Mateo21
1Jerusalén ꞌurama Betfagenu nukuxun ka matá Olivos kakë anuxun ka Jesusan aín uni rabë́ ësakin kakin xuakëxa,2Ësakin kakin: —A ëma chumanu bëmano anua kamina ñuina cha an ñu papikë a aín tuá këñun mërati ꞌain, mërakin tubukin ë bëxunti ꞌain.3Uin kara mi ñukatia a kamina kati ꞌain nun ꞌIbun ka kuë́nia kixun kati ꞌain, bënënkishi ka mi ꞌinantëkënti ꞌikën.4Ësai ka profetakama kiasabioi ꞌianan kuënëosai ꞌiakëxa:5Ësakin kamina Sionu ꞌikë uni kati ꞌain: —Ka ís min ꞌApu ka aia, ax ka ñumara ꞌikën ñuina cha ꞌimainun ꞌain tuá bënanu tsotax ka aia.6Aín unikama rabëtan ka Jesusan kakë sabiokin ꞌakëxa.7Bëxun ñuina cha aín tuakëñun chupa këxtu aín kaxunu nankëxa, nankëbë ka Jesús anu tsótax Jerusalénu kuankëxa.8ꞌItsa unin ka anuan Jesús kuanti bainu chupa këxtu ꞌapakëxa, apamainun ka rainënribi ñu pëchi bixun bainu ꞌapakëxa.9Axa rëkuën kiankë uni ꞌimainun ax tsiankiankë kamaxribi ka sharati kiakëxa:
—¡Davitan Bëchikë axa nun ꞌIbu anën ukë ënë kananuna rabiti ꞌain!¡Dios axa naínu ꞌikë a kamina rabiti ꞌain!10Jesús Jerusalénu atsinkëbë ka anu ꞌikë unikama sharati kiakëxa: —¿Uikara ënëx ꞌik?11Kia ka unin kakëxa: —Ënëx ka profeta Jesús, Nazaret Galileanu ꞌikë a ꞌikën.12Usa ꞌain ka Jesús anuxun nukën Papa Dios rabiti xubunu atsiankëxa. Atsinxun ka an ñu marukë unikama aín kuënan chá a chashkanan an uni kuríki campiokë ꞌimainun an ñumakuru marukë a ribi chikiankëxa.13Jesusan kakëxa: —Kuënëo bana ka ësai kia: “ꞌËn xubux ka anuxun Dios ñukati xubu ꞌikën”, ꞌaibi kamina mitsún anuxun ñumëkamati xubu ꞌimian.14Anuxun ka Dios rabiti xubunu kuania bëxuñu uni ꞌimainun tsásiu unikama Jesusan pëxkuakëxa.15ꞌAibi ka Sacerdote ꞌapukama ꞌimainun an ñu ꞌunánkë unikama uni itsin ꞌakëma ñu ꞌaia isana tuakama ribi anuxun Dios rabiti xubunua sharatia kuakëxa: —¡Davitan Bëchikë ꞌapu ꞌikë kananuna rabiti ꞌain, kia kuati nishakëxa!16Usa ꞌain ka atun kakëxa: —¿Ënë tuakamaxa kikë karamina kuatin? Jesusan ka kakëxa: —Usai kara ¿Kuënëo bana kikë karamina uinsarabi iskëma ꞌain? “Tuaxu ꞌimainun an xuma ꞌakë tuakëribi ka rabiti ꞌikën”.17Anuax ka Jerusalén ëbiani kuanx Jesús Betania menu kuankëxa, anu ka ñantabuakëxa.18Ñantamashi ka Jesús Jerusalén ëmanu kuantëkëankëxa, bain kuani ka panankëxa.19Anuxun ka higuera achúshi isakëxa. A ꞌurama kuankin ka bai rapasu nikë bimiñuma aín pëchishi isakëxa ískin ka kakëxa: —¡Uinsarabi kamina bimiñu ꞌitima ꞌain! Kakëx ka higuera bënëtishi xanankëxa.20Usaia ꞌikëbë ratuti sinankasmakin ka aín unikaman Jesús ñukakëxa. ¿Uisati kara higuera bënëtishi xananx?21Jesusan ka kakëxa: —Kana asérabi mi kain, mitsunmi ꞌëmi sinankin këmëkima ka ꞌiti ꞌikë kixun kakëx ka ꞌën higuera ꞌakësa oiribi ꞌiti ꞌikën, ënë matá kamaribi ka parunpapanu ka kuantan kakëx ka kuanti ꞌikën.22Kamabi ñu mitsun abë́ banakin ami sinánkin ñukakë a kamina biti ꞌain.23Usakin katankë ka Jesús anuxun nukën Papa Dios rabiti xubunu atsiankëxa: Anuxun uni ꞌunamiakëxa ꞌunamikëbë ukin anu rikiaxun sacerdote ꞌimainun judíos kaniakëkëkaman ñukakëxa: —¿Uin kara ësakin ñu ꞌanun mi kax? ¿Uin kushin karamina ënë ñu ꞌain?24Kakëxun ka Jesusan kakëxa: —ꞌËnribi kana mitsu ñukatin, min ꞌë kakëxun kana uin kushin karana ñu ꞌai kixun mi kati ꞌain.25¿Uin kara Juan an uni nashimikë a xuakë Diosan kara xuakëx? Mitsumi ꞌë kakëxun kana ꞌënribi ui kupin karana ënë ꞌai kixun mitsu kati ꞌain, kakëx ka bëtsibë ñukakanani kiakëxa. Diosan ka xuaxa kakëxun ka nukë kati ꞌikën, uisa kupin kaina ami sinanma ꞌain.26Usa ꞌain kananuna uninuax ka uakëxa kixun katima ꞌain, kananuna rakuëtin, kamaxubi ka sinania Juan ax ka profeta ꞌikë kixun.27Atun ka Jesús kakëxa: —Kananuna unanima kakëxa: —ꞌËnribi kana mitsu kaima uin kushin karana ꞌën ñu ꞌai kixun.28Jesusanribi ka kakëxa: —¿Uisakin kaina ënë min sinanin? Achúshi uni ka rabë́ bëchikëñu ꞌiakëxa, a achushinën ka kakëxa: —ꞌËn bëchikë kamina naënu tëi kuanti ꞌain.29An ka kakëxa: “Kana kuainsamatanin”. Usa ꞌaibi ka sinanantakë kuankëxa.30Usakin katankëxun ka aín papan aín xukën ꞌanakaribi kakëxa, kakëx ka ësai kiakëxa, kana kuanti ꞌai kiaxbi ka kuama ꞌikën.31¿Uinu ꞌikë aín bëchikë rabëtan kara aín papa kikësa oi ꞌiakëx? —Kia ka atu kakëxa: —Aín bëchikë apanëx. Kia ka Jesusan kakëxa: —Asérabi kana mitsu kain an ꞌapu Romanu kupiokë ꞌimainun xanu bëkai bëtsi bëtsi nikë kara, nux ꞌisama pain ꞌain naíkamëonu ꞌiti ꞌik.32Juan an uni nashimikë ꞌax ka nu bai Dios kikësabioi upiti tsóti a nu unami ubaxa. ꞌAibi kamina mitsun kuaisama tan, ꞌaibi ka ꞌapu buamiti kuríki bikë ꞌimainun xanu bëkakë ꞌëmi sinamaínun mitsux ꞌëmi sinani mëniokaisama tan.33Bëtsi bana ñuikësokin ñuikë bana ënë kamina kuakanti ꞌain: —Aín ꞌibun ka aín naënu uvas ꞌapaxun achúshi kënë ꞌaxa, ꞌaxun ka anuxun uva baka biti ꞌatankëxun ka manami chaiorukin kamabi anuxun bëruanti ꞌaxa. ꞌAtankëxun ka an me bëruankin kupioti bëtsi unimi ëbiani kuanxa.34Usa ꞌain ka anun ñu ꞌapakë bimia biti nëtë ꞌikëbëtan, aín ꞌibun an ñu më́mikë unikama aina ꞌinun nanxunkë a binun xuakëxa.35Xukëbi ka an naë bëruankë unikaman bitankëxun më́anan, bëtsi rëtëana, bëtsi kamaribi maxaxan ꞌanan ꞌaisama oxa.36ꞌAin ka aín ꞌibun amiribishi aín unikama bërama ꞌakësamaira okin xutëkëanxa: —ꞌAibi ka an naë bëruankë unikaman akama usaribikin ꞌaxa.37Usakin ꞌakë ꞌain ka, ꞌën bëchikë ënë ka uisabi otima ꞌikë kixun sinánkin xuakëxa.38ꞌAibi ka aín bëchkë, isi kanani an naë bëruankë unikama kiakëxa: “Ënëx ka an kamabi aín ñu biti a ꞌikën, usa ꞌain kananuna nun kamaxubi aín ñu biti rëtëti ꞌain”.39Usai ꞌain ka kamaxubi ñatanxun, naë ꞌuri ubanxun rëakëxa.40—Usa ꞌain kara naë ꞌibun bëri ukin, ¿An naë bëruankë unikama uisa okin ꞌati ꞌik?41A ñukakëxun ka atun kakëxa: —Ami sinankimaishi akama rëtëtankëxun, ka aín ꞌibun bëtsi uni aín naë bëruankin a kupionan, anun ꞌinanti nëtë ꞌikëbëtan, a bimi tuaia bitankëxun ꞌinanti ꞌikën.42Jesusan ka kakëxa:
—¿Uinsarabi karamina mitsun kuënëo bana kara uisai kia kixun a iskëma ꞌaín?
“An xubu ꞌakë unikaman ꞌaisama ka kixun púa maxakama ax ka bërí maxá upí iruira ꞌikën.Nukën ꞌIbun ka usaia ꞌinun ꞌimiaxa, usa ꞌain kananuna asabi ꞌain”.43Usa ꞌain ka mitsu naíkamëonu tsóti ꞌimitima ꞌikën, ꞌianan ka achúshi ëma, an tuamiti a ꞌinanti ꞌikën.44Uix kara a maxanu nipakëtia ax ka ami të́abukë ꞌiti ꞌikën; ꞌimainun ka anua maxá nipakëkë, ax chakakin putuakë ꞌiti ꞌikën.45Bana itsi ñuikësa okin Jesusan bana ñuia ka sacerdotekama ꞌimainun fariseo, unikaman ami banai isa kia kixun kuakëxa.46Usa ꞌain ka bisatanibi unimi rakuëakëxa, Jesús ka profeta ꞌikë kixun ꞌunani.
—¡Davitan Bëchikë axa nun ꞌIbu anën ukë ënë kananuna rabiti ꞌain!¡Dios axa naínu ꞌikë a kamina rabiti ꞌain!10Jesús Jerusalénu atsinkëbë ka anu ꞌikë unikama sharati kiakëxa: —¿Uikara ënëx ꞌik?11Kia ka unin kakëxa: —Ënëx ka profeta Jesús, Nazaret Galileanu ꞌikë a ꞌikën.12Usa ꞌain ka Jesús anuxun nukën Papa Dios rabiti xubunu atsiankëxa. Atsinxun ka an ñu marukë unikama aín kuënan chá a chashkanan an uni kuríki campiokë ꞌimainun an ñumakuru marukë a ribi chikiankëxa.13Jesusan kakëxa: —Kuënëo bana ka ësai kia: “ꞌËn xubux ka anuxun Dios ñukati xubu ꞌikën”, ꞌaibi kamina mitsún anuxun ñumëkamati xubu ꞌimian.14Anuxun ka Dios rabiti xubunu kuania bëxuñu uni ꞌimainun tsásiu unikama Jesusan pëxkuakëxa.15ꞌAibi ka Sacerdote ꞌapukama ꞌimainun an ñu ꞌunánkë unikama uni itsin ꞌakëma ñu ꞌaia isana tuakama ribi anuxun Dios rabiti xubunua sharatia kuakëxa: —¡Davitan Bëchikë ꞌapu ꞌikë kananuna rabiti ꞌain, kia kuati nishakëxa!16Usa ꞌain ka atun kakëxa: —¿Ënë tuakamaxa kikë karamina kuatin? Jesusan ka kakëxa: —Usai kara ¿Kuënëo bana kikë karamina uinsarabi iskëma ꞌain? “Tuaxu ꞌimainun an xuma ꞌakë tuakëribi ka rabiti ꞌikën”.17Anuax ka Jerusalén ëbiani kuanx Jesús Betania menu kuankëxa, anu ka ñantabuakëxa.18Ñantamashi ka Jesús Jerusalén ëmanu kuantëkëankëxa, bain kuani ka panankëxa.19Anuxun ka higuera achúshi isakëxa. A ꞌurama kuankin ka bai rapasu nikë bimiñuma aín pëchishi isakëxa ískin ka kakëxa: —¡Uinsarabi kamina bimiñu ꞌitima ꞌain! Kakëx ka higuera bënëtishi xanankëxa.20Usaia ꞌikëbë ratuti sinankasmakin ka aín unikaman Jesús ñukakëxa. ¿Uisati kara higuera bënëtishi xananx?21Jesusan ka kakëxa: —Kana asérabi mi kain, mitsunmi ꞌëmi sinankin këmëkima ka ꞌiti ꞌikë kixun kakëx ka ꞌën higuera ꞌakësa oiribi ꞌiti ꞌikën, ënë matá kamaribi ka parunpapanu ka kuantan kakëx ka kuanti ꞌikën.22Kamabi ñu mitsun abë́ banakin ami sinánkin ñukakë a kamina biti ꞌain.23Usakin katankë ka Jesús anuxun nukën Papa Dios rabiti xubunu atsiankëxa: Anuxun uni ꞌunamiakëxa ꞌunamikëbë ukin anu rikiaxun sacerdote ꞌimainun judíos kaniakëkëkaman ñukakëxa: —¿Uin kara ësakin ñu ꞌanun mi kax? ¿Uin kushin karamina ënë ñu ꞌain?24Kakëxun ka Jesusan kakëxa: —ꞌËnribi kana mitsu ñukatin, min ꞌë kakëxun kana uin kushin karana ñu ꞌai kixun mi kati ꞌain.25¿Uin kara Juan an uni nashimikë a xuakë Diosan kara xuakëx? Mitsumi ꞌë kakëxun kana ꞌënribi ui kupin karana ënë ꞌai kixun mitsu kati ꞌain, kakëx ka bëtsibë ñukakanani kiakëxa. Diosan ka xuaxa kakëxun ka nukë kati ꞌikën, uisa kupin kaina ami sinanma ꞌain.26Usa ꞌain kananuna uninuax ka uakëxa kixun katima ꞌain, kananuna rakuëtin, kamaxubi ka sinania Juan ax ka profeta ꞌikë kixun.27Atun ka Jesús kakëxa: —Kananuna unanima kakëxa: —ꞌËnribi kana mitsu kaima uin kushin karana ꞌën ñu ꞌai kixun.28Jesusanribi ka kakëxa: —¿Uisakin kaina ënë min sinanin? Achúshi uni ka rabë́ bëchikëñu ꞌiakëxa, a achushinën ka kakëxa: —ꞌËn bëchikë kamina naënu tëi kuanti ꞌain.29An ka kakëxa: “Kana kuainsamatanin”. Usa ꞌaibi ka sinanantakë kuankëxa.30Usakin katankëxun ka aín papan aín xukën ꞌanakaribi kakëxa, kakëx ka ësai kiakëxa, kana kuanti ꞌai kiaxbi ka kuama ꞌikën.31¿Uinu ꞌikë aín bëchikë rabëtan kara aín papa kikësa oi ꞌiakëx? —Kia ka atu kakëxa: —Aín bëchikë apanëx. Kia ka Jesusan kakëxa: —Asérabi kana mitsu kain an ꞌapu Romanu kupiokë ꞌimainun xanu bëkai bëtsi bëtsi nikë kara, nux ꞌisama pain ꞌain naíkamëonu ꞌiti ꞌik.32Juan an uni nashimikë ꞌax ka nu bai Dios kikësabioi upiti tsóti a nu unami ubaxa. ꞌAibi kamina mitsun kuaisama tan, ꞌaibi ka ꞌapu buamiti kuríki bikë ꞌimainun xanu bëkakë ꞌëmi sinamaínun mitsux ꞌëmi sinani mëniokaisama tan.33Bëtsi bana ñuikësokin ñuikë bana ënë kamina kuakanti ꞌain: —Aín ꞌibun ka aín naënu uvas ꞌapaxun achúshi kënë ꞌaxa, ꞌaxun ka anuxun uva baka biti ꞌatankëxun ka manami chaiorukin kamabi anuxun bëruanti ꞌaxa. ꞌAtankëxun ka an me bëruankin kupioti bëtsi unimi ëbiani kuanxa.34Usa ꞌain ka anun ñu ꞌapakë bimia biti nëtë ꞌikëbëtan, aín ꞌibun an ñu më́mikë unikama aina ꞌinun nanxunkë a binun xuakëxa.35Xukëbi ka an naë bëruankë unikaman bitankëxun më́anan, bëtsi rëtëana, bëtsi kamaribi maxaxan ꞌanan ꞌaisama oxa.36ꞌAin ka aín ꞌibun amiribishi aín unikama bërama ꞌakësamaira okin xutëkëanxa: —ꞌAibi ka an naë bëruankë unikaman akama usaribikin ꞌaxa.37Usakin ꞌakë ꞌain ka, ꞌën bëchikë ënë ka uisabi otima ꞌikë kixun sinánkin xuakëxa.38ꞌAibi ka aín bëchkë, isi kanani an naë bëruankë unikama kiakëxa: “Ënëx ka an kamabi aín ñu biti a ꞌikën, usa ꞌain kananuna nun kamaxubi aín ñu biti rëtëti ꞌain”.39Usai ꞌain ka kamaxubi ñatanxun, naë ꞌuri ubanxun rëakëxa.40—Usa ꞌain kara naë ꞌibun bëri ukin, ¿An naë bëruankë unikama uisa okin ꞌati ꞌik?41A ñukakëxun ka atun kakëxa: —Ami sinankimaishi akama rëtëtankëxun, ka aín ꞌibun bëtsi uni aín naë bëruankin a kupionan, anun ꞌinanti nëtë ꞌikëbëtan, a bimi tuaia bitankëxun ꞌinanti ꞌikën.42Jesusan ka kakëxa:
—¿Uinsarabi karamina mitsun kuënëo bana kara uisai kia kixun a iskëma ꞌaín?
“An xubu ꞌakë unikaman ꞌaisama ka kixun púa maxakama ax ka bërí maxá upí iruira ꞌikën.Nukën ꞌIbun ka usaia ꞌinun ꞌimiaxa, usa ꞌain kananuna asabi ꞌain”.43Usa ꞌain ka mitsu naíkamëonu tsóti ꞌimitima ꞌikën, ꞌianan ka achúshi ëma, an tuamiti a ꞌinanti ꞌikën.44Uix kara a maxanu nipakëtia ax ka ami të́abukë ꞌiti ꞌikën; ꞌimainun ka anua maxá nipakëkë, ax chakakin putuakë ꞌiti ꞌikën.45Bana itsi ñuikësa okin Jesusan bana ñuia ka sacerdotekama ꞌimainun fariseo, unikaman ami banai isa kia kixun kuakëxa.46Usa ꞌain ka bisatanibi unimi rakuëakëxa, Jesús ka profeta ꞌikë kixun ꞌunani.
The Seed Company