Matthew10
1आउर यीशु अपन बारहो चेलवन के अपना भीर बोला के, ऊ ओखनी के अशुद्ध आत्मावन पर अधिकार देलन, कि ओकरा निकासतन आउर सभे तरह के रोग आउर सभे तरह के बेमारी के चंगा करतन।2आउर ओखनी बारहो प्रेरितवन के नाम ई हे: पहिला, शमौन, जे पतरस कहलावऽ हे, आउर ओकर भाई अन्द्रियास; आउर जब्दी के बेटा याकूब, आउर उनकर भाई यूहन्ना;3फिलिप्पुस आउर बरतुल्मै; थोमा आउर चुंगी लेवे वाला मत्ती; हलफई के बेटा याकूब आउर तद्दै;4शमौन कनानी, आउर यहूदा इस्करियोती, जे यीशु के धोखा भी देलक हल।5यीशु ई बारहो के ई आदेश दे के भेजलन, आउर कहलन, “अन्यजातियन के इलाका में नऽ जईहऽ, सामरियन के कोई नगर में प्रवेश नऽ करिहऽ। 6बाकि एकर बदले, इस्राएल के घराना के भुलायेल भेड़वन के पास जईहऽ।7फिन चलते चलते ई प्रचार करिहऽ कि ‘स्वर्ग के राज निकट आ गेल हे।’8बेमार सभे के चंगा करऽ, मरलकन के जिलावऽ, कोढ़ रोगियन के शुद्ध करऽ, आउर दुष्टात्मावन के निकासिहऽ। तूँ सेंत-मेंत पईलऽ हे; सेंत-मेंत में दऽ।9अपन कमरबन्द में सोना, चाहे चाँदी, चाहे ताँबा नऽ रखिहऽ,10आउर नऽ ही यात्रा लागी झोली, आउर नऽ दूगो कुरता, आउर नऽ जूता, आउर नऽ ही लाठी लिहऽ, काहेकि मजदूर के अपन भोजन मिले के चाही।11बाकि जौन कोई नगर चाहे गाँव में तूँ प्रवेश करिहऽ, तऽ ऊहाँ के रहे वाला में से योग्य आदमी हे ओकर खोज करिहऽ, आउर जब तक ऊहाँ से नऽ निकलिहऽ तऽ उनका ही रहिहऽ।12आउर ऊ घर में प्रवेश कर के, ऊहाँ के रहे वाला के प्रणाम करिहऽ।13आउर जदि सचमुच ऊ घर योग्य होत, तऽ ओकरा में तोर शान्ति रहत। बाकि जदि ऊ योग्य नऽ रहत, तऽ तोर शान्ति तोरा भीर लौट आवत।14आउर जे कोई तोरा नऽ अपनावे आउर नऽ ही तोर बात नऽ सुनतन, तऽ ऊ घर चाहे शहर से निकल के, अपन गोड़ के धूरी झाड़ दिहऽ। 15हम तोरा से सच सच कहऽ ही कि न्याय के दिन ऊ नगर के हालत सदोम आउर अमोरा के नगर के हालत के जादे सहे योग्य होत।” 16देखऽ, हम तोरा भेड़वन के जईसन भेड़ियन के बीच में भेज ही, येहिगुने साँप के जईसन बुद्धिमान आउर कबूतर के जईसन भोला-भाला रहिहऽ।17बाकि लोग से होशियार रहिहऽ, काहेकि ऊ तोरा सभा में सौंपतन, आउर अपन आराधनालय में तोरा कोड़ा मारतन।18आउर ईहाँ तक कि हमर वजह से हाकिमवन आउर राजावन के सामने, उनका ला आउर अन्यजातियन के गवाह होवे ला ले जायल जईवऽ।19बाकि जखनी ऊ तोरा सौंप देतन, तऽ एकरा ला फिकिर मत करिहऽ कि तूँ कईसे आउर का बोलवऽ, काहेकि तोरा जे कुछ बोले ला होत, ऊ ओही घड़ी तोरा बता देवल जायेत।20काहेकि बोले वाला तूँ नऽ हऽ बाकि तोर माध्यम से तोर पिता के आत्मा बोलत।21अखनी भाई अपन भाई के, आउर बाप अपन बेटा के मरे ला सौंप देतन। आउर लईकन अपन माय-बाप के खिलाफ बगावत कर के उनका मरवा देतन। 22आउर हमर नाम के कारण लोग तोरा से दुश्मनी करतन, बाकि जे अन्त ला धीरज धरतन ओकरे उद्धार होत। 23बाकि जब कभी भी तोरा ई नगर में सतईतन, तऽ दोसर नगर में भाग जईहऽ, काहेकि हम तोरा से सच कहऽ ही कि जब तक तूँ इस्राएल के सभे नगर में पहुँच नऽ जईवऽ, कि ओकरा से पहिले आदमी के बेटा आ जईतन।24एगो चेला अपन गुरु से बड़गो नऽ होवऽ हे, आउर नऽ ही दास अपन मालिक से बड़गो नऽ होवऽ हे।25चेला लागी तऽ एही बड़ी हे कि ऊ गुरु के बराबर हो जईतन, आउर दास अपन मालिक के समान। जदि ऊ घर के मालिक के बालजबूल कहलन हे, तऽ ओकर घर वालन के आउर भी बुरा काहे नऽ कहतन? 26येहिगुने ओखनी से नऽ डरिहऽ। काहेकि अईसन कुछ झाँकल नऽ हे जेकरा प्रकट नऽ करल जाय, आउर कुछ छिपल नऽ हे जेकरा जानल नऽ जाय। 27जे हम तोरा से अंधार में कहऽ ही, ओकरा दिन के इंजोरिया में कहऽ, आउर जे बात तूँ कानो कान सुनऽ हऽ ओकरा छत पर से प्रचार करऽ।28आउर ओखनी से नऽ डरिहऽ जौन देह के मार सकल हे बाकि आत्मा के मार नऽ सकल हे। बाकि एकर बदले, उनकरे से डरिहऽ जे आत्मा आउर देह दूनो के नरक में नाश कर सकऽ हथन।29का एगो पईसा में दूगो गौरईयन नऽ बिकऽ हे? आउर तईयो तोर पिता के इच्छा के बिना ओकरा में से एक्कोगो गो जमीन पर नऽ गिर सकल हे। 30बाकि तोर माथा के बाल भी सभे गिनल गेल हे। 31येहिसे डरऽ मत; तूँ बड़ी सा गौरईयन से बढ़ के अनमोल हऽ।32येहिगुने जे कोई लोगवन के सामने हमरा मान लेतन, तऽ हमहूँ अपन स्वर्गीय पिता के सामने ओकरा मान लेम।33बाकि जे कोई लोगवन के सामने हमर इंकार करतन तऽ स्वर्ग में अपन पिता के सामने हमहूँ ओकरा इंकार करम।34“ई मत समझऽ कि हम धरती पर शान्ति करवावे अईली हे। हम मेल करवावे ला नऽ तलवार चलवावे ला अईली हे।35काहेकि हम एगो बेटा के ओकर बाप के खिलाफ, आउर एगो बेटी के ओकर माय के खिलाफ, आउर एगो पुतोह के ओकर सास के खिलाफ करवावे ला अईली हे।36आउर आदमी के दुश्मन ओकरे घर ही के लोग होतन। 37जौन आदमी अपन माय आउर बाप के हमरा से जादे प्यारा जानऽ हे ऊ हमर चेला बने के योग्य नऽ; आउर जौन आदमी अपन बेटा चाहे बेटी के हमरा से जादे प्रिय जानऽ हथन, ऊ हमरा लायक नऽ। 38आउर जौन कोई भी अपन क्रूस उठा के हमरा पीछे नऽ चलतन ऊ हमर चेला बने के लायक नऽ।39जे आदमी अपन प्राण बचावऽ हे ऊ ओकरा खो देतन, बाकि जे आदमी हमरा ला अपन प्राण दे हथन ऊ ओकरा पईतन।40जे कोई तोरा अपनावऽ हे, ऊ हमरा अपनावऽ हे, आउर जौन हमरा अपनावऽ हे, ऊ हमर भेजे वाला परमेश्वर के अपनावऽ हे।41जौन आदमी भविष्यद्वक्ता के भविष्यद्वक्तावन जान के अपनावऽ हे, ऊ भविष्यद्वक्ता के प्रतिफल पावऽ हे। आउर जे आदमी धर्मी आदमी के धर्मी जान के कबूल करे ऊ धर्मी आदमी के प्रतिफल पावत।42आउर जे कोई आदमी ई छोटकन में से छोटकन के हमर चेला जान के खाली एक कटोरा ठण्डा पानी पिलावे, तऽ हम तोरा से सच कहऽ ही, कि ऊ जरुर अपन प्रतिफल कहियो नऽ खोतन।”
Bridge Connectivity Solutions Pvt. Ltd.