1 Corinthians11
1Căh jêng lŭh khây tamun ôp pơch ănh, dân ca ănh khoi cồ tamun pơch Candranh Krit.2Ănh tapơ pôp ŏh mvăc pôp ŏh gĕh căh tât ănh sŭng ăp sinlơ, bây pôp ŏh jơ kram jăp khây camvŭm ađơm, dân ca ănh gĕh pân pađau an pôp ŏh.3En canŏq, ănh cơnh pôp ŏh gưt pành Candranh Krit cồ vôq khây tamun klô de, nŏq tamun klô cồ vôq tamun ur de, hôm Siđăch Trôq cồ vôq Candranh Krit de.4Khây tamun klô vơu ngwân ha nhai tiêng tri, hê gĕh păch lây silŭm vlơ camvôq, nŏq ôp viêm camvôq nơm.5Nŏq khây tamun ur vơu ngwân ha nhai tiêng tri bây camvôq đăng gĕh silŭm vlâq, nŏq ôp viêm camvôq nơm. Mvăc vrŭq heq cồ simơ bây vrŭq calôr vôq.6Mvăc hê du mvu ur đăng silŭm camvôq, nŏq nĕh nŏq khoi chit sŏq chĕq. Hôm hê chit sŏq ha chit calôr vôq cồ du sinlơ viêm vôt an tamun ur, nŏq ur nŏq căh silŭm camvôq sĭq vlâq.7Mvăc du maq, tamun klô đăng gĕh silŭm vôq nơm mvăc nĕh cồ nggui bây sinlơ sindraq sindil Siđăch Trôq de. Du maq, tamun ur cồ sinlơ sindraq sindil tamun klô de.8Mvăc tamun klô nŏq đăng gal lŭh a tamun ur, nŏq cồ tamun ur lŭh a tamun klô.9Khoi ca tamun klô đăng gĕh sun lŭh payh ơ tamun ur, nŏq cồ tamun ur payh ơ tamun klô.10Mvăc canŏq, tamun ur căh chĕq du sinlơ candân sĭq prơn camhlăng vlơ camvôq nơm, payh ơ khây con gŭn.11An canŏq, sŭng Siđăch, tamun ur đăng rĭh paklăh lŭh ayh a tamun klô, tamun klô khoi đăng rĭh paklăh lŭh ayh a tamun ur.12Mvăc tamun ur lŭh a tamun klô lăm lây, nŏq tamun klô nhâng don tamun ur nŏq gĕh lŭh canŏq, nŏq ăp vrŭq sinlơ lŭh a Siđăch Trôq.13Căh sên vlâq u sŭng nơm pôp ŏh: Tamun ur đăng silŭm vôq lăm vơu ngwân bây Siđăch Trôq nŏq gĕh dip gal ha đăng?14Đăng gal bây sinlơ sinâng con tamun de gĕh pađau pôp ŏh pành du maq, hê tamun klô chĕq sŏq jong, nŏq prŭq nŏq cồ du sinlơ prênh poq an nĕh iưn,15du maq ndây, hê tamun ur chĕq sŏq jong, nŏq vrŭq nŏq cồ du sinlơ sindraq sindil chĕq an ur nŏq gal đăng? Mvăc sŏq jong gĕh paq an tamun ur nŏq dân ca nseng silŭm camvôq.16Hôm hê gĕh vu lây sên dân ca gĕh nuih talaq cơnh tăm prĕh sĭq vrŭq heq, nŏq khananh đăng gĕh nuih talaq canŏq, ăp vatom gŭn Siđăch Trôq de nhâng canŏq.17Nŏq lăm dơp lŭh camvŭm pân pađau heq, ănh đăng tapơ pôp ŏh gĕh, mvăc pôp ŏh tăm vatom bây ndăng ganai đăng saq tât tŭq yăh rom dông nŏq cồ saq tât tŭq viêm vôt dông.18Mvăc lor lĕq, lăm pôp ŏh jŭm vatom vlâq sŭng vatom gŭn, ănh gĕh chăng sĭq gŏq sinlơ tăm paklăh u sŭng pôp ŏh, en gŏq ndêt ănh nhâng tôq sĭq vrŭq nŏq.19Mvăc nhâng gĕh khây tamun tăm paklăq ndăng nơm u sŭng pôp ŏh, chĕq an vu lây gĕh wŏq sinlơ long găn èn khoi gĕh tănlŭh an di dân u sŭng pôp ŏh.20Mvăc, lăm pôp ŏh saq jŭm vatom sĭq vlâq du gatŭq, vrŭq nŏq đăng gal cồ chĕq gŭq Sa War Siđăch de uy.21Mvăc sŭng lăm gŭq sa, ăp ndu mrưng nrâm sa war nơm de lor; nŏq pành gĕh tamun cồ pangot, en gĕh ndu vanhưl sicot.22Đăng gal pôp ŏh đăng gĕh nhi chĕq sa nggâm huch sŭng nŏq uy? Ha pôp ŏh tasâh vatom gŭn Siđăch Trôq de en ôp pagơq khây tamun đăng gĕh păch lây? Ănh gưt nhai păch lây bây pôp ŏh vrêq heq? Gĕh tapơ pôp ŏh sĭq vrŭq heq gĕh hẩng? Ănh đăng tapơ pôp ŏh nôq!23Mvăc ănh gĕh wŏq a Siđăch sinlơ cồ ănh khoi gĕh pân pađau vlâq an pôp ŏh, nŏq cồ Siđăch Yêsu sŭng vanăng cồ vu nhŭp Nĕh, gĕh sŏq bănh,24en alưr lăm may mo, Siđăch pêch nĕh lŭh en nhai: “Heq cồ rup swan Ănh je ala an pôp ŏh. Căh ôp vrŭq heq sŭng sinlơ căh yâh sĭq Ănh.”25Khoi du vrŭq dân canŏq sĭq bây nggan alưr sa war, pành: “Nggan heq cồ sinlơ tăm lăp ti me sŭng n'ham Ănh je. Hê lăm lây pôp ŏh huch nggan heq, căh ôp vrŭq heq sŭng sinlơ căh yâh sĭq Ănh.”26Mvăc hê lăm lây pôp ŏh sa bănh heq nggâm huch nggan heq, nŏq căh nhai an vu gưt sĭq sinlơ chưt Siđăch de di tât lăm Nĕh tât.27Payh canŏq, hê vu lây sa bănh ha huch nggan Siđăch de đăng dip gal nŏq nhâng gĕh bap bây rup swan nggâm n'ham Nĕh de.28Palâq sĭq vlâq, ăp ndu căh deng sĭq vlâq nơm vơn, en sŭng vrŭq sinâng nŏq căh sa bănh nggâm hŭch nggan.29Mvăc tamun sa nggâm hŭch nŏq đăng singgal gĕh rup swan Siđăch nŏq cồ sa nggâm hŭch sinlơ ôp dôih an nơm iưn.30Payh ơ vrŭq canŏq, gŏq ndu sŭng pôp ŏh vlam ji côr, râng dŭh bây gĕh gŏq ndu vĭq.31En hê vơn gưt deng sĭq vlâq nơm, nŏq vơn nhâng đăng vlam sinlơ ôp dôih.32Hôm lăm vlam Siđăch ôp dôih, vơn vlam sinlơ sa dôih chĕq đăng vlam sinlơ ôp dôih simơ bây tamun dưnya heq.33Canŏq, ơ pôp ŏh ănh je, lăm jŭm vatom sĭq vlâq chĕq sa war, căh tăm câp nggơ ganai vơn.34Hê vu lây pangot, nŏq sa u nhi, chĕq pôp ŏh đăng jŭm vatom vlâq gŭq sŭng sinlơ ôp dôih. Hôm sĭq ăp vrŭq ndây, ănh nhâng dơp lŭh camvŭm pađau sŏng lăm lây ănh tât.
FAR EAST BROADCASTING COMPANY