Kaiwo Riwangsoai6
Kaiwo aunau siai
1Nehu kaisung ne wau, masino inontarai manei kia fieai, tuti roa kawurua we bai kutu fio kiafo,tuti bohong kaiwo arerai ria mano dohongnafoi,2wau wobu waitepari na mantaung wau nemu kaiwone,tuti nemu kaiwo arerane tefu wau,3wau tawai kawurua, to mano dohong fi foi ne mambiriufo.Nehu kaisung ne wau, nari toninai we kaharai weru inontarai nani ne mambiriufo,ro weia, nari enemurorong tewawa tuti butangni we sawing wau weru nemu kaiwo arerai riatifo.4Wiro nemuboru paria uremu mamong fanai,tuti wiro kuhu uremurawa fanai,5wape wukahera tawing mantaung wau toyari rusa mano mito weru waiteparifoi,tuti toyari romuo sifo weru inontarai mano tefurifoi.6Inontarai mano uremu marira ne wau, ro we ananafoi,boti sauao fianai aino niarifo, ambori wowai.7Masino anananei wiro ne mano wenunggamiei manei kaha,ete mano dohong kaiwo parenta ete mananu fuba manei kaha,8i da sera we fiang we deraratai na kutu wemunudangfo,tuti da ria ne maniwowiri fosa, efanduhi fiang na kutu inontarai eteting fianangfoi.9Inontarai mano uremu marirane wau, bena pampangne?kidoni wori boa weru bena ne?10Boyo, “Ah, yena kuteai akawuruwo, urehu mamong,iminohi ikafa warahu tuti yena kuteai terai.”11Na kutu benafo, na tantuma nemu pari fi, toyari inontarai kerira da kawuru ma kia nemu fianggengfoi kiai,tuti nemu fianggeng demoyara kaha, toyari inontarai mano na ne fi mamunafo dewa nemu fianggengfoi kiai weru wau.12Inontarai kerira mano wiro wefia kahafoi,i mani da towana toninai na borongfo wiro medu tarai kaha,13i mani tetofa na mei ureng,tuti fiobabera awengfo tuti warakikehafo,14enerorongfoi mani soni na kaiwo tatofa, neo enetituaitai pampang we niari karirafo,tuti andino wedaya inontarai emamuna.15Ampefe na tantuma ambori sodai mararehafoi,na ahera i ambori tikai tuti mingganggung wiro weai nayai ahang kaha.16Fi karira wonang aino Yahwei enerireuane,wape kontai fi karira itu aino Yahwei enerorong wiro miaya kahai paria mani,17uremi tewafoi, taperemi tatofafoi,warangmi rika we inontarai mano wiro dohong sarawa kaha,18enemirorongno enemitituai fi karirafo,awemifo mito ahera we neo karirafo,19inontarai mano wiro medu mai kariri fio detioafo kaha,tuti mano wedaya ne doroi fosa emung wawerasa.20Nehu kaisung ne wau, boitawang fianai aino tamamu demi wau weafo,tuti wiro tawing fianai aino inamu deunau wau weafo fanai.21Wora fio etaunauane na enemurorongwai pampang,tuti tatarai we raori na ramukanangwai.22Kaiwo aunaufo wiwiaing wau na kutu ro fo,na kutu benafo deitawang wau,na kutu boafo i ambori medu ria wau.23Weo kaiwo ohong kaririane mani toyario padamarami, tuti kaiwo aunaufo mani toyario dansairai,kaiwo uarafo mani rangbo dohong arangfoi,24demang wedua wau weru wiwingno eharira fosa,tuti weru wiwingno wiro nemu wiwing kaha, mano borong mamisi we wau foi.25Wiro enemurorong sawai we ureng bohifo fanai,tuti dohonao mei ureng we wau mani maya weife.26Weo wiwing dirufoibaiti na fiang rewangguai bei,wape bena ria inontarai manei ne wiwingfoi mani baiti na numuaninuwai.27Netarai toyario inontarai manei kia adia na ne ansungfoi mani,adia dangso ne ansungfo28ete masino da sau adia karaisengfoi mani,dangso rarapu awerengfo.29Tonanai kontai, ambori dariai we inontarai mano dena ria inontarai siai manei ne wiwingfoi,inontarai mandoni dino niari tonana mani i wiro kiaharai weru aiboifo kaha.30Masino inontarai wewisi tuti kiamanana fiang mani,inontarai enemirireuwie?31Weo masino inontarai etafuri, todoni kontaio biai riwangnai beitu kiparai na fio kiamananawa fo.Nanai wedaya ne ra minohitutirafo kai, todoni kontaio dohongnai we biaitaifa.32Mandoni dino dena ria inontarai manei ne wiwingfoi mani, inontarai nani wiro enetituai kariri neo maifo kaha,inontarai mano niari tonananei niari karira we mantauni.33I ambori sobu kahai tuti enemirireuwi,mamayafo ambori nayai riati we fitawafa.34Weo wiwingfoi ne mangfoi ureng mutu, donio kesou fuba paria,tuti na rahida biai ne kesoufo mani, enewawu bereri paria.35I wiro miaya we fiea kaha, tuti masino waworiri na fikahutu fuba,i wiro fiotou kesoufo kaha.The Seed Company