1 Corinthians12
1Hôm sĭq ăp sinăc gŭn măn, ơ pôp ŏh, ănh đăng cơnh pôp ŏh đăng gưt du ndêt lây.2Pôp ŏh gưt pành lăm nơm hôm mo cồ tamun a ling, vu gĕh têch văt pôp ŏh saq bây trong lây nŏq, lăm vlam sinlơ lamvoch dăh sĭq khây rup yang cammlo.3Canŏq, ănh nhai an pôp ŏh gưt pành đăng gĕh vu lây nhai lŭh don ju Siđăch Wênh Cô Voq de en nhai pành: “Yêsu cồ tamun vu răq săq!”, en hê đăng don ju Siđăch Wênh, đăng gĕh vu lây gưt nhai pành “Siđăch Yêsu cồ Cô Voq.”4Du maq ndây, gĕh gŏq sinlơ tăm ca-ayh sĭq ăp sinăc, nŏq simơ ayh du Siđăch Wênh.5Gĕh gŏq sinlơ tăm ca-ayh sĭq khây sinlơ ôp vrŭq, nŏq simơ ayh du Cô Voq.6Gĕh gŏq sinlơ tăm ca-ayh sĭq khây vrŭq ôp, nŏq simơ ayh du Siđăch Trôq, cồ Candranh ôp ăp vrŭq sŭng ăp ndu.7Nŏq sinlơ ôp lŭh Siđăch Wênh de gĕh paq an ăp ndu chĕq văt tât păch yăh tăm simơ.8Mvăc don ơ Siđăch Wênh, camvŭm vanŏh gĕh paq an tamun heq, hôm camvŭm đom gưt gĕh paq an tamun ndây bây simơ du Siđăch Wênh nŏq;9mvăc simơ du Siđăch Wênh sinlơ tôq camvân gĕh paq an tamun heq, en sinăc ranô an tamun ji côr gĕh paq an tamun ndây don du Siđăch Wênh nŏq,10en an tamun heq, ăp vrŭq chin'hâu; an tamun tĭq, camvŭm nhai tiêng tri; an tamun tŏq, prơn sinăc sên gưt singgal sĭq khây yang ravang; an tamun ndây nhai gĕh gŏq trong nhai ca-ayh; nŏq an tamun ndây wŏq, păndĕh lŭh sinlơ cồ vu gĕh nhai sŭng trong ndây.11Nhâng ayh muôi ngăn nggâm bây du Siđăch Wênh ôp lŭh ăp vrŭq nŏq, lăm tăm paq an ăp ndu iưn tăm ca-ayh bây nuih Nĕh cơnh.12Mvăc dân ca rup swan cồ muôi en gĕh gŏq vau swan, hôm lĕq săq ăp vau swan sŭng rup swan, an nĕh gĕh gŏq, nŏq ayh cồ du rup swan; Candranh Krit khoi dân canŏq.13Mvăc nhâng don du Siđăch Wênh, lĕq săq vơn gĕh ŭm vôq sŭng du rup swan, cồ pành tamun Yo-thai ha tamun Hi Lap, cồ pành tamun ôp dĭch ha lahông, nŏq lĕq săq gĕh ôp an hŭch du Siđăch Wênh.14Mvăc rup swan đăng gal gĕh ayh du vau swan nŏq cồ gĕh gŏq vau swan.15Hê jâng nhai: “Mvăc ănh đăng gal cồ ti, nŏq ănh đăng gĕh gŭq sŭng rup swan uy,” nŏq đăng gal pành canŏq en nĕh đăng gŭq sŭng rup swan.16En hê tôr nhai: “Mvăc ănh đăng gal cồ măt, nŏq ănh đăng gŭq sŭng rup swan” nŏq đăng gal pành canŏq en nĕh đăng gĕh gŭq sŭng rup swan.17Hê lĕq rup swan ayh cồ măt ngăn, nŏq nhŭp păch lây chĕq iêt? Hê lĕq rup swan cồ tôr, nŏq vrŭq thơp u vi lây?18Nŏq vrêq, palâq sĭq vlâq Siđăch Trôq gĕh sŭmmrăp ăp khây vau swan sŭng rup swan, vau nŏq vau heq sŭng khây nĕh, bây nuih Nĕh cơnh.19Hôm hê lĕq săq ayh cồ du vau swan ngăn, nŏq rup swan gŭq u vi lây?20En canŏq, an gĕh gŏq vau swan, nŏq ayh du rup swan.21Du maq ndây, măt đăng gĕh nhai bây ti: “Ănh đăng gĕh don tât pôp”, ha camvôq khoi nhai canŏq bây jâng: “Ănh đăng gĕh don tât pôp.”22Palâq sĭq vlâq, khây vau swan sŭng rup swan sây dân ca cồ la-ui dông nŏq cồ măq mi gŏq dông;23khây vau swan lây sŭng rup swan cồ vơn sây dân ca nĕh dêh ken dông nŏq vơn chĕq ân an khây nĕh sinlơ sên prĭh gŏq dông; en khây vau swan đăng rom vơn de nŏq vơn ôp an nĕh rom gŏq dông,24hôm ăp vau swan vơn de gĕh rom en nŏq đăng gĕh don păch nŏq. En canŏq, Siđăch Trôq gĕh tănchăp rup swan bây ganai, paq gŏq dông sinlơ sên prĭh an vau lây takiq gĕh sên prĭh,25chĕq an đăng gĕh sinlơ tăm paklăh sŭng rup swan, nŏq cồ ăp vau swan khoi gĕh tăm sinđach tât ndăng ganai.26Hê du vau swan lây ji côr, nŏq lĕq rup swan khoi ji côr; hê gĕh du vau swan lây gĕh vu tapơ, nŏq lĕq săq vau swan khoi gĕh hơn vui simơ bây nĕh.27Du măt ndây, pôp ŏh cồ rup swan Candranh Krit de, en ăp vau swan gŭq u tŭq ca-ayh.28Siđăch Trôq gĕh chĕq ân takiq ndu sŭng vatom gŭn, lor lĕq cồ khây con tuyh, di var cồ tamun nhai lor, di pe cồ gru pađau tăm ti, en tât tamun cồ ôp păch chin'hâu, alưr nŏq cồ khây sinăc ranô an yăh ji côr, tăm jrông jrâng, sên vôq, bây nhai ăp trong ndây.29Vi gal lĕq săq cồ con tuyh? Vi gal lĕq săq cồ tamun nhai lor? Vi gal lĕq săq cồ gru pađau tăm ti? Vi gal lĕq săq cồ ôp păch chin'hâu?30Vi gal lĕq săq gĕh sinăc ranô an vu lĕq ji? Vi gal lĕq săq nhai trong me? Vi gal lĕq săq sơr păndĕh gĕh?31Nŏq di lĕq nuih ngwân cơnh khây sinăc măq mi dông. Nŏq avrêq, ănh ayh an pôp ŏh sây du con trong yăh rom dông lĕq.
FAR EAST BROADCASTING COMPANY