Kaiwo Riwangsoai5
Kaiwo aunau kariri ohong we wiwing siai fanai
1Nehu kaisung ne wau, taramuo nehu awaine,fobera taramuwa we enemutituai kariri neo maio yeinauwane.2Ambori wau rutawangno nemitituai kariri neo maifo,tuti boromurawa wai derara fio aitawangnai werorongfo.3Weo wiwing dirufoi da ma wewori enemurorongwai, bororawafo mani mamisi toyari aniwa ne maing,tuti borong rorong yaifo mani sararebatai sewa weru maning,4wape i ambori pirandima toyario neopi,tuti i reisa toyari umbe reisa kurubong reisa reng.5Awengfo da kia wau to mararehafoi,awengfo wiwiaing wau to raimeri.6Wiro da to rangbo ra nai to arangfoi kaha,wiro deitawangna kaha na kutu i da na rangbo sarawafoi.7Ampefe nehu kaisung ne mea, metaramio yau,wiro mera waroi weru fianai aino imadurai we mea na borohune fanai.8Ro waroi weru wiwingfoi,tuti wiro rokefang to ne rahutu borongfo fanai.9Dohonao wonomu bengwa naife, weo bohong nemu taraio wekateiwai we wiwing diru fosa,tuti nemu fuina barangne futuayai na inontarai mano enewawu kahai warangfo,10tuti nemu ra wai dohonao inontarai siai etangnife,fi rurai weane dohonao suayai to inontarai mano boroangni kaha ne munufoi fe.11Ampefe na kutu munohi barang wereafo mani,wau ambori botuwa masino fimaninang dang nemu taraiwaia kiai.12Mayeai modu boyo, “Ah, iwebonggoi paria, wefiane fafongpa enehurireu kaiwo aunaune,tuti enehurorongnei deiai kaiwo uarane?13Wefianie wiro itarahuo nehu mantainau nesa,tuti tarahune wiro kefang we inontarai mano etaunau yau?14Adareti itawai to dadira fubafotuti nuhuruainso imamaya na inontarai bitoya euremi reafo.”15Ampefe bangpi na nemu rewangguaiwai terai,tuti bunung mereha na nemu nofiwai terai.16Beng kahai masino nemu merehawai tibata na rangfoi,wiro bohong nemu mayanawa we wiwing siai fanai.17Bento ampefe nani we mantaung wau terai,wiro we inontarai siai kaha.18Kadono nemu wiwing wai we mereha urengno kia mirising,tuti murarising ria wiwing mano rauti na kutu wekateifa,19netarai toyari rusa wiwing tuti kambing ureng bohi paria,kadono ne taraifoi dohong wau furaise pampang,tuti ne mayanafo dohong enemurorong sawai wei pampang.20Nehu kaisungne wau, wefianie bohong we wiwing dirufoi?Tuti wefianie bohong we faung wiwing mano wiro nemu wiwing kaha ne taraifoi?21Weo Yahwei deti inontarai ene koangfoi kiai,tuti inontarai ene rangno era naifoi kiai, I deti sauarai.22Fi karirao inontarai kerirafoi niarifo mani, finanai ambori tefu bera mantaungni,tuti i ambori suayai to waitepari sasario mantauni niarifo.23I ambori mireha weo wiro tarao kaiwo aunaune kaha,tuti ne bonggoi fiabai paria nani dino ambori kiari to rangbo kerirafoi.The Seed Company