Sálumu111
Alawahani luagu le ladügübei Bungiu
1Alawahoualá Aburemei!Neremuhaba lun Aburemei tau sun nanigi lidan hadamurin wügüriña harumatiña, hadan sun lílana fulasu.2Wéinamuburiti katei le ladügübei Aburemei, ani aturiaha hamuti ha hínsiñehabubaña lun katei burí ligía.3Katei le ladügübei buídumeraüti ani wéirigu ligía, ani rédeiti liricha lun súnwandan.4Adügaali lun mabulieidadiwa lan luadigimari.
Areidati Aburemei, gudemehabu ligia;5ruti éigini houn ha inebehabubaña lun, haritaguati luagu lidaradun súnwandan!6Arufuda lumuti lubafu luadigimari houn lánigu lau líchuguni hafulasun gibe tubungiutegu houn.7Le ladügübei richati ani inarüniti; gayaraati lemenigidúniwa luagu lugumadin,8ladüga derebuguti lugumadin darí lumoun leben dan, ani lau inarüni luma úarani ladügǘwa.9Sefu lumutiña lánigu, derebugugüdalei lidaradun lun súnwandan. Sánduti Bungiu ani gabafu ligía.10Linebenwa Aburemei ligía lueirin-ágeibei lichú aau; chuti hau ha inebehabubaña lun. Lalawahóuba Bungiu súnwandan!
Bible Society of Honduras