JOB20
1Nao Jofara i talem se,2“Job,yu mekem mi mi harem nogud ya.Naoia mi no moa save holem kros blong mi,mi mas givim ansa long yu.3Tok ya we yu yu talem i nogud,yu stap tok nogud long mi ya,be mi mi save givim ansa blong hem long yu.4“Yu savegud we i stat bifo olgeta,long taem ya we God i putumfas man long wol ya,i kam kasem tede,5be i no gat man nogudwe i save stap glad longtaem.6Man olsem i save kam haeman,we nem blong hem i save go antap,i winim ol klaod, i go kasem skae,7be hem bambae i lus olgeta,olsem asis nomo we win i blu long hem i go.Ol man we oli save hembambae oli askem se,‘?Ei, wehem man ya?’8Bambae hem i lus olsem drimwe man i fogetemgud,we neva i save tingbaot bakegen.9Bambae hem i gowe long ples blong hemwe i go lus olgeta,nao ol man ples blong hembambae oli no moa save luk hem bakegen.10Mo ol pikinini blong hembambae oli mas yusum mane blong hemblong stretem ol samtingwe hem i stilim long ol puaman.11Nating we hem i no olfala tumas,we bodi blong hem i strong yet,be i no longtaem,bambae i kam olsem asis nomo.12“Nating we fasin nogudi olsem gudfala kakae blong hem,we hem i stap holem long maot blong hemblong i save harem gud long tes blong hem,14be biaen,kakae ya i kam olsem posen,i spolem bel blong hem.15Hem i stap haedemol gudgudfala samting we i stilim,olsem we i solemdaon olgeta,be God bambae i tekembak ol samting ya,olsem we i mekem man ya i traot,nao oli kamaot bakegen.16Ol samting ya we hem i solemdaonoli kam olsem posen,we bambae oli kilim hem i ded,olsem we posen snek i kakae hem.17Nating we garen blong hem i gud tumas,we oltaem i stap karem fulap kakae,mo plantesen blong olif* blong hemi stap givim olifoel* olsem reva we i ron,be hem bambae i no save stapblong i luk ol samting ya.18Bambae hem i mas lego ol gudgudfala samting yawe hem i bin hadwok tumas from,nao bambae hem i no gat janisblong i harem gud long olgeta,19from we hem i no gat sorelong ol puaman,i stap mekem i strong tumas long olgeta,mo i stap holem ol haos blong ol narafala man i blong hem.20Oltaem hem i wantem karem plante samting,be neva hem i kasem mak we hem i wantem.21Man olsem i hanggri tumasblong holem evri samting,be from samting ya,oltaem, gudfala laef ya blong hemi no save stap longtaem.22Stret long taemwe hem i stap win tumas,ol trabol blong samting yabambae i flatemgud hem,i mekem hem i harem nogud tumas from.23Man olsem,i gud hem i gohedi stap kakae olsem we hem i wantem,from we God i kros finis long hem,mo bambae i panisimgud hem.24Sipos hem i traem ronwelong naef blong faetwe oli wokem long aean,be ara we hed blong hemoli wokem long brasbambae i kasem hem,nao bambae hem i foldaon.25Ara ya bambae i kasem hem,i gotru long bodi blong hem.Blad blong hem bambae i ron i golong hed blong ara ya we i saen gud,i stap drop, i godaon,nao bambae hem i fraetwe i fraet tumas.26Ol samting ya we hem i stap putumgudbambae oli lus evriwan.Faea we man i no laetembambae i bonem hemwetem olgeta famle blong hemoli ded.27Heven bambae i soemaot ol sinwe man ya i mekem,mo wol ya bambae i talemaotol poen agens long hem.28God bambae i kros,i spolem ol samting ya blong hem,olsem we wota i ron bigwan,i spolemgud olgeta.29“Hemia nao trabolwe i mas kasem ol man nogud.Hemia nao rod we God i makemaotse i blong olgeta.”
Bible Society of the South Pacific