Matthew11
1आउर अईसन होल कि जब यीशु अपन बारहो चेलवन के ई आज्ञा दे चुकलन, तऽ ऊ ओखनी के गलील प्रान्त के नगरवन में प्रचार करे ला आउर उपदेश देवे ला ऊहाँ से चल गेलन।2फिन जखनी यूहन्ना जेल में मसीह के काम के बारे में सुनलन आउर अपन कुछ चेलवन के भेजलन।3ऊ चेलवन यीशु से पूछलन, “जे आवे वाला हे का ऊ तूँही हऽ, कि हमनी कोई दोसर के इंतजार करूँ?” 4आउर जबाब दे के यीशु ओखनी से कहलन, “जे कुछ तोहनी सुनल हे आउर देखल हे, जा के यूहन्ना के बता दऽ।5कि हम आंधर फिन से आँख पावऽ हे, आउर लँगड़न चलऽ फिरऽ हे कोढ़ी शुद्ध करल जा हे, बहिरन सुनऽ हे, आउर मुरदा के जिन्दा करल जा हे। आउर गरीबवन के सुसमाचार सुनावल जा हे।6आउर धन्य हथन ऊ लोग, जे हमरा कारण ठोकर नऽ खईतन।”7जखनी ओखनी अपन राह पर चल गेलन, तऽ यूहन्ना के बारे में यीशु भीड़ से कहे लगलन, “तूँ जंगल में का देखे ला गेलऽ हल हवा से हिले वाला सरकण्डा के?8बाकि तूँ का देखे ला बाहर गेलऽ हल मुलायम कपड़ा पेहेनले एगो आदमी के? देखऽ जे लोग मुलायम कपड़ा पेहनऽ हे, ऊ तऽ राजा के महल में रहऽ हथन।9बाकि तूँ का देखे ला बाहर गेलऽ हल एगो भविष्यद्वक्ता के? हाँ! हम तोरा से कहऽ ही, आउर भविष्यद्वक्ता से भी बड़का के।10ई ओही हथन, जिनकर बारे में पवित्रशास्त्र में लिखल हे लिखल हे कि, ‘देखऽ, हम अपन दूत के तोर आगे-आगे भेज रहली हे, जे तोर आगे तोरा लागी अपन राह तईयार करतन।’ 11हम तोरा से सच कहऽ ही कि जेतना औरत से जनम लेलन हे, ओखनी में यूहन्ना बपतिस्मा देवे वाला से बड़ा कोई नऽ होलन। बाकि जे स्वर्ग के राज में छोटा से छोटा हे, ऊ भी ओकरा से बड़ा हे।12बाकि यूहन्ना बपतिस्मा देवे वाला के दिन से लेके अब ला, स्वर्ग के राज अत्याचार से पीड़ित रहले हे, आउर अत्याचारी लोग एकरा बलजोरी छीन ले हथन।13काहेकि यूहन्ना तक सभे भविष्यद्वक्तावन आउर व्यवस्था स्वर्ग के राज के बारे में भविष्यद्वाणी करते रहलन हे;14आउर जदि तूँ ई माने ला चाहऽ हऽ, तऽ ई ओही एलिय्याह हथन जे आवे वाला हथन। 15जिनकर सुने ला कान हे, ऊ सुन लेतन।16अखनी हम ई पीढ़ी के तुलना केकरा से करूँ?ऊ ऊ लईकन के जईसन हे जे बाजार में बईठ के एक दोसर के पुकार-पुकार के17कहऽ हथन, ‘हम तोरा ला बाँसुरी बजईली, आउर तूँ नऽ नाचलऽ। तऽ हम रोवे लगली, आउर तूँ छाती नऽ पीटलऽ।’18काहेकि यूहन्ना तऽ नऽ खईते अईलन आउर नऽ पीते, आउर ओखनी कहऽ हे, 'उनका में दुष्टात्मा हे!'19आदमी के बेटा, खईते आउर पीते अईलन, आउर ओखनी कहऽ हे कि ‘ऊ आदमी के देखऽ, जे पेटू आउर पियक्कड़ हथन, आउर लगान वसूले वाला के आउर पापियन के दोस्त हथन!’ बाकि बुद्धि के उनकर संतान के द्वारा न्यायसंगत ठहरावल गेल हे।”20तऽ यीशु ऊ नगरवन के डाँटे लगलन, जेकरा में ऊ बड़ी सा चमत्कार करलन हल, काहेकि ओखनी पछतावा नऽ करलन हल। तऽ ऊ ई कह के ओखनी के डाँटे लगलन,21“हे खुराजीन, तोरा पर हाय! हे बैतसैदा, तोरा पर हाय! काहेकि जेतना चमत्कार तोरा में करल गेल, जदि ऊ सोर आउर सीदोन नगर में करल जायेत हल, तऽ ओखनी बड़ी पहिले टाट ओढ़ के आउर राख पर बईठके पछतावा कर लेतन हल।22तईयो, हम तोरा से कहऽ ही कि परमेश्वर के न्याय के दिन तोर हालत सोर आउर सीदोन के हालत के जादे सहे योग्य होत।23आउर तूँ, कफरनहूम, तूँ स्वर्ग तक ऊँचा नऽ करल जईवऽ, का तूँ करल जईवऽ? तूँ तऽ अधोलोक तक नीचा करल जईवऽ, काहेकि जेतना चमत्कार तोरा में करल गेल हे, जदि सदोम में करल जायेत हल, तऽ ऊ आज के दिन ला बनल रहत हल। 24तईयो हम तोरा से कहऽ ही कि न्याय के दिन तोर हालत से सदोम देश के हालत जादे सहे योग्य होत।”25ओही घड़ी जबाब दे के यीशु कहलन, “हे पिता, तूँ स्वर्ग आउर धरती के प्रभु, हम तोर स्तुति करऽ ही कि ई बात के ज्ञानवान आउर समझदार से छिपईले रख लऽ, आउर लईकन पर ई बात के परकट करलऽ।26हाँ, हे पिता, काहेकि तोरा सामने येही भावे वाला बलिदान हल।27हमर पिता के द्वारा ई सभे चीज हमरा सौंप देवल गेल हल; आउर पिता के अलावे कोई भी बेटा के नऽ जानऽ हे, आउर बेटा के अलावे कोई पिता के नऽ जानऽ हे, आउर जे कोई पर बेटा ओकरा परकट करे ला चाहऽ हे।28हे सभे मेहनत करेवालन आउर भारी बोझा से दबल लोगवन, हमरा भीर आवऽ; हम तोरा विश्राम देम।29हमर जूआ अपना ऊपर उठा लऽ आउर हमरा से सिखऽ काहेकि हम नम्र आउर मन में दीन ही, आउर तूँ अपन मन में विश्राम पईवऽ।30काहेकि हमर जूआ आसान आउर हमर बोझा हल्का हे।”
Bridge Connectivity Solutions Pvt. Ltd.