Ephesians4
1Payh canŏq, ănh, tamun vi krêh jingo sŭng Siđăch, côt kĕh vuôi pôp ŏh ur klô gưt rĭh di yăh di dip bây sinlơ cuôl panh cồ pôp ŏh ur klô gĕh cuôl tât,2tatăq lĕq a sinlơ tăn jưr nơm bây lamut lamit, nggâm bây nuih talaq mbêr, wŏq vadâng ndăng ganai sŭng sinlơ tăm sinđach,3ôp lĕq prơn chĕq jơ sinlơ vatom muôi Siđăch Wênh de sŭng sinlơ ratênh la-êr.4Ayh du rup swan bây du Siđăch Wênh, khoi ca pôp ŏh gĕh cuôl tât simơ du sinlơ camvân sŭng sinlơ cuôl panh nơm de,5ayh du Siđăch, du sinlơ tôq camvân, du sinlơ ŭm vôq,6ayh du Siđăch Trôq, cồ Vap ăp ndu, Candranh gŭq a vlơ ăp ndu, ju ăp ndu bây sŭng ăp ndu.7En, sinăc yăh gĕh paq an ăp du ndu vơn dăh bây sinlơ gŏq kiq sŭng sinlơ paq an Siđăch Yơt Dưnya de.8Payh canŏq, gĕh camvŭm chêr: “Lăm Siđăch jrâm hao khây gatŭq prĭh, Siđăch saq lor chĕq têch bây mintan ôp dĭch, bây paq an gŏq păch yăh an con tamun iưn.”9Cồ canŏq, “Siđăch jrâm hao” n'hya păch lây payh cồ đăng gal pành Siđăch khoi gĕh jưr tât chhuôi khây gatŭq dêh can'hâm ntĕh de?10Payh nơm Candranh cồ gĕh jưr khoi cồ Candranh gĕh saq hao prĭh vlơ lĕq khây tăp trôq, chĕq Siđăch ôp vênh rămvi ăp sinlơ.11Payh nơm Siđăch cồ chĕq takiq ndu ôp con tuyh, takiq ndu ôp tamun nhai lor, takiq ndu cồ tamun nhai lŭh Sipơp Yăh, takiq ndu ôp tamun jơ tê nggâm ôp gru pađau tămti,12chĕq văt tât vrŭq sŭmmrăp an khây tamun gŭn sŭng vrŭq tachŏq, văt tât sinlơ tăm jrông jrâng an rup swan Siđăch Yơt Dưnya de,13di tât lăm lĕq săq vơn wơt tât sinlơ vatom muôi sŭng sinlơ tôq camvân bây sinlơ dân gưt Con Siđăch Trôq, jêng tamun măq kram, wơt tât gĕh nggui swan vênh lôch Siđăch Yơt Dưnya de,14chĕq an vơn đăng hôm cồ con se wŏq, vlam vu talăq bây đưc rôih dăh bây trong chhal iau saq bây tanrong pađau tih wil con tamun don ayh sinlơ mvâr mviq nggâm vrŭq viêm palôm, mvâr tagat.15Palâq sĭq vlâq, lăm nhai lŭh sinlơ dip gal sŭng sinlơ tăm sinđach, vơn gĕh hao măq sŭng ăp trong mvrec dâl sĭq tât Siđăch, Candranh cồ vôq, nŏq cồ Siđăch Yơt Dưnya,16a vi Siđăch cồ lĕq rup swan gĕh vatom sĭq vlâq bây tăm pănggrăp bây ndăng ganai don ăp vatip tăm pănggrop tăm nđôi, dăh bây prơn ôp vrŭq sŭng ăp vau swan, ôp an rup swan măq camhlăng chĕq gưt tăm jrông jrâng sŭng sinlơ tăm sinđach.17Payh canŏq, ănh nhai vrŭq heq bây pân tacăh pôp ŏh sŭng Siđăch chĕq đăng hôm gŭq saq dân ca văl aling wŏq, mvăc khây nĕh hôm mrĭh sŭng sinlơ tĭh wil bây vôq tôr nơm de.18Mvăc vôq tôr khây nĕh bị ôp an tĭq tưl, jêng lŭh tăm ngai bây sinlơ rĭh Siđăch Trôq de mvăc payh ơ sinlơ gala galâp gŭq sŭng khây nĕh, mvăc nuih talaq khây nĕh pơq kranh,19lăm jêng lŭh kranh vôq đăng lêch nuih đăng hôm cơnh, nŏq khây nĕh pung nơm lăp sŭng sinlơ can'hir cơnh di vayh nuih chĕq baq tagoq ăp sinlơ chhŭq chhau bây nuih talaq chroc can'hir.20En pôp ŏh ur klô đăng pành đom gưt Siđăch Yơt Dưnya canŏq uy,21mvăc nhâng pành pôp ŏh gĕh chăng sĭq Siđăch bây gĕh pađau tămti u sŭng Siđăch, dân ca sinlơ dip gal u sŭng Siđăch Yêsu,22pành căh plôq hwât ntrăch a pôp ŏh khây păch lây sĭq bây tanrong rĭh lor paheq, nŏq cồ con tamun dâm ôp an tayaih mvăc nuih cơnh can'hir mvâr tagat,23en gĕh ôp an jêng me don gŭn măn sŭng vôq tôr nơm de,24bây tachuq con tamun me, cồ tamun gĕh sun lŭh bây Siđăch Trôq — sŭng sinlơ yăh sŏng nggâm sinlơ soch jrŏh sinlơ dip gal de.25Payh canŏq, lăm hwât tabayh sinlơ mvâr mviq en, ăp ndu căh nhai sinlơ nhâng bâng bây tamun rawênh nơm, mvăc khây vơn cồ vau swan ndăng ganai de.26Pôp ŏh gĕh hao nuih en đăng baq tagoq bưn bap. Căh chĕq măt năr đăng nhâp jưr vlơ vrŭq jilŏq măq nuih pôp ŏh,27khoi vâng pơq trong an chaq yang.28Nĕh cồ can'hưn vâng can'hưn wŏq. En, yăh dông, nĕh nŏq sŏq lĕq prơn ôp vrŭq yăh rom a lapang ti nơm, chĕq nĕh gĕh păch lây nŏq chĕq tăm paq an khây vu lây cồ gŭq sŭng sinlơ pŏh păt.29Vâng chĕq camvŭm chhŭq cavơm lây lŭh a mŭnh pôp ŏh, en căh nhai khây camvŭm yăh rom văt tât sinlơ tăm jrông jrâng vu lây nŏq sŭng sinlơ pŏh păt, chĕq camvŭm nŏq văt tât sinlơ yăh an tamun iêt chăng,30bây vâng ôp si-yưr nuih Siđăch Wênh Cô Voq de, mvăc don Nĕh nŏq pôp ŏh ur klô gĕh tayh candân an năr têch yơt.31Hwât tagayh ntrăch a pôp ŏh ur klô lĕq khây sinlơ hơr tăng, dŭh mhĕt, măq nuih, tăm camlăh, nhai tagoq, bây lĕq khây sinlơ chin'hâc.32Ala lăp nŏq, căh pơq lŭh an ndăng ganai nuih talaq yăh, tăm sinđach, bôih hwât an ganai dân ca Siđăch Trôq gĕh bôih hwât an pôp ŏh sŭng Siđăch Yơt Dưnya.
FAR EAST BROADCASTING COMPANY