EZEKIEL27
Ɔkpibiɛnɔ Itã Tiro
1Bosate Itɔ̃me ɔba me sɔ,2"Ɔturi awune ɔbi, kpɛ ɔkpibiɛnɔ ise i Tiro iso.3Ɣere Tiro, nwɔ mpia i ɔpo ɔri iso, mma nto maɖegu mma nsi i sipokpokpo gbodzoo kasɛkɔ̃ kuɣa sɔ, 'Nnɛgbe i Bosate Wɔ Nsiguso to ɔɣɛ ne:" 'O Tiro, asɛ aɣɛ sɔ,"Lobua loyigu kulɛ."4Atã fɔ karɔ̃ kume ɔkɛlɛ ta ɔpo ame.Fɔ maɖaɛdze ɔbara fɔ kulɛ ɔyi kukaakɔ.5Masu mabesibe ma mabɔrɛgu i Senir mabaragu fɔ sidziri ɔɖuɖu.Masu sedar mabɔrɛgu i Lebanonsi mabara nduisoibuɛ ɔdzirilakati matã-ɔ.6Siɖum dzɛ lobɔrɛ i Basanmasu mabara ku fɔ ɔkoloiwasidziri.Ne mabara fɔ kame ku sɛsɛimabara fɔ karɔ̃ ku adziri ne mafu sisogbɛ iso.7Mabara fɔ ɔkolo sikati ku ɔkati ɖɔbɔrɔa wɔ matsue ara mapia ɔbɔrɛ i Egiptefiɛ iɖe lɛ fɔ kameleɖukui.Fɔ sikati dzɛ masu mafu ara ɔɖe sirɛtɛa pɛɛ̃ gu bulune mabɔrɛgu sɛ̃ i Elisa ɔpokpokpo.8Marɛrɛ̃ ma lobɔrɛ i Sidon gu Arvad loɖe fɔ ɔkoloiwa marɛrɛ̃.O Tiro, fɔ kusɛ̃ marɛrɛ̃ ɔwe i ɔkolo ame, lɛ fɔ ɔpoisomasɛdze.9Gebal makpakpa kusɛ̃ maturi lowe i fɔ amelɛ marawedze si maledza nduisoibuɛ i ngbegɔ lonina.Ɔpo nduisoabuɛ gu wã ɔpoisomasɛdze ɔɖuɖuɔba maabua i kuɣaiɖe i fɔ ara iso.10" 'Persia, Lidia gu Put marɛrɛ̃ɔbara karabara lɛ makpakpɛ̃dze i fɔ ikuri ame.Masu ma akpirafɔra gu ibɔraakoto masa i fɔ abere iso,mabɔ-ɔ kuwarɛ gbaã.11Arvad gu Xelek marɛrɛ̃lonyɔ fɔ abere iso i ibaba biara.Gamad marɛrɛ̃ɔwe i fɔ adzarara ame.Masu ma akpirafɔra masa i fɔ abere iso maki malɔ.Mabɔ fɔ kulɛ sɔ kuyi kukaakɔ.12" ' Tarsis ɔɖegu-ɔ kuɣa ala fɔ ara karana gbodzoo ɔso. Manyuarã sikãfudza, ibɔrakpinaa, ibɔrabui gu sompi ku fɔ kuɣaiɖe ara.13" 'Greeki, Tubal gu Mesek ɔɖegu-ɔ kuɣa. Manyuarã masande gu ayiwa ara ku fɔ kuɣa ara.14" 'Bet Togarma marɛrɛ̃ ɔnyuarã karabara apɔngɔ, kakpã apɔngɔ gu mafiripɔngɔ itã fɔ kuɣa ara.15" ' Rode marɛrɛ̃ ɔɖegu-ɔ kuɣa, ne sipokpokpo gbodzoo ɔɖe fɔ masisi. Matã-ɔ kuso ku sisogbɛ gu kudziri kpinakpina.16" ' Aram ɔɖegu-ɔ kuɣa ala fɔ ara gbodzoo. Manyuarã rubin, sikati pɛɛ̃, ndzɛ matsue ara mapia, ɔkati ɖɔbɔrɔa sɛɛ, ita nɛ lofɔkuɣa marɔ sɔ koral gu koral rɛtɛa ku fɔ kuɣaiɖe ara.17" 'Yuda gu Israel ɔɖegu-ɔ kuɣa. Manyuarã kakpã ga lobɔrɛ i Minit gu araɖea ku tsitsere mɛrɛ̃mɛrɛã, maɣendu, nnɔĩ gu ayɛinɔĩ ku fɔ ara.18" ' Damasko, ala fɔ kuɣa ara gbodzoo gu ara karana siare ɔso ne, ɔɖegu-ɔ kuɣa i wain wɔ lobɔrɛ i Xelbon gu bɔisiwɛrɛ̃ dzɛ mabɔrɛgu i Zaxar.19"Ma Danse gu ma Greekise ma lobɔrɛ i Uzal ɔɣa fɔ kuɣa ara. Manyuarã ibɔrakpinaa mɔmɔ, kasia gu ɔkarɛkua ku fɔ kuɣa ara.20" ' Dedan ɔɖegu-ɔ kuɣa i sikundu dzɛ nsɛ masia i mabɔi kama masɛ iso.21" ' Arabia gu Kedar maɖeisoi ɔɖuɖu loɖe fɔ masisi. Maɖegu-ɔ kuɣa i sɛrɛrerɔ̃ abi, akpalasa gu masɛrɛtepu ame.22" ' Seba gu Raama kuɣamaɖese ɔɖegu-ɔ kuɣa ne manyuarã akɔrɔ̃kɔrɔ̃ra sɛɛ i wã agbã ɔɖuɖu ame gu atafɔkuɣa agbãagbã gu sikãrɛtɛa.23" ' Xaran, Kane gu Eden gu Asur gu Kilmad gu Seba kuɣamaɖese ɔɖegu-ɔ kuɣa.24I fɔ kuɣaame ne maɖegu-ɔ kuɣa i arapia wa nto alɛnyɔ, bulu sikati, ndzɛ matsue ara mapia gu makundu ma mapia kukua gbodzoo ku awɛĩ wa mawe fiɛ mapɛ akpo teteree.25" ' Tarsis nduisoabuɛ lobarafɔ kuɣaiɖe ara isore karabara.Ayigu ato wa mba ɔrɔrãi ɔpo iso.26Fɔ sikolomawadze ɔsu-ɔmakɛlɛgu ɔpo iso.Ɣɛɛ kuɣɛ̃kabɔrɛkɔ̃ ɔwiri to ɔ̃abibiɛ-ɔ pasapasadzoroo i ɔpo iso.27Fɔ karana, ara itã kuɣaiɖe gu ara,fɔ ɔkolo ame marabaradze, mma nsɛ makɛlɛ ɔpo iso gu mma nsɛ maledza ɔkolo,fɔ kuɣamaɖese gu fɔ makpakpɛ̃dze ɔɖuɖu,gu ɔturi ɔrere wɔ i ɔkolo ameto ɔ̃asɛ ndu dzoroo i ɔpo isoku iyi nɛ nduisoibuɛ ɔrɔ̃.28Nrɔ̃ mɛ i ɔpokpokpo to miatisi fɔ ɔpoisomasɛdze ɔbiɛ ku kulu.29Mma ɔɖuɖu nsɛ mala ɔkoloiwasidzirito maarui manyua ma nduisoabuɛ;nduisoibuɛ ame marabaradze, mma nsɛ makɛlɛ ɔpo iso ɔɖuɖuto maaya i ɔkpokpo.30Mato maakɔlɛ ma silɔ katomabiɛ ku isoma i fɔ iti.Mato masa ɔsebu mafere i ma ati isofiɛ mamelɛ̃ i ndɔ̃ ame.31Mato maakparɛ̃ ati ala fɔ ɔsofiɛ mato maapia ipundusikoto.Mato maabiɛ i fɔ iti ku ibɛbɛrɛ i kamefiɛ mato mamararã so ku isoma ibɛbɛrɛ.32Gɔ mato mabiɛ fiɛ mato mamararã so i fɔ iti ne,mato maapia sikpibiɛnɔ i fɔ iso sɔ:"Nna kowũ loɔwɔ i ɔpo ndɛ̃lɛ Tiro igbã ɔnya?"33Ɔwi wɔ i fɔ kuɣaiɖe ara ɔsɛ sipo iso ne,atã nɖebi gbodzoo ɔmi,ku fɔ karana gbodzoo gu fɔ ara neatã karɔ̃ iso magara ɔna karana.34Kiniɔ ne ɔpo ɔɔbibiɛ-ɔɔkɛlɛgu-ɔ ndu wodoroa kayirinɔ.Fɔ ara gu fɔ maturiɔɔsɛgu-ɔ ndu.35Sitsue ɔbɔrɛ mma ɔɖuɖu nsii ɔposikpokpo i fɔ iso.Ma magara ɔyigu itiikpakpa,fiɛ ma ntɔ̃ ɔkɛrɛ̃ ku ifɔ̃.36Kuɣamaɖese ma i nɖebi ame to mama-ɔ;ɔba aabo i kawirikɔ̃ nyanyariã,fiɛ aisibawe.' "The Seed Company