Sálumu85
Séfuyabawa!
1Aburemei, arufuda baali bubuidun houn lílana bageira le, sansi baali lubunurun Hakobu;2feruduna baali hariban bánigu luma sun hafigoun;3gáluma baali bigañi sunsuinagubei.4Wabungiute, Wesefuragüle, salbabáwa giñe guentó, hebé bagañidun wama!5Bagañiduba funagia wama lun súnwandan?6Míchugunyaadibu san ibagari woun lun wagundaarun bidan?7Aburemei, arufudabéi bínsiñehabu woun, sefubáwa!8Naganbubei le lunbei lariñaguni Nabureme, ladüga ladimureha luagu darangilaü houn lánigu, houn ha gúnfulibaña luma, lun madügünhaña lan lílülün aau.9Lidan linarün katei, yarafati Bungiu, lun lesefuruniña ha hínsiñehabubaña lun; laganóuba luéirigun lidan wageira.10Ladunraguba ínsiñeni luma inarüni, lachurubei darangilaü liyuma richaguaü;11láhüchüba inarüni múarugugiñe, ariha ligíame richaguaü siélugiñe.12Aburemei guánarügü láhuyagüdübei huya, ruleime wamúan lin.13Lídiba irichaü lubá lubá Bungiu, ani laranserubei üma lubá.Bible Society of Honduras