Colossians4
1Tamun cồ ôp tơm, căh văt tât an khây dĭch năc nơm de păch yăh sŏng bây dip gal, mvăc gưt pành nơm khoi gĕh du Tơm vlơ trôq.2Căh mbêr nuih sŭng sinlơ vơu ngwân, lăm căh iŏq iêh sŭng vrŭq ôp heq don a sinlơ may mo,3khoi ca vajŭm ganai ngwân ala an khananh, chĕq Siđăch Trôq pơq an khananh lapông sĭq vrŭq yảng sipơp, chĕq nhai lŭh sinlơ jru sưt sĭq Candranh Krit, khoi mvăc sinlơ jru sưt nŏq cồ ănh vlam sinlơ krêh tăn,4ôp an ănh gĕh prơn nhai lŭh sinlơ jru sưt nŏq yăh dân, dân ca ănh pơq nhai.5Căh gŭq saq sŭng sinlơ vanŏh nggâm bây tamun aling, lăm gưt wŏq păndơp vadâq.6Camvŭm chih nhai pôp ŏh căh wân lawân ntiêt pa-ăm, lăm doq vŏh lăp, chĕq gưt păch nŏq cồ nĕh gĕh yăh an pôp ŏh lăm lây chĕq gưt tăm nhai tăm âh bây ăp ndu.7Ăp vrŭq cồ gĕh ratênh tât ănh, nŏq du mvu pôp ŏh cồ sinđach, du dĭch năc mbêr nuih, bây du mvu ôp vrŭq simơ sŭng Siđăch, cồ Ti-chi-cơ nhai lŭh an pôp ŏh gưt,8nĕh nŏq cồ tamun ănh gĕh pađăr tât vlam pôp ŏh mvăc vrŭq heq, nŏq cồ chĕq pôp ŏh gưt sĭq vrŭq khananh de, bây nĕh khoi jrông jrâng nuih talaq pôp ŏh wŏq, 9saq simơ bây gĕh Ô-nê-sim, tamun pôp ŏh yăh mbêr nuih bây yăh sinđach, nĕh nŏq cồ tât a pôp ŏh, khây nĕh nhâng an pôp ŏh gưt ăp sinlơ u heq.10A-ri-tac, ganai u nhi jingo ănh je; gĕh camvŭm pân mơq pôp ŏh, nggâm bây Mac, ŏh camon Ba-na-ba de (pôp ŏh nhâng wŏq gĕh camvŭm pân ca'hya sĭq a nĕh; hê nĕh tât bây pôp ŏh, nŏq căh wŏq nĕh ơ),11khoi ca Yê-su, tamun gĕh cuôl pành Juc-tu wŏq. Sŭng khây tamun cồ gĕh lŭh a tamun gĕh chit ntô, khây nĕh cồ khây ganai ôp vrŭq yăh dông lĕq simơ bây ănh mvăc daq Siđăch Trôq de, khây nĕh cồ sinlơ rawa nuih an ănh.12Ê-phap-ra gĕh camvŭm pân mơq pôp ŏh, nĕh rĭh simơ palây bây pôp ŏh, cồ du dĭch năc Candranh Krit Yêsu de, lăm wân lawân tăm pâm mvăc pôp ŏh sŭng sinlơ vơu ngwân, chĕq pôp ŏh gĕh ôp an kram jăp, tao măq, bây tôq camvân sŭng ăp nuih cơnh Siđăch Trôq de.13Mvăc ănh nhai candân sĭq nĕh, pành nĕh gĕh vlam sŏq chŏnh gŏq lŭng mvăc pôp ŏh, khoi ca mvăc con sinau Cô Voq u Lao-đi-sê bây u Hi-ê-ra-bô-li.14Lu-ca, tamun gru sĭq jrơu jinao yăh sinđach, bây Đê-ma, gĕh camvŭm pân mơq pôp ŏh.15Wĭnh gĕh camvŭm pân mơq khây pôp ŏh u Lao-đi-sê, bây Nim-pha, nggâm vatom gŭn jŭm vatom u nhi yông nŏq de.16Lăm sirăq heq gĕh đŏc u sŭng pôp ŏh en, di nhâng pành nĕh khoi gĕh đŏc u Vatom gŭn Lao-đi-sê, bây di nhâng pành pôp ŏh khoi gĕh đŏc sirăq a Lao-đi-sê wŏq.17Wĭnh nhai bây A-chip, pành: “Căh chĕq tôr lăp vrŭq ôp cồ pôp gĕh wŏq sŭng Siđăch, chĕq pôp nhâng ôp di yăh lôch vrŭq ôp nŏq.”18Camvŭm pân mơq heq payh a ti nơm ănh — Phao-lô. Căh tôr tât khây chhe sênh ănh je. Ngwân păch yăh an ngăn gŭq bây pôp ŏh.
FAR EAST BROADCASTING COMPANY