Hobu8
1Ídaba san lásura badimurehan ítara, kei aban garabali lauti herigini?3Mésegerun lumuti Bungiu Suntigabafu úarani luma irichaü.4Chóuruti luagu afigouha hamá birahüñü ligibugiñe Bungiu, aba líchuguni abeichúni le hadünabei houn.5Áluahabei Bungiu Suntigabafu, amuriahabá luma lun gudeme ban lun.6Ánhabu éibuga lidan arumani luma ísuruni, lóunigirubadibu, ábame líchugunu muna to badünaboun bun.7Ni kátabei irisini le meha búmabei lóubagiñe le lunbei bibihini lárigiñe le.8Álügüdahaba hama wagüchagu, furendeibá hámagiñe wayunagu.9Wagía wurinougatiwa, ibidiñeti ni kata woun; ítara liña lásügürün wadaani ya ubouagu kei aban lamuñounga.10Ánhañati wayunagu gayaraabei hadimurehan bun, arufudaha hagíame saragu katei bun.11Lérügüñein ñein lumuti saragu duna láhücha mibi luma tídibu nadü;12lau sun lira, íbini ñulugili lan ani máchuahoun ligía, saüti lubaragiñe amu sagadi.13Ligiaméme giñe asuseredubei houn wuribatiña, ha abulieidagubaña luéi Bungiu: Masaliti le uágubei hemenigida.14Aba ligaburi hemenigin luma hachoururagun houngua kei hágüra gúnrenren.15Busenbaña hárügüdün luéigiñe tifilun hágüra gúnrenren, gama lumoun láhüchüraguba; odi habalachun lan tuagun, gama lumoun mawandun tubaña.16Ítara haña wuribatiña kei híduru wurigili lábugiñe weyu lidan fuluri-agei.17Gougua lumuti lílagüle labadinagua dübü, aba labadülerun luagu,18gama lumoun anhein ahulúa ñéingiñe, ibidiñewabei luagu ñeinñein lan buga.19Ítara liña lagumuchun lawanserun, ábati láhüchün ámuya híduru leweñegua.20Mígirun lumutiña Bungiu gürigia ha harumabaña óuserun, ani míderagun lumutiña giñe ha wuribabaña.21Ladügüba lunya béherahan luma lun bagúarahan lau ugundani;22ánhañati báganiñu habuinchuba lau busiganu, ani tagünrinchawaguba giñe haban ha wuribabaña.
Bible Society of Honduras