Ibraayiib4
1Shaawti, bariiteeh tifiinaniiti shuumti waadiya masi eefiyeek, aflaay nitdagwiigweet toonaatu, beet toona gaal han hookna biihagiil.2Usakana Udaayi han dehoon bhaliimiya, baraah han imaasiwna. Laakiin baraah imaasiwneet tudiigwat takweet hiiyyaab kiikeen. Imaasiwnihoob, batooh wꞌiimaani geeb agbilaab kiikeen.3Aflaay hinin yꞌaamanaab baliit tifiinanii Ukwaasana waadiyaayaab ikatiyeet shuumnay. Ukwaasana bak diyaabu,“Aflaay ani hasaayuuytii halafooyan,‘Baraah aniit tifiinanii door han shuumi kiidiin.’ adi.” diyaabi.Aree tuduniya daamtaneekka ushagaayuuh faayamiya.4Baruuh mhiin gaal tooyin tꞌasaramaatiib een ibhali hadiidiya: “Aree tooyin tꞌasaramaatiib Ukwaasana kassooh ushagaayiisooh fiiniya.” idi.5Aree baruuh masi toon toona hadiidiya, “Baraah aniit tifiinanii shuumi kiidiin.” idi.6Gali baliit tifiinanii shuumi iyadneet tuuna masi daatni. Baliin hankaab Usakana Udaayiib imaasiw sinaakraab kiikeenayt, tifiinanii shuumaab kiikeen.7Shaawti Ukwaasana masi weet yint idꞌiit “Amsi” iisim. Malya gwida doori harꞌii Daawidi miidalaabii bhaliiya, suur attiyoodiyaat toonaatiit:“Amsi, bariiyooh whiss teemsiiwneek, iginꞌaayeekna baasꞌakiirna.” idi.8Jooshiwa bareeh fiinaniit hiiyyaab iiktiyeek, Ukwaasana masi weet yintiib kahadiidiya.9Malya beentooy Ukwaasanaay udehayiit fiinaniiteet yint Toosab tikati.10Ukwaasanaayt tifiinaniiti shuumiiniibka, baruuh ushagaayooh ooknaay han fiiniini. Ukwaasana han ushagaayiisooh bak fiiniya.11Shaawti baliit tifiinaniiti shuumtii dehaay shagaamanayeet toonaati. Aflaay baliib tisinaakrooy iribniit dhibiyaan tꞌiiteena gaal han hoon dhibi kiidi.12Ukwaasanaay ibhali dhhaniiba aree diimaab eefeena, baraah malu ginnali bꞌadhdhiika hasikaaba. Baraah eenfiswa eeshuukwa han yꞌadhidhna, eebꞌiiwwa tumiigꞌoolwa yꞌadhidhna, iginꞌiit kwoonaniiwwa tiniyaawwa han yꞌadhidhna.13Ukwaasanaay igwꞌadee dhꞌimaana naat han kitehaay. Bariiyeeh igwꞌadi suurii naatka rhamtini aree lawtini, aree hinin barooh oosdik soonayeet toonaati.
Yasuuꞌa ifagiiriyaayi hadꞌa oowin
14Shaawti tageega win fagiiri tibreeteeb sakaab nibari, Yasuuꞌaab Ukwaasanaay Wꞌoor, hinin nitfadhiidheeb wꞌiimaan daayiib nꞌabikeet toonaati.15Win fagiiri hineeb inꞌakwiyeeb nꞌakwmanaatiib dehoon baabariib kinbari. Laakiin hinin gaal nibari kasseeh isalalaayee jarrabamiyaab, hinin han bak jarrabamna, laakiin baruuh maagnaayt gwibbaab kiiki.16Tinꞌimaateet hadꞌaayi akra ginꞌii nidawleet toonaati. Aflaay rhamaat nimeer nikati aree tishanhayti door nꞌimaat nimeer nikati.The Seed Company