Ephesians5
1Canŏq, căh jêng khây tamun jot bây rapui Siđăch Trôq, dân ca ŏh con gĕh yâh sinđach Siđăch de,2bây căh lawân rĭh sŭng sinlơ tăm sinđach, khoi ca Siđăch Yơt Dưnya sinđach vơn bây patăq nơm Nĕh payh ơ khây vơn dân ca du păch pađăc bây con pađăc bây sinlơ yăh nthôr pađăc hao Siđăch Trôq.3En sinlơ cani camăn, bây ăp vrŭq đăng soch jrŏh ha can'hir cơnh nŏq tât daq đăng gĕh tacăh tât sŭng pôp ŏh, dân ca vrŭq nŏq cồ tăm dip bây khây vatom gŭn,4khoi đăng nhai camvŭm chhŭq chhau rasot, camvŭm tamŭp ta nhŏh lawi lawơ, ha camvŭm cha đŏh chŏh klăn — cồ khây vrŭq đăng tăm dip — yăh dông lĕq nŏq cồ camvŭm may mo.5Nhâng canŏq, căh gưt vrŭq heq di krit gajăp pành khây tamun cani camăn, đăng soch jrŏh, ha cơnh can'hir — nŏq cồ tamun cŭh rŭp yang — pành simơ đăng gĕh păch caya sŭng daq Siđăch Yơt Dưnya de bây Siđăch Trôq.6Vâng chĕq vu lây mvâr tagat pôp ŏh a khây camvŭm lahông hwŏng hwŏng, mvăc payh ơ khây vrŭq nŏq, sinlơ măq nuih Siđăch Trôq de tŭh jưr vlơ khây ŏh con cồ đăng tôq chăng.7Payh canŏq, pôp ŏh ur klô vâng jêng khây tamun tăm lăp ti bây khây nĕh,8mvăc a paheq pôp ŏh ur klô hôm tưl jingo, en vrêq heq cồ sinlơ silang sŭng Cô Voq. Căh gŭq saq dân ca ŏh con sinlơ silang de,9(mvăc play jo sinlơ silang gŭq sŭng canđal khây vrŭq rom yăh, sŏng tapăq, bây nhâng bâng),10lăm sên sinâng păndĕh di dân tŭq lây cồ vrŭq rom nuih Siđăch.11Vâng tăm lăp ti khây vrŭq đăng jêng yăh sinlơ tưl jingo de, en căh pri nĕh lŭh nŏq yăh dông,12mvăc nhâng prênh lŭng lăm ayh tacăh tât khây vrŭq cồ khây nĕh ôp tăm pôn vi sưt.13En ăp păch sinlơ gĕh sây dân lăm gĕh prang lŭh payh ju sinlơ silang, mvăc ăp păch sinlơ gĕh sây dân nŏq cồ ayh sinlơ silang.14Payh canŏq, gĕh camvŭm nhai: “Sô căh tao pruh, ơ tamun hôm mo vĭq, sô prŭh tao ntrăch a mintan tamun chưt, Siđăch Yơt Dưnya nhâng sol silang an may.”15Payh canŏq, căh chĕq măt sên jơ sĭq vrŭq pôp ŏh ur klô gŭq saq — vâng dân ca tamun gala galâp en dân ca tamun vanŏh,16lăm wŏq sưmvŏh khây vadâq, mvăc ăp năr cồ viêm.17Payh canŏq, vâng jêng tamun gala galâp, en căh gưt dân tŭq lây cồ nuih cơnh Siđăch de.18Vâng vanhưl alăc, mvăc vrŭq nŏq cồ pung plŏng. Palâq vlâq, căh vênh rămvi Siđăch Wênh,19tăm êh tăm âh bây ganai a thi thiên, adŏh gŭn bây vau adŏh gĕh Siđăch Wênh têch iau, nggâm nuih talaq nơm chĕq adŏh bây payom Siđăch,20pađăc camvŭm may mo Siđăch Trôq, cồ Vap, sŭng ăp vadâq sĭq ăp vrŭq cuôl săq Siđăch Yơt Dưnya Yêsu, Siđăch vơn de,21bây tăm chăng tăm tôq ndăng ganai sŭng sinlơ phŭng candŭh Siđăch Yơt Dưnya —22tamun cồ ôp si-ur, căh tôq chăng siklô nơm dân ca phŭng candŭh Siđăch.23Mvăc siklô cồ vôq si-ur, khoi ca Siđăch Yơt Dưnya cồ vôq vatom gŭn — nơm Nĕh cồ Siđăch Yơt rup swan de.24Payh canŏq, vatom gŭn tôq chăng Siđăch Yơt Dưnya canŏq caheq nŏq si-ur khoi tôq chăng siklô nơm sŭng ăp vrŭq dân canŏq.25Tamun cồ ôp siklô, căh sinđach si-ur nơm, khoi ca Siđăch Yơt Dưnya sinđach vatom gŭn bây patăq nơm nĕh payh ơ vatom gŭn,26chĕq Siđăch lŭh ti răq jêng jrŏh vatom nŏq, alưr lăm ôp an soch jrŏh a sinlơ chhat rao a daq de nggâm bây tanrong sŏng gal,27chĕq an Siđăch văt tănlŭh an di nơm du vatom gŭn yăh sindraq sindil, đăng gĕh laq chhŭq chhau ha laq ta nhwănh, ha payh cồ vrŭq lây dân canŏq, nhâng chĕq vatom gŭn jrŏh soch bây đăng gĕh gatŭq prênh haih gơm chhŏh.28Bây tanrong canŏq siklô khoi lawân sinđach si-ur nơm dân ca sinđach rup swan nơm. Tamun siklô sinđach si-ur nơm nŏq cồ sinđach rup nơm de.29Mvăc đăng gĕh vu lây cồ ncom pagơq rup nơm uy, en ayh tê sên bây ranăm nĕh, dân ca Siđăch Yơt Dưnya rĭh yăh bây vatom gŭn.30Mvăc vơn heq cồ khây vau swan sŭng rup swan Siđăch de.31“Mvăc di tơm nŏq, Tamun klô paklăh a vap mê bây gĕh tăm pănggrăp bây si-ur nơm, var ndu gĕh jêng du rup nơm.”32Sinlơ jru sưt heq măq mi lŭng — en ănh đơm nhai sĭq Siđăch Yơt Dưnya bây sĭq vatom gŭn.33Cồ canŏq, pôp ŏh ur klô khoi dăh bây tanrong nŏq — a ndu a ndu — ăp ndu siklô căh sinđach si-ur nơm dân ca di nơm, en tamun si-ur nŏq căh gưt deng prĭh siklô nơm.
FAR EAST BROADCASTING COMPANY