Colossians3
1Canŏq, hê pôp ŏh lĕq gĕh ôp an tao rĭh sĭq vlâq bây Candranh Krit, nŏq căh wŏng miêng khây sinlơ u vlơ trôq, gatŭq Candranh Krit gĕh gŭq maq ma Siđăch Trôq.2Căh sinâng tât ăp sinlơ u vlơ trôq, đăng gal khây sinlơ u vri ntĕh heq.3Mvăc pôp ŏh lăq chưt, en sinlơ hôm mrĭh pôp ŏh lăq gĕh tăm pôn bây Candranh Krit sŭng Siđăch Trôq.4Lăm Candranh Krit, cồ sinlơ hôm mrĭh pôp ŏh de, lŭh măt, nŏq pôp ŏh khoi gĕh măt simơ bây Nĕh sŭng sinlơ sindraq sindil. 5Canŏq, căh ôp chưt khây sinlơ u ntĕh — dân ca lêng cani camăn, păch chhŭq chhau, cơnh saq vĭq ur klô, cơnh ôp vrŭq viêm vôt, bây cơnh păch vu de, nŏq cơnh can'hir nĕh cồ cŭh rup yang ravang,6mvăc khây sinlơ heq nŏq sinlơ măq nuih Cô Voq de gĕh tât, 7nŏq lor paheq, pôp ŏh khoi gĕh saq sŭng khây vrŭq nŏq, lăm pôp ŏh hôm mo rĭh sŭng ăp vrŭq nŏq.8Nŏq avrêq pôp ŏh căh hwât chĕq ăp sinlơ heq — dân ca hao nuih, chhâc chin'hâc, sinâng păch viêm, raq rasot, bây camvŭm nhai sâq vơm lŭh a mŭnh nơm.9Vâng tăm nhai palôm mvâr ndăng nơm, mvăc lĕq gĕh plôq hwât con tamun dâm bây khây tanrong nĕh de,10en gĕh chuq sŏh con tamun me, nŏq cồ tamun gĕh jêng me sŭng păch sinâng bây nggui Candranh cồ sun lŭh nĕh,11cồ gatŭq đăng gĕh tamun Hi Lap bây tamun Yo-thai, tamun chit ntô nggâm tamun đăng chit ntô, tamun kĭq saq đom, tamun Si-the, tamun ôp dĭch, tamun ôp tơm, nŏq Candranh Krit cồ ăp sinlơ, bây sŭng ăp sinlơ.12Canŏq, dân ca tamun gĕh săch Siđăch Trôq de, cồ tamun yăh soch nggâm gĕh sinđach, căh tachuq nuih talaq sinđach, simăh, tănjưr nơm, lamut lamit, gŭq krap,13tăm gŭq iêt ndăng nơm bây tăm hwât sinlơ tih ndăng nơm, hê gĕh vu lây nŏq gĕh vrŭq tăm cammlăh bây du mvu krây, nŏq dân ca Siđăch gĕh hwât bưn bap an pôp ŏh lăm lây, pôp ŏh nhâng căh ôp dân canŏq.14En avlơ lĕq khây vrŭq nŏq, căh tachuq sinlơ tăm sinđach, nŏq cồ tăm jŭm muôi sŭng sinlơ rom yăh.15Căh chĕq sinlơ yăh iên Candranh Krit de iau vôq sŭng nuih talaq pôp ŏh, nŏq pôp ŏh khoi gĕh cuôl tât sinlơ yăh song vong nŏq sŭng du rup swan bây prang lŭh nuih talaq gưt may mo.16Căh chĕq an camvŭm Candranh Krit gŭq sŭng pôp ŏh yăh vênh rămvi, lăm pađau tăm ti don a ăp sinlơ vanŏh, jrông jrâng ndăng ganai a camvŭm adŏh, khây sirăq adŏh nggâm khây camvŭm payom, chĕq tapơ payom bây sinlơ gưt may mo sŭng nuih talaq nơm chĕq an Siđăch Trôq.17Ăp vrŭq cồ pôp ŏh ôp, an nŏq cồ camvŭm nhai ha nŏq cồ vrŭq ôp, căh ôp lĕq sŭng săq Siđăch, cồ Siđăch Yêsu, don a Nĕh may mo Siđăch Trôq, cồ Vap.18Tamun cồ ôp si-ur, căh iêt chăng siklô nơm, ôp canŏq mơ dip gal sŭng Siđăch.19Tamun ôp siklô, căh sinđach si-ur nơm, bây vâng gŭq ra-ĕh ravĕh bây si-ur.20Tamun cồ ôp con, căh tôq chăng mê vap nơm sŭng ăp sinlơ, mvăc vrŭq nŏq cồ yăh rom nuih Cô Voq.21Tamun cồ ôp vap, vâng jilŏq nuih ŏh con nơm, chĕq khây nĕh vâng vông tôr.22Tamun ôp dĭch năc, căh iêt chăng camvŭm tơm nơm sĭq maq rup swan sŭng ăp sinlơ, đăng gal bây sinlơ sên vôq tamun tơm de dân ca khây tamun gưt sŏq nuih talaq vu, nŏq bây nuih talaq nhâng bâng, gưt phŭng candŭh Siđăch.23An cồ pôp ŏh ôp du păch lây, căh ôp a sŭng wênh nggui dân ca ôp an Siđăch nŏq đăng gal ôp an con tamun iưn,24mvăc gưt pành nơm gĕh wŏq păch yăh sĭq păch caya nơm a tŭq Siđăch. Pôp ŏh gĕh ôp dĭch năc an Siđăch, đé nŏq cồ Candranh Krit.25Mvăc tamun lây ôp păch cồ đăng yăh sŏng nhâng wŏq sĭq vlâq păch cồ nơm nĕh gĕh ôp đăng yăh sŏng nŏq, en đăng gĕh sinlơ tăm nkênh uy.
FAR EAST BROADCASTING COMPANY