Matthew9
1आउर फिन यीशु नाव में चढ़ के ऊ झील के पार गेलन आउर अपन नगर में अईलन। 2आउर देखऽ, ओखनी खटिया पर पड़ल एगो लकवा के मारल रोगी के उनका भीर ला रहलन हल। आउर जब यीशु उनकर विश्वास देखलन, तऽ ऊ लकवा के मारल आदमी से कहलन, “हे बेटा, हिम्मत रखऽ! तोर पाप के मांफ होल।”3आउर देख, केतना शास्त्री आपस में कहे लगलन, ई तऽ परमेश्वर के निन्दा करऽ हथन!4आउर यीशु, उनकर मन के विचार के जान के कहलन, का वजह हे कि तोहनी अपन मन में बुरा विचार कर रहल हे?5एकरा में से सहज का हे? ई कहना कि 'तोर पाप मांफ होल' चाहे ई कहना, कि उठऽ, आउर चलऽ फिरऽ?6बाकि येहिगुने कि तूँ जान लऽ कि आदमी के बेटा के पास, धरती पर पाप मांफ करे के अधिकार हे। फिन ऊ लकवा के मारल से कहलन, उठऽ, अपन खटिया उठावऽ आउर अपन घरे चल जो!7आउर ऊ उठ के अपन घरे चल गेल!8अब जखनी भीड़ ई देखलक, तऽ ऊ डर गेलन। आउर ओखनी लोग के अईसन अधिकार देवे लागी परमेश्वर के बड़ाई करे लगलन।9आउर जखनी यीशु ऊहाँ से होके जा रहलन हल, तऽ ऊ मत्ती नाम के एगो आदमी के चुंगी के चौकी पर देखलन, आउर यीशु उनका से कहलन, हमरा पीछे होलऽ। आउर ऊ उठ के उनका पीछे चल देलक।10फिन अईसन होल कि यीशु एगो घर में खाना खाय ला बईठल हलन, आउर देखऽ, बड़ी चुंगी लेवे वाला आउर पापी लोग, आके यीशु आउर उनकर चेलवन के साथे भोजन करे ला बईठल हलन। 11आउर ई देख के फरीसियन उनकर चेलवन से कहे लगल, “का वजह हे कि तोर गुरु चुंगी लेवे वाला आउर पापियन के साथ भोजन करऽ हथन?”12बाकि यीशु ई सुन के कहलन, “चंगा लोग के वैद्य के जरुरत नऽ होवऽ हे, बाकि बेमार लागी होवऽ हे।13बाकि जा के, सिखऽ कि ई का हे: हम बलिदान नऽ बाकि दया चाहऽ ही। काहेकि हम धर्मियन के नऽ बाकि पापियन के बोलावे अईली हे।” 14तब एक दिन यूहन्ना के चेलवन यीशु भीर आके उनका से कहलन, “का कारण हे कि हम आउर फरीसियन जादेतर उपवास करऽ ही, बाकि तोर चेलवन उपवास नऽ करऽ हथन?”15आउर यीशु उनका जबाब देलन, “जब तक दूल्हा उनका साथ हथन, तब तक बाराती शोक नऽ मनावऽ हे, का अईसन करऽ हे? बाकि अईसन दिन आवत जखनी दूल्हा से ओखनी दूर करल जायेत आउर ऊ घड़ी ओखनी उपवास करतन।16अब पुराना कपड़ा पर नया कपड़ा के पेवन्द तऽ कोई नऽ लगावऽ हे। काहेकि ऊ कपड़ा से आउर कुछ खींच ले हे, आउर ऊ जादे फट जा हे।17आउर नऽ ही लोग ताजा दाखरस के पुराना थैला में भरऽ हथन। नऽ तऽ ऊ थैला में फट जा हे। एकर बदले, लोग नया दाखरस नया थैला में भरऽ हथन, आउर दाखरस आउर थैला दूनो बचल रहऽ हे।”18जौन बखत यीशु ई कहऽ हीं रहलन हल, तऽ देखऽ, नगर के एगो यहूदी सरदार आके उनका झुक के दण्डवत करलन। फिन कहलन, “हमर बेटी अखनी तुरन्त मरल हे! बाकि आके अपन हाथ ओकरा पर रख दऽ, तऽ ऊ जिन्दा हो जायेत।”19तऽ उठ के यीशु आउर उनकर चेलवन ऊ आदमी के साथे चल देलन।20आउर देखऽ, एगो औरत जेकरा बारह साल से लगातार लहू बहे से दुःख हल, यीशु के पीछे से आके उनकर कपड़ा के कोरी के छू लेलक।21काहेकि ऊ मन में कह रहल हल, “जदि हम यीशु के कपड़ा के छू लेम, तऽ हम चंगा हो जायेम।”22बाकि यीशु मुड़ के ओकरा देखलन आउर कहलन, “हे बेटी! हिम्मत रखऽ, तोरा विश्वास तोरा चंगा अईलक हे।” आउर ऊ औरत ओही घड़ी चंगा हो गेल।23यीशु ऊ सरदार के घर में आके अंतिम संस्कार लागी बाँसुरी बजावे वालन के आउर भीड़ के हुल्लड़ मचईते देख के,24कहलन, चल जा, लड़की अखनी मरल नऽ हे, बाकि सुतल हे! बाकि लोग उनकर हँसी उड़ावे लगलन।25बाकि यीशु भीड़ के बाहर निकले ला कहलन, फिन यीशु अन्दर आके लड़की के हाथ पकड़लन जहाँ लड़की पड़ल हल आउर ऊ लड़की जिन्दा हो गेल।26आउर ई बात के चर्चा ऊ समूचे इलाका में फैल गेल।27जखनी यीशु ऊहाँ से चले लगलन, तऽ दूगो आंधर आदमी उनकर पीछे-पीछे ई पुकारते आउर कहते अईलन, हे दाऊद के संतान, हमरा पर दया करऽ!28जखनी यीशु घर में अईलन, तऽ ऊ आंधर आदमी उनका भीर अईलन, तऽ यीशु ओकरा से कहलन, का तोरा विश्वास हे कि हम ई कर सकली हे? ओखनी उनका से कहलन, “हाँ, प्रभु।”29तऽ ऊ उनकर आँख छू के कहलन, “तोर विश्वास के मुताबिक तोरा ला हो जायेत।”30आउर ओकर आँख खुल गेल आउर यीशु ओकरा ई कह के चेतईलन, “देखऽ, तूँ एकरा बारे में केकरो नऽ बतईहऽ।”31बाकि ओखनी बाहर जा के पूरा देश में एकर प्रचार कर देलक।32जखनी ऊ जा रहलन हल, तऽ देखऽ, लोग एगो गूंगा आदमी के जेकरा में दुष्टात्मा हल उनका भीर लईलन। 33आउर जखनी दुष्टात्मा के भगा देवल गेल, तऽ ऊ गूंगा आदमी बोले लगल, आउर भीड़ अचरज कर के कहे लगल, इस्राएल में अईसन कहियो नऽ देखल गेल!34बाकि फरीसियन कहे लगलन, “ई तऽ दुष्टात्मा के सरदार के मदत से प्रेतात्मा के निकासऽ हे।”35आउर यीशु सभे गाँव आउर नगरवन में घूमते-फिरते आराधनालय में उपदेश करते रहलन आउर राज के सुसमाचार के प्रचार करते रहलन आउर सभे बेमारी आउर कमजोरी के चंगा करते रहलन।36फिन भीड़ के देखके ओखनी पर तरस खईलन, काहेकि ओखनी ऊ भेड़वन के जईसन हलन जेकर कोई चरवाहा नऽ हल, ओईसे बेचैन आउर भटकल हलन। 37तऽ ऊ अपन चेलवन से कहलन, “पैदावार तऽ बड़ी हे, बाकि मजदूर थोड़ा हे।38येहिगुने, ईमानदारी से फसल के काटेला प्रभु से प्रार्थना करऽ, ताकि ऊ अपन खेत के काटेला मजदूर भेज देतन।”
Bridge Connectivity Solutions Pvt. Ltd.