te ccungccaw hae kha hythua a pya hae;3Israel ccungccaw miakaw—nopi te pise phe lokuh lante—sanlou phe kheit, saw nge kheit te misu thae aroupaw aphe phe kheit cci kha ccarou a nee hae.
4Levi phin hae abang kha Bawipaw thingkua malang ryalahtu lang, Bawipaw , Israel Pachia kalan sawsang khylan, lungtuabya ho khylan te thehoysah khylan a khang hae.5Lupi tuh Asaf, amaw koute lu ningnaw Zekhariah, Jeiel, Shemiramoth, Jehiel, Mattithiah, Eliab, Benaiah, Obed-edom te Jeie; minmin tuh tintang te tintang dihpaw a khua cih hae paw nynh thua; Asaf tuh lanchi a khua cih paw thua zah,6ranpibawi Benaiah te Jahaziel tuh Bawipaw byakin thingkua malang mungkae tyty a tu cih hae paw nynh thua. Thehoysahnaw Hlaw (Sam 105.1-15, 96.1-13, 106.1, 47-48)
7Te tuin nin khe David nynh Bawipaw kalan thehoysahnaw hlawsah khylan Asaf te a puizia hae kha a khang hae.
8Bawipaw kalan lungtuabyaho oh, a min kha ko oh lah,a cyipaw kha ccungccaw haenysah oh.9Amaw kalan hlawsah oh,thehoysahnaw hlawsah oh;ngaeangthua lan umpawa ryalaw balyn kha ho oh.10A min thyaapaw kha phu-esah oh;Bawipaw a ccung hae pawthinlung tuh a lungtua sah.11Bawipaw te a thawzung khaccungtua; a mitmae khaccung zungzae oh.12Pou a ryalahtu Abraham ciihan,a popaw Jakob ccaaw hae,ngaeang lan umpaw a la cyipaw,ngaeang lan umpaw a ryalaw hae tea hopaw byapianaw kha liathui oh.
14Aning tuh Bawipawah Pachia nynh thua;a byapianaw tuh laephi pynpihanlan nynh thua.15A byakinnaw kha zungzae a liathui,kaw a pyapaw khashe thong kheit cia a liathui,16Abraham kya a raepaw byakinnaw,Isak kya a kinpyakupaw a byakinnaw,17Jakob kya phungbya lantetynsah zah,Israel kya zungzae tynpawbyakinnaw lante a tynsah,18“Kanaan ram hynh rho langkae pya cih,”a la cipaw kha a liathui.
19Minmin tuh milu beihtarawkyalya cih hae zah,ramccang ccungccaw lang tangte20ram kheit kyate ram kheit kalan,pee kheit kyate ccangpawpee kheit kalanhe a khiavuikuh hae tuh,21minmin tungvaw tuaasahnawrae lan, aning nynhhumhung sanmah ua khyh;minmin keiccuze siapharan hae khape hae zah,22“Chitui ka thuh hae paw khaty nan oh;ka profeh hae kha vawsawnawpya nan oh,” a cipya hae.
23Laephi ccungccaw balyn,Bawipaw kalan hlawsah oh.a khumnaw thehoypaw khanin takyhte ho oh.24Minphuin hae kalana phu-enaw kha siakhae oh lah,ccungccaw balyn kalanngaeangthua lan umpawa ryalaw kha ho oh.25Bawipaw tuh lesae zah,thawmawte thehoysah lanpawnynh thua;ccangpaw pachia hae balyn laezesawtuahua lanpaw nynh thua.26Minphuin ccangpaw hae kya-epachia hae tuh zohtuh hae nynh thua,thuasalama Bawipaw nynhvaawlui kha a rae.27Sawtuanaw te lesaenaw tuhamaw malang a um;thawzung te lungpawnaw tuhamaw a umnaw hmin kya a um.
28Pou minphuin hae balyn,Bawipaw kha thehoysah oh,Bawipaw a phu-enaw tea thungnaw kha thehoysah oh.29A phu-epaw Bawipaw min khathehoysah oh;silawnawpaw kha ccyngkuteamaw malang cceih oh.Alesaepaw thyaanaw khateBawipaw kha beik oh;30laephi ccungccaw balyn,amaw malang rawrite um oh.Laephi tuh tynkaring lan a thadyn;nuekuh boi lan khyh.31Vaawlui hae tuh mih lungpaw sah lah,laephi tuh a lungtua sah.“Bawipaw tuh siapharan nynhthua!” cite minphuin hae kyaho hae sah;32Rili te a lungkhuum hae paw tuh sia hae sah;loo te a lungkhu umpawatyn-are balyn tuhmih lungtua sah.33Te ramkaw e thingku balyn tuhBawipaw malang lungtuatehlaw a sah cih hae;pawccecize Bawipaw tuhlaephi kha byapia khylan yn thua.34Bawipaw tuh hoy zahatynpaw a sungsahnaw tuhzungzae atyn keiccuzeamaw kalan lungtuabya ho oh.
35“Pou kaening oun khumtu Pachia,athyaapaw na min kha kae luung zahnamaw thehoysahnaw kyakhephu kae esah nawlan,minphuin hae laku kyatekaening hynh khumteoun suelua lah, oun luesah tua.36Bawipaw , Israel Pachia tuhzungzae te zungzae cia thehoysahthua vae sah,”cite ho oh. Ccungccaw balyn nynh, “Amen!” ci hae zah, Bawipaw kha the a hoysah hae. Jerusalem te Gibeon kya Beiknaw
37David nynh Asaf te a uno hae kha Bawipaw byakin thingkua malang khe nin takyhte ahoboupaw rya kha tyty law khylan a nungsya hae,38Obed-edom te a puizia hae sung taruh lu tarya kha mah a khang hae; Jeduthun ccapaw Obed-edom te Hosah tuh thuakaw ngawtu nynh athua hae.39Te ranpibawi Zadok te a uno hae ranpibawi hae kha Gibeon khua ahangpaw hmin kya umpaw Bawipaw beikbu malang khe a nungsya hae,40Bawipaw nynh Israel hae kaw a pya hae paw a kawbya kya azeikuhpaw balyn thyhte, minmin nynh awkhua te zete ccyh kya maee-ute silawnawpaw silawhang vawlan khe Bawipaw kalan maee-ute silawnaw kha tyty a rae cih hae.41Bawipaw sungsahnaw tuh zungzae atyn keiccuze amaw kalan lungtuanaw byaho khylan Heman te Jeduthun thuasah, popaw te min ccazing law athua hae paw mingccang hae thuasah minmin kya a umbua hae.42Heman te Jeduthun nynh hlawsahnaw hanlan mungkae te lanchi hae kha hoi hae zah hlaw thyaapaw hanlan khuakupaw uccaw hae kha a hoi hae. Jeduthun ccapaw hae kha thuakaw ngawtu lang a nung hae.
43Te ccungccaw balyn tuh mih inn raveih lang ki hae zah David tuh a innbyn hae kha hythuapya khylan a inn lang a cceih. David tungvaw Pachia Byakinnaw (2Sa 7.1-17)
1David nynh a inn kya a um lyakhe David nynh profeh Nathan kha, “Dotua, kae tuh sidar thing inn kya ka um, thuasalama Pachia thingkua tuh boeibu kya nynh a um,” a cipya.2Nathan nynh David kha, “Na thinlung kya a umpaw balyn kha cyih ccaleih, pawccecize Pachia tuh na kya a um,” a cipya.
3Thuasalama tuin khuazi khe Bawipaw bya tuh Nathan kalan yn thua zah:4La cceih lah, ka ryalahtu David kha la hopah: Bawipaw nynh hynhte a ho: Ka um nawlan inn yn sakpah nan.5Pawccecize Israel hae kha ka poukhae hae nin kyate atunin cia inn lungkhu ka um khyh, thuasalama boeibu te beikbu lungkhu nynh ka um.6Israel hae balyn ryte kae khiakunaw takyh kya ka ccungccaw hae kha do-oih khylan kaw ka pyapaw Israel byapiatu lukhakheit kha, “Pawccemou sidar thing inn nae sakpya khyh?” cite ka hopah boi tou?7Tukeiccuze ka ryalahtu David kha hynhte na hopah cih: Vaaw Bawipaw nynh hynhte a ho: Nang tuh ka ccungccaw Israel hae kya uktu lang tang khylan tuurinnaw hmin kyate, tuu hae na zuinaw kyakhate kae ko;8na ccianaw takyh kya na kya ka um zah, na rhaw hae balyn kha na malang te ka vua hae; laephi vawlan e alesaepaw ccungccaw hae min hawte alesaepaw min kha kae raepah cih.9Ka ccungccaw Israel hae elang hmin ccangkheit ka raepah cih hae zah, mimaw hmin kya a um nawlan hae te kaccohkale nung athua khyh nawlan hae ka tynsah cih hae;10langmawlya ka ccungccaw Israel hae kya byapiatu hae ka nungpya lya hae hawte ccungccaw hoylei hae paw nynh vawsawnaw pya vae lan khyh hae; na rhaw hae balyn kyate nang kha haeungnaw kae pya cih.
Tuhpiaze Bawipaw nynh nang kha inn innkheit ae sakpah cih cite nang kha kae thaesah.11Na ccyh zaw vae zah, na minpaaw hae ryte he na ihkheih oh te, na pyn kyate a pou cih paw na ciihan tuh namaw koute ka hangthung cih zah a peenaw kha ka tynsah cih.12Aning nynh ka min hanlan inn a sak cih zah a peenaw kha ka tynsah cih.13Kae tuh a paaw ka thua cih zah aning tuh ka ccapaw athua cih. Nang na mawze a la umpaw ccungccapaw kyate atynpaw ka sungsahnaw kha ka law hawte amaw kyate ka lah lan khyh,14aning kha ka inn te ka peenaw kya zungzae ka tynsah cih zah, a bawitungkhung tuh zungzae atyn cih, a ci cite a hopya.15E bya hae balyn te hynh-e vizin hae balyn thyhte Nathan nynh David kha a hopya. David Sawsangnaw (2Sa 7.18-29)
16Tetuh David siapharan nynh alungkhu lang tee zah Bawipaw malang haung zah, “Pou Bawipaw PACHIA, kae tuh ahum ka thua zah, ka innbyn tuh pawcihawpaw innbyn athua keiccu mou hynhcih ciate nae hangthung?17Thuasalama pou Pachia, e hynh tuh nang na muihnaw kya uccaw dihpaw nynh thua; na ryalahtu ciihan kong hynh mah malang ccyh hynhsepi hanlan cia na hoty vae. Pou Bawipaw Pachia, kae hynh alesaepaw lu kheit hawte nae tua vae!18Na ryalahtupaw kae, David nynh sawtuanaw ccou khylan na kalan pawmou ka ho kho ung cih? Na ryalahtupaw hynh phe na ny!19Pou Bawipaw , na ryalahtupaw hanlan te namaw na thinlung kya a um thyhte, e alesaepaw uccaw hae balyn hynh nysahte e alesaepaw rya balyn hynh na law vae.20Pou Bawipaw , kae nakaring te kae thaepaw balyn thyhte nang ae lopaw lu kheit san um khyh zah namaw laelan ccangpaw Pachia um khyh.21Izip ram kyate na shawkhaw hae paw na ccungccaw hae malang te minphuin hae na dee hae zah alesaepaw te ngaeang lan umpaw uccaw hae kha namaw min hanlan raekute, a ccungccaw hae lang tang khylan te shawkhaw khylan Pachia nynh a ccianua hae paw na ccungccaw Israel hae te alokuhpaw minphuin phuin kheit san laephi vawlan a um tou?22Na ccungccaw Israel hae kha na ccungccaw lang zungzae tang khylan namaw hanlan na rae hae; pou Bawipaw , nang tuh mih Pachia lang na tang.
23“Atu pou Bawipaw , na ryalahtupaw konglang te a innbyn konglang na ho vae paw bya tuh zungzae tyn sah lah, bya na kinku vae hawte beih cyitua.24‘Vaaw Bawipaw , Israel Pachia tuh Israel a Pachia nynh thua,’ cite na min tuh zungzae tynsah te hangthung athua cih; na ryalahtu David ciihan tuh namaw malang tynsah athua cih.25Pawccecize ka Pachia, nang nynh na ryalahtupaw hanlan ciihan na raepya lanpaw kha na phypya vae; tukeiccuze na ryalahtupaw nynh namaw malang sawsang kho athua cipaw ka ny vae.26Pou Bawipaw , nang tuh Pachia na thua zah, e uccaw hoypaw hynh na ryalahtu kya bya na kinpyaku vae;27tukeiccuze atu tuh na ryalahtupaw ciihan hynh namaw malang zungzae atyn nawlan hythua beih pya rytua. Pawccecize pou Bawipaw , nang nynh hythua na pya vae zah zungzae hythuapya athua,” a ci. David Peenaw Tyn zah Ako (2Sa 8.1-18)
1Tukoute David nynh Filistin hae kha tuk hae zah a tae hae; David nynh Filistin hae kuih kyate Gath khua te khua taraw hae kha a law.
2Moab ram kha tae zah Moab hae tuh David kuihkaw um hae zah ngunto kha a pya hae.
3David nynh Zufrates vaw kya a lungbing bing khylan a ccia lyakhe Hamath langsang a umpaw Zobah siapharan Hadadezer kha mah a chia.4David nynh aning kyate marangle thong kheit, marang rhawkaw thong sari te ccu rhawkaw thong kuin kha a kyng hae. David nynh marangle a suepaw marang hae balyn kha mih ccukantho a seih hae, thuasalama marangle za kheit hanlan phe azaw lante a haang bang hae.5Damaskas khua e Siria hae nynh Zobah siapharan Hadadezer kha bawm khylan he oun cceih hae tuh, David nynh Siria hae kha thong kuin lae ning a chia hae.6David nynh Damaskas khua e Siria hae kyakhe rhawviatu hae kha a nung hae; Siria hae tuh David kuihkaw um hae zah ngunto a pya hae. Bawipaw nynh David kha a ccianaw takyh kya taenaw a pya.7Hadadezer a ryalahtu hae nynh a ccyng hae paw sui khawriaphua hae kha David nynh lah zah Jerusalem lang a phu.8Hadadezer kya-e khua hae Tibaath te Kun kyate sohin patae kha David nynh a law. Tuh-e tuhte Solomon nynh sohin tuikua, sohin tung te sohin angphe hae kha a rae.
9Zobah siapharan Hadadezer a rhawkaw hae balyn kha David nynh a tae vae cipaw Hamath siapharan Tou nynh he a thae te,10David nynh Hadadezer kha tuk zah a tae keiccuze byabeih khylan te lungtuakhae khylan David Siapharan kalan khe a ccapaw Joram kha a saw; pawccecize Hadadezer nynh Tou kha atu te atu rhaw a tuk. Joram nynh ngun, sui, sohin te raekuhpaw uccaw hae kha a ccyngpya;11tuh-e uccaw hae kha mah David Siapharan nynh a taepaw minphuin hae balyn, Edom hae, Moab hae, Ammon hae, Filistin hae te Amalek kyate a lawpaw sui te ngun hae ryte Bawipaw kalan pynkheihlan a pya.
12Zeruiah ccapaw Abishai nynh Loi Accya kyakhe Edom ccungccaw hae thong haw lae tarya kha a chia hae.
13Edom ram kya rhawviatu hae kha a nung hae; Edom hae balyn tuh David kuihkaw a um hae. Bawipaw nynh David kha a ccianaw takyh kya taenaw a pya. David Kuihkaw e Bawi hae
14Tuhcite David nynh Israel ram pynpi kha a uk; David nynh a ccungccaw hae balyn kha byading te ngingnaw te a uk hae.15Zeruiah ccapaw Joab tuh rhawkaw hae a uktu rhawbawi thua zah Ahilud ccapaw Jehoshafat tuh ccazing zeitu nynh thua;16Ahitub ccapaw Zadok te Abiathar ccapaw Ahimelek tuh ranpibawi hae thua hae zah, Seraiah tuh ryaccinkhan nynh thua;17Jehoiada ccapaw Benaiah nynh Khereth hae te Peleth hae kha a uk hae; David ccapaw hae tuh siapharan rya kya bawi lepaw hae nynh thua hae. Ammon hae te Siria hae kha Taenaw (2Sa 10.1-19)
1Tukoute Ammon hae siapharan Nahash tuh chih zah a ccapaw tuh amaw ccelang siapharan lang a tang.2David nynh, “Hanun paaw Nahash tuh ka tungvaw a lungzi keiccuze a ccapaw Hanun tungvaw kya lungzite ka ccuepe cih,” a ci. Tukeiccuze David nynh a paaw te asekuh lante lungtangnaw pya khylan locceihtu hae kha a saw hae. David a locceihtu hae tuh Ammon hae ram kya he a thua hae te,3Ammon hae bawi hae nynh mih bawipaw Hanun kyakhe, “David nynh lungtangnaw pyatu hae kha na kalan yn saw hae keiccuze na paaw kha sawtuanaw a pyapaw nynh thua cite na tua tou? A ryalahtu hae tuh ram hynh akaw-aleih dote dophi khylan te ro khylan na kalan oun thua khyh hae tou?” a cipya hae.4Tukeiccuze Hanun nynh David ryalahtu hae kha kyngte mih khawming kha a ngo hae, mih boeining kha ccepahthua te aw hae zah a cciasah hae, te minmin tuh a cceih hae.5Tuh-e tuh David kya he a hopah hae te, minmin tuh myaryamaw mih maethya keiccuze minmin kha cciadue khylan locceihtu hae a sawpya hae. Te siapharan nynh, “Nae khawming asae mawlaezung Jeriko khua kya la um oh, tukoute nae ki cih oh,” a cipya hae.
6Ammon hae nynh David tungvaw cceikhyanaw kae rae vae cipaw he a nyh hae te, Hanun te Ammon hae nynh Mesopotamia ram, Aram-maakah ram te Zobah ram kya-e marangle hae te marang rhawkaw hae hohnaw lanpaw ngun talent thong kheit kha a ky hae.7Marangle sung thum thong ning te Maakah siapharan te a rhawkaw hae kha a hoh hae, te cceih hae zah Medeba malang khe a rya hae. Mimaw khua raveih kya-e Ammon hae kha pum hae zah rhawtuknaw lang a cceih hae.8Tuh-e tuh David nynh he a thae te, Joab te athungpaw rhawkaw hae balyn kha a saw hae.9Ammon hae tuh oun pou hae zah koikua teenaw kyakhe rhawtuk lan a um hae; oun cceih hae paw siapharan hae tuh mawmaw raveihte ramkaw khe a um hae.
10Joab nynh nulang malang te rhaw yn tuk vae cih hae cipaw he a nyh tuh, Israel hae lungkhu e athung huaccepaw ccungccaw abang kha po hae zah Siria hae kha tuk khylan a nung hae;11tuhlaepaw a ccungccaw hae kha tuh Ammon hae kha tuksah khylan a neitawpaw Abishai kuihkaw khe a nung hae.12Joab nynh, “Siria hae tuh ka hanlan myaryamaw a thung hae ze, nang nynh nae bawm cih; te Ammon hae tuh na hanlan myaryasankae a thung hae ze, kae ccianua cih zah kae bawm cih.13Rawthungte um lah, ah ccungccaw hae hanlan te ah Pachia khua hae hanlan rawhoyte um sih; Bawipaw nynh ahoy a ci thyhte cyih vae sah,” a cipya.14Tetuh Joab te a kya um hae paw tuh Siria hae kha tuk khylan naenuakuh hae zah, a malang te Siria hae tuh a ccue hae.15Siria hae a ccue vae hae cipaw kha Ammon hae nynh he a muih hae tuh, minmin mah Joab neitaw Abishai malang te ccue hae zah khua lungkhu lang a tee hae. Te Joab tuh Jerusalem lang a ki.
16Thuasalama Israel hae nynh oun tae vae hae cipaw kha Siria hae nynh he a muih hae tuh, locceihtu hae saw hae zah Zufrates vaw khuraw lang um hae paw Siria hae, Hadadezer a rhawbawipaw Shofak nynh a uk hae paw kha a kosah hae.17Tuh-e tuh David kya he a hopah hae te, aning nynh Israel hae balyn kha pynkheihlan suelua hae zah Jordan vaw kha a zua hae, te rhaw hae kya thua hae zah minmin kha rawsete a rhawkaw hae kha umnaw a lawsahku hae. David nynh Siria hae kha tuk ty hae zah minmin nynh mah a tuk hae.18Siria hae tuh Israel hae malang te a ccue hae; David nynh Siria hae marangle ccikuh hae paw rhawkaw thong sari te ccu rhawkaw thong sung pali kha a chia hae, mih rhawbawipaw Shofak kha mah a chia.19Israel hae nynh oun tae vae hae cipaw kha Hadadezer a ryalahtu hae nynh he a muih hae tuh, David ryte daenaw rae hae zah a kuihkaw kya a um hae. Tukeiccuze Siria hae nynh Ammon hae kha bawm ry vae khyh hae. Rabbah Khua Lawnaw (2Sa 12.26-31)
1Hawnin yn thua zah siapharan hae nynh rhawtuknaw lang ccia ccyh he yn thua tuh, Joab nynh rhawkaw hae kha cciakhae hae zah Ammon hae ram kha a ro hae, te cceih hae zah Rabbah khua kha a koihlu hae. Thuasalama David tuh Jerusalem khua kya a um. Joab nynh Rabbah khua kha tuk zah a tae.2David nynh mih siapharan kya-e bawilukhung kha a lu kyate poh a khyh; tuh-e lukhung tuh sui talent ccangkheit ri zah, a lungkhu khe aphutepaw lung a um; tuh-e tuh David lu kya a khungsah hae. Aning nynh khua lungkhu e luadepaw uccaw kha mah myarya lung lan a law.3Khua lungkhu um hae paw ccungccaw hae kha poukhae hae zah thing-aw, sivaw muinzung te hae hae khate rya a lawsah hae. Tuhcite David nynh Ammon hae kya-e khua hae balyn tungvaw kya a cyi hae. Te David te ccungccaw hae balyn tuh Jerusalem lang a ki hae. Filistin hae kha Rhawtuknaw (2Sa 21.15-22)
4Hynh-e koute, Gezer kya Filistin hae ryte rhawtukkunaw a um; Hushath ccungccaw Sibbekai nynh ccungccaw lepaw hae mintaw lu kheit athuapaw Saf kha a chia; tetuh Filistin hae kha a tae vae hae.5Filistin hae ryte ccangpaw rhawtukkunaw bua a um; Jair ccapaw Elhanan nynh phaeccya cia acihpaw ccoi alua a kyngpaw Git ccungccaw Goliath neitaw Lahmi kha a chia.6Te Gath kyakhe rhawtukkunaw bua a um, tuin kyakhe a pyn myarya lepaw ccungccapaw lu kheit, a kuihdung ccangtaruh cci, a ccudung ccangtaruh cci, abalynte ccangkuin lae pali asaepaw a um; aning mah ccungccaw lepaw hae ciihan nynh athuabua.7Aning nynh Israel hae kha he a theihrya hae tuh, David a upaw Shimei ccapaw Jonathan nynh amaw kha a chia.8E hae tuh Gath khua kya um hae paw ccungccaw lepaw hae ciihan nynh athua hae; David te a ryalahtu hae kuih te a chih hae. Milu Rianaw te Shethya (2Sa 24.1-25)
1Satan nynh Israel hae kha dou hae zah Israel ccungccaw hae kha milu ria lan David kha a tuhou.2Tukeiccuze David nynh Joab te rhawkaw hae uktu rhawbawi hae kha, “La cceih oh lah, Beersheba kyate Dan kyacia Israel hae kha milu la ria oh, ccungccaw hohzeihmou a um hae cipaw ka ny ccaw nae thaesah cih oh,” a cipya hae.3Thuasalama Joab nynh, “Bawipaw nynh a ccungccaw hae kha aleit za kheit pungzaesah vae hae sah! Siapharan ka bawipaw, minmin tuh mih balyn mawte ka bawipaw a ryalahtu hae thua khyh hae tou? Pawccemou ka bawipaw nynh hynh-e hynh na cyi ry? Pawccemou Israel hae tungvaw kya cyiseinaw na thuakhae cih?” a cipya.4Thuasalama siapharan bya nynh Joab kha a tae. Tukeiccuze Joab tuh cceih zah Israel ram pynpi po lekuh lan cceih zah Jerusalem lang a ki.5Joab nynh a riapaw ccungccaw milu ccazing abalyn kha David kalan a pya. Israel ram balyn kya thaloi a kyng khopaw cciing haw lae kheit a um hae, te Judah ram kya thaloi a kyng khopaw cciing pali thong sung sari a um hae.6Thuasalama Levi phin hae te Benjamin phin hae kha tuh riabia khyh hae, pawccecize siapharan nynh kaw a pyapaw kha Joab nynh papin ry khyh.
7E ryalaw hynh Pachia nynh ry khyh zah Israel kha de a tah.8David nynh Pachia kha, “E rya ka lawpaw hynh myaryamaw ka sei vae. Atu namaw kalan saw ka sang, na ryalahtupaw ka cyiseinaw hynh beih yn vuapah; pawccecize myarya lepaw ngaeenaw rya kha ka lawsei vae,” a cipya.9Bawipaw nynh David a profehpaw Gad kha hopah zah,10“La cceih lah, David kyakhe, ‘Bawipaw nynh hynhte a ho: Uccaw ccangthum kae pya, tuin kya-e ccangkheit kha pokuh lah, tuh-e tuh na tungvaw ka cyih cih,’ a ci cite la hopah,” a cipya.11Tukeiccuze Gad nynh David kalan cceih zah, “Bawipaw nynh hynhte a ho, ‘Na rypaw pokuh:12kum thum lungkhu ccakanccinaw tou, tuhkhyhze sawpaw sah thum lungkhu na rhaw hae nynh nang kha deete thaloi te chiaku tou, tuhkhyhze nin thum lungkhu Bawipaw thaloi keiccu ram lungkhu kya shethya thuate Bawipaw vaawpaw nynh Israel ram pynpi po lekuh lan ro tou, poku tua,’ a ci. Kae nynh yn sawtupaw kalan ka kikhae lanpaw bya kha atu riasakuh,” a cipya.13Te David nynh Gad kha, “Myarya lepaw lungriathaenaw kya nynh ka um; Bawipaw kuih lungkhu lang ka ccah sah, pawccecize a thawccinaw tuh myarya ale; thuasalama ccungccaw kuih lungkhu lang ka ccah nan sah,” a cipya.
14Tukeiccuze Bawipaw nynh Israel ram kya shethya a thuasah; Israel ram kya ccungccaw thong sung sari a chih hae.15Te Pachia nynh vaawpaw kha Jerusalem ro khylan a sawnua; thuasalama vaawpaw nynh vyavya a ro dyn khe, Bawipaw nynh do zah tuh-e vawsawnawpi te asekuh lante ngaesikuh zah, rohtupaw vaawpaw kha, “Azaw vae! Na kuih kha khin ccavae,” a cipya. Te Bawipaw vaawpaw tuh Jebus ccungccaw Araunah kya-e huimin pe khe a thadyn.16David nynh do zah vaaw te lae laku a thadynpaw Bawipaw vaawpaw kha a muih, athuaakuhpaw thaloi kha a kuih kya ccyngkuh zah Jerusalem luki langkhe a hawisah. Tetuh David te piccan hae tuh buriboei lawkute a bakhung hae.17David nynh Pachia kha, “Ccungccaw hae kha ria lan kaw a pyatu tuh kamaw ka thua khyh tou? A seitupaw te myarya ahoy lei lante rya a lahtu tuh kamaw nynh ka thua. E hae nynh pawmou a cyisei hae? Pou Bawipaw ka Pachia, na kuih nynh kamaw te ka paaw ciihan hae hynh oun rawse sah; thuasalama na ccungccaw hae tungvaw kya shethya beih thua nan sah, cite saw ka sang,” a cipya. David Silawhang te Silawnaw
18David nynh cceihthung sah lah, Jebus ccungccaw Ornan kya-e huimin kyakhe Bawipaw hanlan silawhang kha rae sah cite David kha hopya khylan Bawipaw vaawpaw nynh Gad kha kaw a pya.19Bawipaw min te Gad nynh a hopyapaw bya thyhte David tuh a cceihthung.20Ornan nynh chanvuih a tin cciamang lyakhe do zah vaawpaw kha a muih, amaw kya um hae paw a ccapaw hae lu pali tuh zya a rekuh hae.21David nynh Ornan kalan a ccia lyakhe Ornan nynh do zah David kha he a muih tuh, huimin kyate cceih zah a mae kha laekhu kya bakhung zah David kha sawtuanaw a pya.22David nynh Ornan kha, “Ccungccaw hae kya shethya hynh adae ccaw cite, Bawipaw hanlan silawhang ka raepya nawlan na huimin a umnaw hmin hynh amee aphu thyhte yn pya,” a cipya.23Ornan nynh David kha, “Lawkuh ccaleih; siapharan ka bawipaw nynh ahoy na ci hawte cyih ccaleih; dotua, maee-ute silawnaw lanpaw tangnuapaw hae, maeething lanpaw tuh looh tinnawpaw thing te ccathae silawnaw lanpaw chanvuih hae hynh kae pya. Abalyn mawte kae pya,” a cipya.24Thuasalama David nynh Ornan kha, “Thua khyh; tuh-e hae tuh amee aphu thyhte kae re cih. Bawipaw hanlan na uccaw kha ka lawkuh lan khyh, amee pya leipaw maee-ute silawnaw kha mah ka rae lan khyh,” a cipya.25Tukeiccuze David nynh Ornan kha tuh-e hmin mee lang sui shekel za taruh kha toupah zah a pya.26David nynh tuin kyakhe Bawipaw elang silawhang kha rae zah, maee-ute silawnaw te ccawkunaw silawnaw kha a rae. Bawipaw kha ko zah, maee-ute silawnawpaw silawhang vawlan khe vaawlang te yn ccahpaw maee khate Bawipaw nynh aphi a pya.27Bawipaw nynh vaawpaw kha kawpya zah, a thaloi tuh a bu kalan bua a sang. Beikinn hanlan Hmin Ponaw
28Tuh ccyh lyakhe, Jebus ccungccaw Ornan kya-e huimin kyakhe Bawipaw nynh a leihrupaw kha David nynh he a muih tuh, tuin kyakhe silawnaw a rae.29Moses nynh ramkaw kya a raepaw Bawipaw beikbu te maee-ute silawnawpaw silawhang tuh tuh-e ccyh lyakhe Gibeon khua e ahangnaw hmin khe nynh a um;30thuasalama David nynh Bawipaw kha byakhia khylan tuh-e silawhang malang khe cceih ngan khyh, pawccecize Bawipaw vaawpaw kya-e thaloi raw kha a rih.
1Te David nynh, “Hein kya hynh Bawipaw Pachia inn athua cih zah hein kya hynh Israel hanlan maee-ute silawnawpaw silawhang athua cih,” a ci. David nynh Beikinn Sak lan A Paccyn
2David nynh Israel ram kya um hae paw ramccang hae kha sueluaku lan kawpya hae zah Bawipaw inn saknaw hanlan lung-awtu hae kha lung aw lan a nung hae.3David nynh thuakaw rae nawlan te thing piadenawpaw thingkhia lang sivaw patae kha pya hae zah sohin kha mah akhin toutae lei lan ciate a pya hae,4sidar thing riatae lei kha a pya hae—pawccecize Sidon khuaccaaw hae te Tair khuaccaaw hae nynh David elang sidar thing patae kha a phupya hae.5Te David nynh, “Ka ccapaw Solomon tuh a kum no ung zah a nynaw azya ung, Bawipaw elang sakpya lanpaw inn tuh myaryamaw asi-asah umpaw, a minthaanpaw te ram hae balyn kya a phu-epaw inn athua cih; tukeiccuze tuh-e inn hanlan ka paccyn vae cih,” a ci. Tukeiccuze David nynh a chi mawkhe uccaw patae a paccyn ty vae. Solomon te Cciakhaetu hae Byatawsyanaw
6David nynh a ccapaw Solomon kha ko zah Bawipaw , Israel Pachia hanlan inn sakpya lan bya a tawsya.7David nynh Solomon kha, “Ka ccapaw, Bawipaw ka Pachia min hanlan inn sakpya lan ka paccyn vae.8Thuasalama Bawipaw bya tuh ka kya yn thua zah, ‘Nang tuh rhaw patae na tuk zah chiise patae na luasah vae; laephi vawlan ka muihnaw kya chiise patae na luasah keiccuze ka min hanlan inn na sak lan khyh.9Dotua, ccapaw lu kheit na saah cih; aning tuh daenaw ccungccaw athua cih. A pepan e a rhaw hae balyn kyate daenaw ka pya cih; pawccecize a min tuh Solomon athua cih zah, a she lungkhu kya Israel hae kha daenaw te ccawkunaw ka pya cih hae.10Aning nynh ka min elang inn a sak cih. Aning tuh ka ccapaw athua cih zah kae tuh a paaw ka thua cih, a siapharan bawitungkhung tuh Israel ram kya zungzae ka tynsah cih,’ a ci.11Tukeiccuze ka ccapaw, nang te asekuh lante a ho vae hawte, Bawipaw na Pachia hanlan inn saknaw kya na laan na sui a ua nawlan Bawipaw tuh na kya um vae sah.12Nang kha Israel a do-oihtu lang rya he ae pya te, Bawipaw na Pachia phungbya kha na zui nawlan, Bawipaw nynh hawnaw te nythyanaw kha ae pya vae sah.13Bawipaw nynh Israel hanlan Moses kalan a pyapaw phungbya te phungzae hae kha hoyte na zui zetuh na laan na sui a ua cih. Na thawsae sah lah, na rawthung sah. Rih nan lah, na bungzou nan sah.14Vawsaw tacite Bawipaw inn elang sui talent cciing kheit, ngun talent million ccangkheit, sohin te sivaw kha akhin toutae lei lan ciate ka paccyn vae, myarya lung lan a um vae; thing a-awkuhpaw te lung mah ka paccyn vae. E kyahin na paccyn chih cih.15Ryalahtu patae na hoi: lung-awtu hae, pazan thya hae paw, lehccama hae te aphuinphuin kya kuihhae hoy hae paw riatae lei,16sui, ngun, sohin te sivaw ryalawnaw kya athya hae paw kha na hoi vae hae. Atu ryalaw tho ccavae, Bawipaw tuh na kya um vae sah,” a cipya.
17David nynh Israel cciakhaetu hae balyn kha mah a ccapaw Solomon rya bawm khylan kawpya hae zah,18“Bawipaw nae Pachia tuh nae kya um khyh tou? Aning nynh teitei langte balyn daenaw ae pya khyh oh tou? Pawccecize ram lungkhu um hae paw kha ka kuih kalan yn pya vae; ram tuh Bawipaw te a ccungccaw hae kuihkaw nynh a um vae.19Atu tuh Bawipaw nae Pachia kha nae tuanaw te nae thinlung balyn te ccung oh. Bawipaw min hanlan sakpaw inn lungkhu langkhe Bawipaw byakin thingkua te Pachia angphe athyaa hae paw kha teekhae khylan cceih oh lah, Bawipaw Pachia beikinnthyaa kha sak oh,” a cipya hae. Levi Phin hae te Mih Ryalaw
1David tuh taw vae zah a she dianaw he thua te, a ccapaw Solomon kha Israel siapharan lang a khang.
2David nynh Israel cciakhaetu hae balyn, ranpibawi hae te Levi phin hae kha a pum hae.3Levi phin hae, kum sung thum acih vae paw te palung lang kha ria hae zah mih balynte sung thum thong tarya acih hae.4David nynh, “E hae lungkhu e thong kuin lae pali nynh Bawipaw inn kya rya a lah cih hae, thong taruh tuh bawi hae te byapiatu hae athua cih hae,5thong pali tuh sakoih ngawtu athua cih hae, thong pali nynh thehoysah nawlan ka raepaw khuakupaw uccaw hae khate Bawipaw kha the a hoysah cih hae,” a ci.6Te David nynh Levi phin hae kha Gershom, Kohath te Merari cite mawmaw phu raveihte a phia hae.
7Gershon ccapaw hae tuh Ladan te Shimei.8Ladan ccapaw hae tuh: lupi Jehiel, Zetham te Joel, lu thum acih hae.9Shimei ccapaw hae tuh: Shelomoth, Haziel te Haran, lu thum acih hae. E hae tuh Ladan ciihan hae kya-e lupi hae nynh thua.10Shimei ccapaw hae tuh: Jahath, Zina, Jeush te Beriah. E lu pali hae hynh Shimei ccapaw hae nynh thua.11Jahath tuh lupi thua zah Zizah tuh lu ningnaw nynh thua; thuasalama Jeush te Beriah tuh ccapaw patae saah khyh hae, tukeiccuze minmin kha puizia ccangkheit lante ccazing law athua hae.
12Kohath ccapaw hae tuh: Amram, Izhar, Hebron te Uzziel, lu pali acih hae.13Amram ccapaw hae tuh: Aaron te Moses. Aaron te a ccapaw hae nynh Bawipaw malang khe zungzaete mynkhuhpaw ute, amaw rya kha lawte, amaw min te hythua pyanaw kha zungzae a ho nawlan hae, athyaa huaccepaw uccaw hae kha thyaasah khylan taekhiate nung athua hae.14Thuasalama Pachia ccungccaw Moses a ccapaw hae kha tuh Levi phin kya a riabia hae.15Moses ccapaw hae tuh: Gershom te Eliezer.16Gershom ccapaw hae kya Shebuel tuh lupi nynh thua.17Eliezer ccapaw hae tuh: lupi Rehabiah; Eliezer tuh ccangpaw ccapaw hae saah khyh, thuasalama Rehabiah ccapaw hae tuh myarya alung hae.18Izhar ccapaw hae kya Shelomith tuh lupi nynh thua.19Hebron ccapaw hae tuh: lupihua Jeriah, lu ningnaw Amariah, lu thumnaw Jahaziel te lu palinaw Jekameam.20Uzziel ccapaw hae tuh: lupihua Mikah te lu ningnaw Isshiah.
21Merari ccapaw hae tuh: Mahli te Mushi. Mahli ccapaw hae tuh: Eleazar te Kish.22Eleazar tuh ccapaw saah khyh, ccanung hae kyalya saah zah a chih; mih puizia hae Kish ccapaw hae nynh minmin kha zu lang a dy hae.23Mushi ccapaw hae tuh: Mahli, Eder te Jeremoth, lu thum acih hae.
24E hae tuh Bawipaw inn kya ryalaw khylan min law athua hae paw, mih kum kumkuin te palung lang Levi phin hae, mih puizia hae raveih kya-e lu hae nynh thua.25David nynh, “Bawipaw , Israel Pachia nynh a ccungccaw hae kha daenaw a pya vae hae; te aning tuh Jerusalem kya zungzae a um.26Tukeiccuze beikbu te a lungkhu kya ryalawnawpaw uccaw hae kha Levi phin hae nynh puih ho vae khyh,” a ci;27pawccecize David nynh nyathyakou a hopaw bya thyhte, kum kuin lae acih vae hae paw Levi phin hae kha milu ccazing a law vae hae,28“Thuasalama mih ryalaw tuh Bawipaw inn e ryalaw kya Aaron ciihan hae kha a bawm cih hae, voidu hae te akhaan hae kha a do-oih cih hae, te athyaapaw uccaw miakaw kha a ccikan cih hae zah Pachia inn e ryalaw miakaw kha a lah cih hae;29nungpyapaw sanlou, ccathae silawnaw hanlan chanvuih khui, ransi phing leipaw sanlou phe, ruapaw sanlou silawnaw, chitui te pydepaw silawnaw, te alung azya toupaw rya te adih ale toupaw rya kha mah a bawm cih hae.30Zete takyhte awkhua takyh thadynte Bawipaw kha a luung cih hae zah the a hoysah cih hae,31Sabbath nin, sawpaw thawpaw nin te khyapaw poi nin hae kya milu aho zeihte Bawipaw kalan maee-ute silawnaw rae athua takyh vae ze, Bawipaw malang tyty rya a lah cih hae.32Tuhcite minmin nynh tungkunaw bu te beikinnthyaa kha a do-oih cih hae zah, Bawipaw inn ryalawnaw kyakhe mih uno Aaron ciihan hae kha rya a bawm cih hae.” Ranpibawi hae Rya Neenaw
1Aaron ciihan hae aphuphute phianaw tuh hynhte nynh thua. Aaron ccapaw hae tuh: Nadab, Abihu, Eleazar te Ithamar.2Nadab te Abihu tuh mih paaw mawze chih ty hae zah ccapaw saah khyh hae; tukeiccuze Eleazar te Ithamar tuh ranpibawi lang a tang hae.3David nynh Eleazar ciihan Zadok te Ithamar ciihan Ahimelek kha a pya hae paw mih ryalaw raveih thyhte rya a lawsah hae.4Eleazar ciihan hae tuh Ithamar ciihan hae laeze alunghua hae keiccuze Eleazar ciihan hae kya mih puizia raveih cciakhaetu lu hae lu haw lae taruh nung hae zah, Ithamar ciihan hae kya mih puizia raveih cciakhaetu lu hae lu tarya a nung hae.5Minmin kha mih balynte phe lokuh lante, ccungthydungte ryalaw nee athua hae, pawccecize Eleazar ciihan hae te Ithamar ciihan hae lungkhu kyakhe beikinnthyaa piccan hae te Pachia ryalaw uktu piccan hae cite a um hae.6Levi phin Nethanel ccapaw ccawzeitu Shemaiah nynh siapharan, bawi hae, ranpibawi Zadok, Abiathar ccapaw Ahimelek, ranpibawi hae te Levi phin hae lungkhu e mih puizia raveih kya-e cciakhaetu lu hae malang khe min ccazing a law hae; Eleazar ciihan elang innbyn byn kheit kha po thua zah, Ithamar ciihan elang mah innbyn byn kheit kha po athua.
7Ccungthydungte masaty accanpaw tuh Jehoiarib, ccangningnaw Jedaiah,8ccangthumnaw Harim, ccangpalinaw Seorim,9ccangpangawnaw Malkhijah, ccangtaruhnaw Mijamin,10ccangsarinaw Hakkoz, ccangtaryanaw Abijah,11ccangtakuanaw Jeshua, ccanghawnaw Shekaniah,12ccanghaw lae kheitnaw Eliashib, ccanghaw lae ningnaw Jakim,13ccanghaw lae thumnaw Huppah, ccanghaw lae palinaw Jeshebeab,14ccanghaw lae pangawnaw Bilgah, ccanghaw lae taruhnaw Immer,15ccanghaw lae sarinaw Hezir, ccanghaw lae taryanaw Happizzez,16ccanghaw lae takuanaw Pethahiah, ccangkuinnaw Jehezkel,17ccangkuin lae kheitnaw Jakhin, ccangkuin lae ningnaw Gamul,18ccangkuin lae thumnaw Delaiah, ccangkuin lae palinaw Maaziah.19Bawipaw Israel Pachia nynh kaw a pya thyhte, mih minpaaw Aaron nynh minmin elang rya a la nungpya hae hawte, e hae nynh Bawipaw inn lungkhu lang tee hae zah rya a law ccaw hae cite ryalaw nee athua hae. Ccangpaw Levi Phin hae
20Tuhlaepaw Levi ciihan hae tuh: Amram ccapaw hae kyaze Shubael; Shubael ccapaw hae kyaze Jehdeiah.21Rehabiah ccapaw hae kyaze lupi tuh Isshiah.22Izhar ccapaw hae kyaze Shelomoth; Shelomoth ccapaw hae kyaze Jahath.23Hebron ccapaw hae tuh: lupi Jeriah, lu ningnaw Amariah, lu thumnaw Jahaziel, lu palinaw Jekameam.24Uzziel ccapaw hae kyaze Mikah, Mikah ccapaw hae kyaze Shamir.25Mikah neitaw Isshiah; Isshiah ccapaw hae kyaze Zekhariah.26Merari ccapaw hae tuh: Mahli te Mushi. Jaaziah ccapaw hae kyaze Beno.27Merari ccapaw hae tuh: Jaaziah kyate Beno, Shoham, Zakkur te Ibri.28Mahli ccapaw tuh: ccapaw a saah leipaw Eleazar.29Kish ccapaw tuh Jerahmeel.30Mushi ccapaw hae tuh: Mahli, Eder te Jerimoth. E hae tuh mih puizia raveihte Levi phin hae nynh thua.31E hae hynh mah David siapharan, Zadok, Ahimelek, ranpibawi hae te Levi phin hae mih puizia raveih kya-e lu hae malang khe Aaron ciihan mih uno hae nynh a cyi hae hawte, ranpibawi hae te Levi phin hae lungkhu e mih puizia raveih kya-e cciakhaetu lu hae nynh ccungthy a dung hae. Beikinn kya Hlawsahtu hae
1Asaf ccapaw hae, Heman ccapaw hae te Jeduthun ccapaw hae ryte tang-oi, tintang te lanchi hae kha khuakute beikpaw ryalawnaw hanlan David te rhawkaw hae kya-e bawi hae nynh ccungccaw hae kha taekhiate a nung hae. Tuh-e rya a lahtu hae te mih rya ccazing tuh hynhte nynh thua:2Asaf ccapaw hae tuh: Zakkur, Josef, Nethaniah te Asrelah; minmin tuh siapharan nynh rya a naw hae thyhte Asaf kuihkaw kya umte profehbya a ho hae.3Jeduthun ccapaw hae tuh: Gedaliah, Zeri, Jeshaiah, Shimei, Hashabiah te Mattithiah, lu taruh acih hae, mih paaw Jeduthun nynh cciakhaekute Bawipaw kalan lungtuabya honaw te thehoysahnaw kya minmin nynh tang-oi khuakute profehbya a ho hae.4Heman ccapaw hae tuh: Bukkiah, Mattaniah, Uzziel, Shebuel, Jerimoth, Hananiah, Hanani, Eliathah, Giddalti, te Romamti-ezer, Joshbekashah, Mallothi, Hothir, Mahazioth nynh thua hae.5E hae balyn tuh Pachia nynh Heman kha kae hangthung cih cite bya a kinpyaku thyhte, siapharan kya-e muihdaetu Heman a ccapaw hae nynh thua; pawccecize Pachia nynh Heman kha ccapaw lu haw lae pali te ccanung lu thum a pya.6Minmin tuh mih balynte mih paaw cciakhaenaw te Bawipaw inn kya lanchi hae, tintang hae te tang-oi hae khuakute Pachia inn lungkhu hlawsahte rya a lah hae. Asaf, Jeduthun te Heman tuh siapharan kawpyanaw zakaw kya a um hae.7Minmin te mih uno hae, Bawipaw elang hlawsahnaw ccangpya athua hae paw, a thya hae paw balyn tuh za ning sung tarya lu tarya acih hae.8Te minmin nynh adih te ale, sazae te siaimua phe lokuh lante mih ryalaw hanlan ccungthy a dung hae.
9Asaf ciihan elang ccungthydungte masaty accanpaw tuh Josef nynh thua; ccangningnaw tuh Gedaliah te a uno hae te a ccapaw hae, lu haw lae ning;10ccangthumnaw tuh Zakkur te a ccapaw hae te a uno hae, lu haw lae ning;11ccangpalinaw tuh Izri te a ccapaw hae te a uno hae, lu haw lae ning;12ccangpangawnaw tuh Nethaniah te a ccapaw hae te a uno hae, lu haw lae ning;13ccangtaruhnaw tuh Bukkiah te a ccapaw hae te a uno hae, lu haw lae ning;14ccangsarinaw tuh Jesarelah te a ccapaw hae te a uno hae, lu haw lae ning;15ccangtaryanaw tuh Jeshaiah te a ccapaw hae te a uno hae, lu haw lae ning;16ccangtakuanaw tuh Mattaniah te a ccapaw hae te a uno hae, lu haw lae ning;17ccanghawnaw tuh Shimei te a ccapaw hae te a uno hae, lu haw lae ning;18ccanghaw lae kheitnaw tuh Azarel te a ccapaw hae te a uno hae, lu haw lae ning;19ccanghaw lae ningnaw tuh Hashabiah te a ccapaw hae te a uno hae, lu haw lae ning;20ccanghaw lae thumnaw tuh Shubael te a ccapaw hae te a uno hae, lu haw lae ning;21ccanghaw lae palinaw tuh Mattithiah te a ccapaw hae te a uno hae, lu haw lae ning;22ccanghaw lae pangawnaw tuh Jeremoth te a ccapaw hae te a uno hae, lu haw lae ning;23ccanghaw lae taruhnaw tuh Hananiah te a ccapaw hae te a uno hae, lu haw lae ning;24ccanghaw lae sarinaw tuh Joshbekashah te a ccapaw hae te a uno hae, lu haw lae ning;25ccanghaw lae taryanaw tuh Hanani te a ccapaw hae te a uno hae, lu haw lae ning;26ccanghaw lae takuanaw tuh Mallothi te a ccapaw hae te a uno hae, lu haw lae ning;27ccangkuinnaw tuh Eliathah te a ccapaw hae te a uno hae, lu haw lae ning;28ccangkuin lae kheitnaw tuh Hothir te a ccapaw hae te a uno hae, lu haw lae ning;29ccangkuin lae ningnaw tuh Giddalti te a ccapaw hae te a uno hae, lu haw lae ning;30ccangkuin lae thumnaw tuh Mahazioth te a ccapaw hae te a uno hae, lu haw lae ning;31ccangkuin lae palinaw tuh Romamti-ezer te a ccapaw hae te a uno hae, lu haw lae ning. Sakoih Ngawtu hae
1Sakoih ngawtu hae rya neenaw tuh hynhte nynh thua: Korah phin Asaf ciihan hae kya-e Kore ccapaw Meshelemiah.2Meshelemiah nynh ccapaw hae a saah: ccatawccaw tuh Zekhariah, lu ningnaw Jediael, lu thumnaw Zebadiah, lu palinaw Jathniel,3lu pangawnaw Elam, lu taruhnaw Jehohanan te lu sarinaw Eliehoenai nynh thua.4Obed-edom nynh ccapaw hae a saah: ccatawccaw tuh Shemaiah, lu ningnaw Jehozabad, lu thumnaw Joah, lu palinaw Sakhar, lu pangawnaw Nethanel,5lu taruhnaw Ammiel, lu sarinaw Issakhar te lu taryanaw Peullethai nynh thua; pawccecize Pachia nynh Obed-edom kha hythua a pya.6A ccapaw Shemaiah nynh mah mih puizia hae raveih kya uktu lang tang hae paw kha a saah hae, pawccecize minmin tuh myarya ryalah kho hae paw nynh thua.7Shemaiah ccapaw hae tuh: Othni, Refael, Obed, Elzabad te ryalah kho hae paw mih uno hae Elihu te Semakhiah nynh thua hae.8E hae balyn tuh mih ccapaw hae te mih uno hae ryte Obed-edom ccapaw hae nynh thua, minmin tuh ryalawnaw hanlan athung hae paw, rya phe lah kho hae paw nynh thua; Obed-edom ciihan tuh sung taruh lu ning acih hae.9Meshelemiah nynh ccapaw hae te uno hae a hoi hae, rya phe lah kho hae paw pise lu haw lae tarya acih hae.10Merari ccapaw hae kya-e Hosiah nynh ccapaw hae a saah: lupi tuh Shimri (aning tuh ccatawccaw athua khyh zemah a paaw nynh lupi lang a nung),11lu ningnaw Hilkiah, lu thumnaw Tebaliah, lu palinaw Zekhariah; Hosah ccapaw hae te a uno hae tuh mih balynte lu haw lae thum acih hae.
12Mih uno hae nynh Bawipaw inn kya rya a hoi hae hawte, e sakoih ngawtu hae lang ryalaw nee athua hae paw hynh nynh mih piccan hae raveih thyhte rya a hoibua hae;13mih sakoih hanlan milu alung azya ci um leite, phe lokuh lante mih puizia hae raveihte ccungthy a dung hae.14Nithua lang e sakoih hanlan ccungthydungte a muepaw tuh Shelemiah nynh thua, a ccapaw Zekhariah, ahawpaw tuanaw pyatu hanlan ccungthydung hae zah thahlang sakoih hanlan a mue.15Obed-edom tuh ccungthydung zah alia lang e sakoih hanlan mue zah a ccapaw hae tuh sisuainn do-oihtu lang a mue hae.16Shuppim te Hosah tuh niccaw lang e sakoih hanlan a mue hae, tuh-e tuh akaethungpaw laanpi kya umpaw Shallekheth sakoih kya nynh a um. Phe lokuh lante a ngaw hae.17Nin takyhte nithua langkhe lu taruh tyty a um hae, thahlang khe nin takyhte lu pali tyty um hae zah alia langkhe nin takyhte lu pali tyty a um hae, te sisuainn kya ccyh kheit ze, lu ning ccite a um hae;18niccaw lang umpaw inn taraw elang kha laanpi kya lu pali te inn taraw kya lu ning a um hae.19E hae tuh Korah ccaawno hae te Merari ccaawno hae kya-e sakoih ngawtu hae aphuphute ryalaw neenaw nynh thua. Ccangpaw Beikinn Ryalaw hae
20Levi phin hae lungkhu e, Ahijah nynh Pachia inn kya-e sisua hae te pyapaw lasung hae kha a ngaw.21Ladan ccapaw hae, Ladan te asekuhpaw Gershon ciihan hae kya-e ccapaw hae, Gershon ciihan athuapaw Ladan te asekuhpaw puizia hae kya-e lu tuh Jehieli.
22Jehieli ccapaw Zetham te a unopaw Joel tuh Bawipaw inn e sisua hae kha a do-oihtu hae nynh thua.23Amram ciihan hae, Izhar ciihan hae, Hebron ciihan hae te Uzziel ciihan hae kha mah ryalaw neebua athua hae:24Moses ccapaw Gershom a ccapaw Shebuel tuh sisua hae do-oihnaw kyaze ale huapaw bawi nynh thua.25A uno hae tuh: Gershom a neitaw Eliezer, Eliezer ccapaw Rehabiah, Rehabiah ccapaw Jeshaiah, Jeshaiah ccapaw Joram, Joram ccapaw Zikhri, Zikhri ccapaw Shelomoth.26Shelomoth te a uno hae tuh David siapharan, mih puizia hae raveih kya-e lu hae, ccungccaw athong uktu hae te ccungccaw aza uktu bawi hae te rhawkawphu kya-e rhawbawi hae nynh a hlu hae paw lasung hae, sisua hae balyn kha a do-oihtu hae nynh thua.27Minmin nynh rhawtuknaw kya-e a luade hae paw uccaw hae kha Bawipaw inn do-oihnaw hanlan a hlu hae.28Profeh Samuel, Kish ccapaw Saul, Ner ccapaw Abner te Zeruiah ccapaw Joab nynh a hlu hae paw uccaw miakaw—a pya hae paw lasung balyn kha Shelomoth te a neitaw hae nynh a do-oih hae.
29Izhar ciihan hae lungkhu e, Khenaniah te a ccapaw hae tuh Israel hae hanlan atolang e ryalaw kya bawi hae te byapiatu hae lang nung athua hae.30Hebron ciihan hae lungkhu e, Hashabiah te a uno hae, rya phe lah kho hae paw ccungccaw thong kheit za sari nynh Israel ram lungkhu Jordan niccaw lang kyakhe Bawipaw rya balyn te siapharan rya balyn kha a law hae.31Hebron ciihan hae lungkhu e Jerijah tuh Hebron ciihan hae lupi nynh thua. (David nynh siapharan lang a tangnaw kum sung palinaw kum khe tuh-e ciihan hae kha ccung hae zah Gilead ram Jazer khua khe minmin laku e myarya ryalah kho hae paw kha a muih hae.)32Jerijah te a uno hae, rya phe lah kho hae paw, mih puizia hae raveih kya lu athua hae paw thong ning za sari kha Reuben phin hae, Gad phin hae te Manasseh phin angankuh kha a uktu lang David siapharan nynh nung hae zah, minmin nynh Pachia rya te siapharan rya aphuinphuin kha a law hae. Rhawkaw hae Ryalaw Neenaw
1E tuh Israel hae, mih puizia raveih kya-e lu hae, ccungccaw athong uktu te aza uktu rhawbawi hae te mih bawi hae, a tee a pou hae paw aphupi hae te asekuhpaw rya miakaw kya kum kheit lungkhu sawpaw sah kheit koute sah kheit siapharan rya a lawpah hae paw ccazing nynh thua, aphu phu kheit cci kya milu thong kuin lae pali cci a um hae:
2Zabdiel ccapaw Jashobeam tuh sawpaw sah kheitnaw kya masaty aphu kha a uktu nynh thua; a phu kya milu thong kuin lae pali a um hae.3Aning tuh Perez ciihan thua zah masaty sawpaw kya rhawbawi hae balyn a uktu lupi nynh thua.4Sawpaw sah ningnaw e aphu a uktupaw tuh Aho ciihan athuapaw Dodai nynh thua; a phu kya milu thong kuin lae pali a um hae.5Sawpaw sah thumnaw hanlan lu thumnaw rhawbawi tuh ranpibawi Jehoiada ccapaw Benaiah thua zah lupi nynh thua; a phu kya milu thong kuin lae pali a um hae.6E Benaiah hynh sung thum hae kyaze athungpaw ccungccaw thua zah, sung thum kha a uk hae; amaw phu kha a ccapaw Ammizabad nynh a uk.7Sawpaw sah palinaw hanlan lu palinaw rhawbawi tuh Joab neitaw Asahel thua zah amaw koute a ccapaw Zebadiah nynh a uk hae; a phu kya milu thong kuin lae pali a um hae.8Sawpaw sah pangawnaw hanlan lu pangawnaw rhawbawi tuh Izrah ciihan Shamhuth nynh thua; a phu kya milu thong kuin lae pali a um hae.9Sawpaw sah taruhnaw hanlan lu taruhnaw rhawbawi tuh Tekoa khuapaw Ikkesh ccapaw Ira nynh thua; a phu kya milu thong kuin lae pali a um hae.10Sawpaw sah sarinaw hanlan lu sarinaw rhawbawi tuh Efraim phin Pelon ciihan Helez nynh thua; a phu kya milu thong kuin lae pali a um hae.11Sawpaw sah taryanaw hanlan lu taryanaw rhawbawi tuh Hushath ciihan Sibbekai nynh thua; a phu kya milu thong kuin lae pali a um hae.12Sawpaw sah takuanaw hanlan lu takuanaw rhawbawi tuh Benjamin phin Anathoth ciihan Abiezer nynh thua; a phu kya milu thong kuin lae pali a um hae.13Sawpaw sah hawnaw hanlan lu hawnaw rhawbawi tuh Zerah ciihan Netofah ccungccaw Maharai nynh thua; a phu kya milu thong kuin lae pali a um hae.14Sawpaw sah haw lae kheitnaw hanlan lu haw lae kheitnaw rhawbawi tuh Efraim phin Pirathon ciihan Benaiah nynh thua; a phu kya milu thong kuin lae pali a um hae.15Sawpaw sah haw lae ningnaw hanlan lu haw lae ningnaw rhawbawi tuh Othniel ciihan Netofath ccungccaw Heldai nynh thua; a phu kya milu thong kuin lae pali a um hae. Phin hae kya-e Cciakhaetu hae
16Israel phin hae a uktu bawi hae tuh: Reuben phin hae hanlan Zikhri ccapaw Eliezer tuh lupihua bawi nynh thua; Simeon phin hae hanlan Maakah ccapaw Shefatiah;17Levi phin hanlan Kemuel ccapaw Hashabiah; Aaron ciihan hanlan Zadok;18Judah phin hanlan David a upaw Elihu; Issakhar phin hanlan Mikhael ccapaw Omri;19Zebulun phin hanlan Obadiah ccapaw Ishmaiah; Naftali phin hanlan Azriel ccapaw Jerimoth;20Efraim phin hanlan Azaziah ccapaw Hoshea; Manasseh phin angankuh hanlan Pedaiah ccapaw Joel;21Gilead ram umpaw Manasseh phin angankuh hanlan Zekhariah ccapaw Iddo; Benjamin phin hanlan Abner ccapaw Jaasiel;22Dan phin hanlan Jeroham ccapaw Azarel nynh thua.23Bawipaw nynh Israel kha vaawlui e awsi zeih alung lan kae pungzaesah cih cite bya a kinpyaku keiccuze David nynh kum kuin te akaw lang kha tuh ria khyh hae.24Zeruiah ccapaw Joab nynh milu riapaw rya kha a tho, thuasalama thangsah khyh; tuh-e cyiseinaw keiccuze Israel tungvaw kya thinrianaw ccah zah, tuh-e milu rianaw tuh David Siapharan Sherianaw Ccauh kya zeibia khyh hae. Ccangpaw Bawi hae
25Siapharan sisua a do-oihtu tuh Adiel ccapaw Azmaveth nynh thua. Ram kya umpaw, khuapi hae kya umpaw, khua taraw hae kya umpaw te innhangpaw hae kya umpaw sisua hae kha a do-oihtu tuh Uzziah ccapaw Jonathan nynh thua.26Laephi kya loopho te ryalah hae paw a do-oihtu tuh Khelub ccapaw Ezri nynh thua.27Misu khokhu a do-oihtu tuh Ramah khuapaw Shimei nynh thua; misu khokhu kyate apoupaw misutui ccakhungnaw a do-oihtu tuh Shifmot khuapaw Zabdi nynh thua.28Shefelah kya umpaw oliv ku te eboh ku hae a do-oihtu tuh Geder ccungccaw Baalhanan nynh thua. Chitui ccakhungnaw inn a do-oihtu tuh Joash nynh thua.29Sharon kya rampaee hae paw sahiin phu a do-oihtu tuh Sharon ccungccaw Shitrai nynh thua; accya kya rampaee hae paw sahiin phu a do-oihtu tuh Adlai ccapaw Shafat nynh thua.30Kalauh a do-oihtu tuh Ishmael ccungccaw Obil nynh thua; lann hae a do-oihtu tuh Meronoth ccungccaw Jehdeiah nynh thua. Tuuphu a do-oihtu tuh Hag ccungccaw Jaziz nynh thua.31E hae balyn tuh David Siapharan nynh a hoirumpaw kha a do-oihtu hae nynh thua.
32David a paaw neitawpaw Jonathan tuh tuanaw pyatu thua zah a hawpaw te ccawthyapaw nynh thua; Hakhmoni ccapaw Jehiel nynh siapharan ccapaw hae kha a do-oih hae.33Ahithofel tuh siapharan kha tuanaw a pyatu thua zah Arki khuapaw Hushai tuh siapharan banpaw nynh thua.34Ahithofel koute Benaiah ccapaw Jehoiada te Abiathar tuh tuanaw pyatu lang a tang hae. Joab tuh siapharan rhawkaw hae a uktu rhawbawi nynh thua. Beikinn A Sak cih paw Solomon
1David nynh Israel bawi hae balyn, mih phin raveih kya-e bawi hae, siapharan rya a lahpaw aphu hae kya-e bawi hae, ccungccaw athong uktu rhawbawi hae, aza uktu rhawbawi hae, siapharan te a ccapaw hae uccaw te sahiin hae balyn a do-oihtu hae, siapharan inn bawi hae, athungpaw rhawkaw hae te mih rawthung hae paw balyn kha pynkheihlan a pum hae.2Te David siapharan nynh thadyn zah: “Ka uno hae te ka ccungccaw hae, ngaetua oh. Bawipaw byakin thingkua hanlan te ah Pachia ccu a synaw hanlan haeungnaw inn kha sak lan ka paccyn vae; tuh-e inn saknaw hanlan ka paccyn kou vae.3Thuasalama Pachia nynh kae kha, ‘Nang nynh ka min hanlan inn na sak lan khyh, pawccecize nang tuh rhawkaw na thua zah chiise na luasah,’ yn cipya.4Bawipaw , Israel Pachia nynh kae hynh ka paaw puizia hae balyn kyate Israel a uktu siapharan lang zungzae tang khylan yn po; pawccecize Judah kha cciakhaetu lang a po, te Judah innbyn hae kyaze ka paaw innbyn hae kha po zah ka paaw ciihan hae kyaze kae hynh a lungrythua zah Israel hae balyn a uktu siapharan lang yn rae.5Bawipaw nynh ccapaw patae yn pya zah, ka ccapaw hae balyn kyaze ka ccapaw Solomon tuh Israel kha ukte, Bawipaw peenaw bawitungkhung vawlan haung lan a po vae.6Bawipaw nynh kae kha, ‘Ka inn te ka voidu a saktu tuh na ccapaw Solomon nynh athua cih, pawccecize amaw kha ka ccapaw lang ka po vae zah kae tuh a paaw ka thua cih.7Aning nynh ka kawbya hae te ka phungzae hae kha atunin a zui hawte tynkaring lan po a zui zetuh a peenaw kha zungzae ka tynsah cih,’ a ci.8Tukeiccuze nanning nynh e ram hoypaw hynh na ccou oh zah naemaw koute nae ccaaw hae elang rho lang zungzae na nungpya sya nawlan oh, Israel hae balyn, Bawipaw ccungccaw zapi balyn muihnaw te ah Pachia a thaenaw kyahin, Bawipaw nae Pachia kawbya balyn kha ccung oh lah zui oh.
9“Te nang, ka ccapaw Solomon, na paaw Pachia kha nyh lah, tuanaw ccangkheit te thinlung ccaccing te amaw rya kha lawtua; pawccecize Bawipaw nynh tuh tuanaw miakaw kha akaw-aleih muih zah, paccynpaw te tuanaw miakaw kha phe a ny. Amaw kha na ccung zetuh na muih cih; thuasalama amaw kha na vua zetuh nang kha zungzae ae vua cih.10Raeringkuh, pawccecize Bawipaw nynh nang kha beikinnthyaa lanpaw inn kha sak lan ae po vae; na thawsaesakuh lah, ryalawtua,” a cipya.
11Tetuh David nynh a ccapaw Solomon kha beikinn tee takawnaw akhaan, a inn hae, sisuakhaan hae, palung khaan hae, alungkhu lang e akhaan hae te byakin thingkua ahu nungnaw lanpaw akhaan pungsan asoikuhpaw kha a pya;12Bawipaw inn voidu hae, po voilu lan umpaw akhaan hae, Pachia inn e sisuakhaan hae te pyapaw lasung hae nungnawpaw sisuakhaan hae, a thinlung kya a umpaw miakaw thyhte pungsan kha a pya;13ranpibawi hae te Levi phin hae nynh aphuphute a um nawlan hae te Bawipaw inn kya law lanpaw rya miakaw, Bawipaw inn kya ryalawnawpaw angphe miakaw hanlan te14rya miakaw lawnaw lanpaw sui angphe hae balyn hanlan sui kha aho zeihte, rya miakaw lawnaw lanpaw ngun angphe hae hanlan ngun kha aho zeihte,15sui maeekhuatung hae te maeeinn hae hanlan sui aho zeihte, maeekhuatung te a maeeinn raveih hae hanlan sui aho zeihte, a maeekhuatung te a maeeinn raveih hanlan ngun aho zeihte ryalawnaw raveih kya mang aho thyhte,16nungpyapaw sanlou nungnawpaw sui ccaboi raveih hanlan sui aho zeihte, te ngun ccaboi elang ahopaw ngun kha aho zeihte tou zah a pya;17phedung, pakepi te banang hanlan sui ccipaw kha thuasah, sui pakekhupaw hae te ngun pakekhupaw hae ccangkheit cci hanlan ahopaw sui te ngun kha thuasah tou zah a pya;18mynkhuhpaw maee-unawpaw silawhang elang sui ccipaw kha tou zah a pya, te mih sake daw hae zah Bawipaw byakin thingkua a bongpaw cherubim kya-e sui marangle hanlan amaw kya-e pungsan kha mah a pya.
19David nynh, “E hae balyn hynh Bawipaw nynh a hopaw kha zei athua thyhte, law lanpaw rya paccynnaw miakaw kha thaethyanawpaw hawnaw yn pya vae,” a ci.
20David nynh a ccapaw Solomon kha, “Na thawsaesakuh lah, rawthungte ryalawtua. Rih nan, na bungzou nan sah; pawccecize Bawipaw Pachia, ka Pachia tuh na kya a um. Bawipaw inn kya ryalawnaw hanlan rya miakaw na lyn mawlaezung aning nynh nang kha ae vua lan khyh zah shungnaw ae pya lan khyh.21Pachia inn e rya miakaw law khylan, hein kya ranpibawi hae te Levi phin hae tuh aphuphute a um hae; ryalaw miakaw kya ryalaw aphuinphuin a thya hae paw balyn tuh na kya a um hae; bawi hae te ccungccaw balyn mah na kuihkaw marya a um cih hae,” a cipya. Beikinn Sak nawlan Ahlu hae
1David siapharan nynh ccungccaw zapi hae kha, “Pachia nynh a popaw ka ccapaw Solomon tuh a kum no ung zah a nynaw azya ung, ryalaw tuh myaryamaw ale; pawccecize beikinn tuh ccungccaw hanlan thua khyh, Bawipaw Pachia hanlan nynh thua.2Tukeiccuze ka Pachia inn hanlan ka cyi kho thyhte ka cyi vae, sui uccaw hae rae nawlan sui, ngun uccaw hae rae nawlan ngun, sohin uccaw hae rae nawlan sohin, sivaw uccaw hae rae nawlan sivaw, thing uccaw hae rae nawlan thing, tuhpiaze ccaan nawlan oniks lung patae te lung patae, antimoni lung, azong aphuinphuin umpaw lung hae, aphutepaw lung aphuinphuin te marbal lung kha patae ka paccyn vae.3Tuhpiaze e hae balyn koute, inn thyaapaw hanlan ka paccyn, ka Pachia inn kha myarya aphu ka tesah keiccuze kamaw ka kya-e sui te ngun kha ka Pachia inn hanlan ka pya:4inn kya-e pang hae thei nawlan sui talent thong thum, Ofir sui, ngun ccipaw talent thong sari,5kuihhae hoy hae paw nynh a cyi lan hae paw rya miakaw elang sui uccaw hanlan sui, ngun uccaw hanlan ngun kha ka pya hae. Tukeiccuze atunin kya mawtemaw thyaasakute Bawipaw kalan hummou lungthote a hlu cih?” a cipya hae.
6Puizia raveih kya-e cciakhaetu hae nynh lungthote ahlu a pya hae, phin hae kya-e cciakhaetu hae, ccungccaw athong te aza uktu rhawbawi hae te siapharan rya uktu bawi hae nynh mah tuhcite a hlubua hae.7Minmin nynh Pachia inn elang ryalaw nawlan sui talent thong pangaw, darik thong haw, ngun talent thong haw, sohin talent thong haw lae tarya, sivaw talent cciing kheit a pya hae.8Aphutepaw lung a hoipaw miakaw nynh mih lung kha Bawipaw inn sisuakhaan kalan, Gershon ciihan Jehiel nynh a do-oihpaw khaan lungkhu khe a pya hae.9Te ccungccaw hae tuh lunglokute mimaw lungthote Bawipaw kalan a pya hae keiccuze mih lungtua; David Siapharan mah myarya a lungtua. David nynh Pachia Thehoysahnaw
10Tetuh David nynh ccungccaw zapi hae balyn malang khe Bawipaw kha the a hoysah; David nynh: “Pou Bawipaw , kae minpaaw hae Pachia, nang tuh zungzae te zungzae cia ae thehoysah vae hae sah.11Pou Bawipaw , lesaenaw, huhan, phu-enaw, taenaw te sawtuanaw tuh namaw kya-e nynh thua; pawccecize vaaw te lae kya a umpaw balyn tuh namaw kya-e nynh thua; pou Bawipaw , peenaw tuh namaw kya-e thua zah nang tuh atyn-are luki umpaw lu lang hangthung na thua.12Hoirumnaw te sawtuanaw tuh namaw kyate yn thua zah, nang nynh atyn-are na uk. Na kuih kya thungnaw te thawsaenaw a um; ccungccaw balyn kha lesaesahnaw kaw te thawzung pyanaw kaw tuh na kuih kya nynh a um.13Tukeiccuze kae Pachia, nang kha kae luung zah asung-epaw na min kha kae thehoysah.
14“Thuasalama kaening nynh lungthote hynhzeih kae hlu kho nawlan, kae te ka ccungccaw hae tuh hum hae mou kae thua? Pawccecize atyn-are tuh namaw kyate yn thua zah, na uccaw toulou kha namaw kae pya.15Kaening tuh kae minpaaw hae balyn hawte, namaw malang khuaccong hae paw mikhia hae nynh kae thua; lae vawlan kae ccyh tuh mynlyh hawte thua zah ngaehoinaw um khyh.16Pou Bawipaw , kae Pachia, na min thyaapaw hanlan inn sakpya nawlan kaening nynh kae paccynpaw hynh-e uccaw balyn tuh na kuih kyate yn thuapaw thua zah namaw kya-e cci nynh thua.17Ka Pachia, nang tuh thinlung kha na syntawtua zah dingnaw kyakhe na lungrythua; ka thinlung dingnaw khate hynh-e uccaw balyn hynh lungthote kae pya, atu hein kya umpaw na ccungccaw hae nynh lungthote lungpawte ae pya hae paw kha ka muih vae.18Pou Bawipaw , kae minpaaw hae Abraham, Isak te Israel Pachia, hynhcihawpaw eenaw te tuanaw hynh na ccungccaw hae thinlung kya tyty nung lah, mih thinlung kha namaw kalan cciakhae hae.19Ka ccapaw Solomon nynh na kawbya hae, na phunglang hae te na phungbya hae kha lungkheit te zuite marya cyih zah, ka paccyn vae paw beikinn hynh a sak kho nawlan amaw kha beih bawmtua,” a ci.
20Tukoute David nynh ccungccaw zapi balyn kha, “Bawipaw nae Pachia kha thehoysah oh,” a cipya hae. Te ccungccaw zapi balyn nynh Bawipaw , mih minpaaw hae Pachia kha thehoysah hae zah Bawipaw te siapharan malang khe bakhungte sawtuanaw a pya hae.21Awkhualan khe Bawipaw kalan silawnaw rae hae zah, tangnuapaw thong kheit, tuutepaw thong kheit, tuutaw thong kheit khate maee-ute silawnaw kha raete, niapaw silawnaw ryte Israel hae balyn hanlan silawnaw patae a rae hae;22tuin nin khe myarya lepaw lungpawnaw te Bawipaw malang khe ae hae zah a neih hae. Siapharan lang Solomon Chitui Thuhnaw
David ccapaw Solomon kha siapharan lang vae ningnaw a khang hae; amaw kha Bawipaw kuihkaw e bawi lang chitui thuh hae zah, Zadok kha ranpibawi lang chitui a thuh hae.23Tetuh Solomon tuh a paaw David ccelang siapharan lang tang zah, Bawipaw kya-e bawitungkhung vawlan khe a haung; aning tuh a laan a sui ua zah Israel hae balyn nynh a bya a ngae hae.24Cciakhaetu hae balyn te athungpaw rhawkaw hae, te David Siapharan ccapaw hae nynh mah Solomon Siapharan a uknaw zakaw um lan bya a kinku hae.25Bawipaw nynh Israel hae balyn muihnaw khe Solomon kha myarya hang lang hangthung zah, langmawlya e Israel siapharan humhung sanmah a la pya boi lei hae paw siapharan huhan kha a pya. David Uknaw Adynnawte
26Jesse ccapaw David nynh Israel ram pynpi kha a uk.27Israel ram kha kum sung pali a uk; Hebron khua kya kum sari uk zah, Jerusalem khua kya sung thum kum thum a uk.28David tuh myarya tawthya zah accyh azaw te, hoirumnaw te sawtuanaw ccoute a chih; te amaw ccelang a ccapaw Solomon nynh siapharan lang a tang.29David Siapharan nynh a cyipaw kha atakaw te athangnaw cia profeh Samuel Ccauh, profeh Nathan ccauh te profeh Gad ccauh kya a zei hae,30a uknaw kong balyn, a thungnaw te amaw tungvaw, Israel tungvaw te laephi vaw e peenaw balyn tungvaw kya acyihkuhpaw konglang balyn kha mah a zei hae.

Bible Society of Myanmar

https://app.library.bible/content/1a340f5ae072b2f4

expand_more
chevron_leftPrevious Chapter
chevron_rightNext Chapter