Sálumu110
Ruti Aburemei ubafu lun Urúei
1Lariñahare Bungiu lun Nabureme: «Ñuruba luéigiñe nóunwenren darí níchuguniña báganiñu lábugiñoun bugudi».2Lúmagiñe Sióngiñe derege lumuti Aburemei badun lánina agumadihani bun, le arufudubalin bubafu; gumadibaña lubeiti báganiñu!3Deregeguatiña bánigu houngua bun lidan luéyuri bagañeirun. Luagu burí wübü sánduti, ani ítara kei lábürühan serenu lubá larugan, ítara luba giñe nibureinguaya ban weyu luagun weyu.4Adügaali Aburemei aban áfiñuruni, ani madüraagun lubéi: «Fádiri buguya lun súnwandan, ítara kei Melükisedekü».5Anihein Aburemei luéigiñe bóunwenren; lagünrinchaguba urúeigu lidan luéyuri ligañi;6lasiadirubaña néchanigu, lóundaraguagüdüba saragu hágubu hilaaña, labouhaba ichügü lidan sun ubóu!7Látuba duna ǘmada lídangiñe aban liraüraü duna, ábame líchugun duna iseri erei lun.Bible Society of Honduras