Sálumu84
Tabusenruniwa luban Bungiu
1Lanarime san tubuidun bani sanduariu, Nabureme Suntigabafu!2Óunwenbu nayumahan lun ñéinbadina lan lidan tibürürün! Eremuhatina lun Lubungiutena ibagari lau ugundani tídangiñe sun nanigi!3Íbini dunuru ha ñǘbüritimabaña daritiña habara luagu bani latarü, lun hadügün hamasa harahüñü. Bungiu Suntigabafu, Nurúeite Nabureme.4Fuleseiwatiña ha aganóubaña búbiñe, ha alawahabalibu memeraagunga,5fuleseiwatiña ha adarirubaña híderawagun buma, ha ayumahabaña houdin alawahei Bungiu luagu luwübüri Sión!6Danme hásügürün luéigiñe fulasu wayati le mábeibei, hasaliraguagüdübei lísensenme duna, íbinime huya labuinchagüdübei lau abiniruni.7Aganwoundeina luba here, harihubei Bungiu le Íñugutimabei Sión.8Nabureme, Bungiu Suntigabafu, Lubungiute Hakobu, aganbabéi nafurieidun!9Bungiu, binibei le óunigirubaliwa arihabéi urúei le banúadirubei, lau arihini buiti.10Buítimati lerederúniwa aban weyu lidan bibürürün sügǘ lau milu bóugudi luéi! Himei nágili nawadigimaridun tubenari luban Nubungiute sügǘ lau naganóun hábiñe wuribatiña.11Ladüga harugoungadagüdati Bungiu le Aburemei wau, ani góunigilawa, hínsiñetiña ha harumabaña abagaridun lun Aburemei, rulei le buídubei houn.12Aburemei Suntigabafu fuleseiwatiña ha hemenigibaña buagun!Bible Society of Honduras