1 John2
1Ơ khây con ănh je, ănh chêr ăp sinlơ heq an khây con chĕq khây con vâng ôp sinlơ bưn bap. En hê gĕh vu lây bưn bap, nŏq vơn gĕh du Candranh cŏh king bây Vap cồ Candranh Krit Yêsu, Candranh yăh sŏng.2Nĕh cồ păch pađăc yơt bưn bap mvăc bưn bap vơn de, nŏq đăng gal ayh an bưn bap vơn de, nŏq hôm an bưn bap lĕq dưnya wŏq.3Hê vơn jơ ôp bây khây ravwŏq Nĕh de, nŏq don nŏq vơn gưt pành nơm lăq tôq gưt Nĕh.4Vu lây nhai pành: “Ănh gưt Siđăch” nŏq đăng jơ ôp bây khây ravwŏq Nĕh de, nŏq cồ tamun nhai mvâr, bây sinlơ dip gal đăng gŭq sŭng tamun nŏq.5Nŏq hê vu lây jơ ôp bây camvŭm Nĕh, nŏq sinlơ sinđach Siđăch Trôq de nhâng gĕh lôch lam sŭng tamun nŏq. Vơn gưt pành nơm gŭq sŭng Nĕh don vrŭq heq:6vu lây nhai nơm hôm mo gŭq sŭng Nĕh, nŏq nơm tamun nŏq khoi căh rĭh simơ dân ca Nĕh lăq rĭh.7Pôp ŏh yăh sinđach, ănh đăng chêr an pôp ŏh du ravwŏq me, nŏq cồ ravwŏq dâm nŏq pôp ŏh lăq gĕh a lăm daq vôq. Ravwŏq dâm nŏq cồ camvŭm nŏq pôp ŏh lăq gĕh iêt chăng.8Sĭq măt ndây, ănh chêr an pôp ŏh du ravwŏq me, nŏq ravwŏq nŏq cồ nhâng bâng sŭng Siđăch bây sŭng pôp ŏh, mvăc sinlơ jingo gĕh saq cambet, en sinlơ silang nhâng nĕh gĕh sol lŭh en.9Vu lây nhai nơm gŭq sŭng vi silang nŏq hôm ncom pôp ŏh nơm nŏq vrêq hôm mo gŭq sŭng vi jingo.10Vu lây sinđach pôp ŏh nơm nŏq gŭq mŏq sŭng vi silang, en vrŭq ôp an vu vông jŏch đăng gĕh sŭng tamun nŏq.11Nŏq vu lây ncom pôp ŏh nơm cồ hôm gŭq sŭng vi jingo bây saq trong jingo, tamun nŏq đăng gưt nơm gĕh saq vi lây, mvăc sinlơ jingo lăq ôp jingo măt nĕh.12Ơ khây con, ănh chêr an khây con mvăc bưn bap khây con lăq gĕh hwât don a săq Siđăch.13Ơ khây dêq cô, ănh chêr an khây dêq cô mvăc khây dêq cô gĕh gưt Candranh gĕh a daq vôq. Ơ khây ŏh nrên, ănh chêr an khây ŏh mvăc khây ŏh gĕh pâm sa dông tamun chin'hâc.14Ơ khây con, ănh gĕh chêr an khây con mvăc khây con lăq gưt Vap. Ơ khây dêq cô, ănh gĕh chêr an khây dêq cô, mvăc khây dêq cô gưt Candranh cồ gĕh a daq vôq. Ơ khây ŏh nrên, ănh chêr an khây ŏh mvăc khây ŏh camhlăng, camvŭm Siđăch Trôq hôm mo gŭq sŭng khây ŏh, bây khây ŏh lăq pâm sa gĕh tamun chin'hâc.15Vâng sinđach dưnya khoi dân ca ăp sinlơ sŭng dưnya. Hê vu lây sinđach dưnya nŏq sinlơ sinđach Vap de đăng gŭq sŭng tamun nŏq.16Mvăc ăp sinlơ sŭng dưnya — dân ca sinlơ cơnh can'hir săq swan de, sinlơ cơnh can'hir măt de, bây sinlơ lơq nơm dưnya de — đăng gal cồ a Vap nŏq cồ a dưnya.17Bây dưnya nĕh nhâng cambet khoi bây nuih cơnh can'hir nĕh de, nŏq vu lây ôp bây nuih cơnh Siđăch Trôq nŏq hôm mŏq tât wân lawân.18Ơ khây ŏh nrên, vrêq heq cồ vadâq chôch lawăch, bây dân ca khây con gĕh iêt chăng pành tamun tăm chŏl vlâq Candranh Krit gĕh tât, bây vrêq gŏq ndu tăm chŏl vlâq Candranh Krit lăq tât en, nŏq vơn gưt pành vrêq heq cồ vadâq chôch lawăch.19Khây nĕh lŭh a vơn, nŏq khây nĕh đăng sĭq maq vơn. Mvăc hê sĭq maq vơn, nŏq khây nĕh nhâng cồ gŭq mŏq bây vơn, nŏq đăng gal canŏq, chĕq khây nĕh vlam vu nhai lŭh pành khây nĕh đăng sĭq maq vơn du kĭq lây lĕq.20Hôm khây con nŏq gĕh sinlơ lap daq pring a Candranh Gŭn, bây khây con lĕq săq gĕh dân gưt. 21Ănh gĕh chêr an khây con đăng gal pành khây con đăng gưt sinlơ dip gal, nŏq mvăc khây con lăq gưt sinlơ dip gal bây mvăc đăng gĕh sinlơ mvâr mviq lây cồ lŭh a sinlơ dip gal.22Vu lây cồ tamun nhai mvâr hê đăng gal tamun di mo, nhai pành Siđăch Yêsu đăng gal cồ Candranh Krit? Tamun nŏq đé cồ tamun tăm chŏl vlâq Candranh Krit, nŏq cồ tamun di mo Vap bây Con.23Vu lây di mo Con nŏq đăng gĕh Vap. Hôm vu lây tôq wŏq Con nŏq khoi gĕh Vap wŏq.24Sĭq maq khây con, căh chĕq păch khây con lăq iêt chăng a lăm daq vôq gŭq mŏq sŭng nơm. Hê păch khây con gĕh iêt chăng a daq vôq gŭq mŏq sŭng khây con, nŏq khây con khoi nhâng gŭq mŏq sŭng Con bây sŭng Vap.25En heq cồ camvŭm pănggân nŏq Siđăch gĕh nhai pănggân bây vơn — sinlơ rĭh wân lawân.26Ănh gĕh chêr ăp camvŭm heq an khây con sĭq khây tamun lamvoch khây con saq trong tih wil.27Sĭq maq khây con, sinlơ lap daq pring cồ khây con gĕh wŏq a tŭq Siđăch hôm mo gŭq sŭng khây con, bây khây con đăng gĕh cơnh chĕq du mvu lây nŏq pađau tăm ti nơm. Palâq sĭq vlâq, dân ca sinlơ lap daq pring Siđăch de gĕh pađau khây con sĭq ăp sinlơ, bây nŏq cồ nhâng bâng đăng gal păch mvâr mviq, khoi dân ca lăq pađau khây con gŭq mŏq sŭng Siđăch.28Bây avrêq, ơ khây con, căh gŭq mŏq sŭng Siđăch, chĕq hê năr Siđăch tât, vơn gĕh nuih talaq kram gajăp bây đăng prênh poq u vôq măt Siđăch sŭng năr Siđăch tât.29Hê khây con gưt pành Siđăch cồ yăh sŏng, nŏq khây con khoi gưt pành lĕq săq tamun ôp vrŭq yăh sŏng nŏq cồ gĕh dĕh lŭh a Siđăch.
FAR EAST BROADCASTING COMPANY