1 John1
1Vrŭq cồ gĕh a daq vôq, cồ vrŭq khananh lăq gĕh chăng, cồ vrŭq khananh lăq gĕh sây dân măt nơm, cồ vrŭq khananh lăq gĕh sên sây, bây ti khananh lăq gĕh tagoq lăp, tăm la-êr tât Camvŭm sinlơ rĭh de —2nhâng, sinlơ hôm mrĭh lăq gĕh pơq lŭh bây khananh lăq sên sây, khananh gĕh ôp candân bây nhai lŭh an pôp ŏh sinlơ rĭh wân lawân, cồ sinlơ nĕh gŭq bây Vap nggâm lăq gĕh pơq lŭh an khananh —3vrŭq khananh lăq sây bây lăq chăng, nŏq khananh nhai lŭh an pôp ŏh, chĕq pôp ŏh khoi gĕh sinlơ jŭm muôi bây khananh. Nhâng, sinlơ jŭm muôi khananh de cồ bây Vap nggâm bây Con Nĕh, cồ Candranh Krit Yêsu.4Khananh chêr ăp camvŭm heq chĕq sinlơ vui hơn khananh de gĕh lôch lam. 5Heq cồ sipơp nŏq khananh lăq gĕh iêt chăng a Siđăch bây gĕh nhai lŭh an pôp ŏh, pành: Siđăch Trôq cồ ŭnh silang bây sŭng Siđăch đăng gĕh du sinlơ lây sĭq păch jingo.6Hê vơn nhai pành vơn gĕh sinlơ vajŭm muôi bây Siđăch, en saq bây trong jingo, nŏq vơn gĕh nhai mvâr bây đăng ôp bây sinlơ dip gal.7Nŏq hê vơn saq bây trong silang dân ca nơm Siđăch gŭq sŭng vi silang, nŏq vơn gĕh jŭm muôi bây ndăng ganai, bây n'ham Siđăch Yêsu, Con Nĕh, rao jrŏh vơn ntrăch a ăp sinlơ bưn bap.8Hê vơn nhai pành nơm đăng gĕh bưn bap, nŏq vơn gĕh ta gat an nơm bây sinlơ dip gal đăng gŭq sŭng vơn.9Hê vơn nhai lŭh sinlơ bưn bap nơm, nŏq Siđăch cồ Candranh jơ camvŭm nhai bây yăh sŏng, chĕq hwât bưn bap an vơn bây rao jrŏh vơn lĕq ăp sinlơ viêm vôt.10Hê vơn nhai pành nơm ndŏh gĕh ôp bưn bap, nŏq vơn an Siđăch cồ tamun nhai mvâr, bây Camvŭm Siđăch đăng gŭq sŭng vơn.
FAR EAST BROADCASTING COMPANY