Hoeli3
Laguseragüdübaña Wabungiute néchanigu
1Lariñahare Wabureme: «Danme lachülürün oura ligía, nadügüba lun lasansiragun lubunurun Hudá luma Herusalén.2Nóundarubaña sun néchanigu, nanügübaña luagun fulasu wayati Hosafátü ábame naguseragüdüniña ñein luagu le hadügübei houn Ísüraelina ha numutuniña. Ladüga chagagua hamutiña Ísüraelina lidoun sun ubóu, aba hafanreinhani nageira hádangua.3Fánreingua hamutiña numutuniña hádangua, aluguraha hamutiña irahüñü, aba hewesiruni seinsu tuagu diwéin luma hawagu horu».Lasiadiruniña Bungiu néchanigu
4—Ka habusenrubei númagiñe, Tiru, Sidón luma Filistéa? Busentün haguburahan somu katei? Madisebei nafayeiruni le hadünabei hun!5Íweruha humuti nani pülata luma nigolun, barǘ humuti nirisin tidoun hitenpulun.6Barǘ humutiña lílana Hudá diseun hama lílana Herusalén aba haluguruniña houn Güresiana keisi idamuni.7Gama lumoun nasagarubaña lídangiñe fulasu le ñein lubéi haluguraña, ábame nasufuriragüdünün kei hagía.8Nalugurubaña hirahüñü houn huríu lun haluguruniña huríu houn Sabaana, gürigia dise tageira. Au le Aburemei ariñagubalin.9Subudigüda huméi le houn sun néchanigu: Agúaraha huméi wuribu! Wa humá houn ganigitiña! Ñübuin hamá wuriburuguna, awanse hamá!10Hadaagua eféin tau hahuute, luma abeihagülei lídangiñe harufunte ariñagalá le débilibei: «Ganigitina!»11Sun huguya néchanigu ha yarafabaña, óufuda humá, higougu hóundaragua! Le gürigia le gálumabei, lawuribuha!12Aranse hamá néchanigu, heiba luagun fulasu wayati Hosafátü, ladüga ñeinba laguseragüdaña Wabureme sun néchanigu ha yarafabaña.13Ladüga lueirin hariban, chaün humaña kei türigu funaali, lugundun lidaanihali alubahani. Chuingua humaña kei beibei, ladüga aranseli sun katei lun tadügün diwéin,14Añahein saragu gürigia luagu fulasu wayati le gíribei Diseidi, ladüga yarafaali luéyuri Wabureme.15Laburigaduba weyu luma hati, heferidirubei waruguma harugounga.16Dan laganbagüdüni Wabureme lumalali le ítarabei kei wayuhuru luéigiñe wübü Sión, uburugu Herusalén, adadagarati sielu luma múa. Gama lumoun Wabureme, aban aramudaguagülei ligía houn Ísüraelina ha lumutuniña.Labiniruniña Wabureme lumutuniña
17«Huguya, hasubudirubei luagu au lan le Habureme le Hubungiute, aganóua nan Sión. Ábanbei uburugu sánduti Herusalén. Márügüdündigia hamaali terencha.18Lídanme weyu ligía, tésehaba diwéin luma míligi kei duna luéigiñe burí wübü, líchuguba burí lirahüñü lidunari Hudá saragu duna. Lésehaba aban lísensen duna nitenpulunrugugiñe le lunbei láturaguni lani Sitimü fulasu wayati.19Lagünrinchawaguba Ehiptu, liábinba Edomu lun ábanbei lan fulasu mageirawati, ladüga hageindagun hama lílana Hudá, ladüga háfaraguniña maduruntiña.20Nafayeiragüdübei hóunwegun, úabei feruduna nani le gadurunbei. Gama lumoun ñéinbaña gürigia aganóua Hudá luma Herusalén súnwandan, Au, le Aburemei, naganóuba luagu wübü Sión».Bible Society of Honduras