Sofoníasi2
1Óundaragua humá huguya gürigia mabusigaritiña,2lubaragiñe hachagarún kei sagadi sáühali le agumuchagubei lidan aban weyu; lubaragiñe lábürühan lanarime ligañi Wabureme huagun; lubaragiñe lábürühan luéyuri ligañi huagun.3Áluaha huméi Bungiu sun huguya le ǘnabugubei ya ubouagu, huguya le adügübalin le lubeibei. Adüga huméi sun katei lidan lúaragun lau ǘnabuguni, háfuga ítara luba hadarirun aramudaguagülei lídanme luéyuri ligañi Wabureme.
Abeichúni le lunbei habihini néchanigu
4Lerederuba uburugu Gasa kei fulasu mageirawati, rédeime Asükalón málouga: Habugúba ha aganóubaña Asüdódu wéyuagu, hahulúba lílana Ekürón lau sun hálagüle.5Fugiabugu huguya Küretana, ha aganóubaña laru beya! Ariñaga laali Bungiu siadi le huagu: «Kanán hageira Filistéana, nagünrinchaguaadibu, nígiraadibu úouga aganóutiña bidan!6Ageiraü le lárubei beya lerederuba sagadi-ágeime le ñeinba lubéi hóundaragua hóuniri mudún, lerederuba hábiñeme mudún».7Hámeti erederubaña hádangiñe lumutuniña Hudá, herederuba lau ageiraü le danme liabin Bungiu íderaguaña, danme lasansiragun habunurun. Hóunigirubaña halügüniña ñein, ábame hemeraagun tidan muna burí to Asükalónboun áriebu.8Lariñahare Aburemei Suntigabafu le Lubungiute Ísüraeli: Aganba naali hanabahan Moábüna luma hanabahan Amonna. Lugundun hagía, anaba hamaaña numutuniña, ani wéiriguhaña lídangiñe hamúan. Ligía náfiñurunbei luagu nibagari luagu lasusereduba lan lun Moabü kei lasuseredun lun Sodoma, ani herederuba lan lílana Amón kei Gomora, herederuba icharime le hiiyu-agei, luma salu-agei, aban fulasu le málougati ñein súnwandan. Hámeti erederutiña hádangiñe numutuniña hasagarahabaña, ábame herederun hánime.10Ligíaba lafayeiruaha Moabü luma Amón luagu hanabuniña lumutuniña Wabureme, luagu luéirigun hanaagun houngua hawéi lumutuniña Wabureme Suntigabafu.11Hanarimebei Wabureme houn. Lagünrinchagubaña sun búngiugu ha fulasurugubaña, ábame lichugún uéiriguni lun lidan sun fulasu, íbini gürigia ha ubouhubaña híchuguba uéiriguni lun.12Íbini giñe huguya le Etiopíana, háfarawaguba giñe tau lefeinte Wabureme!13Liñurubei lúhabu luagun nórute lun lagünrinchaguni Asiria, lígirubei uburugu Níniwe málouga, lasaliraguagüdübei lun ábanme fulasu mageirawati le mábeiti.14Lahulúba burí tuenwena haban, ábame harounrun mudún luagu hama sun hawuyeri animaalugu áraabuna. Larumuguba garún luma fidigilieru luagu tuágaburi, hagúarahaba piánpiamu luagu burí funedera luma bena.15Anihán uburugu pántati le meha hemenigibei, le meha uágubei hariñaga lílana luagu ua lan libe ubouagu. Rédeiha málouga, hábiñehali animaalugu gáñitiña! Ha ásügürütiña lurugabugiñe hínwinruba ábame harihin gárati luagun.Bible Society of Honduras