Sálumu43
1Bungiu, rubei niricha nun; númagiñeba kóntüra gibe tubungiutegu ha! Sefubána hawéi ha marasualugubaña luma hawéi ha salufuribaña.2Ladüga buguya Nubungiutebei le óunigirubalina! Ka san uagu badisedagüdana buáriua? Ka san uagu mosu lubéi hasufuriragüdünina náganiñu?3Óunahabei bigemeri luma binarün lun larufuduni üma nun barüya láamugana lun Sión, lidoun buwübüri le sándubei, tidoun buban, fulasu le ñein lubéi baganóua.4Ábameti niabin luagun bani latarü Nabureme, ábame neremuhan bun ñein lau tamuri árüpa, ladüga buguya, Nubungiute, buíngüda bumuti nibagari lau ugundani.5Kaba san uagu lárügüdana maguraasuni? Kaba san uagu nadiherida? Ru naali nemenigin luagu Bungiu, ani nalawahamémebei. Ligía Nubungiutebei Nesefuragüle!
Bible Society of Honduras