Ibraayiib5
1Win fagiiriika oodehayi bitikii waasamiini, aree baruuh Ukwaasanaay ikatiin tehalaagay tankwiikwi jillaay waasamiini, baruuh miyaaw iniiw aree idanuubi jillaay karramamiini.2Baruuh uukna han nꞌakwuuyt, baruuh oodehay yꞌagimwa ikwidheenwa baliinee dehaay nꞌakwmanaayiiniyeet toona adgiriini.3Oon usabbii aree baruuh ooknaay danuubi jillaay karramamiini, oodehay irawi danuubi jillaay han karramamiini.4Oon whamooysiti gaal han uukna kiimri. Haaruun iifiyeet toonaatiit, baruuh ibakii Ukwaasanaay waliikamaab ikati.5Aflaay Umasiih han win fagiiri haay iiktiyeeb umatuun baruuh uukna miraab kiiki. Laakiin Ukwaasana bariiyooh dehaay,“Baruuk anii Oorwa,amsi ani Baabook akati.” idi.6Aree mhiin weernaay baruuh,“Baruuk daayim fagiiri tikatiya,Malkisaadikiit takwi tꞌiiteena iikti tindiya.” idi.7Yasuuꞌiib eembꞌi tubuuti kehii iifiyi door, baruuh Ukwaasana ubarooh tooyatii ishidhhiinaay dehaay siileeliya aree tageega hissii waawiya aree milootiya, aree baruuh Ukwaasanaay raakwanaabuuyt, Ukwaasana barooh imaasiw.8Baruuh oor iiktiyeek han, baruuh tilhanay tilhamaab iiktiyeenaatee tisnaakrooy allamamiya,9aree gaalhoob timmiimiyanihoob, kasseeh ibarooh isnaakiirnee dehaay baruuh umidhhan udaayimi gwꞌad dehaay iki10aree Ukwaasana barooh win fagiiri Malkisaadikiit takwi iiktim ikwaas.11Toon tunaatiib gwidaana niyadeet teefi, laakiin baraak willa kaꞌafhamtaanayt, toon batooh ifassartiyuuh akraabi.12Oon oodoor baraak koojaab tiiktiineet toonaatu, laakiin Ukwaasanaay ibhaliyi sidik lalaamsiiniib gaal tehariwna. Baraak aat shanha tikatiina, akraat mꞌari kitti.13Aatee kwarriibka, masi nisrik ikati, tushbooti allamtiib naat han kiikan.14Laakiin timꞌari tꞌakraat oodehay iwawinnaayeet tikati, baraah tudaayiinaaywa toomaagwa taktakee wawaaseeni jillaay igarooyeehna isookiinna.
The Seed Company