JOB21
1Nao Job i talem se,2“Trifa la.Plis yufala i lesin gudlong ol tok blong mi.Hemia nomo fasin we mi stap askemblong yufala i mekem long mi,from we hemia naofasin we i save leftemaptingting blong mi.3Plis yufala i letem mi mi tok.Mo taem mi finisim tok blong mi,bambae yufala i save jikim mimo yufala i save laf nogud long mi,olsem we yufala i wantem.4!Mi mi no stap rao long man!!Mi mi stap rao long God!!Mo mi no save holem kros blong mi,be i stret nomo blong mi mekem olsem!5!Yufala i traem luklukgud long mi!?Ol samting ya we i kasem mi,oli no naf blong mekemyufala i seksek, yufala i stap kwaet?6Mi, taem mi luk ol samting ya,mi lusum hed,mo mi fraet we mi seksek from.7“?From wanem God i stap letemol man nogud oli stap laef,oli stap kam olfalawe oltaem oli stap win bigwan?8Oli gat ol pikinini blong olgetamo ol smol bubu blong olgeta,mo oltaem oli stap blong lukolgeta ya oli kam bigwan.9Hom blong olgeta i stap gud oltaem,mo fraet i no save spolem olgeta.Neva God i save mekem olgetaoli kasem bigfala trabol.10Oltaem ol buluk blong olgeta oli gat bel,mo oli stap bonem pikinini isi nomo.11Ol pikinini blong ol man olsem,oltaem oli stap gud,oli stap resis olbaot,mo oli stap pleplei olsem ol pikinini blong sipsip.12Olgeta oli stap kilim tamborin mo gitamo oli stap blu long bambu,mo oli stap danis.13Ol man olsem,oltaem oli stap long pis nomo,mo biaen, oli ded kwaet nomowe oli harem gud.14“Olgeta oli stap talem se,‘God, yu gowe long mifala.Mifala i no wantem folem rod blong yulong laef blong mifala.15?Yu yu wanem ya?I no nid blong man i stap mekemol samting we yu yu wantem.?Sipos man i stap prea long yu,bambae hem i winim wanem?’16Olgeta oli talem se oli stap winlong paoa blong olgeta nomo,be mi mi no save agri natinglong tingting blong olgeta.17“Be neva yumi luk samtaemwe man nogud i ded wantaem nomoolsem we laet i ded,no we i kasem bigfala trabollong laef blong hem.Mo neva God i kros, i panisim olgeta,18we i sakemaot olgeta oli go lus,olsem drae gras no asiswe win i blu long hem,i karem i go.19“Yufala i stap talem se,‘God i stap panisim ol pikininifrom ol sin blong papa blong olgeta.’!Be fasin ya i nogud!I moa gud God i panisim manwe i mekem sin,blong i save soemaotwe i stap panisim hem from ol sinwe hem nomo i mekem.20I moa gudman we i mekem i nogudi karem panis from ol samting yawe hem nomo i mekem.God i gat olgeta paoa,mo i moa gud man olsem i kasemfulpaoa blong kros blong hem.21Taem laef blong man i finis,hem i no save wari long hom blong hem,se ol pikinini blong hembambae oli glad no nogat.22Be God i stap jajem olgeta manwetem olgeta we oli gat hae nem,mo i no gat man i save tijim hem.23“Sam man oli stap gud,oli no sik gogo kasem dei we oli ded.Mo oli ded we oli no gat trabol nating,oli hapi nomo,24mo bodi blong olgeta i fatfat gud.25Mo sam man oli no hapi nating,oli stap gogo oli dedwe oltaem, tingting blong olgetai trabol tumas.26Be olgeta evriwan i sem mak nomo.Bambae oli mas ded,bodi blong olgeta i mas go long graon,mo maget bambae i mas kavremap olgeta evriwan.27“Mi mi savegud tingting blong yufala.Yufala i no laekem mi nating,yufala i wantem spolem mi nomo.28Yufala i stap talem se,‘Nating we man i gat hae nem,be i no save stap longtaem.Man we i stap mekem i nogud,haos blong hem bambae i lus olgeta.’29Ating yufala i no storian yetwetem man we i stap wokbaotlong ol narafala kantri.Ating yufala i no harem ol storiwe man olsem i stap talem.30Taem we God i kros,i stap panisim ol man,be oltaem,hem i stap livimaot ol man nogud.31I no gat manwe i save go tok long man nogud,blong talemaot ol poen blong hem,no we i save givimbak long hemol rabis fasin we hem i mekem.32Mo sipos man olsem i ded,nao oli karem hem i go long beregraon,oltaem i mas gat ol gadoli stap lukaot gud long hol blong hem,33mo oltaem i gat plante man tumasoli wokbaot i go blong putum hem long hol,mo graon tu i kaen gud long bodi blong hem, i kavremapgud hem.34“Yufala i stap talem ol krangke toktok nomoblong traem leftemap tingting blong mi.Evri tok we yufala i talemi giaman toktok nomo.”
Bible Society of the South Pacific