Ariñawagúni6
Libügürü adúeihani
1Niráü, ánhabu íchaagua bungua lun bafayeiruni ladúeihan bumada, o bíchaagun bungua lun barihin lau aban terencha;2bagüraguña bungua lau biyuma guánarügü, badaüraguña bungua lidan bererun guánarügü.3Niráü, anhein lúhaburuguñadibu lubéi amu, adügabéi katei le lun besefurun: Bulieibéi anaaguni unguaü, aguburahabéi bumada.4Marumugabá, memeraaguabá ni murusun;5anurahabá, kei lanurahan usari luéi éibaahati; anurahabá, kei tanurahan dunuru tuéi sádara.Eweridihani houn magúalitiña
6Buguya le magúalibei, arihabá houn haü, arihabá lun hawadigimari, furendeibá hámagiñe:7Lau sun ua lan agumadirutiña, ua ariñaguti houn kaba lan hadüga,8áluaha hamuti heigin irumurugu, areidaha haméi lidan lidaani alubahani.9Hebé berederun arumuga, magúaliti! Hebé berederun róundügü!10Sun abunha lan arumuga o abunha lan áriha, ani cháguabei barüna lun buídutima lan barumugun,11liábinba gudemei ageindagua buma kei aban éibugañahadügüti le gárumateti.Hagaburi salufuritiña
12Gürigia ha salufuribaña, súnwandan habahüdaguña lan iyeeni;13ámuruha hamuti hagu, adaaguatiña seini lau hagudi luma lau hafinga;14wuribati hasaminan, súnwandan hasaminarun hadügün wuribani, luma herederun agubuha wuribu.15Ligía sódiniba lubéi liabin günringuaü houn; kei lámurudun luma ladaarun agu ítara luba hagünrinchawagun sunsuinagubei.Katei le mínsiñebei lun Bungiu
16Anihein sedü katei mínsiñeti lun Bungiu:17Agu pántati, iñeñein yeetu, úhabu le áfarahati gürigia maduruntiña;18Ichügü le afansehabei wuribani, ugudi le óufudahabei adüga wuribani,19gefentiña ha yéetiña, hama ha agubuhabaña wuribu hadan íbirigu.Katei le burí lanügübei agabarahani
20Niráü, areidabei hagumadin bagübürigu luma harufudahan lidan bisaminan súnwandan.21Barübei tidan banigi súnwandan, gürabei luagu bigiina.22Ladundehabadibu lidan buéiyasun, lóunigirubadibu dan le barumugun, layanuhaba buma dan le bagagudun.23Lidan inarüni, gumadi luma arufudahani, ítara liña kei aban igemeri durunguati; adeinhani luma eweridihani, ligía lémeribei ibagari.24Lóunigirubadibu tuéi würi salufuritu, luma luéi libimen tererun würi maríeitu to gagabarahatu.25Mawamadirabéi tumagadiñen tidan banigi, Mígiraba lun tadiginibu lau ligaburi tarihin!26Würi to horu, téibaahaña teigan fein; ánhounti to maríeitu to gagabarahatu, téibaahaña wügüri gebegiti.27Ha íchugutiña watu gemeti haniguagu, táguduba hadaüragun.28Ha éibugutiña ligibuagu leñegura watu, lachuraruba hagudi.29Ha arumugutiña tuma würi maríeitu meredebaña mabeichúnga.30Úatiña iyereehabútiña lun híweruti le íweruhabei lun lagalumaruni lilama,31lau sun anhein lan árügüdüwa íweruha, gasu láguyugüdüni líweru sedü wéiyaasu, íbini lun líchuguni sun le lúmati lun lafayeiruni.32Ibidiouguati hau gürigia ha ádaragubaña houngua tumoun würi maríeitu! Ha adügütiña katei le, hagünrinchaguña houngua!33Háfaguba buleseiti luma anabawaguni, ani úabei ni kata lun lagidaruni lǘnabun hanügǘn.34Ladüga wügüri emeiditi, ítara liña kei watu gemeti, úati feruduna lan lidan lidaani láguyugüdün wuribani.35Máhati lun fáyeiti ni ka úmagiñe, magalumarun ligía ni anhein ichugúa saragu idewesei lun.Bible Society of Honduras