Kaiwo Riwangsoai17
1Ang taung terai wape arang na mai, mahikai sewa weruang andowa tarai miaing wape munufoi sefang na mamuna.2Womingno enetituai kariri neo maifoi, ambori weparenta sau inontarai mano yu fi weifoi ne arikang dohong mamayafoi,woming nini kontai ambori yiwang arikangfoi we sobu fi weriria, kariri arikang siai fosa.3Emasi tuti perakinei mani, titua we suru na adiafoi ambori ukaisori,wape Yahwei dino titua inontarai enemirorongfoi ne.4Inontarai mano niari karirafoi dohong kariri kaiwo na boromi karirafoi,inontarai tetofafoi mani, tarao te boromi tatofafo.5Mandoni dino deikanggani inontarai mano ne pari fi foi mani, enerireu Yahwei mano niaririfoi,mandoni dino firaise na kutu inontarai siai sobu dadirafo mani, wiro kiaharai weru aiboifo kaha.6Mano enumi baibua fosa etaparanding ene tafuisa,tuti arikang fosa etaparanding ene wawafo suru.7Inontarai mano webonggoinei wiro mei we medu kaiwo bengne kaha,sewa aha mani inontarai mano atorinei wiro mei we medu kaiwo tatofa kaha.8Inontarai manei enetituaitai dohong fikahutufo, toyari kamiei ne harga dedaifoi,yoasoai we fikahutufo niariri ambori sobu fio enerorong dohong weafo.9Masino boyai nemu maniwowiri ne sarawane mani, enemuwawuti,wape modu kewawe ne sarawafo mani, nari nemu maniwowirifoi ambori mukatate muru.10Inontarai mano nunggamiei wewu tofongfoi sobu aunau bitoya na kaiwo uarai rabuang bei.Inontarai mano wiro miaya we aunawi kahafoi ohong aiboi piaring wei, wape ne bonggoifo nayai pampang.11Inontarai eharira fosa erurai pampang we etapa mano wenunggamieifoi,wape mano wenunggamieifoi ambori demi inontarai mano ureng mamangfoi dohong aiboi wesa.12Kanggung andowa memuna mano ne arikang niai mani, mahikai sewa werukanggung inontarai mano wiro miaya we aunawi kahafoi, na kutu niari fio bonggoifo.13Mandoni dino dohong bera inontarai siai ne bengfo na neo karirafo mani,karirafo ambori nayai pampang na ne munurorongfo.14Inontarai mano de memunafoi mani, netarai toyario fai merehafoi deda pampang,ampefe fotou madune ambori wiro mamuna fea kaha.15Inontarai mano kiutu kaiwo we sawing inontarai kerirafoi tuti inontarai mano dohong aiboi we inontarai mano mesifoi,uru mani Yahwei enerireu suru.16We fianie doi na inontarai mano wiro miaya we aunawi kaha warangfo? We wiori awaifo ne?Wefiea kaha, weo wiro enetituai maifo kaha.17Maniwowiri dentengfoi mani, enewawu tata pampang na rahida neungne,tuti doroifoi mani demang we fiata tata pampang na kutu tasobu dadirafo.18Inontarai mano dererai we biai kutu ne maniwowirifoi ne fio kia ria inontarai siaifoi,i mani wiro enetituai kariri neo maifo kaha.19Mandoni dino miaya serawe kaiwo mani niari sarawaifa,tonanai kontai we inontarai mano tewafoi miaya we deinawi ne fianggeng mahikaifo mani, ambori sobu dadirafo.20Inontarai mano enerorong serufoi mani, wiro sobu mai kaha,tuti inontarai mano tapereng sobaurafoi mani, ambori sawai to karira rorongfo.21Mandoni dino ne arikangfoi wiro miaya we aunawi kaha mani, enerorong fituayai,tuti arikang mano webonggoifoi ne dai enerorong firaise kaha.22Nemirorongno firaisenei toyari rawangno niari tane tarai denteng weru maninangfoi,wape nemirorongno fituayanei mani niari neina fanahang.23Mandoni dino na mamunggasai sobu doi baikutuaiwe medu kiutu kaiwo na wiro doarahana kaha mani, inontarai kerira dine.24Inontarai mano tefu kaiwo werorongfo deti terai we awaifo,wape inontarai mano wiro miaya we aunawi kahafoi enetituaifo wiro papaya kaha.25Arikang mano wiro miaya we aunawi kahafoi niari ne dai enerorong pirahai,tuti dohong inanai enerorong fituayai.26Wiro beng kaha, masino inontarai mano wiro dohong sarawa kahafoi biai fiwai,kontaio mano wenunggamiei tuti warang maifoi sobu aiboi mani wiro beng kaha.27Inontarai mano deitawangnai werorongfoi wiro medu funoma kaha,inontarai mano nemboru enetituai kaiwo medurafo mani nungkamiei wewu tofong.28Na kutu inontarai webonggoifoi nemboru mani, inontarai siai eteitarahio i mani inontarai sewai dine,tuti na kutu medu kahafo mani, inontarai siai eteitarahio i mani nunggamiei wewu tofong.
The Seed Company