Colossians2
1Mvăc ănh cơnh pôp ŏh gưt ănh gĕh du sŭmmrơn tăm chŏl măq mi dâng canŏq an pôp ŏh, bây an khây con văl Siđăch u Lao-đi-sê, nggâm bây gưt vagŏq ndu tamun cồ ndŏh sây măt ănh sĭq rup swan heq,2chĕq nuih talaq pôp ŏh gĕh jrông jrâng, lăm gĕh vajŭm muôi bây ganai sŭng sinlơ tăm sinđach, bây tămhơch tât ăp sinlơ hwi jru sĭq vrŭq đom gưt lôch lam nhâng bâng, văt tât sinlơ đom gưt păch jru sưt Siđăch Trôq de, nŏq cồ Candranh Krit,3nŏq sŭng Siđăch cồ sinlơ prăp tăm pôn lĕq khây nâm padai vanŏh bây sinlơ dân gưt.4Ănh nhai sinlơ heq chĕq đăng vu lây tagat gĕh pôp ŏh don a camvŭm langôt.5Mvăc an cồ nhâng ănh đăng gĕh măt sŭng rup swan, nŏq ănh gŭq bây pôp ŏh sŭng wênh nggui, vui hơn bây sên sây sinlơ đăp nđăp vôq sŭng pôp ŏh, nggâm bây prơn camhlăng sinlơ tôq camvân pôp ŏh de sŭng Candranh Krit.6Canŏq, lăm a pôp ŏh gĕh wŏq Candranh Krit Yêsu ôp Siđăch, nŏq căh saq bây sŭng Siđăch,7cơ lŭh diyĕh bây gĕh tatao sŭng Siđăch, bây gĕh ôp an kram jăp sŭng sinlơ tôq dân ca pôp ŏh gĕh pađau, bây lavĕh sŭng sinlơ may mo.8Căh jơ di yăh, heq du mvu lây nŏq nĕh cồ tamun nhŭp jơ pôp ŏh don a sinlơ vanŏh con tamun de bây camvŭm mvâr palôm đăng gĕh păch lây, bây con trong con tamun de, bây khây ravwŏq dưnya de, nŏq đăng bây Candranh Krit.9Mvăc sŭng Siđăch, lĕq săq sinlơ vênh rămvi gŭn măn Siđăch Trôq de gŭq sŭng rup swan con tamun,10en pôp ŏh lăq gĕh ôp an vênh lôch sŭng Siđăch, Candranh cồ vôq ăp prơn camhlăng bây vrŭq ôp măq,11nŏq sŭng Candranh nŏq, pôp ŏh khoi gĕh chit ntô bây vrŭq chit ntô đăng don a ti tamun ôp lŭh, nŏq don a vrŭq plôq hwât con tamun săq swan, nŏq don a vrŭq chit ntô Candranh Krit de,12mvăc lăq gĕh tâp bây Siđăch sŭng vrŭq ŭm vôq, bây sŭng Siđăch pôp ŏh lăq gĕh tao rĭh sĭq vlâq don a sinlơ tôq camvân u prơn gŭn Siđăch Trôq de, Candranh gĕh ôp an Nĕh tao rĭh sĭq vlâq a gatŭq chưt.13Paheq pôp ŏh, lăm gĕh chưt sŭng ăp sinlơ ôp tih wil bây sŭng con tamun săq swan ndŏh chit ntô nơm de, nŏq Siđăch gĕh ôp an pôp ŏh khoi rĭh bây Nĕh, mvăc gĕh hwât ăp sinlơ tih wil an vơn iưn, 14gĕh bôih soch sirăq chêr sĭq se dôih tăm chŏl vlâq bây vơn, nŏq nĕh cồ sinlơ tăm chŏl bây vơn, en Siđăch lăq gĕh chĕq prăp nĕh ntrăch a vơn, lăm pâng jimâng nĕh lăp chhơ pagăn,15hwât rabăh ăp prơn camhlăng bây khây sinlơ văt vôq, Siđăch gĕh ôp an khây nĕh jêng lŭh vrŭq lêng vôt an dưnya, lăm pâm sa khây nĕh vlơ chhơ pagăn.16Canŏq, vâng chĕq vu lây nhŭp dôih pôp ŏh sĭq păch sa bây sĭq păch huch, ha sĭq ăp vrŭq năr sinwơi de, năr khay me, ha năr Sa-bat,17nŏq nĕh ayh cồ nggui ăp sinlơ cồ mơch tât, hôm păch cồ nhâng nĕh sĭq maq Candranh Krit.18Vâng chĕq vu lây ôp an pôp ŏh pachĕq păch yăh gĕh paq an, lăm ôp dân ca vui cơnh sinlơ tănjưr nơm bây sinlơ cŭh khwây con gŭn, iơq nơm sĭq ăp vrŭq cồ nơm gĕh sên sây, jêng lŭh tamun lơ vôq nĕh đăng dip gal don a vrŭq sinâng bây săq swan nơm de,19en đăng tăm takêp bây Camvôq, nŏq a tŭq Siđăch, lĕq du rup don a khây côq bây chhe si'nwan gĕh tê rĭh bây tăm ratênh bây ndăng nĕh; rup swan nŏq măq hao bây prơn tao măq tât a Siđăch Trôq.20Hê pôp ŏh lăq chưt simơ bây Candranh Krit en, lŭh ntrăch khây sinlơ tôq camvân u dưnya heq, nŏq lŭh sŭng lăm hôm mo mrĭh u dưnya, pôp ŏh gĕh ôp bây khây ganơt nĕh de:21“Vâng nhŭp, vâng layĕp, vâng rapâq!”22nŏq cồ ăp ganơt cồ lĕq săq gĕh têch tât sinlơ chôch lawăch lăm ôp bây, saq bây khây ravwŏq bây camvŭm pađau con tamun de?23An nŏq cồ vrŭq lây, cồ an gĕh lôch camvŭm vanŏh sŭng vrŭq cŭh khwây cồ gĕh ôp lŭh, bây sinlơ tănjưr nơm nggâm ôp an a lŏh sat rup swan nơm de, nŏq nhâng đăng gĕh du takiq prơn lây tăm chŏl vlâq bây sinlơ cơnh can'hir săq swan de.
FAR EAST BROADCASTING COMPANY