Read Hosiya 8

Hosiya8

Aza a Isaraila a̱ ka̱sukpa̱i uye u Ka̱shila̱

¹Zuwa kavana a una̱ u nu, tsu kajimba,irala i ɗa̱ yi a̱ kucipa̱ a gaɗi vu uma a Vuzavaguɗu,adama a na uma a sula ta̱ uzuwakpani u va̱,ɗa a yaꞋankai wila̱ uva̱ ugbamiwasuvu.²A̱shika̱i wa̱ a̱ va̱,a kudana, <<Ka̱shila̱, a̱tsu aza a Isaraila tsu yeve wu ta̱.>>³Ama aza a Isaraila a iwan ta̱ ili i na yi i singai,adama a nannai irala yi ta̱ a kuguva le.⁴A zuwai ngono, ama n wu ushuki uva̱ ba.a zuwai aza e kelime ama ba n wu ushuki uva̱ ɗa ba.a yaꞋankai ka̱ci ke le a̱ma̱li n azurufa n azanariya e le,na lo wo okpo le ta̱ ili i munuka.⁵Avu Samariya n iwan ta̱ ka̱ma̱li ke medendem ka nanlo, ka na vu maꞋin.Wupa uva̱ wi ta̱ a kaci ka̱ nu.Ali wannai ɗa̱i vi a̱ kuka̱sukpa̱ kuyaꞋan ili yu unata?⁶Ka̱ma̱li ka ka aza Isaraila kaꞋa,kesheꞋwi kaꞋa ka yaꞋin kaꞋa.ka̱ma̱li kaꞋa Ka̱shile ka ba.ka̱ma̱li ka nanlo ki iyoci i medendem ma Samariya.i ta̱ kuɓoso kaꞋa.⁷Ɗa uma a Samariya a̱ ca̱Ꞌi ili i gbani,adama nannai i a kukyaꞋa ili ba.adama a na ilya i na yi kashani yi n aci ba,yi a kumatsa muku ba.ko i matsa baci, omoci a ɗa i a ku lyaꞋi ɗa.⁸O soɗongi aza a Isaraila ra̱ka̱,ama gogo na i ta̱ a̱ ka̱tsuma̱ ka uma,tsu ili i gbani.⁹Adama a na a laza ta̱ a kubana wa aza Asuriyatsu makparagi ma na mi a̱ ka̱ka̱ra̱sa̱ endeꞋin.tsugono tsa aza a Isaraila a uɓon u gaɗi a tsupa ta̱ ikebe.i kula̱nsa̱ we eri wa aza o yoku¹⁰Ko a na wo okpoi a tsupa ta̱ ikebe a uduniya,Mi ta̱ o kudoku kuɓolongu le.I ta̱ kpamu a̱ ku na̱mgba̱ ka̱tsuma̱,adama atakaci o mogono ma gbayin.¹¹<<A makyan ma na aza a Isaraila a uɓon u gaɗi i o kudoku kumaꞋa atali alyukaadama alyuka a kutakpa ku unushi,ta kpamu atali alyuka a nanlo okpoi ubuta̱ u kudoku kuyaꞋan unushi.¹²Ko kuyaꞋin ku ɗa baci n ɗanakai le wila̱ uva̱,ama ayin tutu a ɗika ta̱ u ɗa ili i savu.¹³A tsu pana ta̱ uyoꞋo u kuneke alyuka adama a ku takuma inyama,ama mpa Vuzavaguɗu n tsu pana uyoꞋo u le ba.Vuzavaguɗu wi ta̱ a kuciɓa n ka gbani-gbani ke le.mi ta̱ a kutakacika le adama unushi u le.Mi ta̱ a kuzuwa le o kubono a Masar.¹⁴Aza a Isaraila a cinukpai n vuza na u yaꞋin le,a maꞋin iꞋuwa i gbagbaꞋin,Aza a Yahuda feu a maꞋa ta̱ nshilya n likuci n a̱ bunda̱i.Ama mi ta̱ a̱ ku suku n akina a̱ likuci ya,ka̱ta̱ akina a o songu iꞋuwa yi ngono n le ma.>>