Ariñawagúni25
1Anihán le, lariñagun burí giñe Salomón, le habürühabei gürigia ha eseriwidubaña lun Esekíasi le lurúeite Hudá.2Luéirigun Bungiu anihein lan katei aramudaguati luma, inebesei lun urúei lasubudiruni katei aramudaguati ligía.3Liñun sielu, lilulin ubóu, luma hasaminan urúeigu, siñati lachülürǘniwa lumoun.4Gidabei le mabuidunbei luagu pülata ábame ladügün nadagimeinti pülata aban kopu;5Gidabaña gürigia ha salufuribaña lídangiñe eseriwiduni lun urúei, ábame derebugu lan larúeihan lidan richaguaü.6Manaaguabá bungua weiri ligibugiñe urúei, manügünbeime giñe habara gürigia wéirigutiña;7buítimati lun bamisurahóun lun bawarirun, sügǘ lau banügǘn ǘnabun hagibugiñe gürigia wéirigutiña.
Katei le barihubei lau bagu,8móufudahaba ñüdün ariñagei ligibugiñe aguseragüdüti, luéi liabin amu gefenti, lariñagame luagu biyeeni lan, ibidiñemeti bun kaba lan badüga.9Badimureha buéigiñegua ligibugiñe le íchuguti bidurun, gama lumoun madimurehabá luagu katei aramudaguati le hani amu;10ladüga gayaraati laganbunibu amu ábame lígirunibu lidan busiganu; ábame máranina lan luriban ladimurehoun buagu.11Dimurei le ariñawaguti lidan dan; ítara liña kei mansana lautu golu lidan pülata.12Ítara liña ladagarun ererehóuni houn ha ánhabaña heresibiruni keisi aban bagü luma aban iñari le lauti golu le fínutimabei.13Ítara haña óunagüleigu ha gúnfulibaña buidu houn ha óunahabaliña kei lidili niewe lidan lidaani lárouga, rútiña iseri gurasu lun hayubudiri.14Ítara haña ha ariñagubaña luagu híchuguba lan ani míchutiña ni kata, kei lesetirun huya ani máhuyunti.15Gáluma lumuti gurasu igañi, günringua lumuti dimurei huáliti éregu.16Ánhabu adarira sírudu, matabá lóugiñe le lunbei bátuni, ladüga ánhabu ata saragu, bewerahabéi.17Ánhabu ñüdün ebeluha lumoun bumada, mídinba sagü weyu, buchaliñein luagu bubá ábame biyereegudun lun.18Ha adimurehabaña mámagu ligía hawagu hamadagu, ítara haña kei eféin luma kei gimara.19Ítara liña lafiñerúniwa hawagu gürigia ha gagarabaaguaditiña lidan lidaani idiheri, kei leibugúniwa lau aban úrunaü halaguaali o leiginiwa lan lau aban ari fuduhali.20Ítara liña leremuhóun uremu houn gürigia ha láuñanu idiheri, kei lichugúniwa binigá luagun guméi o tagidarúniwa lan daüguaü lidan lidiliga.21Anhein lamá habéi báganiñu, ruba éigini houn; anhein mágürabu habéi, ruba duna houn;22ítara luba badügün lun léigaaguniña busiganu, ani lafayeirubei Bungiu bun.23Ítara kei lanügün garabali nóruterugugiñeti huya, ítara liña tanügün iñeñein wuribatu luriban igibu.24Buítimati laganóuniwa tarigeirugu muna, sügǘ lau tidan muna wéiritu tuma aban würi ganigitu wuribu.25Keisi duna diliti lidan mágürabu, ítara liña lábürühan uganu buiti le dísegiñeti.26Ítara haña gürigia maduruntiña ha adadagarubaña hagibugiñe ha gadurunbaña kei lísensen duna dagumeti.27Wuribati latún saragu sírudu, gama lumoun buiti lachiahóun libügürü katei hénrenguti.28Ítara haña gürigia ha mágüdaagunbaña houngua, kei uburugu mabarieirúnti.
Katei le barihubei lau bagu,8móufudahaba ñüdün ariñagei ligibugiñe aguseragüdüti, luéi liabin amu gefenti, lariñagame luagu biyeeni lan, ibidiñemeti bun kaba lan badüga.9Badimureha buéigiñegua ligibugiñe le íchuguti bidurun, gama lumoun madimurehabá luagu katei aramudaguati le hani amu;10ladüga gayaraati laganbunibu amu ábame lígirunibu lidan busiganu; ábame máranina lan luriban ladimurehoun buagu.11Dimurei le ariñawaguti lidan dan; ítara liña kei mansana lautu golu lidan pülata.12Ítara liña ladagarun ererehóuni houn ha ánhabaña heresibiruni keisi aban bagü luma aban iñari le lauti golu le fínutimabei.13Ítara haña óunagüleigu ha gúnfulibaña buidu houn ha óunahabaliña kei lidili niewe lidan lidaani lárouga, rútiña iseri gurasu lun hayubudiri.14Ítara haña ha ariñagubaña luagu híchuguba lan ani míchutiña ni kata, kei lesetirun huya ani máhuyunti.15Gáluma lumuti gurasu igañi, günringua lumuti dimurei huáliti éregu.16Ánhabu adarira sírudu, matabá lóugiñe le lunbei bátuni, ladüga ánhabu ata saragu, bewerahabéi.17Ánhabu ñüdün ebeluha lumoun bumada, mídinba sagü weyu, buchaliñein luagu bubá ábame biyereegudun lun.18Ha adimurehabaña mámagu ligía hawagu hamadagu, ítara haña kei eféin luma kei gimara.19Ítara liña lafiñerúniwa hawagu gürigia ha gagarabaaguaditiña lidan lidaani idiheri, kei leibugúniwa lau aban úrunaü halaguaali o leiginiwa lan lau aban ari fuduhali.20Ítara liña leremuhóun uremu houn gürigia ha láuñanu idiheri, kei lichugúniwa binigá luagun guméi o tagidarúniwa lan daüguaü lidan lidiliga.21Anhein lamá habéi báganiñu, ruba éigini houn; anhein mágürabu habéi, ruba duna houn;22ítara luba badügün lun léigaaguniña busiganu, ani lafayeirubei Bungiu bun.23Ítara kei lanügün garabali nóruterugugiñeti huya, ítara liña tanügün iñeñein wuribatu luriban igibu.24Buítimati laganóuniwa tarigeirugu muna, sügǘ lau tidan muna wéiritu tuma aban würi ganigitu wuribu.25Keisi duna diliti lidan mágürabu, ítara liña lábürühan uganu buiti le dísegiñeti.26Ítara haña gürigia maduruntiña ha adadagarubaña hagibugiñe ha gadurunbaña kei lísensen duna dagumeti.27Wuribati latún saragu sírudu, gama lumoun buiti lachiahóun libügürü katei hénrenguti.28Ítara haña gürigia ha mágüdaagunbaña houngua, kei uburugu mabarieirúnti.
Bible Society of Honduras