Sálumu83
Afurieiduni amuriahei lídehan Bungiu
1Bungiu, merederabá maniñu! Merederabá deregüdagu mariñagunga ni kata!2Arihabáña báganiñu, ha iyereehabúbaña bun: Chagaguatiña iñuragua hagía houngua buagun.3Eledeguatiña lun hadügün wuribati houn bánigu, lun hadügün wuribati houn ha bóunigirubaña!4Haritaguaaña hayabin agünrinchaguawa lun wagumuchagun ligibuagugiñe ubóu keisi néchani, lun maritawagúnwaali lan liri Ísüraeli.5Adügaaña aban daradu kóntüra buguya, eledeguaaña kei ábanrügü gürigia,6añahán burí áganiñu hagía: Ha tílana likianpun-agei Edomu ha ladügawagun Ísümaeli, tadügawagun Agarü ha aganóubaña Moabü,7Gebalina, Amonna, Amaléküna, hama Filistéana ha aganóubaña Tiru;8óundaraaña giñe Asiriana hama, ani hagía arünaübaña héreti houn lirahüñü Lotu.9Adügabá houn kei badüga houn Madianna, kei badüga lun Sísara luma Habín lidan duna le gíribei Kisón,10ha agünrinchawagubaña Endoru; ha adügǘbaña lun hádigame animaalu múarugu!11Adügabá houn gürigia ha wéirigubaña ñein kei badüga lun Orebü luma lun Seebü; adügabá houn sun hábutigu kei badüga lun Seba luma lun Salümuná,12ha yebe abusenrubaña hóuyedun lau lumúan Bungiu.13Nubungiute, adügabá lun habalabahan kei ubanaü, kei sagadi sáühali le lanügün garabali;14ani ítara kei láguduni watu gemeti dabíara gumuguagüdalei wübü lau ligeme,15ítarala béibaahaniña lau luriban dan adüga buguyame lun hanufudedun lau herigini.16Rúbaña lidoun busiganu, Aburemei, áluaha hamaamugabu;17nibusigarigüdawa hamá lun súnwandan, hilagua hagíame lau busiganu!18Subudi haméi luagu buguyarügüñein lan Aburemei, buguyarügüñein lan le Íñugutimabei ligibuagu sun ubóu!Bible Society of Honduras