Hosea5
1CHAKRAMANG tek mih,“Aw uamowuüa, mami laiklow sünta büa diah.Aw Israeluüa, pe ching büa diah.Aw mang chenchapuüa, pe param büa diah.Tara chetra kowi enni kowi kingküala mih laiklow uang lawt khowk.Tawngplawng kowchow panow maru-uüa kowi Mizpa hai Tabawr kowi kowh arup aren kowi enni pe chupiiaah khai;naiawng hown maru-uüa kowi leng chak ia prakowi enni kruila khai.2Israel aluchowuüa dow lainowmma iang chang di khai.Naiawng rakowi amatni bowkbowk kowi ang naripah kown.3Efraim lawnguan kowi ang tuk bowk chekhai,now Israel paw ang hownia cham ia tapet dowi chekhai.Efraim dow chang iang khai,now Israel dow tasür talawk khai.4Amatni kowh angak rakowi amatni dow Thurai tut-e ia plan dowi bowt;amatni tut-e dow iang chang sak chowtaih uowi,now CHAKRAMANG kowi tuk büah dowi chekhai.5“Israel kowh bawrira dow aia kowi kingküaah mih saksi thuak pe khai;Efraimuüa hai Israeluüa dow amatni kowh angak rakowi natatheu kown,now Judauüa paw amatni hown natawi tatheu kown.6Amatni dow ruapur hai chia hawmh pawla now CHAKRAMANG kowi nakrawi cham kown;nachenganchepaw CHAKRAMANG kowi nakrum büah kown nadowi.Tawngplawng kowchow panow amatni hownia dow CHAKRAMANG cham süt khai bowt.7Amatni dow CHAKRAMANG tut-e kaah sakowm dowi bowt,amatni dow pen iang chah büah khai bowt.Naiawng rakowi amatni dow uang mih Lacher Pawi dowi rawn natapiak kown,amatni hai amatni kowh laih ün paw natapiak kown.8“Gibeah hai Rama kowi kowtum baw büa diah,now Beth-Aven kowi hek se enni natek kown mih,‘Aw Benjamin, tasenra kowi krui anging diah,’ pabüa diah.9Napeah ripra kown mih ni khe Efraim dow maru akhaw aklaima nauowi kown;naphaw ngengche kown mih dow Israel chenchapuüa pur kowi ang phuangah khai.10“Juda pren kowi kowh aluchowuüa dow rihi kowi kowh hua süt miuüa iawng chekhai.Amatni luk kowi dow ang kowh kunmaraura mih tuikling mangma iawng ang nauang pe lawtah kown.11Efraim dow aia low hown auan uowi dowi mih arup aren kung cham krawi khai.Naiawng rakowi aia dow nowng chang powng changra kham khai,now tara chetra kowi ün maru nünah khai.12 Efraim tut-e dow lowngsirin nachowua iawng ang na khai,now Judauüa tut-e dow akih lawt khowk mih uanh iawng ang chowng khai.13Efraim dow aia kowh rawka khi khai,now Juda dow aia kowh ma khi khai.Nami khin khe Efraim dow Asuria prakowi plan khai,now aia dow naka khowng kownkow mangkri tut-e kowchin maru khai.Nachenganchepaw aia kowi dow Asuria mang nanowng iungah kown nadowi,now aia kowh ma paw nanowng iungta pe kown nadowi.14Efraim hai Judauüa tut dow krangsi iawng ang naown kown;amatni kowi dow ang nadi nasekta naknak now ang napowtta kown.Amatni kowi dow ang nacham pawla kown;amatni kowi nauang lawngah kown mih amiapaw nauowi kown nadowi.15Amatni kowh angak taphuang dowi mowr mukuang kowi ang nakowuowi kown,ang prakowi pe ching büah dowi mowr ang matia kowh uowi rah kowi ang nakowuowi kown.Amatni dow akrat pusama hown nauowi kown;nami khin khe dow süngürma hown ang tut-e nauang plan büah kown,” pakhai.
The Seed Company