Colossians1
1Phao-lô, con tuyh Candranh Krit Yêsu de bây nuih cơnh Cô Voq, nggâm Ti-mô-thê, tamun pôp ŏh vơn de,2dơp an khây văl gŭn nggâm khây pôp ŏh cồ gŭq gân kram sŭng Candranh Krit u Cô-lô-se. Wĭnh sinlơ yăh an ngăn bây sinlơ yăh song săq a Siđăch Trôq, cồ Vap nggâm Siđăch vơn, cồ Candranh Krit Yêsu, tât vlơ pôp ŏh. 3Khananh may mo Siđăch Trôq, Vap Siđăch vơn de, cồ Candranh Krit Yêsu, sŭng ăp dâq vơu ngwân an pôp ŏh,4mvăc gĕh chăng lơ sĭq sinlơ tôq camvân pôp ŏh de u sŭng Candranh Krit Yêsu bây sĭq sinlơ tăm sinđach cồ pôp ŏh gĕh ôp bây lĕq săq con văl Siđăch,5payh ơ sinlơ camvân gĕh chĕq ân sindăc an pôp ŏh vlơ ăp tăp trôq, vrŭq cồ lor heq pôp ŏh gĕh chăng sŭng sipơp camvŭm dip gal de, nŏq cồ Sipơp Yăh,6vrŭq cồ gĕh ôp lŭh sŭng pôp ŏh, cồ Sipơp Yăh nŏq gĕh lŭh play jo bây gĕh tao măq vlơ ăp dưnya cồ lăm lây, nŏq khoi canŏq u sŭng pôp ŏh, a lăm năr pôp ŏh gĕh chăng bây đom gưt sinlơ yăh an ngăn Siđăch Trôq de sŭng camvŭm dip gal,7dân ca pôp ŏh gĕh đom gưt a Ê-phap-ra, tamun ôp vrŭq simơ mơ yăh sinđach khananh de, nĕh cồ du dĭch năc gŭq kram Candranh Krit de ala an khananh, 8en cồ tamun gĕh nhai an khananh gưt nuih talaq sinđach pôp ŏh de sŭng Siđăch Wênh.9Canŏq, a lăm năr khananh chăng sĭq vrŭq nŏq, nŏq khananh đăng lu chĕq vơu ngwân an pôp ŏh bây côt cĕh, chĕq an pôp ŏh gĕh vênh rămvi sinlơ đom gưt nuih cơnh Siđăch sŭng ăp sinlơ vanŏh nggâm gưt ăp sinlơ gŭn măn,10chĕq saq di yăh bây Siđăch sŭng ăp sinlơ rom nuih Nĕh, lŭh plây jo sŭng ăp vrŭq ôp yăh, gĕh tao măq sŭng sinlơ đom gưt Siđăch Trôq,11gĕh camhlăng bây vênh rămvi prơn nhwa wŏq bây prơn gŭn sindraq sindil Siđăch de, chĕq yơch tât ăp sinlơ gŭq krap nggâm mbêr nuih bây nuih talaq vui hơn,12pađăc camvŭm may mo Vap, Candranh gĕh ôp an pôp ŏh lôch ăp sinlơ yăh gŭq sŭng sinlơ tăm lăp ti păch caya bây khây con sinau Cô Voq sŭng sinlơ silang. 13Nơm Candranh nŏq gĕh yơt vơn lŭh ntrăch a prơn camhlăng nhung jingo de, en văt vơn tât daq Con sinđach Nĕh de,14sŭng Con nŏq, vơn gĕh sinlơ yơt, nŏq cồ sinlơ hwât bưn bap. 15Con nŏq cồ nggui Siđăch Trôq de đăng sây gĕh, cồ Candranh dĕh lŭh lor lĕq sŭng ăp sinlơ cồ gĕh sun lŭh.16Mvăc sŭng Con, ăp sinlơ vlơ trôq nggâm u ntĕh, păch sây gĕh bây păch đăng sây gĕh, ayh gĕh sun lŭh. An nŏq cồ khây vatau, ha nhi daq, ha chung kwŏng, ha prơn camhlăng, nŏq ăp sinlơ nŏq ayh cồ gĕh sun lŭh don a Con bây mvăc Con.17Con nŏq gĕh lor a ăp sinlơ cồ sun lŭh, en ăp sinlơ nĕh tăm la-êr bây ganai sŭng Con.18Con nŏq khoi cồ vôq rup swan de, nŏq cồ vatom gŭn. Nơm Con nŏq cồ daq vôq, cồ Candranh dĕh lŭh lor lĕq a sŭng tamun chưt, chĕq an Con nŏq ôp Candranh tao yăq a vôq vlơ ăp sinlơ cồ gĕh sun lŭh.19Mvăc Siđăch Trôq yăh rom nuih chĕq an ăp sinlơ vênh lôch gŭq sŭng Con,20bây don ju Con chĕq ôp la-êr sĭq vlâq ăp sinlơ cồ sun lŭh nggâm nơm Siđăch, an nŏq cồ ăp sinlơ u ntĕh, ha ăp sinlơ a vlơ trôq, mvăc gĕh văt tât sinlơ tăm la-êr don Con nŏq, don n'ham vlơ chhơ pagăn Con de.21Lor heq, lăm pôp ŏh gĕh vu sên cồ tamun vôq vri bây cồ tamun tăm chŏl sŭng sinlơ sinâng, sŭng ăp vrŭq ôp viêm vôt,22en avrêq heq, pôp ŏh lăq gĕh ôp yăh sĭq vlâq don a sinlơ chưt sŭng rup swan Con de, chĕq păng pan'hyơ pôp ŏh lŭh u vôq măt Siđăch, cồ khây tamun yăh soch jrŏh, đăng têl laq, bây đăng gĕh păch lây chĕq vu chih lăh,23takiq lŭng cồ hê pôp ŏh gŭq mŏq sŭng sinlơ tôq camvân, lŭh layĕh, kram gajăp bây đăng saq lŭh ntrăch a sinlơ camvân sĭq Sipơp Yăh cồ pôp ŏh gĕh iêt, cồ Sipơp Yăh lăq gĕh nhai lŭh an ăp păch cồ gĕh sun lŭh u tĕh trôq, nŏq don a nŏq, ănh, Phao-lô, gĕh jêng lŭh du dĭch năc.24Vrêq heq ănh vui hơn sŭng ăp sinlơ lŏh sat tanang nơm de mvăc pôp ŏh, bây don a săq swan nơm, ănh gĕh saq ôp vênh ăp sinlơ hôm vlâq sŭng ăp sinlơ ji côr Candranh Krit de, payh ơ rup swan Nĕh, nŏq cồ vatom gŭn,25cồ don nŏq, ănh gĕh jêng lŭh du dĭch năc, bây sinlơ sên vôq Siđăch Trôq de, nŏq vrŭq nŏq gĕh dơp an ănh mvăc pôp ŏh, chĕq ôp lôch lam vrŭq yảng pađau camvŭm Siđăch Trôq de,26nŏq cồ sinlơ jru sưt cồ gĕh tăm pôn sưt saq ăp nggơih bây saq ăp chhe hwai, nŏq avrêq, sinlơ jru sưt nŏq gĕh pơq an sây an ăp con văl Cô Voq de,27nŏq khây tamun cồ Siđăch Trôq cơnh văt lŭh lăm lây cồ sinlơ jina gan'hăp sindraq sindil sinlơ jru sưt de heq sŭng khây văl aling, nŏq cồ Candranh Krit sŭng pôp ŏh, nŏq cồ sinlơ camvân sindraq sindil.28Nŏq cồ Candranh cồ khananh yảng pađau, lăm pân ca'hya ăp ndu, nggâm pađau tăm ti ăp ndu bây lĕq sinlơ vanŏh, chĕq khananh nhâng văt lŭh ăp ndu cồ yăh soch jrŏh sŭng Candranh Krit.29Nhâng mvăc vrŭq nŏq nŏq ănh sŏq chŏnh, tăm pâm saq bây don prơn Siđăch de gĕh ôp lŭh bây prơn gŭn sŭng ănh.
FAR EAST BROADCASTING COMPANY