Mateo20
1Anun Diosan nëtë naíkamëonu ꞌiti ax ka ësa ꞌikë, achúshi uni ka aín naënu uva ꞌapakëñu ꞌixun. Pëkarakëma ꞌainshi an naë mënioti uni bari kuanxa.2Uitiu kuríki kara achúshi nëtë kupioti ꞌikë, kixun mënioxun ka uva ꞌapakënu xuakëxa.3Kuantëkëxun ka bari xanarukëbëtan rairi uni ñumëima anu uni bukukë anu tsókë mërakëxa.4Mërakin ka kakëxa: —Mikamaribi kamina ꞌën uva ꞌapakënu tëti kuanti ꞌain, uitiu karamina tëa atiu kana mi kupioti ꞌain kakëx ka kuankëxa.5Amiribishi ka aín ꞌibu bari manitankëx kuainakëkëbë kuantankëx, usai ꞌitankë ka bari xupibukëbë kuantëkëankëxa usai ka ꞌiakëxa.6Bari xupibuti bakishi kuankëbëtan ka rairi anu uni tsóti anu bukukë mërakëxa mërakin ka kakëxa: —¿Uisa kupí karamina kamabi nëtën ñumëima bukuin?7Kia ka kakëxa: —Uinbi ka nu barikëma ꞌikën. Kakëxun ka katëkëankëxa: —Míkamaribi kaina ꞌën naë uvas ꞌapakënu ñu mëi kuanti ꞌain.8Usa ꞌain ka bakishkëbëtan kuënxun naë ꞌibu uva ꞌapakë an ñumëxunkë uni kakëxa: —Axá tëkë unikama kamina kuëntankënxun kupioti ꞌain, bërí bikë amixun kamina a pain bipunkë abëtan sënënbi kupioti ꞌain.9Nukutia ka axa bari xupiukëbë tëi ukë aribi achúshi nëtën kupiokin kuríki kamabi sënën ꞌinanxa.10Nukukin ka a pain bikë unikama an sinankëxa, chaíira kuríki kana biti ꞌai kixun sinánkë ꞌaibi ka sënëbi biakëxa.11Usakin bitsi ka an uvas ꞌapakë aín ꞌibumi ꞌatimati banakëxa,12Bitsi ka kiakëxa: —Axa bëri ukë an ka bënëkishin achúshi okin ñu mëaxa ꞌaibi, kamina nukë kupiokësabi okin atu kupión nun kananuna barin xaromainun chaíira të́a.13ꞌAibi ka aín ꞌibun a unikama achúshi kakëxa: —ꞌunánkë uni: kais ꞌën kana mi ꞌatima okëma ꞌaín. ¿Mibë kananuna banakëma ꞌain, achúshi nëtën tëkë mi kupíoti?14Min kuríki bibiani kamina kuanti ꞌain. Tsiankin bikë aribi kana mi ꞌinankë, usaribi ꞌinanti ꞌain.15¿ꞌËn kana ꞌën kuë́ënkësa okin ꞌën kurikinën ꞌati ꞌain? ¿Ëx akianankë kupin kaina ꞌëmi ꞌatimakin sinánin?16Usa ꞌain ka an tsiankë, ax rëkuënkë ꞌiti ꞌikën, a bëri rëkuënkë aribi ka tsiankë ꞌiti ꞌikë.17Jesusan ka bain Jerusalénu kuankin mëkën rabë́ ꞌimainun rabë́ aín unikama amo kuënxun kakëxa.18Mikama iskësabi kana bëri Jerusalénu, kuani anuxun ka Unin Bëchikë ꞌikë ꞌë Sacerdote ꞌapukama, ꞌimainun ñu ꞌunan unikama ꞌinankëxun ꞌë rëtëti ꞌikën;19Ka ꞌinanti ꞌikë bëtsi menu ꞌikë unikamaribi, ami kuaianan usanki tushukati ꞌikën; mëki rëtëti ꞌkën, aibika rabë ꞌimainun achúshi tënën baiskiti ꞌikën.20Usa ꞌain Zebedeonën bëchikëkaman tita aín tuakama Jesús ꞌurama kuax rantin puruni aín bëmanon tsobukin ñu ꞌaxunun ñukakëxa.21Jesusan ka ñukakëxa: —¿Añu karamina kuë́ënin? A xanun ka kakëxa: —ꞌËn tuá rabë́ ënëx min nëtë naíkamëonu mibë ꞌapu ꞌinun kamina kati ꞌain, bëtsi mi mëkeu ꞌianan bëtsi mëmiu ꞌinun.22Jesusan ka kakëxa: —Míkaman kamina ꞌunanima añu karamina ñukati kixun. ¿ꞌËx ꞌikësaribiti karamina tëmërati ꞌaín?23Jesusan ka kakëxa: —Asérabi kana mi kain kamina ënë paë ꞌumpax xëati ꞌain, ꞌaibi kana uix kara ꞌën mëkeu ꞌianan ꞌën mëmiu ꞌiti ꞌikë kixun mi kaima, ꞌën Papa naínu ꞌikë ainshi ka ui kara ꞌinanti ꞌikë kixun ꞌunania.24Ësai kia kuati ka mëkën rabë́ aín unikama, aín xukën rabë́ ami nishakëxa.25ꞌAibi ka Jesusan kuënxun kakëxa: —Míkaman kamina ꞌunanin judioma ꞌapun ka aín unikama an kuënkësa okin uni ꞌanun kixun ꞌamia.26Usa ꞌain kamina mikama usai ꞌitima ꞌain, ꞌaibi mikama chá ꞌisa tankin bëtsi unikamaribi ꞌakinti ꞌain;27Mix pain cha ꞌisa tankin kamina bëtsi min nuitunënbi kuë́ënkin ꞌakinti ꞌain.28Usa ꞌain kana Unin Bëchikë ꞌikëa ꞌë ñu mëxunu ubama ꞌain, usai ꞌikima bëtsi ꞌakini kana uakën, ꞌimainun aisamaira uni ꞌië́minux kana ubakën.29Jericó nuax chikikiani kuania ka ꞌaisamaira unin Jesús nuibiankëxa.30Rabë́ uni bënxuñu ka bai ꞌurama tsoakëxa, Jesús kuainia kuakin ka munuma kuë́ënkënkin kakëxa: —ꞌËn ꞌIbu, Davitan rëbunki, nuibakin ka nu ꞌakin.31Unin ka kakëxa banama ka nëtët, kakëxi ka akamax nëtë́tima kushíira kuënkëni kiakëxa: —¡ꞌËn ꞌIbu, Davitan Bëchikë nuibakin ka nu ꞌakin!32Usa ꞌain ka Jesusan nirakëkin bëxuñukama kuënxun ñukakëxa: —¿Añu mikama kupin ꞌati kaina kuë́ënin?33Atun ka ësakin kakëxa: —ꞌËn ꞌIbu nukama ka bëpëxkut.34Jesusan ka nuibakin akama, ramëkin aín bëru mëakëxa. Usakin ꞌakëxëshi ka bëpëxkuakëxa, usai ꞌikin ka Jesús nuibiankëxa.
The Seed Company