Mateo22
1Amiribishi ka bana itsi ñuikësa okin Jesusan ësakin kakëxa:2—Naíkamëonu ꞌiti ax ka ësa ꞌikën, achúshi ꞌapun ka aín bëchikë xanu biti ësokivn ꞌamiakëxa. 3ꞌAmixun ka an ñu më́mikë unikama piunun katanu kixun xuakëxa, ꞌaibi ka a kamikë unikama uisama tankëxa.4Usa ꞌain ka amiribishi an ñu më́mikë unikama, ësakin kaxun xuakëxa: “Piti ka ꞌiaxa ꞌën ñuina xuakë këñun kana ꞌën vaca rëtëmia; usa ꞌain ka pii ríkuatsinti ꞌikën”.5ꞌAibi ka a kamikë kamax kuainsama tankëxa. Akama achúshi ka aín mekama isi kuanxa, bëtsix aín ñu maruti isi kuanxa,6ꞌImainun ka bëtsikamaribi ꞌapun ñu më́mikë unikama ꞌatimokin mëëxun rëtëaxa.7Usa ꞌain ka ꞌapun ꞌitsaíira nishkin, aín suntarukama ax ꞌakanankë akama ꞌanan aín ëma nëntanun xuakëxa.8Anuxun ka aín unikama kaxa: “Piti ka ꞌiaxa ꞌaibi ka, a kamikë unikama uisama tanxa.9Mitsux ka kuantan bai chaa anua mërakin kamina unikama pia unun kati ꞌain”.10Kakëx ka an ñu më́mikë unikaman bai chanu kuankin mërakin kaiskima aín ꞌatima aín upí akamabi timëakëxa; ꞌain ka anu timëkë ax uni buchuakëxa.11Usa ꞌain kamikë unikama isi atsinkibi ka ꞌapun achúshi unin xanu bikënuxun pañuti chupa pañukëma mërakëxa.12Mërakin ka kakëxa: —¿ꞌunánkë uni, uisa ꞌai kaina xanu bikin ꞌati chupa pañuamabi atsian? Kakëbi ka uisaibi kiama ꞌikën.13Usa ꞌain ꞌka apun an ñu mëxunkë unikama kakëxa: —Tatanianan mëtanitankëxun kamina bëankibukënu niti ꞌain. Anuax ka ꞌain xëta ñërëxkai bënë́ti inti ꞌikën.14ꞌItsaíira ka kuë́nkë ꞌiti ꞌikë, ꞌaibi ka ꞌitsamashi kaiskë ꞌiti ꞌikën.15Usai ꞌitankëx ka fariseo unikama kuanx timëax uisai kara isa Jesús kia kuatsi kiax ꞌësënani kanankëxa.16Usakin sinanxun ka abëa nikë uni rairi këñun Herodesnën bëtsi unikamaribi katanun xuakëxa: —An ꞌUnamikë nun kananuna min kamina këmëima banakin anun Diosnu kuanti bai a ꞌunami, unixa kikë usakin ꞌakima ꞌunami, min kamina unin kuëënkësa oki ꞌaima.17Nu kamina kati ꞌain: ¿Nun Romanu ꞌikë ꞌapu kupioti kara asabi ꞌik? ¿Kara asabima ꞌik?18Jesusan ka atun ꞌatimakin sinánia iskin kakëxa: —Upisa ꞌaibi ꞌatima uni ñu ꞌaisama ꞌakë, ¿Uisa kupin karamina ë́sakin ꞌë ñukatin?19ꞌËka kuríki anumi ꞌapu kupiokë ꞌa ismik, kia ka kuríki achúshi bëxuankëxa,20Jesusan ñukakëxa: —¿Uinan kara bëmana kurikinu ꞌikë ënë ꞌimainun aín anë ënëx ꞌik?21Kia ka kakëxa: ax ka ꞌapunan ꞌikë kia ka Jesusan kakëxa: —Romanu ꞌikë ꞌapu kamina ainan ꞌinanti ꞌain, ꞌinanan kamina Diosribi ainan ꞌinanti ꞌain.22Ësakin kakëxun kuati sinankasmai itankëx ka ëbiani rikiankëxa.23A nëtënbi ka, saduceo unikama Jesús isi kuankëxa. Atun ka uni ka bamatankëx baiskitima ꞌikë kixun sinánkin ësokin Jesús ñukakëxa:24—An nukë ꞌunamikë Moisésnën ka ësakin kuënëokëxa, achúshi uni bëchikëñuma ꞌaish bamakëbëtan, ka aín xukënan kasunankë xanu a bixun ami bëchiti ꞌikën, ax ka aín xukën bamakë aín bëchikësa ꞌiti ꞌikën.25Anu ka nubë mëkën achúshi ꞌimainun rabë́ xukënñu uni ꞌiakëxa. Ain apan an pain xanu biaxi bamakëxa. Ami bëchiamaxi bamakëxa, bamakëbëtan ka aín xukën bëtsi anribi kasunamëkë xanu a biakëxa.26Usaribiti rabë́ ian ka, rabë́ ꞌimainun achúshi ax ꞌiakëxa, usai ka mëkën achúshi ꞌimainun rabë́, a xukën kamabi këñuakëxa.27Usai ia kamabi bamakë ꞌain ka xanuxribi bamakëxa.28Asabi ka usa ꞌain kara baiskiti ꞌain, ¿Mëkën achúshi ꞌimainun rabë́ unikama aín xanu, uinu ꞌikë aín xanu kara kamaxubia a bia ꞌain ꞌiti it?29Jesusan ñukákëxun kakëxa: —¡Mitsun kamina kuënëo bana ꞌunankëma ꞌimainun Diosan kushi ꞌunanima!30Bama ꞌaish baiskitankëx ka uni ꞌimainun xanu birakatëntima ꞌikën, kamabi ka naínu ꞌikë ángel kamasaribi ꞌiti ꞌikën.31Bamakë kamaxa baiskiti a karamina ꞌunanima. ¿Mitsun karamina Dios kia a ꞌunaniman?32“ꞌËn kana Abraham, Isaac ꞌimainun Jacobaín Dios ꞌain” . ¡Ax ka Dios axa bamakë ainama ꞌikë, axa tsókë ainan ꞌikën!33Ësai Jesús kia kuati ka unikama sinan kasmakëxa, an ꞌunamikë bana a kuati.34Saduceo unikama Jesusan banatanuma kakë kupí ka fariseokama timëakëxa,35Anuxun ka an bana ꞌunairakë achushitan tankatsi kixun Jesús ësakin kakëxa:36Ñu ꞌunánkë uni, ¿Uinu ꞌikë bana ax ira kara ax kikësabi oi ꞌiti ꞌik?37Jesusan ka kakëxa: —Min ꞌIbu Dios kamina nuibakin min nuitu ꞌimainun min rara itsibëtabi anan min sinanbëtabi nuibati ꞌain. 38Ënëx ka ax kikësabi oira ꞌiti ꞌikë, a irapain kuati bana ꞌikën.39ꞌAibi ka bëtsiribi anu ikë, a kuakësaribi ax ësai kia: Bëtsi uni kamina mimi bë́ruankakësa usokin nuibati ꞌain.40Kamabi ënë bana rabë́tax ka kuënëo bana kikësabi oi ꞌianan profetakama kiásabi oi ꞌiti ꞌikën.41Anu pain ꞌikë ka fariseokama,42Jesús ñukakëxa: —¿Ui kara Mesías ꞌikë kixun karamina mitsun sinánin? ¿Uin bëchikë ka?
Kakëxun atun kakëxa: —Ax ka Davidtan rëbunki ꞌikën.43Jesusan ka ñukakëxa: —¿Uisa kupí kara Davidtan, aín Bëru Ñunshinan, ꞌunamikëxun ꞌën ꞌIbu Mesías kakëx? Uisa kupí kara David usai kiakëx:44—Nukën ꞌIbun ka ꞌën ꞌIbu kaxa: “ꞌË mëkeu kamina tsóti ꞌain, ax mimi nishkë unikama ꞌën min kushi shimú ꞌimimainun”.45¿Uisa ꞌaish kara Mesías Davidnuax uti ꞌik? Davidtabi ka ꞌën ꞌIbu kamina kixun kakëxa.46ꞌAibi ka a nëtën uinu ꞌikë uni achushinëbi a bana ñukakëxunkama ꞌikën, anuxun ka uinbi ñukatëkëama ꞌikën.
Kakëxun atun kakëxa: —Ax ka Davidtan rëbunki ꞌikën.43Jesusan ka ñukakëxa: —¿Uisa kupí kara Davidtan, aín Bëru Ñunshinan, ꞌunamikëxun ꞌën ꞌIbu Mesías kakëx? Uisa kupí kara David usai kiakëx:44—Nukën ꞌIbun ka ꞌën ꞌIbu kaxa: “ꞌË mëkeu kamina tsóti ꞌain, ax mimi nishkë unikama ꞌën min kushi shimú ꞌimimainun”.45¿Uisa ꞌaish kara Mesías Davidnuax uti ꞌik? Davidtabi ka ꞌën ꞌIbu kamina kixun kakëxa.46ꞌAibi ka a nëtën uinu ꞌikë uni achushinëbi a bana ñukakëxunkama ꞌikën, anuxun ka uinbi ñukatëkëama ꞌikën.
The Seed Company