Hoeli2
1Win humóun fidu luagu wübü Sión; win humá le lánina awisahani luagu luwübüri Wabureme. Adadagara hamá sun ha aganóubaña Hudá, ladüga yarafaali luéyuri Wabureme;2luéyuri luburiga luma lamuñounga, luéyuri dúeri le wuriti. Hadaagun chagagaru damichi Añahein saragu súdara héretiña luagu burí wübü kei larugounga le lánina larugadun. Marihínñahagili katei ítaraburiti, ani marihínwadigiaali.3Ítara haña kei watu gemeti le agumuchaguagüdübalin sun le ladarirun lubarua; le águdahabei lubaragiñe lásügürün luma lárigiñe lásügürün. Múa le meha wéndebei lubaragiñe hachülürün, ítara liña kei aban fulasu mageirawati lárigiñe houdin. Úati ni kata esefuruti hawéi!4Henege gabayu hagía, éibaaguatiña kei gürigia ha hawagutiña gabayu,5le harein dan le hachubarun luagun burí wübü, ítara liña kei tamuri burí karü to lánina wuribu, kei lamuri ubanaü sáühali dan le lágudun wáturugu, ítara haña kei súdara héretiña ha aransetiña lubá wuribu.6Adadagaratiña gürigia dan le harihiniña.7Keisi wügüriña wuriburuguna ha ganigitiña, éibaaguatiña, warí hamuti burí baríeiru, awansetiña habaruaguóun meferidirunga haméi hémeri.8Mabuguchaguntiña hawougua; héibugun kada aban luagu hémeri, sügütiña tabadinaguagiñe gimara machagaragunga hagía.9Belutiña uburugun, éibaaguatiña ligibuagu baríeiru, waritiña tuéigiñe burí muna, belutiña lídangiñe funedera kei híwerutiña.10Adadagarati múa hagibugiñe, hingiguati sielu, búriti weyu luma hati féridi hamuti waruguma hámirihan.11Aganbagüda lumuti Wabureme lumalali le ítarabei kei wayuhuru hagibugiñe lisudaran. Gíbetiña lisudaranigu; siñati habahüdün ha agunfulirubalin lererun. Wéiriti ani hanarimeti luéyuri Wabureme! Úati kaba lan gayara lawanduni.
«Nóunaha türigu houn luma diwéin luma garaba darí hakimuledun; mígirundigiaadina lun hadügün gibe tubungiutegu ha bula hau.20Nadisedagüdübaña chagagaru ha ñǘbuinbaña luéigiñe nórute huéi, ábame nachagaruniña lidoun fulasu mageirawati. Nañaradaguagüdübaña ha ubaraübaña lidan barana hilaali, ha árigibaña lidan Mediteraniu, ábame lañaladun hágubu ábame língidun, Nadügüba katei wéinamuburiti!21«Gundaaguabá saragu, múa, manufudedabá, lugundun ladügüba Wabureme katei wéinamuburiti.22Manufudeda humá animaalugu áraabuna, lalumadayaba sagadi, lagindayaba nadü, ñeinboun saragu igu tuma beibei.23Gúndaagua humá, huguya lílana Sión, gunda humá luma Wabureme le Wabungiute! Áhuyagüda laali huya hun lidan dan, huya lárigiñe alubahani luma huya lubaragiñe alubahani ítara kéiñaha ladügüni.24Ñeinbei aban buiti lalubahóun türigu luma saragu diwéin luma garaba.25Nafayeirubei irumu burí le heferidirubei hun hadüga chagagaru, súdaragu gagünrinchaguaditiña ha nóunahabaña huagun.26Héigiba darí hakimuledun ábame heremuhan lun Wabureme le Wabungiute, ladüga adügaadina óunwenbu burí katei huagu. Manügündigiaañame numutuniña busiganu,27ani huguya Ísüraelina, hasubudirubei luagu anahein lan huma au le Aburemei, luagu au lan Hubungiutebei, úati amu nuéi. Manügündigiaañame numutuniña busiganu!»
Lugudemehabu Wabureme
12«Gama lumoun guentó —lariñahare Wabureme—, giribu humá nun tau sun hanigi. Hayunara, hagúaragua, hayahua!»13Giribu humá lun Wabureme le Wabungiute, héirigua humóun hanigi, mamalá hadaüragun haheiridagua! Lugundun gudemehabuti Wabureme, wéiriti lareini ani hínsiñehabuti, aranseñu liña súnwandan lun lerederuni labeihan.14Háfugadügü laritagun mabeichun lanün, ábame lóunahan abiniruni hun luma ilaü luma diwéin lun lidewese Wabureme le Wabungiute.15Win humóun fidu luagu luwübüri Sión! Óundaragua humaña gürigia, ayunara huguyame;16Óundaragua humaña lumutuniña Wabungiute; harumagüda humaña; óundaragua humaña wéiyaaña mutu, irahüñü hama ha guragiña. Íbini ha sun liñabei hamarieidun, furí hamá harumunrugugiñe!17Hayahuaha fádirigu, ha eseriwidubalin Wabureme lidan tibürürün ténpulu ariñaga humá labadinagua tebelaagüle ténpulu luma latarü: «Wabureme, ferudunabaña bumutuniña; mígiraba lun ladügǘn bula hau bánigu; mígiraba lun hadügüni amu néchanigu habusenrun hau, ni lun hariñagun gibe tubungiutegu: “Hagéi san Habungiute?” »Labiniruniya Wabureme múa
18Ábati larufuduni Wabureme línsiñehabu houn lumutuniña; aba gudemehabu lan houn,19aba lariñagun:«Nóunaha türigu houn luma diwéin luma garaba darí hakimuledun; mígirundigiaadina lun hadügün gibe tubungiutegu ha bula hau.20Nadisedagüdübaña chagagaru ha ñǘbuinbaña luéigiñe nórute huéi, ábame nachagaruniña lidoun fulasu mageirawati. Nañaradaguagüdübaña ha ubaraübaña lidan barana hilaali, ha árigibaña lidan Mediteraniu, ábame lañaladun hágubu ábame língidun, Nadügüba katei wéinamuburiti!21«Gundaaguabá saragu, múa, manufudedabá, lugundun ladügüba Wabureme katei wéinamuburiti.22Manufudeda humá animaalugu áraabuna, lalumadayaba sagadi, lagindayaba nadü, ñeinboun saragu igu tuma beibei.23Gúndaagua humá, huguya lílana Sión, gunda humá luma Wabureme le Wabungiute! Áhuyagüda laali huya hun lidan dan, huya lárigiñe alubahani luma huya lubaragiñe alubahani ítara kéiñaha ladügüni.24Ñeinbei aban buiti lalubahóun türigu luma saragu diwéin luma garaba.25Nafayeirubei irumu burí le heferidirubei hun hadüga chagagaru, súdaragu gagünrinchaguaditiña ha nóunahabaña huagun.26Héigiba darí hakimuledun ábame heremuhan lun Wabureme le Wabungiute, ladüga adügaadina óunwenbu burí katei huagu. Manügündigiaañame numutuniña busiganu,27ani huguya Ísüraelina, hasubudirubei luagu anahein lan huma au le Aburemei, luagu au lan Hubungiutebei, úati amu nuéi. Manügündigiaañame numutuniña busiganu!»
Luéyuri Wabungiute
28«Lárigiñeme burí katei le, nóunahabei nani Sífiri hawagun sun gürigia: Hadimurehaba hisaanigu luéigiñe nóubadina, gewenedübaña wéiyaaña mutu, harihuba wügüriña nibureintiña arufudúni.29Lidoun burime weyu ligía, nóunahabei giñe nani Sífiri hawagun idamuni;30narufuduba óunwenbu burí katei buiti sielu, narufuduba giñe hitaü, watu gemeti, luma dúeri lau gumuleli ubouagu.31Laburigaduba weyu, láfunaduba hati kei hitaü, lubaragiñe lachülürün luéyuri Wabureme, weyu wéiriti ani hanufunati».32Gama lumoun sun ha agúaruti liri Wabureme, hesefuruba lídangiñe óunweni, ladüga ñeinbei esefuruni luagu wübü Sión le lani Herusalén, ítara kei lariñaguni Wabureme. Ha anúadira láañabaña herederuba wínwanñu.Bible Society of Honduras